Месец: м.г

На 26.08.2016 година во Агенцијата за млади и спорт на Р. Македонија се одржа прес конференција по повод заминувањето на параолимписката репрезентација на Р. Македонија на Параолимписките игри во Рио- Бразил 2016 година. Во присуство на директорот на агенцијата за млади и спорт г-дин Марјан Спасески и членовите на параолимписката репрезентација на Р. Македонија, македонските претставници Оливера Наковска Бикова и Ванчо Каранфилов, селекторот и тренер Бранимир Јовановски, техничкиот секретар Драган Дојчиновски, доктор на репрезентацијата Др. Елвис Алексовски и помошен тренер Александар Келешов, се искажа благодарност до Агенцијата за млади и спорт, Министерството за труд и социјална работа и Владата на Р. Македонија и неколкуте приватни спонзори меѓу кои и специјалната болница по хируршки болести “Филип Втори” и веледрогеријата “Фила Фарм”. Беше нагласено дека целта на нашите натпреварувачи е влез во финале, а влезот во финале дозволува борба и за медал.

По завршување на прес конференцијата, натпреварувачите Оливера Наковска Бикова и Ванчо Каранфилов беа донесени во ПЗУ Филип Втори, каде им беа извршени комплетни систематски лекарски прегледи и лабораториски испитувања. Приемот и организацијата на прегледите беа спроведени од медицинскиот директор др. Тања Анѓушева- супспецијалист кардиолог, а прегледите ги извршија др. Иван Милев- супспецијалист кардиолог, др. Шпенд Идризи- супспецијалист кардиолог и дипл. инженер по биохемија Александра Црвенпанова. Со ова уште еднаш се потврди високо професионалната, хуманистичка ориентација на специјалната болница по хируршки болести “Филип Втори” и на Академик Др. Жан Митрев кој со големо задоволство се приклучи во логистиката на параолимписката репрезентација на Р. Македонија.

Среќно и Ви посакуваме остварување на една голема Ваша победа, победа на која сите ќе се радуваме, победа за Македонија!

Во вторникот на 23.08.2016 година, тимот на специјалната болница Филип Втори постави своевиден нов рекорд во транспортот на критично болни пациенти, транспортирајќи пациент со политраума на релација Скопје-Удине (Италија) на растојание од 1102 км. Во транспортот на пациентот учествуваа Д-р Илија Нешковски- специјалист интернист, Весна Наумоска-  медицинска сестра -анестетичар и Слободан Јордановски- возач.

Благодарение на највисокото ниво на опременост на амбулантното возило на специјалната болница по хируршки болести “Филип Втори” и обученоста на  медицинскиот персонал беше изведен транспорт на пациент со политраума, фрактура на двете подлактици и компресивна фрактура на дванаесетиот торакален пршлен. Транспортот помина во најдобар ред  и пациентот беше предаден на колегите во болницата во Удине (Oespidale civile-Udine) во добра општа состојба. Иако е ова рекордно растојание, не е прв пат тимот на Филип Втори да реализира транспорт на критично болни пациенти на големи дистанци. Имено, ваков транспорт на критично болен пациент беше реализиран и минатата година на релација Скопје-Загреб.

Во период од 25- 29.07.2016 во организација на Медицински Универзитет во Грац Австрија под покровителство на Ломан и Раушер, се одржа меѓународна летна школа за современ третман на рани .

На летната школа присуствуваа околу 25 претставници од Русија, Турција, Саудиска Арабија, Иран, Филипини, Хрватска, Србија , како и Др. Еди Стерјо како претставник од Македонија како дел од тимот на Др.Жан Митрев.
Целта на летната школа е обезбедување на едукација како и стандарди за правилен третман и грижа за раните.
Во склоп на летната школа се одржаа  секојдневни предавања со приказ на случаи за третман на хронични рани како и работилници за примена на вакум терапија во третман на истите.
Од научните предавања беа опфатени неколку категории поврзани со менаџмент при третман на рани и тоа :

Физиологија на заздравување на рана
Проценка на хронични и акутни рани како и документирање на истите
Стандарди за третман на рани
Хируршки и нехируршки третман на рани.
Примена на негативен притисок во третман на рани
Третман на изгореници

Организатори на летната школа за современ третман на рани беа :
Prof. Lars-Peter Kamolz M.D. M.Sc,   од Клиниката за пластична и реконструктивна хирургија при Медицински Универзитет Грац
Prof. Erwin Petek M.D., Ph.D. од Институтот за хумана генетика при Универзитетот во Грац

Предавачи во скоп на летната школа :
Prof. Barbara Binder M.D.
Prof. Lars-Peter Kamolz M.D., M.Sc.
Prof. Erwin Petek M.D., Ph.D.
Maurice Tomka, M.D.
Prof. Michael Schintler M.D

По завршувањето на летната школа секој од кандидатите доби домашна задача за третирање и документирање на 3 хронични рани, како и полагање тестови на интернет.
По успешно комплетирање на домашната задача како и успешно совладаниот тест, секој кандидат треба да добие сертификат во оригинал кој ќе биде пратен по пошта.
Со самото присуство на летната школа исто така секој од кандидате се здоби со отпочнување на МАSTERS студии кои постои можност да се продолжат во наредниот период со повторно гостување на школите кои Медицинскиот Унуверзитет ги организира.

Во специјалната болница по хируршки болести „Филип Втори“ е примен маж на 47 годишна возраст поради губиток на свеста и гушење во утринските часови. Две недели претходно се жалел на болки во десната нога, на кои необрнал внимание. Поради ехокардиографско сомнение за белодробна тромбемболија, направена е итна компјутерска томографија, каде се визуелизира масивна белодробна емболија со гранично дилатирани десно срцеви кавитети (слика 1).  Вклучена е тромболиза со Алтеплаза по протокол за белодробна тромбемболија. После завршување на тромболитичната терапија, продолжено е со антикоагулантна терапија. Поради болките во десната нога направен е Доплер на вени, кој е со наод за тромб во организација на десна поплитеална вена. Контролната 256-МСКТ пулмонална ангиографија е со наод за значителна регресија на белодробната тромбемболија (слика бр. 2). Пациентот беше отпуштен од болница во добра здравствена состојба, десет дена после приемот во болница.

Слика број 1:

Белодробна емболија пред тромболиза

Слика број 2:

Состојба после белодробна емболија и тромболиза

Пет годишно девојче со невролошки испади на левата нога е дојдено во нашата болница од Република Судан, Африка.  Пред 2,5 години кај девојчето  се појавил отежнат од на левата нога. Испитувано било во повеќе болници во различни држави. Притоа биле направени многу испитувања. Дијагноза не била поставена.

Во потрага по дијагноза и терапија за својата ќерка, родителите на девојчето одлучиле да го доверат здравјето на својата ќерка на тимот на д-р Жан Митрев.

Кај пациентката беа направени невролошки, ортопедски и кардиолошки испитувања. Направен беше 256-МСКТ на глава. Според невролошките испитувања се постави сомнение за едно многу ретко заболување. За потврда на дијагнозата земена е крв за генетски и лабораториски анализи. Лабораториските анализи го потврдија нашето сомнение.

Бидејќи е ова ретко и недоволно испитано заболување, вклучена е терапија со хипероксигенација.

Поставувањето дијагноза, како и вратениот апетит, насмевка и сјај во очите на малото девојче се причина за големата благодарност на родителите кон тимот на Филип Втори предводени од акад. Д-р Жан Митрев.

И оваа година, од 3-ти до 8-ми август се одржа шестиот по ред Летен камп “Моето срце во сите бои” на кој што учествуваа деца кои во ФИЛИП ВТОРИ имале интервенции или операции на срце заедно со нивните родители. Кампот се одржа во заедничка соработка со Црвениот крст на град Скопје во прекраснот амбиент на одмаралиштето Солферино во Струга.

Низ опуштени, кративни работилници волонтерите на Црвениот крст во координација со тимот на психолози од Филип Втори заедно со децата создадоа весела и разиграна атмосфера од што произлегоа прекрасни ликовни творби, но и повеќе од тоа. Овие работилници им овозможија на децата да креираат нови прекрасни пријателства, да добијат поддршка и да ги истражат нивните потенцијали. Од овој камп произле и можност за идни другарувања.

Низ структурирана групна работа, психолозите од ФИЛИП ВТОРИ Фросина Ристовска и Илија Дојчиновски, со родителите обработија теми од посебен интерес за нив како што се мапирање на нивните потреби и родителствувањето. Д-р Дијана Попевски одржа едукативно предавање во кое ги запозна со природата на вродените срцеви маани, а акцент стави на спецификите за унапредување на квалитетот на живот кај нивните деца по интервенциите или ооперативните зафати.

Се надеваме дека и со овој летен камп, ФИЛИП ВТОРИ помогна во рушење на табуата поврзани со вродените срцеви маани и сплоти дел од семејствата кои поминувале низ слична животна приказна. Продолжуваме и понатаму да го трасираме патот кон нови успешни интервенции токму кај најмладите и нивните семејства.

Постдуралната пункциона главоболка е јатрогена компликација на спиналната анестезија и е резултат на пункција на тврдата мозочна обвивка.
Знаците и симптомите на постспиналната пункциона главоболка се резултат на истекување на мозочна течност ( ликвор) и намалување на притисокот на мозочната течност.
Најважни фактори кои влијаат на фреквенцијата и јачината на главоболката се возраста на пациентот и големината и дизајнот на употребената спинална игла (големината на дуралната перфорација ) и искуството на анестезиологот .
Игли со големина 25 G, 26G и 27G кои се најдобри за спинална анестезија.
Главоболката и болката во долниот дел на грбот (резултат на ширење на лигаментарните структури) се доминантни симптоми кои се јавуваат по акцидентална пункција на дура. Во 90% случаи се јавува во првите три дена од процедурата и 66% започнуваат во тек на првите 48 h. Поретко, се јавува по 5 -14 дена по процедурата. Главоболката може да е присутна и веднаш по пункцијата. Во тој случај истата треба да го насочи анестезиологот да размислува за друга причина.
Постспиналната главоболка се опишува како јака, неподнослива, непулсирачка болка, обично челно-тилна која може да се шири кон грбот и рамениците. Понекогаш може да е присутна и вкочанетост на грбот. Болката се засилува при движење на главата и при станување во исправена положба , а се намалува при легнување. Зголемување на интензитетот на главоболката при станување и намалување при повторно легнување е најзначајна особина на постдуралната главоболка.
Може, но не мора да биде придружена со гадење, повраќање, вртоглавица, слабост и парестезии на скалпот и болки во рацете и нозете. Понекогаш се можни и видни пореметувања.
Дијагнозата се поставува клинички лесно кога постои историја на постурална главоболка, болки во грбот и присуство на неуролошки симптоми. Добро земена анамнеза, обично, е доволна. Кога постои дилема дали се работи за постспинална главоболка потребни се и дополнителни испитувања.
Третман:
Без третман 85% од главоболките исчезнуваат во тек на 6 недели.
Нормалното хидрирање на пациентот треба да се одржи за да се зголеми создавањето на мозочна течност со што ќе се компензира истекувањето на ликворот низ перфорираната дура. Лежење во кревет првите 24 часа после спинална или епидурална анестезија се смета за една од корисните методи за намалување на постспиналната главоболка.
Од аналгетиците најчесто помагаат наркотичните аналгетици и ацетаминофенот.
Лек на избор е кофеинот, во вид на таблети или пијалоци. Кофеинот предизвикува констрикција на проширените крвни садови во мозокот. Таблетите кафетин се ресорбираат добро во тек на 30 минути и ја минуваат крвно-мозочната бариера. Една шолја кафе содржи 100 мг кофеин, а пијалоците 35-50 мг.
Ако главоболката не се смирува со конзервативен третман тогаш се практикува т.н епидурален blood patch (крвна лепенка). Земената крв од вена на пациентот се вбризгува низ епидурален катетер. Механизмот е уфрлениот волумен на крв да се се залепи за обвивката каде постои перфорацијата и да го спречи понатамошното истекување на мозочна течност.