Месец: м.г

Во постојаните напори да се унапреди здравствената услуга за граѓаните во Zan Mitrev Clinic се вбројува и оформувањето на супспецијалистичката нефролошка единица предводена од професор д-р Нинослав Ивановски, супспецијалист нефролог и специјалист по трансплантациска медицина за бубрежна трансплантација. Комплексноста на секојдневните кардиохируршки зафати и другите интервентни процедури кои се изведуваат на Клиниката како и бројните опсежни рентгенографски иследувања со контраст често пати имаат за последица транзиторни бубрежни оштетувања кои бараат специјален надзор, следење и соодветен третман. Токму овде се наметна потребата од дополнителен нефролошки надзор со цел превенција и вистински третман на овие нарушувања за истите да поминат без некоја позначајна последица во однос на интегритетот на бубрезите и нивната функција.

Од 1 јуни 2018 година, во целосната подготовка и следење на болните се вклучува и нефролошката единица со сета своја компетентност и професионалност. Така целокупниот комплексен третман на болните со кардиоваскуларна патологија се дополнува и со мерки за заштита и конзервација на бубрежната функција.

Освен тоа, од аспект на современата медицина, се повеќе се наметнува мислењето дека хроничните болести се комплексни во кои се вклучени многу системи во организмот. Така кардиоваскуларната патологија, дијабетот, атеросклерозата итн. еднакво ги напаѓаат не само срцето и големите крвни садови туку и бубрезите, црниот дроб, мозокот и белите дробови. Сета таа комплексност бара и соодветен надзор и лекување.

Zan Mitrev Clinic е во постојан напор да обезбеди високо професионална интегративна функција која ќе значи пред сè безбедност на болниот, негово оздравување и негова целосна лична и професионална рехабилитација.

Покрај вклучувањето на нефролошката единица (нефролог) во секојдневната пракса на следење и лекување на болните кои развиле или се со зголемен ризик да развијат бубрежни компликации, таа се занимава и со лекување и следење на посебни бубрежните болни. Покрај искуството на професорот Нинослав Ивановски, клиниката има услови да дијагностицира, лекува и следи болни со различна проблематика од бубрежната патологија како што се:

• Болни со артериска хипертензија
• Болни со акутен или хроничен гломерулонефрит
• Болни со покачен креатинин во која било фаза на хронична бубрежна болест
• Болни со дијабет и дијабетична нефропатија
• Болни со вродени и стекнати мани на уринарнит тракт
• Болни со бубрежна калкулоза и опструктивна нефропатија
• Болни со бубрежни инфекции
• Болни со бубрежна патологија во рамка на гравидитет
• Болни со трансплантиран бубрег
• Подготовка на потенцијални дарители и реципиенти за трансплантација на бубрег

Посебна вредност е и присуството на развиена и високоспецијализирана уролошка заштита која е веќе етаблирана во рамка на болницата. Воведувањето на нефролошката единица покрај уролошката служба ќе донесе вистински интегрален пристап кон болестите на генитоуринарниот тракт во целост. На овој начин клиниката поседува неопходен и компетентен кадар и за трансплантационата медицина со што Zan Mitrev Clinic може да извршува и дејности од овој највисок облик на современата медицина.

И оваа година, од 9-ти до 15-ти јули се одржа традиционалниот летен камп „Моето срце во сите бои – HEROES‘ CAMP“ на којшто учествуваа деца кои имале интервенции или операции на срце во ZANMITREV CLINIC заедно со нивните родители, браќа и сестри. Како таков кампот се одржува за првпат во 2008 година. Кампот е во заедничка соработка со Црвениот крст на град Скопје и се одржа во прекрасниот амбиент на одморалиштето „Солферино“ во Струга.

Низ опуштени, креативни работилници волонтерите на Црвениот крст во координација со тимот на ZANMITREV CLINIC кој се состои од психолози – психотерапевти, лекар и од лани и физиотерапевт заедно со децата создадоа весела и разиграна атмосфера низ која секое дете успеа да добие многу работи за себе. Пред сè овие работилници им овозможија на децата да креираат нови прекрасни пријателства, да добијат поддршка и да ги истражат нивните потенцијали. Од овој камп произлегле и можности за идни другарувања, а благодарение на тимот на Црвен Крст децата имаа можност да научат како правилно да се подготват за на планина и да пробаат како се прави премин преку река и што значи безбедноста.

Имајќи предвид дека дишењето ни е најголемата поддршка, Блаже Арсов, физиотерапевт од нашата болница низ разиграна работилница со децата и волонтерите работеше на техники на правилно движење, моторика на тело и координација, три битни аспекти од развојот на секоја индивидуа. Работилница со иста тематика, креирана за возрасни лица беше одржана и со родителите.

Низ структурирана групна работа, психологот и психотерапевт Фросина Ристовска со родителите обработи теми од посебен интерес за нив како што се мапирање на нивните потреби, грижата за себе за подобра грижа за другиот и комплексноста на комуникацијата во родителствувањето. Воедно низ сите работилници со децата имаше можност за работа на нивните здрави потенцијали и градење на самодоверба.

Д-р Петар Угуров, одржа едукативно предавање за родителите и сите заинтересирани во кое ги запозна со природата на вродените срцеви маани, а акцент стави на спецификите за унапредување на квалитетот на живот кај нивните деца по интервенциите или оперативните зафати.

На овој камп имавме доволно време за интензивна работа на себе, едукација, релаксација и дружење. Од се по нешто. Се надеваме дека и со овој летен камп, ZAN MITREV CLINIC помогна во рушење на табуата поврзани со вродените срцеви маани и сплоти дел од семејствата кои поминувале низ слична животна приказна. Продолжуваме и понатаму да го трасираме патот кон нови успешни интервенции.

 

Срцевата слабост настанува кога срцето не е во состојба да испумпува доволно крв за да ги задоволи потребите на човековиот организам. Ова е дефиниција дадена од Националниот институт за Срцеви и белодробни заболувања. Постојат неколку потенцијални причинители на срцевата слабост. Срцевата слабост може да биде предизвикана од срцев инфаркт, коронарна артериска болест, хипертензија, дијабет, обезност. Многу често хемотерапијата, големиот стрес–како резултат на микроангипатија, дури во некои случаи и самиот акт на породување кај бремената жена може да доведе со појава на срцева слабост. Начинот на живот, пушењето, физичката неактивност, се дополнителни ко-фактори во настанувањето на ова заболување. Генетската предиспозиција т.е. наследните фактори исто така имаат голема улога.

Краток здив, замор, отоци на нозете (тремор на рацете и нозете) се последица на ослабена срцева функција, како знак на срцева слабост.

Жан Митрев Клиник има воведено специјален програм за следење на пациентите со срцева слабост каде со примена на последните водичи за лекување на овие пациенти има голем успех. Веќе има листа од 20-тина пациенти на возраст од 30- до 60 години кои се во терминален стадиум на срцевата слабост и кои според последните препораки би требало да бидат кандидати за примена на помагала за подобрување на левокоморната функција т.н.р асист дивајси. Условите и техничката опременост на клиниката а пред сè едуцираноста на персоналот се неопходни во третманот на овој тип на пациенти

Третманот на срцевата слабост може да биде конзервативен со примена на медикаменти и промена на животните навики секако со редовни лекарски контроли. За оние пациенти кои се во напреден стадиум задолжителен е болнички мониторинг и во зависност од причината и тежината на болеста примена на кардиохируршки третман.

За пациентите кои развиле срцева слабост поради коронарно заболување, хируршкиот третман од типот на бајпас хирургија во комбинација со реконструктивна хирургија на левата комора покрај медикаментниот третман е основата на лекувањето на овој тип на пациенти.

Доколку се работи за друг тип на стекната срцева слабост каде коронарните крвни садови се уредни и медикаментозниот третман веќе не е ефективен се применува помагало за подобрување на срцевата работа што се вика асист дивајс, и пациентите се подготвуваат за трансплантација на срце.

Жан Митрев Клиник со своето 18 годишно искуство, со над 20.000 операции на отворено срце и третман на 450 пациенти со исхемична дилатативна кардиомиопатија, покажа голема одговорност кон своите пациенти, следејќи ги со редовни контроли и водејќи ги во секојдневието. За тоа сведочат самите пациенти кои редовно доаѓаат на контроли а во изминативе години биле оперирани во нашата клиника.

Јовановски Ѓоргија беше опериран на 20. јуни во 2001. Во моментот на прием пациентот беше донесен во тешка срцева слабост последица од терминалниот стадиум и ненавремено лекуваната коронарна болест. Денеска сведочи за тоа што му се случило.

Во слична ситуација се нашол и Афет Дураку од Тетово на кој на 26. Јануари 2007 год. му беа направени 4 бајпаса. Пациентот на 45 години беше донесе во кардиоген шок, после преземените реанимациони мерки поставената интраортна балон пумпа итно беше внесен во сала.

Игор Стефановски датум во нашата болница бил опериран на 20. Јуни. 2014, пациентот е донесен во кардиоген шок без дишење, итно е реанимиран, поставена е интраортна балон пумпа, стабилизиран и внесен во операциона сала. Пациентот имаше многу слаба лева комора. После направената операција и после 15 дена се стабилизира. Отпуштен од болницата беше после 1,5 месец.

Едукација и практична работа под водство на сестрите во Zan Mitrev Clinic.