Месец: м.г

Кратковидост или миопија е оштетување на видот кое ги засега како возрасните така и децата, а се манифестира со недоволно квалитетено, односно недоволно прецизно гледање на предметите на далечина.
Генерално, миопијата може да се развие во различни периоди од животот. Некој се раѓа со миопија, други ја стекнуваат подоцна во детството или адолесценцијата, а некои стануваат кратковиди подоцна во животот.
Ова оштетување на очите најчесто започнува кај децата на училишна возраст поради промена на нивните животни навики. Тие се повеќе време поминуваат во училишните простории, во домот или други затворени простории, со намалена дневна светлина. А и времето кое го поминуваат на своите електронски уреди како мобини телефони, таблети и слично се згплемува. На тој начин се зголемува потребата од фокусирање на ситни предмети само блиску, читање и слични задачи при кои очите треба прецизно да ги обработат. Доколку се појави миопија таа веднаш станува забележлива.

Миопијата кај децата може да биде предизвикана од неколку причини по кои и се разликуваат типовите на кратковидост.
Вродената миопија е поврзана со пречки во развој на окото додека бебето се развива во утробата на мајката.

• Наследната миопија се појавува кај детето доколку едниот или двајцата родители се кратковиди.
• Стекнатата миопија често пати е предизвикана од неодговорност на родителите кои им овозможуваат на децата од рана возраст постојано користење на дигитални уреди и други слични практики кои влијаат негативно на видот и состојбата на очите.
  Појавата на миопија кај деца помали од 7 години значително го зголемува ризикот за прогрес кон високи диоптриски вредности. Кон ова треба да се додаде и тоа дека се помалку децата се изложени на природна дневна светлина која помага да се спречи развојот на миопијата.

Претераното мижуркање е еден од знаците за миопија, состојба во која предметите во близина можат јасно да се видат, но оние коишто се далеку не. Офталмолозите велат дека миопијата не е болест туку девијација од нормалното. Нејзината зачестеност е се поголема, па Светската здравствена организација проценува дека од неа до 2050 година може да биде засегната дури половина од светската популација. Колку што е миопијата потешка, толку потешки можат да бидат и последиците доколку не се лекува. Една од нив е аблација на мрежницата. Затоа е важно што поскоро да се постави дијагноза. Офталмолозите тоа ќе го утврдат со внимателен преглед на окото и рефракција на светлината, која помага во фокусирање на предметите и ако е потребно ќе одреди соодветна диоптрија со цел да се исправат ретракциските грешки во окото.

Иако миопијата не може целосно да се спречи, нејзината прогресија може да се контролира. Редовните очни прегледи се клучни за следење на промените во видот и соодветно прилагодување на корективните леќи.
Aктивностите на отворено, ограничувањето на времето поминато на екранот и одржувањето на урамнотежена исхрана богата со витамини се неопходни за здравјето на очите. Истите помагаат да се забави прогресијата на миопијата, особено кај децата. Обезбедете урамнотежена исхрана со витамини А, Ц и Е.
Не заборавајте редовно да го проверувате здравјето на вашите очи со цел тие да останат здрави, а видот чист и прецизен.

Закажете го вашиот преглед на 02 3091 484

Во знак на одбележување на Светскиот ден на предвремено родени бебиња, помош и поддршка за малите херои и нивните семејства, Клиника Жан Митрев на 17 ноември се осветли во виолетова боја. Оваа година се одбележува под мотото „Мали дела, ГОЛЕМ ИМПАКТ: Непосреден контакт кожа на кожа за секое бебе, секаде“ што ја потенцира важноста од оваа техника која се покажува како ефективна, особено за предвреме родените бебиња.

Предвремено родените бебиња се најмали но истовремено и најголемите борци и затоа секој 17 ноември се одбележува со разни активности со цел да ја подигне свесноста за предвременото раѓање и предизвиците со кои се соочуваат децата и семејствата.

Предвременото раѓање е глобален проблем кој се јавува во сите држави на светот. А статистиката вели дека едно од 10 бебиња се раѓа предвреме. Според Светската здравствена организација за предвреме родени бебиња се сметаат оние кои се родени пред завршување на 37мата гестациска недела (ГН) од вкупно 40 на целосна бременост.
Сите овие бебиња се изложени на ризик од различни здравствени компликации. Затоа на овој ден, се организираат различни активности, вклучувајќи кампањи, семинари и настани за поддршка. Крајната цел е да се создадат подобри услови за предвремено родените деца и да им се обезбеди правилен развој, а истовремено да се подигне свеста во јавноста за предизвиците и потребите на овие мали борци.

Одбележувањето на овој ден е важен чекор кон подобрување на животот на предвремено родените деца и нивните семејства, нудејќи им надеж и поддршка во нивниот пат кон здрав развој, раст и благосостојба. Затоа активностите поврзани со прематурните бебиња во Клиника Жан Митрев продолжуваат во текот на цел ноември.
Неодамна во Клиника Жан Митрев се отвори Центарот за мајка и бебе и досега, природно и со царски рез се родени 5 бебиња. Центарот за мајка и бебе, располага со најсовремената опрема од врвни светски производители и искусен медицински тим кои се на располагање во секое време за грижа за мајката и бебето во сите фази од бременоста и по неа.

Мали дела, ГОЛЕМ ИМПАКТ

Светскиот ден на предвремено родените деца се одбележува секој 17 ноември и има за цел да ја подигне свесноста за предвременото раѓање и предизвиците со кои се соочуваат децата и семејствата.
Оваа година тој се одбележува под мотото: Мали дела, ГОЛЕМ ИМПАКТ: Непосреден контакт кожа на кожа за секое бебе, секаде. Ова всушност ја потенцира важноста од оваа техника која се покажува како ефективна, особено за предвреме родените бебиња.

Предвременото раѓање е глобален проблем кој се јавува во сите држави на светот. А статистиката вели дека едно од 10 бебиња се раѓа предвреме.
Сите овие бебиња родени пред 37 недела од бременоста се изложени на ризик од различни здравствени компликации. Затоа на овој ден, се организираат различни активности, вклучувајќи кампањи, семинари и настани за поддршка. Крајната цел е да се создадат подобри услови за предвремено родените деца и да им се обезбеди правилен развој, а истовремено да се подигне свеста во јавноста за предизвиците и потребите на овие мали борци.
Одбележувањето на овој ден е важен чекор кон подобрување на животот на предвремено родените деца и нивните семејства, нудејќи им надеж и поддршка во нивниот пат кон здрав развој, раст и благосостојба.

Значењето на ,,кенгурирање,, кај предвремено родени деца

Методот кожа на кожа познат и како ,,кенгурирање,, е важна стратегија во грижата за предвремено родените деца. Оваа метода вклучува директен контакт кожа на кожа меѓу новороденчето и неговиот родител, обично мајката. Тој има бројни придобивки, кои се особено значајни за развојот и благосостојбата на предвремено родените деца.

Придобивки:

1. Топлина и удобност: Контактот кожа на кожа помага да се регулира температурата на телото на новороденчето, што е од витално значење, бидејќи предвремено родените деца не можат да ја одржуваат својата телесна температура.
2. Подобрен процес на хранење: Оваа метода поттикнува доење, што е клучно за хранењето и имунитетот на бебето. Контактот со мајката стимулира производството на млеко и го олеснува хранењето.
3. Психоемотивна поврзаност: Кенгурирањето помага во создавањето на силна емоционална врска меѓу родителот и детето. Оваа блискост придонесува за развој на чувството на безбедност и сигурност кај бебето.
4. Подобрување на здравствените параметри: Истражувањата покажуваат дека овој метод може да доведе до пократко време на хоспитализација, намалена стапка на инфекции и подобрување на здравствените параметри во развојот на детето.
5. Намалување на стресот: Како за родителите, така и за бебето, овој метод помага во намалување на стресот и анксиозноста, создавајќи спокојна средина.

Кенгурирањето е многу значајно за предвремено родените деца, нудејќи им физичка, емоционална и нутритивна поддршка. Примената на оваа метода не само што подобрува здравствените резултати, туку и го зајакнува родителството и создава посебна врска помеѓу мајката и бебето. Затоа, охрабрувањето за примена на оваа метода е клучно кај предвремено родените деца.

Благодарение на интердисциплинаринот приод и помошта од анестезиолозите, нашиот стоматолошки тим спроведе санацијата на забите со седација кај лице со посебни потреби. Ова овозможи брз, безболен, мирен и безбеден тек на целиот зафат.
Родителите ни ги раскажаа нивните претходни трауматични искуства и не можеа да го скријат задоволството од оваа посета на нашиот центар за стоматологија.

Нашата д-р Синоличка Џамбазова – специјалист отропедски хирург, хирург за рака, уште еднаш успешно ја примени својата иновативна метода. На пациентот ова му е втор ваков зафат. Претходно беше спроведен на десната, а сега и на левата рака, со што беа отстранети последиците од Дипитренова контрактура од 4 стадиум.
Имено за оваа процедура позната како иглеста фасциотомија д-р Џамбазова има добиено повеќе награди од кои последната беше Прва награда во светот за 2023 година.
Клиниката Жан Митрев е еден од ретките центри каде оваа техника се применува во најтешките стадиуми од болеста.

Версиус, иновативниот хируршки роботски систем, дизајниран да врши роботска хирургија со минимален пристап, денеска беше презентиран во Клиничката болница Жан Митрев. Македонската стручна, медицинска јавност преку презентација на перформансите беше запознаена со најмалиот хируршки робот, кој може да извршува лапароскопски и минимално инвазивни процедури и со чие користење бенефит имаат и пациентите и хирурзите и сите медицински професионалци.
Версиус технологијата претставува дигитален интерфејс помеѓу хирургот и пациентот. Се состои од работна конзола која ја управува хирургот и 4 крака од кои во едниот е камерата, а во останатите инструментите. Сите краци/раце се модуларни и во целост ги имитираат движењата на човечката рака (рамо, лакт, рачен зглоб). Може да функционираат независно, но работат сите заедно/синхронизирано (триангулација). Роботската процедура ја намалува загубата на крв, болката по извршените оперативни зафати, како и времето за опоравување на пациентот.
Версиус служи како помошник на хирурзите во најразлични области од медицината, а најмногу во делот на урологијата, лапароскопска хистеректомија, гастроентерохепатологијата и гинекологијата, во случаи кога се користи лапароскопски или минимален пристап, каде што зафатот се изведува преку серија мали засеци во кои се вметнува опремата, нешто што е недостапно за милиони луѓе ширум светот.
Версиус е изум на британската компанија Cambridge Medical Robotics Surgical, со чија помош досега се извршени повеќе од 20 илјади процедури во повеќе од 20 држави.
Клиничката болница Жан Митрев секогаш се стреми кон усовршување на техниките на работа преку воведување и користење на најиновативни методи, следејќи ги последните чекори од новата дигитална ера во сферата на медицината, од која најголемиот бенефит го имаат пациентите.

Според Американската асоцијација за дијабетес (АДА) предијабетесот претставува состојба на покачени нивоа на глукоза во крвта над нормалните вредности, но кое сеуште не се доволно високи за да бидат категоризирани како дијабетес. Пациентите со дијабетес речиси секогаш го поминале периодот на предијабетес, најчесто без да забележат било каква промена. Ризик факторите за појава на предијабетес, во основа се идентични како и факторите за дијабетес. Тука спаѓаат возраст над 45 години, позитивна семејна историја за дијабетес, покачена телесна тежина (проследена со хиперинсулинемија или инсулинска резистенција), присутен метаболен синдром (покачен крвен притисок, покачен холестерол и телесна тежина), физичка неактивност и слично.
Симтомите може, но и не мора да бидат присутни. Најчесто се јавуваат симптоми како кај дијабетесот, сува уста, жед, често мокрење, зголемен внес на храна итн., а може да се јави и некоја од компликациите што се јавуваат кај дијабетесот.

Предијабетесот се манифестира во две состојби: нарушена гликемија на гладно и нарушена глукозна толеранција. Нарушената гликемија на гладно се дијагностицира со евидентирани покачени гликемиски вредности на гладно со уреден наод на оралниот глукоза толеранс тест. Додека кај нарушената глукозна толеранција, имаме повисоки вредности од нормалата во вториот час при оралниот глукоза толеранс тест, но сепак пониски од 11.1 mmol/l. Кај дел од пациентите може да бидат присутни и двете состојби во исто време.

За дијагноза се користат следните критериуми: измерена гликемија на гладно од 5.61 mmol/l – 6.91 mmol/l, вредност на гликолизиран хемоглобин ХбА1ц 5.7% – 6.4% и вредност на гликемија измерена во вториот час при орален глукоза толеранс тест од 7.81 mmol/l – 11.1 1 mmol/l.
Најчесто префиксот ”пре” во називот на предијабетес дава потценувачки ефект во смисла на целокупното значење на оваа состојба која се прифаќа доста несериозно, па дури и се заборава дека воопшто постои. Треба да се знае дека во оваа фаза веќе започнува процесот на оштетување на малите крвни садови на срцето, очите, мозокот, бубрезите. Според Американската асоцијација за дијабетес, овие пациенти имаат постојан ризик да развијат дијабетес тип 2 (25-40% ризик во наредните 5 години) и зголемен ризик од кардиоваскуларна болест.

Добрата вест е што оваа состојба може во целост да се повлече и организамот да се врати во здрава хомеостаза или во намала рака да се одложи појавата на дијабетес за подолг рок.
Со намалување за 5-7% од вкупната телесна тежина и редовна умерена физичка активност (30 минути дневно во тек на 5 дена од неделата) ризикот за појава на дијабетес значително се намалува, а состојбата на предијабетес се повлекува.

Во Клиниката Жан Митрев стоиме на располагање за навремено да го дијагностицираме предијабетесот и правилно да интервенираме, за што поскоро да се вратиме на вистинскиот здрав пат.