Нашата д-р Синоличка Џамбазова – специјалист отропедски хирург, хирург за рака, уште еднаш успешно ја примени својата иновативна метода. На пациентот ова му е втор ваков зафат. Претходно беше спроведен на десната, а сега и на левата рака, со што беа отстранети последиците од Дипитренова контрактура од 4 стадиум.
Имено за оваа процедура позната како иглеста фасциотомија д-р Џамбазова има добиено повеќе награди од кои последната беше Прва награда во светот за 2023 година.
Клиниката Жан Митрев е еден од ретките центри каде оваа техника се применува во најтешките стадиуми од болеста.
Месец: м.г
Версиус – малиот робот кој оперира со минимален пристап беше презентиран во „Жан Митрев“
Версиус, иновативниот хируршки роботски систем, дизајниран да врши роботска хирургија со минимален пристап, денеска беше презентиран во Клиничката болница Жан Митрев. Македонската стручна, медицинска јавност преку презентација на перформансите беше запознаена со најмалиот хируршки робот, кој може да извршува лапароскопски и минимално инвазивни процедури и со чие користење бенефит имаат и пациентите и хирурзите и сите медицински професионалци.
Версиус технологијата претставува дигитален интерфејс помеѓу хирургот и пациентот. Се состои од работна конзола која ја управува хирургот и 4 крака од кои во едниот е камерата, а во останатите инструментите. Сите краци/раце се модуларни и во целост ги имитираат движењата на човечката рака (рамо, лакт, рачен зглоб). Може да функционираат независно, но работат сите заедно/синхронизирано (триангулација). Роботската процедура ја намалува загубата на крв, болката по извршените оперативни зафати, како и времето за опоравување на пациентот.
Версиус служи како помошник на хирурзите во најразлични области од медицината, а најмногу во делот на урологијата, лапароскопска хистеректомија, гастроентерохепатологијата и гинекологијата, во случаи кога се користи лапароскопски или минимален пристап, каде што зафатот се изведува преку серија мали засеци во кои се вметнува опремата, нешто што е недостапно за милиони луѓе ширум светот.
Версиус е изум на британската компанија Cambridge Medical Robotics Surgical, со чија помош досега се извршени повеќе од 20 илјади процедури во повеќе од 20 држави.
Клиничката болница Жан Митрев секогаш се стреми кон усовршување на техниките на работа преку воведување и користење на најиновативни методи, следејќи ги последните чекори од новата дигитална ера во сферата на медицината, од која најголемиот бенефит го имаат пациентите.
Редовните контроли – клучни за навремено откривање и решавање на заболувањата на простатата
Кога зборуваме за машкото здравје и современиот начин на живеење, најчесто споменуваниот орган кој страда е простатата.
Простатата е дел од машкиот репродуктивен систем и се наоѓа веднаш под мочниот меур. Низ овој орган поминува делот од уринарниот тракт по напуштањето на мочниот меур. Простатата има различни функции, од кои најважна е да произведува дел од семената течност. Простатата има и ендокрина функција, што значи дека лачи и хормони. Простата е комплексен орган кој бара внимание и доколку почуствувате проблеми не смеете да ги игнорирате, туку треба да појдете на преглед кај уролог. Проблемот може да биде брзо и едноставно решлив, но честопати може да се работи за сериозно заболување како простатитис, бенигна хиперплазија на простатата (БХП) па дури и рак на простата.
Секоја од овие болести е крајно опасна за секој маж и бара посебно медицинско внимание, без одлагање!
Кои се ризик факторите за заболување на простатата?
Истражувањата покажуваат дека генетските фактори во семејството, хормоните, исхраната, пушењето и консумирањето алкохол значително може да го зголемат ризикот од развој на заболувања на простатата.
Болести на простата
-Простатитисот е воспаление на простатата и е најчесто поврзан со одредена бактерија. Вообичаените симптоми вклучуваат: болно или тешко мокрење и хронична болка во препоните, карличната област или гениталиите. Доколку не се лекува навреме, простатитисот може да предизвика сериозни проблеми и тоа обично се забележува кај сексуално активни мажи. Третманот го одредува доктор уролог согласно видот и силината на воспалението.
-Бенигна хиперплазија на простатата (БХП)
Ова е болест карактеристична за мажите по 40 година од животот кога простатата почнува постепено да расте. Особено, внатрешниот дел на простатата може да се зголеми, а жлездата на простатата, која вообичаено е со големина на костен, може да достигне големина на јаболко или дури и портокал. Токму оваа состојба се нарекува бенигна хиперплазија на простатата (БХП). Вообичаените симптоми вклучуваат: болки и неможност за мокрење.
Првиот чекор во третманот на бенигна хиперплазија е секако посета на уролог со цел прецизна дијагностика по што ќе следи лекување.
-Ракот на простата
Ова е болеста која најстрашно звучи кога се зборува за машкото здравје. Всушност ракот на простатата претставува неконтролирано растење на клетките во жлездата на простатата. Вообичаените симпроми се: неможноист за мокрење, крвава урина итн.
Опасноста од пробивање на овие клетки низ капсулата што ја опкружува простатата е голема и токму таа состојба може да стане опасна, па дури и по животот на самиот маж! Ракот на простатата, за разлика од бенигното зголемување на жлездата на простатата, не настанува од центарот на простатата, туку од регионот блиску до капсулата, подалеку од центарот. Иако ракот на простата има бавна прогресија, сепак треба будно да се следи и навремено да се реагира.
Кучни се редовните контроли, барем еднаш годишно доколку немате симптоми или веднаш доколку ви се појави било каква болка, проблем со мокрење и слично.
Освен уролошкиот преглед, потребно е да се направи и ПСА тест, како и тест за PHI индекс .
Овој тест се прави преку крвна анализа и го мери количеството на простата-специфичен антиген.
Зошто токму овој орган е на удар последниве неколку децении и што би можеле да направиме превентивно?
Брзиот начин на живот, секојдневната преопреретеност со обврски и нередовниот животен стил имаат огромно влијание, бидејќи тие го наружуваат функционирањето на целиот организам, па и самата простата. Затоа препораките се едноставни. Одржувајте нормална телесна тежина преку внесување здрава исхрана и практикување редовна физичка активност. Конкретно, дебелината и прекумерната телесна тежина, се предизвикувачи болестите на простатата. Истражувањата покажаа дека генетските фактори од семејството, хормоните, исхраната, пушењето и консумирањето алкохол може да го зголемат ризикот од развој на заболувања на простатата. Бидејќи најважни се фамилијарните ризици, се препорачува редовно годишно следење за сите мажи по 50 годишна возраст, особено оние со семејна историја на рак на простата, во однос на ризикот од рак на простата.
Направи чекор напред во борбата против дијабетесот!
Според Американската асоцијација за дијабетес (АДА) предијабетесот претставува состојба на покачени нивоа на глукоза во крвта над нормалните вредности, но кое сеуште не се доволно високи за да бидат категоризирани како дијабетес. Пациентите со дијабетес речиси секогаш го поминале периодот на предијабетес, најчесто без да забележат било каква промена. Ризик факторите за појава на предијабетес, во основа се идентични како и факторите за дијабетес. Тука спаѓаат возраст над 45 години, позитивна семејна историја за дијабетес, покачена телесна тежина (проследена со хиперинсулинемија или инсулинска резистенција), присутен метаболен синдром (покачен крвен притисок, покачен холестерол и телесна тежина), физичка неактивност и слично.
Симтомите може, но и не мора да бидат присутни. Најчесто се јавуваат симптоми како кај дијабетесот, сува уста, жед, често мокрење, зголемен внес на храна итн., а може да се јави и некоја од компликациите што се јавуваат кај дијабетесот.
Предијабетесот се манифестира во две состојби: нарушена гликемија на гладно и нарушена глукозна толеранција. Нарушената гликемија на гладно се дијагностицира со евидентирани покачени гликемиски вредности на гладно со уреден наод на оралниот глукоза толеранс тест. Додека кај нарушената глукозна толеранција, имаме повисоки вредности од нормалата во вториот час при оралниот глукоза толеранс тест, но сепак пониски од 11.1 mmol/l. Кај дел од пациентите може да бидат присутни и двете состојби во исто време.
За дијагноза се користат следните критериуми: измерена гликемија на гладно од 5.61 mmol/l – 6.91 mmol/l, вредност на гликолизиран хемоглобин ХбА1ц 5.7% – 6.4% и вредност на гликемија измерена во вториот час при орален глукоза толеранс тест од 7.81 mmol/l – 11.1 1 mmol/l.
Најчесто префиксот ”пре” во називот на предијабетес дава потценувачки ефект во смисла на целокупното значење на оваа состојба која се прифаќа доста несериозно, па дури и се заборава дека воопшто постои. Треба да се знае дека во оваа фаза веќе започнува процесот на оштетување на малите крвни садови на срцето, очите, мозокот, бубрезите. Според Американската асоцијација за дијабетес, овие пациенти имаат постојан ризик да развијат дијабетес тип 2 (25-40% ризик во наредните 5 години) и зголемен ризик од кардиоваскуларна болест.
Добрата вест е што оваа состојба може во целост да се повлече и организамот да се врати во здрава хомеостаза или во намала рака да се одложи појавата на дијабетес за подолг рок.
Со намалување за 5-7% од вкупната телесна тежина и редовна умерена физичка активност (30 минути дневно во тек на 5 дена од неделата) ризикот за појава на дијабетес значително се намалува, а состојбата на предијабетес се повлекува.
Во Клиниката Жан Митрев стоиме на располагање за навремено да го дијагностицираме предијабетесот и правилно да интервенираме, за што поскоро да се вратиме на вистинскиот здрав пат.
Ни пристигна ласерот Venus Bliss Max
Од денес во нашиот Центар за естетска дерматологија достапни се иновативните и неинвазивни третмани за намалување на масните наслаги, затегнување на кожата и подобрување на тонусот на мускулите на телото. Оваа тројна функција на апаратот Venus Bliss Max ќе ви обезбеди видливо обликување на телото без операција. Врвната технологија на овој ласер, достапен единствено кај нас на овие простори, е одобрена од FDA – Американската агенција за храна и лекови. Третманите во треање од 25 минути се удобни, безбедни и безболни. Ослободете се од масните наслаги и обликувајте го телото без операција со Venus Bliss Max.
Што е Venus Bliss Max?
Тоа е моќен ласерски апарат за слабеење, опремен со три најнапредни технологии за намалување на масните наслаги. Ласерските апликатори ефикасно ги разбиваат масните клетки со помош на липолиза, додека пак МП2 апликаторот им го намалува волуменот, ја затега кожата и ја потпомага лимфната дренажа за нивна ефективна елиминација. Тој комбинира мултиполарна радиофреквенција, пулсирачко електромагнетно поле и Varipuls технологија. Додека пак Flex Maxx апликаторот за неивазивен третман за тонирање на мускулите интелигентно се прилагодува на 7 различни мускулни групи за постигнување максимални резултати.
Како работи Venus Bliss Max?
При третманот со овој апарат се испушта нискофреквентен ласерски зрак во масната наслага со цел разбивање на наталожените масни слоеви на помали масни компоненти. Тие потоа се транспортираат преку лимфниот систем и се елиминираат, додека еден дел биваат согорени од мускулите преку телесна активност и вежбање.
На кои области може да се примени?
Согласно одобрението од Американската агенција за храна и лекови (ФДА), овие третмани се спроведуваат на локализирани масни наслаги. Зони во кои е безбедно да се примени се: стомачната регија и бутините, но и внатрешниот дел од бедрата, грбот и рацете, односно зони во кои има целулит.
Најчесто поставувани прашања
Дали третманите со Venus Bliss Max се безбедни?
Venus Bliss Max е уред одобрен од FDA за намалување на масните наслаги. Сертифициран е дека е безбеден и докажан како ефикасен за неинвазивна липолиза и намалување на целулитот. Сепак, препорачливо е да се користи исклучиво под надзор на стручни лекари и квалификувани терапевти.
Колку трае еден третман?
Општо земено, сите четири Venus Bliss Max ласерски апликатори може да се користат истовремено во 25 минутен третман. Времетраењето на третманот може да зависи од областа која се третира и бројот на потребни апликатори.
Колку брзо можеме да очекуваме резултати?
Забележливо подобрување може да се постигне во период од 12 недели по првичниот третман. Секако, резултатите може да се разликуваат во зависност од целта на третманот на клиентот и целокупната состојба.
Кој е оптималниот број на третмани потреби за видлив резултат?
Оптималните резултати може да варираат индивидуачно кај секој пациент, во зависност од дебелината на масните наслаги и целта на третманот. При една сесија може да достигне до 19% намалување на дебелината на масниот слој. Општо земено, на повеќето пациенти им се потребни 2-3 сесии во интервал од 6 до 8 недели.
Дали е потребен период на опоравок по направен третман?
По третманот очекувано е минимално црвенило на кожата во третираната област. Сепак, тоа се решава во текот на денот без потреба од дополнителни ограничувања за физички или други активности.
Дали овие третмани може да се комбинираат со други козметички или процедури за слеабеење?
Venus Bliss Max е опремена со 3-те најефикасни технологии за слабеење и намалување на маснотиите, 1064 диоден ласерски апликатор и MP2 рачен уред. Овие третмани се совршена комбинација за справување со закоравените маснотии и целулитот, затегање на кожата и подобрување на тонусот на мускулите. Исто така, други козметички процедури може да се комбинираат со третманите Venus Bliss max за поефективен и персонализиран пристап.
Нашите квалификувани дерматолози и терапевти можат да предложат комбиниран третман и други решенија за губење тежина кои се достапни во Центарот за естетска дерматологија.
Закажете бесплатна консултација на следните телефони:
072/262-385
02/3091-484
02/3104-910
8 ноември – Светски ден на радиологијата
08.11.1895г. е денот кога Вилхелм Рентген ги открива рентеген зраците со што се отвараат нови видици во медицината. Од овој ден и невидливото станува видливо. Всушност радиологијата како гранка во медицината станува ОЧИТЕ НА МЕДИЦИНАТА.
Бројните се дијагностичките процедури на база на рентген зраци кои се развиваат низ годините: рентген, ангиографија, мамографија и компјутеризираната томографија. А, во поново време спектарот на имиџинг модалитети се збогатува и со апарати кои не се на база на рентген зраци како ултразвукот и магнетната резонанца.
Светскиот ден на радиологијата има за цел да ја подигне свесноста за важноста на радиологијата во медицината, односно да потсети на виталната улога на бројните имиџинг модалитети кои се употребуваат во детекција и дијагноистика на различни состојби и заболувања во човековото тело со што е овозможено поефикасно третирање на истите.
Овој ден е посветен на професионалците во полето на радиологијата – лекарите радиолози и радиолошки технолози кои се одговорни за правилно и безбедно користење на методите како и за напредокот на технологијата за подобра и попрецизна дијагностика, а со тоа и подобра нега.
Радиологијата – очите на медицијата, односно радиолизите и радиолошките технолози се неопходен витален сегмент во современата медицина кои преку мултидисциплинарен пристап придонесуваат за ефикасен индивидуален менаџмент на пациентите. Нека им е честит Светскиот ден на радиологијата.
Заедно да го промениме лицето на машкото здравје
Секој ноември, традиционално се приклучуваме на движењето МOVEMBER за да го одбележиме месецот посветен на подигање на свеста за здравјето на мажите.
MOVEMBER е годишен настан во склоп на кој се поттикнуваат мажите симболично да растат мустаќи за да се одбележи месецот во кој се преземаат активности со кои се подига свеста за машкото здравје. Ова движење започна како иницијатива за справување со ракот на простата, но еволуираше за да вклучи свесност за менталното здравје и останатите болести кои ги погодуваат мажите.
Придружете ни се во борбата за машкото здравје со растење на мустаќи во текот на MOVEMBER!
Запомнете дека ние сме тука да се грижиме за вас и вашето здравје, а подготвивме и специјални промотивни цени.
Доколку имате какви било симптоми, не двоумете се да закажете консултација со нашиот тим лекари на 02/3091-484.
- Биохемиски анализи (тумор маркер PSA) 600 денари
- Урина за уринокултура 450 денари
- Уролошки преглед 2,500 денари
- Магнетна резонанца на простата 16,000 денари
- Нефролошки преглед 2,000 денари
- Специјалистички ОРЛ преглед 2,000 денари
- Биохемиска анализа 600 денари
- ФМС за уринарна/фекална инконтиненција 2.000 денари
- Ортопедски преглед 2.000 денари
- Ехо преглед на тироидна жлезда 2.000 денари
- Ехо преглед на абдомен 2.000 денари
- Стоматолошки преглед 500 денари
- Офталмолошки преглед 1.710 денари
- Дерматолошки преглед 2.000 денари
- Дигитална дермоскопија 5.000 денари
- Кислородна терапија во Хипербарна комора 1 третман 4.000 денари
- Колоноскопија со анестезија 18.000 денари
- Гасторскопија со анестезија 18.000 денари
- Колоноскопија + Гастроскопија со Анестезија 28.000 денари
- Сексуално преносливи болести – 14 микроорганизми (доколку се направи и уролошки преглед, цената на испитувањето изнесува) – 2.500 денари
- Сексуално преносливи болести – 14 микроорганизми 3.990 денари
- Сексуално преносливи болести 3 истовремено (Chlamydia trachomatis, Trichomonas vaginalis и Neisseria gonorrhoeae) од прва утринска урина (со PCR метода) 1.800 денари
- Секвенционирање на егзом – кардиоваскуларни болести, канцер или специфични болести 60.000 ден.
