Автор: zmc_piksel_dev

Пиењето за време на празниците може да го оштети вашето срце

Медицинските работници со децении предупредуваат за кардиолошките ризици што ги носат новогодишните празнувања. Во 1970 година лекарите дури и му дадоа име на славенички прекумерно пиење: ,,синдром на празнично срце,,. Тие забележале инаку здрави пациенти да дојдат како итни случаи со атријална фибрилација или неправилен срцев ритам откако пиеле за време на празничните веселби. Има млади луѓе, но и поворзасни кои се засегнати од синдромот на празнично срце.
Еве што треба да знаете за состојбата и неколку совети како да го намалите ризикот.

Што е синдром на празнично срце?

„Празнично срце“ е навистина само уште една фраза за атријална фибрилација предизвикана од алкохол, што е всушност брз, хаотичен срцев ритам. Атријалната фибрилација е едно од најчестите срцеви заболувања, кое е во тесна врска со кнсумирањето алкохол. Многу луѓе со атријална фибрилација нема да имаат никакви симптоми. Оние кај кои се појавуваат симптоми може да ги доживеат како треперење или чукање на срцето, палпитации, болка во градите или отежнато дишење. Кај некои се поавува екстремен замор, па дури и се онесвестуваат. За некои луѓе, се појавува во кус период, но кај други состојбата може да стане трајна.

Сепак, особено е важно да внимавате на симптомите бидејќи атријалната фибрилација може да го зголеми ризикот од мозочен удар; исто така е поврзана со деменција и срцева слабост.

Кој е изложен на ризик од синдром на празнично срце?

Според истражувања спроведени во САД ризикот се зголемува со возраста –до 80 година, имате околу 10 проценти шанси да ја имате оваа состојба. Други фактори на ризик вклучуваат височина. Ако сте високи над 1,75м, имате прекумерна тежина или семејна историја.

Начин на дијагностицирање

Лекарите обично дијагностицираат атријална фибрилација преку електрокардиограм. Вообичаеното сценарио е кога пациентот оди на редовен скрининг со ЕКГ да му биде откриена состојбата. Но, со популарноста на паметните часовници (smart watch) кои имаат срцев монитор, пациентите сами забележуваат промени во нивниот срцев ритам и бараат кардиолошки прегледи.

Што го предизвикува празничното срце?

Лекарите се уште се обидуваат да разберат точно како алкохолот влијае на срцето. Една работна теорија е дека алкохолот предизвикува промени во вашиот нервен систем, кој обично го регулира срцевиот ритам. Прекумерниот алкохол, исто така, може да ги промени електричните сигнали во вашето срце, кои ја координираат контракцијата на вашите срцеви клетки.

Во текот на последните 10 години, научниците ја потврдуваат поврзаноста меѓу алкохолот и атријалната фибрилација. Една студија покажа дека само еден пијалок на ден може да го зголеми ризикот за појава на оваа состојба за 16%. Но, иако алкохолот ја зголемува вашата шанса за развој на истата, таа не е пресудна ниту драстична.
Сепак она што е важно е луѓето од сите возрасти да бидат свесни за предупредувачките знаци.

Луѓето имаат тенденција да ги игнорираат своите симптоми за време на празниците и да чекаат пред да побараат лекарска помош. Од клучно значење е да тоа да се стори навреме. Ако имате постојано забрзано чукање на срцето и болка во градите или ако се борите за воздух. Вртоглавица и чувство на зашеметеност или збунетост исто така може да укажуваат на срцеви проблеми. Бидејќи секоја секунда е важна кога е во прашање срцето.

Како да го заштитите срцето за време на празниците?

Ограничувањето на количината на алкохол што го консумирате може да помогне во заштитата на срцето – но за оние кои избираат да пијат, еве неколку начини како срцето да остане здраво:

Хидратација

Ако пиете за време на празниците, погрижете се да пиете полна чаша вода помеѓу секој пијалок. Дехидрацијата го зголемува ризикот од синдром на празнично срце и затоа е од суштинско значење да бидете сигурни дека ќе останете хидрирани.

Не прескокнувајте ги вашите лекови

Многу луѓе го занемаруваат земањето терапија за срцето или притисок додека патуваат за да го посетат семејството и пријателите, мислејќи дека можат да поминат неколку дена без нив. Но, важно е да продолжите да ги земате лековите според препишаното.

Најдете време за физичка активност

Умереното вежбање може да помогне како превенција на атријалната фибрилација. Ако имате редовна рутина за вежбање која е пореметена за време на празниците, најдете малку време за изменет тренинг – дури и ако тоа е само прошетка низ маало.

Управувајте со стресот

Стресот може да игра погубна улога во зголемувањето на ризикот од срцеви проблеми. Ако сметате дека сте преморени, обидете се да се соземете со вежби за смирено дишење. Колку и да бидат бурни празниците, погрижете се да го чуете вашето тело и да внимавате на сè што не треба да се прави.

Доколку сепак се чуствувате лошо, ние сме секогаш тука да помогнеме

Брадикардијата е претставува бавна работа на срцето, под 60 отчукувања во минута и во повеќето случаи нема патолошки карактер. Почеста е кај возрасни лица и доколку е симптоматска можна е потреба од вградување на електростимулатор на срце (пејсмејкер). Постојат физиолошки исклучоци на брадикардија кои не бараат посебно внимание, а тие се пад на срцевата работа под 60/мин во тек на длабок сон или спора работа на срцето во мир која е типична за физички активни луѓе и атлети. За дефинирање на дијагнозата на брадикардијата и проценка на изрзаеноста најчесто кај пациентите се изведува најмалку 24ч електрокардиограмско мониторирање (24ч ЕКГ Холтер).

Кои се причините за појава на брадикардија?

Кога станува збор за патолошка брадикардија, најчеста причина е стареењето на срцето. Повеќето патолошки брадикардии кои бараат имплантација на пејсмејкер имаат тенденција да се појават кај постари лица, кај кои стареењето на срцето доведува до стареење на клетките за генерирање или спроведување на електрични импулси, тие дегенерираат и престануваат да ја вршат функцијата. Затоа, најважниот фактор на ризик е напредната возраст, но има и други ризик фактори како:

• Проблеми со природниот пејсмејкер на срцето т.е. Синоатријалниот јазол
• Проблеми со спроведувањето на импулсите од преткоморите кон коморите
• Хипотироидизам
• Срцев удар или исхемична болест на срцето
• Воспаление на срцето (миокардитис)
• Претходна операција на срцето
• Вродени срцеви мани (кај деца)
• Електролитни нарушувања во крвта
• Некои лекови и токсини
• Некои системски инфламаторни и ревматски болести

Како се манифестира брадикардија?

Брадикардијата е најчесто асимптоматска, но кога ќе се појават симптоми тие може да се манифестираат како:

–Вртоглавица или синкопа (губење на свеста) – Бавната работа на срцето предизвикува намалена циркулацијата на крвта во мозокот, предизвикувајќи вртоглавица или губење на свеста, односно синкопа.
–Нетолеранција на напор – Бавното испумпување на крвта од срцето не успева да одговори на зголемената побарувачка за крв од ткивата. Како последица на тоа ткивата не добиваат доволно кислород и се јавува замор, чувство на гушење, па дури и чувство на притисок во градите.

При постоење на брадиаритмија со атриовентрикуларен блок од повисок степен може да предизвика срцето да престане да чука привремено за неколку секунди, во повторувачка форма, и може да предизвика ненадејна смрт. Во овие случаи, неопходно е да се дејствува што е можно поскоро, и да се обезбеди стабилна и одржлива електрична активност на срцето. Може да има и други манифестации, како што се конфузија или губење на меморијата или отежнато дишење.

Кои се компликациите од брадикардија?

Како резултат на бавна работа на срцето е неадекватна циркулација на крвта во организмот може да се јави срцева слабост, чести синкопи со потенцијални трауми од пад, а во екстремни случаеви и да дојде до срцев застој и смрт.

Третман на брадикардијата зависи од изразеноста, симптомите и причините. Често брадикардијата може и да е резултат на употреба на лекови за намалување на срцевата фрефекција како бета блокатори и во тие случаеви доволно е да се намали дозата или да се исклучат од терапијата од страна на ординирачкиот лекар. Во одредени случаеви потребно е вградување на уред за стимулација на работат на срцето наречен електростимулатор на срце или пејсмејкер.

Во Клиничката болница Жан Митрев, која е специјализирана за дијагностика и третман на сите срцеви заболувања, ви стои на располагање догогодишен искусен тим на кардиолози, електрофизиолози и кардиохирурзи кои ви нудат решение за сите ваши проблеми со срцето.

Закашете го вашиот преглед на 02 3091 484

Кегеловите вежби се наменети за зајакнување на карличната мускулатура, кои даваат потпора на вашата уретра, мочниот меур,матка и ректум. Со зајакнување на карличната мускулатура се намалува ризик од не задржување на урина, т.е од уринарна инконтиненција. Уринарниот стрес е проблемот кој влијае на дури 70% од жените во текот или после бременоста. Со помош на овие вежби може да се подобри циркулацијата во ректалниот и вагиналниот дел и да се спречат настанувања на хемороидите и да го забрзаат зараснувањето на раната по епизиотомија или кинењето во текот на породувањето. Истотака овие вежби го подобруваат и мускулниот тонус на вагината кој што е предуслов за поквалитетно сексуално уживање.

Како се изведуваат Кегелови вежби?

Вежбите се започнуваат со испразнетата бешика.Замислете дека сакате да сопрете гасови или проток на урината. При овие дејствија се активира карличната мускулатура за изведување на овие вежби. Во исто време треба да се затегнат карличните мускули и да се подигнаат нагоре. Потрудете се да вежбате само карличната мускулатура без да се придвижива или активира абдоминалната мускулатура, да не се затегаат мускулите на задникот и да не се задржува здивот. Со рака поставена на абдомен може да проверите дали стомачните мускули се движаат додека изведувате кегел вежби. Целта е тие да мируваат. На почеток ќе имате потешкотии за да ги изолирате само овие мускули од останатите и да ги контрахирате само нив, но со повеке пракса тоа се постигнува.
Започнете така што кај секое затегање на мускулите да задржите контракција за неколку секунди, по што треба да се релаксира мускулатура на неколку секунди. Како се зајакнуваат вашите карлични мускули, така ќе можете се подолго да ја задржувате мускулната контракцијата па дури и до 10 секунди со 10 секунди пауза.

Кегел вежбите може да бидат изведувани и со помош на специјално наменети помагала (тегчиња) со што може да се забрза процесот на зајакнување на мускулите од карличното дно .

Колку често се спроведуваат Кегеловите вежби?

Вежбите се спроведуваат неколку пати на ден. Со тек на време зголемувајте го бројот на контракциите во текот на денот, како и должината на нивното траење се до 10 секунди. Правете ги вежбите во серии од по 10 контракции и потрудете се во текот на денот да вежбате до три пати, со по 3 – 4 сета на вежби. Нема апсолутно никакви ограничувања за место и време за да применувате овие вежби- може да се спроведувват било каде и било кога – се додека се спроведуваат правилно. Бидете трпеливи, потребно е 3 – 6 недели за да приметите зголемување на тонусот, а тоа најпрвин ќе го почувствуваат жени кои имале проблем со слаба контрола на мочниот меур.

Овие вежби можат да бидат спроведувани и за време на бременоста и после

Најдобрите резултати во третманот на мускулатура на карличното дно во пост-породилниот период се добиваат во комбинација на третмани со функционална магнетна стимулација и кегеловите вежби со тегчиња.

Надбубрежната жлезда е парен ендокрин орган, сместена во ретроперитонеалниот простор, на горните полови на обата бубрега. Нејзината морфологија се состои од кора и срцевина и секој од овие компартмани лачи одреден тип на хормони (кортизол, алдостерон, адреналин итн).
Од промените кои може да настанат во надбубрежната жлезда се вбројува и инциденталомот. Тоа е адренална маса која е случајно откриена, најчесто при некоја од радиографските техники (ехо, КТ или МР на абдомен), примарно наменети за друга состојба.
Првиот чекор во дијагнозата и понатамошниот тек на водење е детален ендокринолошки преглед, каде би се барале евентуално присутни прикриени или евидентни клинички знаци на зголемено лачење на хормоните од надбубрежната жлезда. Надбубрежните инциденталоми се хормонски активни само во 20% од случаите. Кај нефункционалните, може да се појави губиток на телесна тежина и појава на тапа абдоминална болка.
Следниот чекор е лабораториско утврдување дали постои хормонска функционалност на промената. За тоа е потребно да се одредат хормоните од надбубрежната жлезда во крв и урина и да се направат соодветни тестови кои би укажале и на евентуалниот терапевтски пристап и водење во иднина. Сите пациенти со случајно откриени промени, треба да се испитаат за постоење на феохромоцитом.
Третиот чекор е утврдување на радиографските карактеристики на промената. Нејзината големина (< 4cm или > 4cm) и изгледот (хомогеност или хетерогеност, правилни или неправилни рабови, присутни калцификации) се најдобрите индикатори за можна малигност.
Откако ќе се дефинира природата на промената следно е терапевтскиот пристап. Доколку се утврди дека адреналниот инциденталом е функционално активен, тој треба хируршки да се отстрани. Неактивните инциденталоми воглавном се следат на 6 месеци.
Тимот од специјалисти во Клиниката Жан Митрев Ви стојат на располагање за сите подетални информации и услуги.