Автор: zmc_piksel_dev

Посета од дечињата од детската градинка Кокиче во Битола

Најмалите најмногу им се радуваат на празниците, особено на 8 Март, празникот кој е тесно поврзан со нивните мајки, учителки, тетки и баби. Доказ за тоа е вчерашната посета на дечињата на нашиот дијагностички центар во Битола. Бидејќи градинката се наоѓа во соседството т.е во непосредна близина на нашиот објект Жан Митрев Дијагностик Битола, децата од детската градинка Кокиче, по повод 8 Март, дошле на идеја да изработат и подарат честитки во форма на цвеќиња. И не само тоа, туку честитките за празникот ги поделија пеејќи пригодни песнички. Благодарни сме им за нивното внимание и за посетата која навистина им значеше многу не само на женскиот дел од вработените туку на сите.

Надградување на искуства и знаење

Минатиот месец, уролошкиот тим од Клиничката болница Жан Митрев во состав д-р Горан Јовиќ, сепецијализантот д-р Виктор Грујевски и сестра Александра Ристовска-Тунев беа во едукативна посета на болницата Медипол во Истанбул. Целта на посетата беше да се учествува во изведбата на неколку литотрипсии-операции на кршење на камен во бубрег со ласерскиот апарат Јета. За време на операциите на кои присуствуваше нашиот тим, беа извршени кршења на камен во бубрег и уретра при што беа споделени конкретни искуства и насоки за начионт на изведување на овие зафати. Истовремено беше разработена и примената на техниките за отстранување на тумори на бешика и простата.
По оваа едукативна постатапка нашиот тим е подготвен да ги изведува овие операции со ласерскиот апарат Јета кој го поседуваме во нашата болница.

Дали некогаш сте слушнале за литотрипсија?

Ви звучи сложено и непознато? Всушност станува збор за процедура за разбивање на камења (калкули) во урогениталните зони со помош на ласерски уред.
Проблемот на постоење на наслаги најчесто од калциум, кои создаваат камени формации со различна големина е чест и може да биде многу нелагоден и болен. Најчесто, освен со силни болки во долниот дел од стомакот, може да се манифестира со присуство на крв, па и ситни парченца во урината. Овие камчиња може да предизвикаат и инфекции кои можат да додведат до различни проблеми со уринарниот тракт.

Присуството на камења се дијагностицира со помош на ехо на уретрата, мочниот меур или бубрзите, по што лекарот ќе препорача следни чекори за решавање на овој проблем.
Ние во Клиничката болница Жан Митрев за разбивање на камења во урогениталниот тракт користиме ласер кој е ефикасен за третман на сите различни видови и хемиски состави на камења и претставува оптимално решение дури и за оние камења кои се особено тешко достапни. А самиот зафат се изведува во болнички услови од страна на соодветно обучен уролог.

Овој пристап е одлична алтернатива за традиционалната литотрипсија бидејќи вклучува помал ризик од компликации и повисок степен на ефикасност и безбедност, без оглед на типот на камењата што треба да се третираат. Во споредба со другите хируршки процедури, ја има непобитната предност за минимизирање на крварењето и движењето на камењата (ретропулзија) за време на операцијата.

Предности за пациентите има многу, а дел од нив се:

• Минимално инвазивна метода
• Веднаш се решаваат симптомите
• Многу кратко време на опоравување и враќање на секојдневните активности
• Минимални нусефекти

Споделуваме со вас дел од активностите со кои ја одбележавме Неделата за борба против срцево-садови заболувања во организација на психолошкиот тим од нашата клиника. На интерактивните предавања и работилници наменети за волонтерите од Црвен крст на град Скопје/City Red Cross of Skopje со своите предавања се обратија лиценциран психотерапевт и доц. д-р Кристина Егуменовска, лиценциран психолог и специјализант по психотерапија Марија Аџиоска, специјалист физиотерапевт Никодин Вељаноски, специјализант по кардиохирургија д-р Симона Патчева и д-р Zvonko Atanasov специјалист по радиодијагностика.

Како дел од активностите поврзани со подигање на свеста за редовни превентивни прегледи во борба против ракот, приклучуваме уште два прегледи. Имено од 1 март ехо прегледот на тиреоидеа е на половина цена. Направивме и пакет понуда за сите кои ќе направат ПАП тест, гинеколошкиот преглед исто така ќе биде намален за 50%. Секако продолжуваме и со веќе активните намалувања на цените на: ехо на дојка, 2Д и 3Д мамографии, КТ(компјутерска томографија) на белите дробови и комплетно мапирање на кожа и бенки со Фотофајндер. Сите прегледи ги изведуваат нашите искусни лекари со помош на технолошки најсовремени апарати. За да закажете термин кој најмногу ви одговара јавате се на 02/3091-484.

ДЕНЕС КЛИНИЧКАТА БОЛНИЦА ЖАН МИТРЕВ ПРОСЛАВУВА 22 ГОДИНИ ПОСТОЕЊЕ

Повеќе од две децении пациентите во земјава добиваат врвна медицинска услуга согласно највисоките светски стандарди.
Клиниката има уникатен пристап со бесплатни операции за пациентите за срце и крвни жили повеќе од 20 години. Успешната соработка со државниот Фонд за здравство за кардиохирургија им овозможува на пациентите да ги добијат овие врвни услуги бесплатно.

Врвни услуги од современата медицина, резултати базирани на брза и прецизна дијагностика, превенција на болести, извршување на комплексни операции – тоа е нашата мисија за која постоиме, секогаш фокусирани во работата за зголемување и проширување на клубот на задоволни пациенти.

Во сега веќе далечната 2000 година, во еден изнајмен дел од Воената болница во Скопје, беа поставени контурите на специјалната болница по хируршки болести „Филип Втори“, чие огнено крштевање беше одбележано со првата бај-пас операција во Република Македонија, предводена од академик д-р Жан Митрев.
Клиничката болница Жан Митрев денеска има голема причина за славење – одбележување на 22 години од своето постоење. Таа е вистински пример за остварување на една визија: да се пружи врвна медицинска услуга согласно највисоко утврдените стандарди во светски рамки.
Од самиот старт постави високи стандарди и отвори нови хоризонти во македонската кардиоваскуларна хирургија. Салата со која започна и 12 болнички кревети, прераснаа во најсовремен медицински центар со комплетни дијагностички процедури во повеќето медицински гранки, поддржани со услуги од модерната хирургија, анестезија и интензивна нега.

Клиничката болница Жан Митрев е сместена во нов, ултрамодерен објект, инвестиција од 40 милиони евра, во кој главна мисија е фокусот на развојот на болницата и постигнување на највисок можен квалитет во услугите. Клиниката се простира на 17.000 м2, располага со повеќе операциони сали, одделенија за интензивна и полуинтензивна нега. Изградена е плански, согласно намената и ги задоволува највисоките еколошки стандарди без CO2 отпечаток. Комплетно е дигитализирана, хартија скоро и да не се користи во секојдневното работење.
Клиниката континуирано ги следи најновите трендови и стандарди од аспект на подобрување на работните процеси и безбедност на пациентите од лекарска грешка и интрахоспитални инфекции.
„Потврда за успешноста е и фактот што во 2020 година, дури и во време на пандемија, по втор пат добиваме акредитација со златен печат од „Joint Commission International“. Следејќи ја новата технологија во медицината, клиниката располага со најнови медицински апарати, како што се уролошки ласер за литотрипсија, најсовремени дијагностички апарати за магнетна резонанца, компјутерска томографија и 3Д мамограф за томосинтеза.

Во овој изминат период се појави потребата и од регионалнa присутност. Затоа минатата година беа отворени два големи дијагностички центри под брендот Жан Митрев Дијагностик најпрво во Струмица, а потоа и во Битола. Имено претходно постоечките поликлиники беа комплетно реновирани, ребрендирани и со проширени капацитети и број на дејности. Истите се опремени со технолошки најсовремени апарати КТ, МР, РТГ, ЕХО. Во биохемиските лаборатории се вршат детални крвни анализи. Располагаат и со дневна болница за згрижување на пациенти и амбулантни возила. Целта за отворање вакви центри е да се гарантира нивото и квалитетот на нашите услуги локално и секако да им помогнеме на пациентите да се чуствуваат подобро, посигурно и посреќно.

Горди сме и на нашата нова инвестиција – Центарот за естетска дерматологија, кој претставува сеопфатен медицински и козметичко-дерматолошки оддел кој нуди целосен спектар на медицинска и хируршка нега, како и естетско подобрување“, вели првиот човек на Клиниката, академик д-р Жан Митрев.
Клиничката болница Жан Митрев континуирано вложува во постојана надградба и едукација на своите вработени, создавајќи врвни кадри подготвени да се соочат со сите предизвици.
„Следејќи ја новата технологија во медицината и работа со најнови медицински апарати, ние создаваме кадри овде, што претставува една многу долгорочна инвестиција на која всушност се базираат нашите одлични резултати. Реално, имаме доктори кои се далеку поподготвени и со многу повисоки професионални перформанси од многу доктори од Германија“, вели академик д-р Жан Митрев.

Меѓу првите во Европа, Клиничката болница Жан Митрев оформи генетска лабораторија и ги доближи различните генетски испитувања во рутинската секојдневна пракса. Во оваа лабораторија се испитуваат најчестите 33 патогени бактерии и вируси при прием на пациентите во болница, меѓу кои и Ковид Сарс. Комбинацијата на индивидуален пристап со фармакогенетика т.е. толеранција/нетолеранција на одредени лекови беше почеток на примената на персонализирана медицина специфична за секој пациент со што се спречуваат можните фатални последици по пациентите. Клиничката болница Жан Митрев прва почна и со примена на прочистување на крвта или т.н. хемофилтрација која сега се имплементира и кај пациенти кои се борат со сериозни последици предизвикани од коронавирусот.

ОНА ШТО ЈА ПРАВИ ОВАА КЛИНИКА ПОСЕБНА Е УНИКАТНИОТ ПРИСТАП СО БЕСПЛАТНИ ОПЕРАЦИИ ЗА ПАЦИЕНТИТЕ ЗА СРЦЕ И КРВНИ ЖИЛИ ПОВЕЌЕ ОД 20 ГОДИНИ. УСПЕШНАТА СОРАБОТКА СО ДРЖАВНИОТ ФОНД ЗА ЗДРАВСТВО ЗА КАРДИОХИРУРГИЈА ИМ ОВОЗМОЖУВА НА ПАЦИЕНТИТЕ ДА ГИ ДОБИЈАТ ОВИЕ ВРВНИ УСЛУГИ БЕСПЛАТНО.

„Мислам дека сè уште и после толку години, луѓето малку знаат што всушност имаме овде од аспект на здравствени услови и стандарди. Воспоставив една секојдневна работа и лекување на најтешко болни со применети највисоки стандарди. Успеав тие услуги да бидат покриени од Фондот за здравствено осигурување, пациентите да се лекуваат без да треба да плаќаат дополнителни средства. Иако само во кардиохирургијата, сепак ова е пример, т.е. покажува колкав потенцијал за развој на здравството постои, ако се променат условите на функционирање“, објаснува академик д-р Митрев.

Клиничката болница Жан Митрев е класичен пример за остварување на една визија, концепт кој макотрпно бил реализиран и е пример за многу млади луѓе дека може и тука, дома, да се направат големи работи. Всушност, направено е уникатно поврзување меѓу медицината и бизнисот. Од една страна да се пружи врвна медицинска услуга согласно највисоко утврдените стандарди во светски рамки, таа да биде достапна за кој било пациент и при тоа да се обезбеди економска исплатливост.