00389 2 3091 484
00389 2 3091 484
Клничката болница Жан Митрев на сите кои имаат желба и се чувствуваат подготвени да помогнат во нега на пациенти хоспитализирани од КОВИД-19 им дава можност да се пријават за волонтерска работа. За сите волонтери ќе биде обезбедена соодветна обука, работна униформа и топол оброк. Мерките на претпазливост кои се применуваат во болницата важат за сите без исклучок, додека пак работното време е во две смени по 8 часа.
За да се пријавите ве молиме испратете ваша пријава на: volontiraj@zmc.mk, истата ќе биде разгледана и ќе бидете контактирани од одделот за ЧР.
Се надеваме дека сите заедно ќе можеме да придонесеме во поуспешно справување со пандемијата.
Согласно заложбите за обезбедување врвни услуги за критично болните пациенти, Жан Митрев Клиник стана дел од глобалниот регистер за вирусот КОВИД-19 кој го води меѓународното Здружение за медицинска нега на критично болни (Society of Critical Care Medеcine) со седиште во САД. Податоците кои оваа организација ги собира и обработува ќе бидат употребени во сеопфатната анализа која се однесува на третманот и резултатите кај пациенти болни од вирусот КОВИД-19 во светски рамки.
Примарната цел е преку овој регистар во реално време да се направи проценка на безбедноста и ефикасноста на КОВИД-19 третманите.
Универзалната студија на вирусни инфекции и респираторни болести како набљудувачка студија, ги користи податоците од сите погодни возрасни и малолетни пациенти кои се примени во болница. Нема идентификациски податоци од пациентите. За анализа се користат само анонимни податоци, без генералии т.е само со идентификациски броеви.
Поконкретно, глобалнот КОВИД-19 регистар ги следи матриците на интензивно болничко лекување речиси во живо.
Соработката која ќе се реализира наскоро, во суштина претставува споделување на однапред специфицирани податоци поврзани со КОВИД-19, што е од клучно зачење во понатамошниот начин на креирање препораки и протоколи во лекување на најтешко болните пациенти.
Организацијата Society of Critical Care Medеcine е формирана во 1970 година во Америка, во неа членуваат повеќе од 100 земји. Таа претставува независно меѓународно, образовно и научно здружение со седиште во САД кое годинава го слави својот 50 годишен јубилеј.
Членови на ова здружение се здравствени ентитети кои обезбедуваат нега на критично болни или повредени пациенти и е едниствена организација во претставување на сите компоненти кои се дел од ваквиот тип нега.
Ова здружение поддржува истражувања, едукации и лобира за проблеми поврзани со медицинската нега на критично болни. Издаваат три публикации: Медицина во нега на критично болни, Педијатриска нега ма критично болни и Истражувања поврзани со негување критично болни, а учествиваат активно и при развивање упатства и препораки заедно со: Канадскиот журнал за анестезија, Американската академија на педијатри и националните извештаи за Американскиот Конгрес.
Во нашата клиника од минатата недела почна да прави нов IgG SARS – CoV-2 тест кој се препорачува да се направи после примена втора доза од вакцината.
Со цел тестот да биде прецизен и да ги даде одговорите кои ги бараме препорачуваме најдобар временски период кога треба да се испитуваат IgG антитела кон SARS CoV -2 ,,Spike ” протеин кај вакцинирани пациенти.
Генерално антителата не се препорачува да се испитуваат порано од 15 – тиот ден после примена втората доза од вакцината .
Овој тип серолошки квантитативен тест покажува каков е имунолошкиот одговор на организмот на примената вакцина. Со овој тест се детектираат IgG антителата, вклучително и неутрализирачките антитела, на рецептор-врзувачкиот дел (RBD) S1 суб-единицата на “spike” протеинот на SARS-CoV-2.
Тој може да помогне при:
– Одредување и следење на имунолошкиот одговор на вакцините, вклучувајќи и истражување за да се утврди колку долго трае одговорот ;
– Во проценка дали нивото на антителата е резултат на природен одговор на вирусот или одговор на примената вакцина ;
– Во проценка на нивоата на антитела за да се утврди потенцијалот за донирање на конвалесцентна плазма.
Тука да напоменеме дека доколку се следи ефектот од вакцинацијата, многу е важно тестот да се изведува во иста лaбораторија, со иста метода. Ова се препорачува затоа што различни лаборатории имаат различни тестови и вредности.
Секако достапни се и веќе познатите типови на тестови:
IgG SARS-CoV-2 тестот од крвта, кој детектира антитела на нуклеокапсидниот протеин на вирусот.
IgM SARS-CoV-2 тестови, кои овозможуваат откривање неодамнешна инфекција и понатамошна прогресија на болеста.
Не секој проблем со простата е рак!
Мажите над четриесетата година од животот се` почесто се соочуваат со проблеми со простатата, но истите неретко ги занемаруваат, прикриваат, па дури и не зборуваат за нив.
За да предупредиме какви се последици можат да произлезат од ваквиот неодговорен став, треба најпрво да објасниме детали околу морфологијата и функциите на самата простата.
Простатата е мала жлезда кој се наоѓа под мочниот меур и ја има само кај мажите. Таа нормално станува поголема со стареењето на мажите. Токму тоа нејзино растење може да предизвика стеснување па дури и затворање на мочниот меур. Ова зголемување на простата се нарекува бенигно зголемување на простатата. Бенигното зголемување на простатата може да предизвика често уринирање, особено ноќе, итна потреба за уринирање, тешкотија при започнување уринирање како и протекување или капење на урина и по завршувањето уринирањето. Но, сепак ова не значи дека станува збор за рак на простатата.
Медицинската статистика вели дека најчестата причина поради која доаѓа до бенигно зголемување на простатата се хормонските промени предизвикани од стареењето на организмот. Резултатите од таа статистика велат дека дури 50% од мажите, постари од 50 години имаат зголемена простата. Од нив пак, околу 30% имаат проблеми со мокрење.
Првите знаци т.е. проблеми со простатата се јавуваат во раните 40-ти години, а по 60-тата година, скоро секој втор маж има тегоби кои се предизвикани од оваа состојба. Со стареењето, симптомите стануваат сè поизразени.
Генерално речиси кај сите мажи кои се сретнуваат со проблеми со простата се забележуваат следните симптоми кои укажуваат на потребата од медицинска помош:
Редовните контроли кај уролог, најмалку еднаш годишно, а почесто доколку имате проблеми со простата, гарантираат брз и ефикасен начин со справување со состојбите.
Мажите често пати бенигното зголемување на простата го порамнуваат со рак на простата. Но, не е така! Не секое бенигно зголемување на простата придонесува за рак на простата. Само 5 до 10% од мажите со рак на простата, имаат наследен ген што придонел за развој на ракот т.е тоа е поврзано со нивната семејна медицинска историја.
Тука да напоменеме дека ракот на простата кој е забележан во рана фаза дава ефикасно лекување без поголеми проблеми. Но, ако ракот порасне и се рашири надвор од простатата, што се нарекува рак во напредна фаза, тогаш тој може да предизвика болка или печење при уринирање, зголемена честота или тешкотија при уринирање, крв во урината или семенот, болка во долниот дел од грбот, колковите или горниот дел од бедрата.
Правилото е едноставно: Доколку ги имате овие симпроми, не одлагајте, посетете уролог кој со неколку едноставни испитувања што ги овозможува современата медицина која ја практикуваме во нашата клиника ќе утврди точна дијагноза и сигурно понатамошно лекување.
Во нашата клиника од страна на кардиолошкиот тим предводен од д-р Никола Христов, а заедно со д-р Иван Милев, д-р Вилма Ампова-Соколов, анастезиолошкиот тим и д-р Тања Анѓушева, беше изведена една од најкомпликуваните хибридни операции на замена на срцеви залистоци кај пациент со тешка аортна стеноза. Поради фактот дека овој пациент веќе беше претходно опериран со направен бајпас, ризикот од повторно отворање на градниот кош беше огормен и затоа беше одбран ваквиот хибриден пристап.
Имено, оваа операција позната скратено како TAVI (Trans-catheter Aortic valve Implantation), всушност претставува операција при која се поставуваат вештачки аортни залистоци на местото на оштетените природни аортни залистоци, без при тоа да се отвори градниот кош. Залистокот се поставува преку катетер кој влегува преку артеријата на ногата и од таму стигнува до заболениот залисток.
По пат на софистициран маханизам, оштетениот залисток се истиснува и се заменува со нов функционален биолошки залисток кој обезбедува долгогодишна непречена работа на срцето.
TAVI се препорачува за пациенти кои се категоризирани како високоризични кај кои веќе биле направени операции на срце со потреба за третман на аортна валвула или пак поради други придружни болести кои го зголемуваат ризикот.
Малата инвазивност на операцијата за пациентот обезбедува краток болнички престој во траење од само 1 ден, побрзо заздравување и мала можност за дополнителни компликации.
Нашиот пациент од Струмица г-ди Јордан Мираковски, веќе замина дома и се чувствува одлично.
Од првичната појава на вирусот на SARS-CoV-2 во декември 2019 во Вухан, Кина до денес заразени се повеќе од 100 милиони луѓе околу во светот и има над 2 милиони смртни случаеви. Постои растечка загриженост за поврзаноста на инфекција со вирусот и кардиоваскуларните последици за што зборуваат и се побројните докази од литературата.
Пациентите со КОВИД-19 се под зголемен ризик за срцеви аритмии, акутен коронарен синдром, срцева слабост, миокардитис.
Миокардната повреда (повредата на срцевиот мускул) може да се манифестира во различни фази од болеста како и доцна по почеток на симптомите.
Механизмот на миокардната повреда кај КОВИД-19 вклучува бурен имун одговор или директна токсичност на вирусот врз миокардот (срцевиот мускул). Се хипотезира дека SARS-CoV-2 се врзува за ангиотензин-конвертирачки ензим -2 (ACE-2) рецептори на срцевите клетки (миоцити) и потоа се инкорпорира и реплицира резултирајќи со директна повреда на срцевото ткиво. Друг можен механизам вклучува активација на интерлеукини и интерферони посебно интерлеукин -6 и последователна цитокининска бура и микроциркулаторна ендотелна дисфункција поради системска инфламација (воспаление) и хипоксија. Хиперкоагулабилна состојба (состојба на зголемено згрутчување на крвта) креирана од вирусот може да доведе до тромбоза на коронарните артерии кое води до исхемија.
Срцевите компликации може да се дијагностицираат со различни дијагностички модалитети. Магнетна резонанца на срце (CMR) има уникатна можност да обезбеди морфолошка и функционална инфромација и карактеризација на ткиво и е препорачана од Американската Кардиолошка Асоцијација (American Heart Association) да се употребува во проценка на оштетување на срцевиот мускул. Императив е за здравстевните работници да бидат свесни за спектарот на наоди со магнетна резонанца на срце кај пациентите со КОВИД-19 за да обезбедат навремена дијагноза и соодветен третман. Нашите познавања за срцевите компликации поврзани со вирусот сеуште еволуираат, а литературата и доказите секојдневно се збогатуваат со нови сознанија.
Во јуни 2020 во студијата на Puntmann и соработниците објавена во JAMA се покажа дека повеќе од 70% од пациенти со скорешна инфекција со КОВИД-19 имаат срцево засегање утврдено со магнетна резонанца на срце. Повеќе од половина од овие пациенти биле со лесна клиничка слика. Неколку смртни случаеви на спортисти кои се вратиле на тренинзи по инфекција со Ковид 19 потикнаа употреба на магнетна резонаца на срце како рутински преглед кај млади атлети во Америка пред враќање на терен. Последните докази укажуваат зафатеност на срцето утврено со магнетна резонанца на срце и кај пациенти со негативен тропонин, уреден ехокардиографски наод со нормална ежекциона фракција (Chen и соработници, European Heart Journal, 2021).
Во Journal of Thoracic Imaging на почетокот на март 2021 излезе системска анализа на литературата (PubMed, Embase, Google Scholar, WHO ) на наоди на магнетна резонанца на срце кај 199 пациенти со КОВИД-19 инфекција.
Вкупно 34 студии во кои само 21% од наодите на магнетна резонанца на срце биле нормални. Миокардитис имало во 40% од наодите и тоа било најчест наод. Абнормалности на миокардот со параметриско мапирање биле детектирани во 73% од наодите (високи нативни Т1 вредности) и активна инфламација преку присуство на едем била најдена во 63% од наодите (високи Т2 вредности). Присуство на заместителна фиброза или трајна лузна на срцето била детектирана во 43% од случаевите со техниката на доцно боење со гадолиниум (LGE). Дефекти во перфузија кај 85%, зголемен екстрацелуларен волумен кај 52%, перикарден излив кај 24%, перикардна инфламација кај 22%.
Она што е загрижувачки е фактот дека во повеќето случаеви со вакви промени систолната функција проценета со ехокардиографија била нормална (нормална ежекциона фракција).
Кај деца најчесто промените биле во облик на васкулитис со пристен едем во миокардот, но без некроза.
Магнетната резонанца на срце е вредна и безбедна алатка која може да се употреби во проценката на преваленца, механизам и проширеност на миокардна повреда кај пациенти со КОВИД-19. Миокардитисот е најчеста дијагноза. Со оглед на тоа дека кардиоваскуларната инволвираност кај овие пациенти е асоцирана со полоша прогноза, раната детекција на овие промени е од апсолутна важност.
1. Galea N, Catapano F, Marchitelli L, et al. How to perform a cardio-thoracic magnetic resonance imaging in COVID-19: comprehensive assessment of heart, pulmonary arteries, and lung parenchyma . Eur Hear J – Cardiovasc Imaging. 2020:1-4. doi:10.1093/ehjci/jeaa335
2. Chen B, Shi N, Wu C, et al. Early cardiac involvement in patients with acute COVID-19 infection identified by multiparamet- ric cardiovascular magnetic resonance imaging. 2021:1-8. doi:10.1093/ehjci/jeab042
3. Ojha V, Verma M, Pandey NN, et al. Cardiac Magnetic Resonance Imaging in Coronavirus Disease 2019 (COVID-19): A Systematic Review of Cardiac Magnetic Resonance Imaging Findings in 199 Patients. J Thorac Imaging. 2020;36(2):73-83. doi:10.1097/RTI.0000000000000574
4. Puntmann VO, Carerj ML, Wieters I, et al. Outcomes of Cardiovascular Magnetic Resonance Imaging in Patients Recently Recovered from Coronavirus Disease 2019 (COVID-19). JAMA Cardiol. 2020;5(11):1265-1273. doi:10.1001/jamacardio.2020.3557
5. Kotecha T, Knight DS, Razvi Y, et al. OUP accepted manuscript. Eur Heart J. 2021:1-13. doi:10.1093/eurheartj/ehab075
6. Bansal M. Since January 2020 Elsevier has created a COVID-19 resource centre with free information in English and Mandarin on the novel coronavirus COVID- 19 . The COVID-19 resource centre is hosted on Elsevier Connect , the company ’ s public news and information website . Elsevier hereby grants permission to make all its COVID-19-related research that is available on the COVID-19 resource centre – including this research content – immediately available in PubMed Central and other publicly funded repositories , such as the WHO COVID database with rights for unrestricted research re-use and analyses in any form or by any means with acknowledgement of the original source . These permissions are granted for free by Elsevier for as long as the COVID-19 resource centre remains active . Diabetes & Metabolic Syndrome : Clinical Research & Reviews Cardiovascular disease and COVID-19. 2020;(January).
7. European Society of cardiology. ESC Guidance for the Diagnosis and Management of CV Disease during the COVID-19 Pandemic. Eur Heart J. 2020:1-115.
8. Kelle S, Bucciarelli-Ducci C, Judd RM, et al. Society for Cardiovascular Magnetic Resonance (SCMR) recommended CMR protocols for scanning patients with active or convalescent phase COVID-19 infection. J Cardiovasc Magn Reson. 2020;22(1):20-23. doi:10.1186/s12968-020-00656-6
