Автор: zmc_piksel_dev

Малиот Мики, како што го нарекувавме додека престојуваше во нашата клиника, во одделението за интензивна нега во педијатрискиот оддел беше донесен веднаш по неговото раѓање.

Роден со комплексна срцева маана која бараше итна интервенција, Мики беше ставен веднаш на програмата за оперирање.

Академик доктор Жан Митрев со својот тим успешно ја реализираше операцијата која значеше транспозицијата на големи крвни садови  со што малиот Мики доби нова можност за живот.

За тоа како помина операцијата и постоперативниот период на ова новороденче се до средбата со неговата мајка, говорат д-р Дијана Попевски, анестезиолог и д-р Ѓорѓи Филев, Специјалист по педијатрија – неонатолог.

 

 

Мамографија со посебен осврт на томосинтеза –3Д мамографија

Мамографијата е неинвазивна метода за преглед на дојката која се користи  за откривање на тумори и други промени кој се премали за да се испалпираат. Првата мамографија се советува да се направи помеѓу 35-40-та годишна возраст, а по 40-та година секои 1- 2 години.

• Пациентки со фамилијарна анамнеза на карцином на дојка или овариуми, скрининг мамографијата треба да ја почнат порано во договор со радиолог.
• Пациентки со висок ризик за карцном на дојка покрај мамографијата треба да направат и магнет на дојка.
• Пациентка со циклус најдобро  е да го прави прегледот од 7-15 дена од почеток на циклус.
• Пред доаѓањето на преглед не треба да се користат антиперспиранти,пудри  под пазуви бидејќи може да дадат артефакти на мамограмот и грешка во анализата на мамографијата.

2Д дигитална и 3Д мамографијата – томосинтеза

2Д мамографија –  е радиолошка метода која за разлика од класичната мамографија е со помала доза на зрачење на пациентката околу 30-40%, а со дигитализација на сликата се овозможува подобра визуелизација на микрокалцификатити и архитектонската дисторзија на дојката, а сето тоа е предност за откривање на карциномот на дојката во најран стадиум.

3Д мамографијата – томосинтеза е најнова технологија која користи поголем број проекции од повеќе агли на секоја дојка при што се добиваат 50 слики од сите делови на дојката со дебелина од 1мм.

Дојката е позиционирана на ист начин како и 2Д мамографијата, но се користи помал притисок. Студиите докажале дека 3Д мамографија-томосинтеза  го намалува бројот на лажно позитивни наоди. Томосинтезата е посебно корисна кај жени со густо ткиво на дојката. Овозможува рана детекција на карциномот со јасен приказ на лезијата и го редуцирана бројот на непотребни биопсии. Томосинтезата го минимизира ефектот на преклопување и овозможува јасен приказ на мали лезии.

Нашиот мамомат е најсовремен апарат со супериорни клинички перформанси, ергономичен дизајн кој овозможува комфорт на пациентката за време на снимањето, ниски дози на зрачење како и брзина на скенирање од 3,7 секунди.

Д-р Магделена Поповска Цветкова
Спец. по радиодијагностика

 

 

Од есенцијално значење во лекувањето на пациентите инфицирани со коронавирусот е откривањето на промените во белите дробови во раните стадиуми, кога лекувањето во висок процент е успешно – вели д-р Елена Пижула, специјалист по радиодијагностика во нашата клиника.

Откривањето на промените на белите дробови може да се постигне единствено со навремено синимање на белите дробови (препораки од европско здружение за торакална радиологија издадено на 02.04.2020).

За таа цел  белите дробови се снимаат со:

-Конвенционална метода (графија на бели дробови)

-Компјутеризирана томографија на тораксот

Рендгенските графии –се прават почесто и рутински, но во раните фази на болеста постои можност воспалителните промени да не се визуелизираат, што  во понатамошниот тек ,  јасно се детектираат  и истите  имаат свој развоен тек. Графиите  на белите дробови даваат можност  и за компарација со предходните наоди со што се добиваат  информации и следливост, дали болеста напредува, се влошува или промените се во фаза на ресорпција т.е во насока на оздравување.

На рендгенските графии на белите дробови нејчесто се детектираат интерсициски промени обострано, потоа се јавува и радиолошка слика на непрозирно заматено стакло како и дифузни  дамчесто-тракасти засенчувања кои се знак за постоење за воспалителни инфилтрати.

КТ на торакс како високо сензитивна  метода за детекција на промените во белите дробови ни дава информации и во релативно раните фази на болеста.

КТ на торакс кај пациентите со COVID-19 најчесто покажува:

Во иницијалниот, почетен стадиум на болеста се воочуваат мултипни мали дамчести и интерстициски промени кои се видливи на периферните делови на белите дробови.

-опацификација на заматено стакло, со или без консолидациски абнормалности, конзистентни со вирусна пневмонија;

-наодот најчесто е билатерален (ги опфака двете белодробни крила);

-има периферна дистрибуција и ги вклучува и долните белодробни лобуси;

Тие промени еволуираат во мултипни ареали на заматено стакло и ареали на воспалителни инфилтрати.

Во тешки случаи може да се детектира белодробна консолидација обострано која е поврзана со лоша прогноза.

Во многу ретки случаи се срекава наод на плеврален излив, задебелување на плеврата и лимфаденопатија.

Одлуката за тоа, која метода на снимање ке се примени кај пациентите суспектни или заболени од COVID-19 инфекцијата е оставена на проценка  на клиничкиот тим на лекари, во зависност од факторите на ризик за настанување  на потежок облик на болеста, позитивност на PCR тестот, коморбидитети итн.

Диференцијална дијагноза:

COVID-19 пневмонијата потребно е да се разликува од другите вирусни пневмонии (на пр. aденовируси, причинети од вирусот на инфлуенца) или пневмонии причинети од микоплазма.

Во предвид може да дојдат и незаразни болести како што се васкулити, дерматомиозитис и бактериски пневмонии.

Суспектните случаи петребно е да се додиференцираат со брза детекција на антиген или PCR, да се следи клиничката слика и дополнителните лабараториски параметри.

Репрезентативни радиолошки наоди на белите дробови во различни развојни фази на болеста:

1. Компарација на графија на бели дробови со КТ на торакс (ареали на опацификација на заматено стакло во десниот долен лобус) кои во раниот стадиум на болеста не се видливи на рендгенграфијата.

2. Серија на графии на белите дробови од прием на пациентот, со фулминантен развој  на наодите во тек на 72 часа (од билатерларна нејасно дефинирана консолидација со периферна дистрибуција до типичен радиолошки наод на ARDS).

3. CT на торакс во една рана фаза на COVID-19, со широка дистрибуција на ареали на т.н заматено стакло-опацификација без консолидација.

4. CT на торакс кај пациент со COVID-19 инфекција во подоцнежна фаза од болеста (приказ на билатерални субплеврални т.н. ареали на заматено сакло, со консолидација во десен долен лобус, тракциони бронхиектазии и фиброзно-тракасти промени).

Крајно, можеме да заклучиме, дека од круцијално значење во борбата со COVID-19 пандемијата претставува навремена радиолошка дијагностика и следење, со што во голем процент се зголемува успешноста во лекување и излекување на пациентите.

 

Тестирајте се за да дознаете точно за каков тип на инфекција станува збор

Започнува периодот на настинки и грипови, а со тоа и можноста да ги поистоветите дел од симптомите со оние од корона вирусот. За да бидете сигурни за каква инфекција станува збор, во нашата лабораторија е достапен нов тест кој овозможува испитување на 4 различни вируси: SARS-CoV-2 + Influenza A + Influenza B + РСВ (Respiratory Syncytial Virus).

Вакви комбинирани респираторни тестови и до сега се изведуваа како дел од клиничките испитувања во болницата. Но сега поради актуелноста на САРС-корона и сезонските вируси,  го направивме достапен и за нехоспитализирани пациенти. Целта е да се избегне креирање на непотреба паника кај оние кои не се инфицирани со корона, туку од вообичаените типови сезонски вируси.

Цената на тестот е 4,500 денари и се изведува како и другите респираторни панели на PCR.

Достапен е со 10% попуст доколку направите он-лајн закажување

https://bit.ly/34hhkJg 

• Јас сум Чолков Ванчо од Скопје и во клиниката „Жан Митрев“ дојдов пред нешто повеќе од еден месец. Пред да дојдам тука почуствував болки во градите, се чувствував настинат и бев хоспитализиран во една од државните болници. По неколку дена престој во државната болница сфатив дека здравствено одам надолу, пропаѓам и се чувствувам полошо. Ми беше јасно дека морам да најдам друго решение, во приватна болница. И реков на мојата сопруга дека сакам да ме префрлат во клиничката болница „Жан Митрев“. Веднаш дојдоа и ме донесоа во клиниката – вака го започна своето сведочење господинот Чолков.

Тој во нашата клиника беше донесен во тешка состојба со резултат кој покажуваше дека е ковид-позитивен. За тоа како започна и како течеше неговото лекување говори д-р Драгица Везенкова Вучкова Спец. по анестезиологија со интензивно лекување.

• Пациентот Ванчо Чолков во нашата клиника дојде во една ноќна смена во тешка, критична, состојба и со периферна сатурација 40% и со веќе поставена дијагноза „ковид пневмонија“. Веднаш го згриживме во одделот за интензивно лекување во Ковид центарот и веднаш се вклучи процес на хемофилтрација со цито-сорп и Огзирис филтер. Сите лабораториски параметри коишто ги добивме од испитувањето беа карактеристични за оваа вирусна состојба. Пациентот исто така веднаш беше поставен на неинвазивна механичка вентилација со ципап маска која што добро ја толерираше. Сепак, и поради тешката општа состојба во која што се наоѓање, а за што говореше и лошиот рентген наод на неговите бели дробови, и на ципап маска, постигнуваше сатурација од 70% до 75% – појаснува докторка Вучкова.

Таа додава дека навистина е чудо како пациентот ја толерирал таа сатурација и како ги спроведуваше сите физикални и рехабилитациски активности за закрепнување.

По четвртиот ден е забележано мало подобрување на клиничката слика на пациентот. Лекувањето продолжи и понатаму со добро расположение на чичко Ванчо, како што го нарекувавме тука додека престојуваше во нашата болница. Тој доби 3 последователни циклуси на хемофилтрација и со вкупно 22 дена интензивна грижа и лекување тој си замина дома со негативен тест за Ковид 19 во стабилна и добра здравствена состојба.

Но, чичко Ванчо, по само две недели повторно се врати во нашата клиника. Сега за проблемите што ги имаше со крвотокот во нозете. Веднаш му беше направен периферен бај-пас на нозете по што, по кратко опоравување си замина дома.
Му посакуваме многу здравје и успешно комплетно закрепнување на чичко Ванчо.

 

 

 

На престижната медицинска интернет страна Њуз Медикал цитирани резултатите од нашата студија за успешното лекување на COVID-19 со помош на хемофилтрација

Денеска пристигна уште едно светско признание за нашиот тим кој ја применува хемофилтрацијата како успешна метода за лекување на пациенти заболени од  COVID-19. Имено во Њуз Медикал – светски водечки медицински медиум кој има над 53 милиони посетители, беше преземена и цитирана како релевантна нашата студија на тема Вонтелесно прочистување на крвта применета кај среднотешки и тешко болни пациенти инфицирани со COVID-19. Тие во својот напис ги користат резултатите од нашата претходно објавена студијата спроведена од страна на нашиот тим доктори кои од самиот почеток на пандемијата со помош на хемофилтрација успешно третираат COVID-19 позитивни пациенти.

Написот можете да го погледнете во целост на следниот линк:

https://bit.ly/3lSmQYH