Автор: zmc_piksel_dev

1. Што е „Клиниклен“ и како се произведува?

„Клиниклен“ претставува ладно цедено ленено масло без додадени хемиски компоненти, добиено по постапка на ладно пресување на семето. Сите нутритивни и здравствени придобивки кои ги има во самиот плод  се пренесуваат во маслото од лен, бидејќи  постапката на ладно пресување на температура не повисока од 40 степени е уникатен начин за задржување на сите хранливи материи во производот.

Овој производ се создава во рамките на клиничката болница „Жан Митрев“ во самиот ресторан „Мед Пулс“.

2. Зошто „Клиниклен“ е важен за здравјето на луѓето а зошто посебно е потребен за децата?

Специфичниот состав на лененото масло изобилува со омега 3 незаситени масни киселини кои природно нашиот организам не може да ги создаде. Како таков извор, „Клиниклен“ помага во повеќе процеси во телото меѓу кои може да се споменат:

• Одржување на нормално ниво на холестерол
• Поткрепа за одржување на високиот крвен притисок
• Нормален раст и развој на децата
• Добро здравје на очи, мозок, зглобови и коски
• Одржување добра перисталтика
• Подобрен имун одговор кај децата

Кога сме веќе кај најмладите знаеме дека после раѓањето на децата, мајчиното млеко или адаптираната формула се главните извори на енергија за нивни правилен раст.

Доенчињата имаат потреба од масти во исхраната не само за правилен раст туку и за поткрепа на развој на мозокот. Маслото од ленено семе е здрав извор на масти и истото е познато по својата широка употреба за надоместување на омега 3 масните киселини во секојдневната исхрана.

Иако лененото масло не е важен извор на витамини и минерали, овој тип на масло изобилува со калории и незаситени масти. Само една лажица ленено масло содржи 120Kcal  и 7гр ALA  масни киселина.

Тука би можеле да напомниме дека мајчиното млеко содржи многу мали количини на АLA масната киселина. Млечните бебешки формули имаат додадена ALA  масна киселина, па затоа и лененото масло се вклучува како додаток во исхраната како најголем извор на овој вид незаситени масти.

3. Дали во вашата клиника го употребувате, каде и кои се резултатите?

Во клиничката болница Жан Митрев при исхраната на доенчиња со адаптирана формула се користи Клиниклен (ладно цедено ленено масло) како нутритивен додаток со високо ниво енергија потребно за поддршка на растот. Ваквиот вид на енергетска поддршка има позитивно влијание во постоперативното лекување со што резултатите се олеснето опоравување, зголемена телесна маса и развој на бебињата.

4. Од која возраст е дозволено да се дава на деца, како, кога и на што да се внимава?

Како ваков природен додаток во исхраната кај најмалите во домашни услови може да се користи кај бебиња со помала телесна маса во споредба со староста и како додаток кај бебиња со нормална тежина за стимулација и подобрен раст и развој.

Исто така внес на Клиниклен се препорачува и кај децата после една година, за подкрепа на здрав имун одговор,  прилив на енергија знаејќи дека децата не така ретко ги забораваат оброците и со  тоа стимулација за правилен раст на детето без да се покачи ниво на холестерол.

Дозирање кај деца до 1 година : од 2гр до 4гр Клиниклен на 1кг телесна маса во текот на 24 часа.

Кај деца над 1 година може да се дава 1гр Клиниклен на 1кг телесна маса.

Пред внес во исхраната консултирајте го вашиот педијатар.

5. Има ли негативни ефекти и на што да се внимава?

Со правилно дозирање на маслото како во бебешката исхрана така и во исхраната на возрасна личност немаме пријавени негативни ефекти кои би можеле да го загрозат здравјето. Може да се напомене дека поголеми дози од препорачаните би предизвикале почести столици.

6. Каде може да се најде да се купи ова масло?

Клиниклен може да се пронајде во „Фила аптека“ која се наоѓа во Zan Mitrev Clinic.

Исто така Клиниклен може да го набавите и во следниве аптекит во Скопје: „Алпи фарм“, „Ани фарм“ и „Сара фарм“ како и во „Жива фарм“ во Велес.

Малиот Лорис во нашата клиника беше донесен со големи проблеми на нозете поточно на колковите. Веднаш беше примен и прегледан од нашите ортопеди по што беше дадена дијагноза и можност за лекување т.е. операривен зафат.

• Малиот Лорис Адеми беше оперирано кај нас поради обострана дисплазија или така наречено исколчување на двата колка од раѓање. Се работи за конгенитална, вродена, малформација која некој пат е наследна а некој пат не е. Истата пробале да ја лекуваат во неговата матична држава Косово со конзервативен третман, но, неуспешно. Поради тоа, беше изнудена оперативна интервенција од типот на Иноминантна остеотомија по Солтер – појаснува доктор Сашо Младеновски, ортопедски хирург во нашата клиника.

Операцијата прво се изведе на едниот колк, а по успешното заздравување и на другиот.

• Се работи за сложен, прецизен зафат кој се работи на возраст од околу 15 месеци најрано па се до возраст до 4 години. Кај детенцето се направи корективна остеотомија на пелвичната коска значи на илијачната коска каде што се промени односот со цел да се вметне главичката на фемурот (колкот) и на тој начин колковите се враќаат на место. Веднаш после првата операција кај детето беше поставен коксофеморален гипс којшто детето го носеше 6 недели и задоволни од позицијата на самите колкови и од брзата рехабилитација родителите веднаш се согласија и за операција на вториот колк. Исто така во општа анестезија се направи операција и на вториот колк по што поради епидемијата од коронавирус детето контролите ги правеше во своето родно Косово. Но два месеца по вториот оперативен зафат тој повторно дојде во нашата болница кога и ги отстранивме вградените Сомерови игли со прекрасен клинички и радилошки резултат – вели доктор Младеновски.
• Пресреќни сме што целата процедура заврши во најдобар ред. Многу сме среќни што ја одбравме оваа клиника која покрај стучноста, врвната медицинска услуга ни овозможи пријатен пристап и многу лесна комуникација, цело време бевме информирани околу состојбата на Лорис и беа многу љубезни. Голема благодарност до целиот персонал за кој имам само пофалби за нивната професионалност и нивниот позитивен пристап кон пациентите – вели мајката на малиот Лорис од соседното Косово.

Родителите пресреќни а најмногу малиот Лорис кој го чекаат убави денови исполнети со детска игра. Zan Mitrev Clinic му посакува среќно и безгрижно детство.

Денеска во нашата клиника се направи исклучително ретка интервенција на доенче старо 5,5 месеци. Овие процедури исклучително ретко се прават во светот, а ова е прва направена во нашата држава. Истата е привилегија на високо развиени центри во кои што се изведува напредната педијатриска кардиохирургија и перкутани интервенции на вродените срцеви мани.

Интервенцијата беше изведена од страна на кардиохирург Академик доктор Жан Митрев и интервентен кардиолог доктор Иван Милев , ехокардиографер доктор Тања Анѓушева и анестезиолог доктор Дијана Попески.

Оваа интервенција се надеваме ќе биде само почеток на се’ поголемиот број на хибридни процедури како резултат на тимска работа меѓу кардиохирурзите и интервентните кардиолози.

Ваквите интервенции носат минимален стрес на пациентите со максимален ефект.

Се работи за женско доенче кое е втор пат хоспитализирано во Zan Mitrev Clinic.

Кај неа уште во новороденечка возраст е дијагностициран поголем мускулен дефект на преградата меѓу двете комори.

Поради големината на дефектот на возраст од два месеца е направен бендиг- затегање на прстенот на белодробната артерија, за да се намали притисокот во белите дробови.

Со тек на времето, дефектот вршеше се’ поголемо оптоварување и требаше да биде затворен.

Хируршкото затворање на овие дефекти е сложено заради локализацијата и ризикот од екстракорпоралната циркулација кај доенче со висок пулмонален притисок. Од друга страна затворањето преку нога на вакви големи дефекти кај мали доенчиња е невозможно, поради употребата на големи катетри кои може да ги оштетат крвните садови на ногата.

Затоа во договор со тимот беше одлучено да се направи хибридна процедура.

Во операциона сала најпрво беше отворена десната комора а потоа под ехо контрола пласиран краток катетер во левата комора на срцето.

Потоа преку истиот беше пласиран дивајс-протеза и затворен дефектот. Ехо контролата покажа уредна поставеност на протезата и затворен дефектот.

За тоа како течеше оваа интервенција повеќе на следниот линк снимен додека трае интервенцијата.

Секоја година на 5ти Мај се одбележува светскиот ден на хигиена на раце. Целта на оваа кампања е да се подобри хигиената на раце во рамките на здравствените организации, со што ќе се заштитат од инфекции и пациентите и здравствените работници.

Оваа година темата “SAVE LIVES: Clean your hands”, е посветена на медицинските сестри и акушерки, кои се препознаени како херои од прва линија кои имаат многу важна улога во превенција на инфекции за што заслужуваат посебно признание и почит.

Кампањата за хигиена на раце 2020, потенцира дека миењето раце е една од најефикасните мерки која придонесува во спречување на појава и ширење на инфекции, вклучувајќи го и вирусот кој ја предизвикува болеста COVID 19.

Соодветната хигиена на раце е подеднакво важна како за здравствените работници така и за секој поединец во општеството.

Светската Здравствена Организација за 2020 цели кон следново: хигиена на раце како глобален приоритет, промена во однесувањето на поединецот и особено ангажирање на здравствените работници во улогата на безбедна грижа кон пациентите и превенција на инфекции.

Хигиена на раце во здравствени установи значи миење на раце или/и дезинфекција со алкохолен дезинфициенс. Има конкретни препораки кога се мијат раце – кога се видливо контаминирани или кога се работи со пациент со спорогени бактерии (Clostridium difficilae), во останатите ситуации оправдана е употреба на дезинфициенс – според ефикасност, потребно време и достапност.

Почитувани,

Сакам да се обратам до јавноста во однос на контролираната состојба од корона вирусот и стабилизирањето на бројот на пациенти коишто се инфицирани.

Ја информирам јавноста дека од понеделник ние како институција почнуваме со редовна работа, нормално со сите мерки и услови за заштита, како и до сега, од заразување.

Ги повикуваме пациентите, кои имаат разни хронични болести, посебно од крадиоваскуларна природа, благовремено да си закажат термини, со цел да се избегне можна гужва или евентуално подолго чекање.

Затоа овие денови може да ги искористите да испланирате кога ќе дојдете а и ние како болница полесно да ги овозможиме сите услуги коишто се потребни за пациентите а се со цел да не настане непотребна нервоза или додатни гужви.

Покрај сето ова, сакам да потенцирам и да ја известам јавноста, дека ние сме, и останавме, една од можеби ретките болници воопшто во кои ниту еден од персоналот не се зарази од коронавирус и покрај тоа што ние први почнавме да ги тестираме пациентите.

Со сите мерки што ги презедовме и ги превземаме во однос на изолација и третман на пациентите, хигиената и вкупно сите услови во болницата, успеавме до сега да останеме, така да кажам, чиста болница а со тоа пациентите треба да знаат дека имаат уште поголема безбедност и да знаат дека тука нема да добијат додатно опасност од заразување од веќе заразен персонал како што е обично во другите болници.

Видовме дека во пошироки рамки, во Европа, и во САД, дека еден голем процент од персоналот се зарази од пациентите со Ковид – 19, а потоа тие станаа опасност за другите пациенти. Тоа кај нас не постои!

Ви посакува убави празници и постепено нормализирање на целокупниот живот.