Autor: zmc_piksel_dev

Si rezultat i zhvillimeve të 8 muajve të fundit lidhur me klinikën Zhan Mitrev, informojmë opinionin publik se jemi të detyruar të pezullojmë ndërtimin e qendrës së re radiologjike-onkologjike në Katllanovë, e cila ishte parashikuar të fillonte vitin e kaluar.

“Qendra për Radiologji dhe Onkologji” është një investim i projektuar me vlerë 45 milionë euro, dhe ndërtimi i kësaj qendre është planifikuar në bashkëpunim me partnerë të huaj. Është parashikuar të ndërtohet në një lokacion në zonën e Katllanovës afër Shkupit, me rreth 350 punonjës – mjekë dhe personel tjetër mjekësor. Qendra radiologjike-onkologjike është planifikuar të pajiset me aparaturat më moderne për diagnostikimin dhe trajtimin e pacientëve të sëmurë rëndë. Gjithashtu, është projektuar një seksion i veçantë i destinuar për rehabilitimin dhe kujdesin e pacientëve të prekur nga sëmundje malinje dhe sëmundje të tjera. Me realizimin e këtij projekti do të ofrohet kujdes dhe trajtim i lartë mjekësor për pacientët.

Shpresojmë që këtë vit më në fund do të fillojmë me ndërtimin e këtij projekti, i cili është jashtëzakonisht i rëndësishëm për Maqedoninë dhe rajonin.

Para 23 vitesh për herë të parë kemi futur kardiokirurgjinë në Maqedoni në mënyrë që qytetarët tanë të kenë shërbim të lartë mjekësor

Sot festojmë 23 vjetorin e themelimit të klinikës tonë

• 390 000 pacientë
• 40 000 operacione
• Mbi 1 milion ekzaminime
• 350 punonjës

Historia e Klinikës Zhan Mitrev filloi pikërisht në këtë datë në vitin 2000, saktësisht 23 vjet më parë. Në një hapësirë të marrë hua nga Spitali Ushtarak në Shkup, u vendosën konturet e spitalit që në atë periudhë quhej “Filipi II”, ku u krye operacioni i parë bypass në vend, i udhëhequr nga doktor Zhan Mitrev.

Filluam me vetëm gjashtë punonjës, një sallë operacioni dhe 12 (dymbëdhjetë) shtretër spitalor.

Falë përkushtimit të madh, këmbënguljes dhe sigurisht besimit të pacientëve, ngadalë por me siguri jemi zhvilluar dhe shndërruar në një qendër mjekësore moderne me procedura të plota diagnostikuese në shumicën e degëve të mjekësisë, të mbështetura nga shërbimet e kirurgjisë modern, anestezia dhe kujdesi intensiv.

Sfida ka pasur dhe do të ketë, por në asnjë moment nuk e kemi harruar vizionin nga i cili filloi gjithçka:

Përsosmëri në kujdesin shëndetësor të pacientit.

Ideali që qytetarëve të Maqedonisë t’u ofrohet shërbim mjekësor i lartë sipas standardeve më të larta të vendosura në botë është arritur.
Që nga viti 2016, “Zhan Mitrev Clinic” ndodhet në një ambient të ri, modern, një investim prej 40 milionë eurosh, në të cilin misioni kryesor është fokusimi në zhvillimin e spitalit dhe arritjen e cilësisë më të lartë të mundshme në shërbime. Klinika mbulon një sipërfaqe prej 17,000 m2, ka disa salla operacioni, departamente për kujdes intensiv dhe gjysmë intensiv në të cilat operon ekipi ynë prej mbi 350 profesionistësh.

Klinika është ndërtuar me plan plan, sipas qëllimit për funksionin e saj dhe plotëson standardet më të larta mjedisore pa gjurmë CO2 (carbon footprint). Është tërësisht e dixhitalizuar, letrat pothuajse nuk përdoret në punën e përditshme. Ndër të parët në Evropë, “Zhan Mitrev Clinic” themeloi laboratorin gjenetik duke mundësuar ofrimin e testeve të ndryshme gjenetike në praktikën rutinore të përditshme. Kombinimi i një qasjeje individuale me farmakogjenetikën dmth. toleranca/intoleranca ndaj barnave të caktuara ishte fillimi i aplikimit të mjekësisë së personalizuar specifike për çdo pacient, duke parandaluar kështu pasojat e mundshme fatale për pacientët.

Konfirmim i suksesit të këtij spitali është edhe fakti se në vitin 2020, edhe në kohë pandemie, morëm për herë të dytë akreditimin me vulë të artë nga “Joint Commission International”.

Vitet e fundit është shfaqur nevoja për të qenë të pranishëm edhe në rajona të tjera në vend. Për këtë arsye u hapën dy qendra të mëdha diagnostike nën emrin Zhan Mitrev Diagnostic, fillimisht në Strumicë, e më pas në Manastir. Qëllimi i hapjes së qendrave të tilla është garantimi i nivelit dhe cilësisë së shërbimeve tona në nivel lokal dhe sigurisht që të ndihmojmë pacientët të ndihen më mirë, më të sigurt dhe më të lumtur.
Klinika “Zhan Mitrev” investon në vazhdimësi në edukimin dhe trajnimin e vazhdueshëm të punonjësve të saj, duke krijuar staf të lartë të gatshëm për të përballuar të gjitha sfidat.

“Duke ndjekur teknologjinë e re në mjekësi dhe duke punuar me aparaturat më të fundit mjekësore, ne krijojmë staf, i cili përfaqëson një investim shumë afatgjatë mbi të cilin realisht bazohen rezultatet tona të shkëlqyera. Realisht kemi mjekë që janë shumë më të përgatitur dhe me performancë profesionale shumë më të lartë se shumë mjekë në botë”, thotë dr. Mitrev.

ÇFARË E BËN TË VEÇANTË KËTË KLINIKË ËSHTË QASJA UNIKE E KIRURGJISË FALAS PËR PACIENTËT ME PROBLEME TË ZEMRËS DHE TË ENËVE TË GJAKUT PËR MË SHUMË SE 20 VJET. NJË BASHKËPUNIM I SUKSESSHËM ME FONDIN SHTETËROR TË SHËNDETËSISË PËR KARDIOSKIRURGJINË I LEJON PACIENTET TI MARIN KËTO SHËRBIME PA PAGESË.

Edhe pse vetëm në kardiokirurgji, përsëri është një shembull, dmth. tregon se sa potencial ka për zhvillimin e shëndetësisë, nëse ndryshojnë kushtet e funksionimit.
Klinika Zhan Mitrev është një shembull klasik i realizimit të një vizioni, një koncept që u realizua me shumë mundim dhe është shembull për shumë të rinj që gjëra të mëdha mund të bëhen edhe këtu, në shtëpi.

Ne jemi krenarë për të gjithë ekipin që e bëri këtë realitet dhe sigurisht, jemi pafundësisht mirënjohës për pacientët tanë që na besojnë gjënë më të çmuar – shëndetin e tyre.

Klinika Zhan Mitrev njofton opinionin publik se një ditë para fillimit të gjyqit, Gjykata Penale ka marrë vendim për përcaktimin e masave të propozuara që parashikojnë bllokimin e plotë të llogarive të spitalit.
Theksojmë se masat e marra bllokojnë plotësisht funksionimin e Spitalit Zhan Mitrev, që është një organizatë shëndetësore me interes publik.

Klinika Zhan Mitrev duke filluar nga sot nuk është në gjendje të shlyejë detyrimet ndaj bankave.
Duam të informojmë publikun se do të bëjmë gjithçka që kemi në dorë dhe trajtimi i asnjë pacienti nuk do të vihet në dyshim, edhe pse procedurat e Gjykatës Penale të cilat zbatohen me kërkesë të prokurorisë çojnë në një drejtim tjetër, që në fakt, kërkon mbylljen tonë.
Gjithçka që kërkuam ishte të bëhej një gjyq i drejtë në lidhje me gënjeshtrat dhe falsitetet e bëra ndaj Klinikës sonë ndërkohë që morëm “dënim” madje para vetë fillimit të gjyqit.

Pikërisht për shkak të zhvillimit të këtyre ngjarjeve, pas shtatë muajsh sulm të sinkronizuar dhe organizuar, kërkuam nga publiku, por edhe nga përfaqësuesit e komunitetit ndërkombëtar në Maqedoni, të interesohen dhe të ndjekin procesin gjyqësor.
Është mëse e qartë, apelet tona ishin të kota, sepse pikërisht para fillimit të procesit gjyqësor, tashmë jemi dëshmitarë të një bllokade brutale të paqartë ndaj Klinikës Zhan Mitrev.

Është tërësisht i pabazuar arsyetimi i Gjykatës Penale se personat juridikë që nuk janë në interes të klinikës janë të bllokuara. “IPSH Zhan Mitrev Strumica” dhe “Manastir” nuk mund t’i mbulojnë vetë investimet dhe mbulohen nga klinika amë në Shkup.
Subjekti tjetër juridik “Fila Farm” është duke punuar me hua për të shlyer kërkesat e subjektit juridik “LABS”, i cili po ashtu është themeluar dhe i lidhur me Klinikën Zhan Mitrev.
Kompanitë e listuara janë themeluar dhe financuar sipas rregulloreve ligjore në vend dhe janë të lidhura ngushtë me funksionimin e klinikës. Këto kompani punësojnë një numër të madh njerëzish dhe kapitali i tyre është dyfishuar.
Theksojmë se ky vendim i Gjykatës Penale është në kundërshtim me parimet e prezumimit të pafajësisë dhe krijon presion të pabazë mbi Klinikën Zhan Mitrev.

Dr. Zhan Mitrev u dërgoi letër përfaqësuesve të Komitetit të Helsinkit në Maqedoni me kërkesë që të reagojnë për shkeljen e të drejtës themelore për informimin e opinionit publik lidhur me rastin kundër tij dhe klinikës Zhan Mitrev. Me anë të kësaj letre, doktor Mitrev u bën thirrje që ta ndjekin rastin në sallën e gjyqit dhe të reagojnë, sepse nuk bëhet fjalë vetëm për një krim të pretenduar, por edhe për mosespektim të të drejtave të njeriut.

“Në periudhën e kaluar personalisht kam qenë i sulmuar para opinionit publik, veçanërisht nga një sërë shkrimesh në portalin DokazM, për të cilin tashmë kam paraqitur kallëzim penal. Po shkelet e drejta ime për t’u përgjigjur sepse çdo përpjekje e imja për të kontaktuar me gazetar perfundon me dënim publik ndaj tij, dhe duhet pasur parasysh që kjo është e vetmja mënyrë që unë kam për të “mbrojtur” veten përballë gjykatës dhe sigurisht përballë publikut që informohet nga mediat”, thuhet në letrën e Dr. Mitrevit.

Dr. Mitrev në letër i referohet të drejtave të njeriut që janë të garantuara me kushtetutën tonë dhe ku garantohet e drejta për të shprehur publikisht fjalën.

“Unë kam bërë betimin e Hipokratit dhe kjo mua më drejton në punën time të përditshme, jam i pastër para vetes dhe para veprimeve të mia sepse e di që e vërteta është në anën time. Por, ju kërkoj të reagoni ndaj rasteve kur ushtrohet presion ndaj meje dhe punonjësve të mi dhe secili prej nesh të çlirohet nga barra e presionit. Ne kujdesemi për mijëra pacientë dhe asgjë nuk duhet të dëmtojë profesionin tonë dhe shëndetin e qytetarëve”, theksoi doktor Mitrev.

Doktor Mitrev në këtë letër i referohet edhe rastit me pronarin e portalit DokazM, i cili ka marrë informacion nga hetuesja për rastin konkret dhe i ka bërë ato publike në portalin e tij.

“Kemi qenë dëshmitarë se hetuesja së bashku me Marjan Stamenkovskin nga DokazM kanë drejtuar sulm të organizuar kundër meje, ku mbetet ende për tu parë se kush janë personat e tjerë të përfshirë. Sulmet dhe kërcënimet e organizuara nuk duhet të jenë pjesë e jetës sonë të përditshme. Ju si Komitet i Helsinkit e dini mjaft mirë këtë. Prandaj ju bëj thirrje të reagoni dhe ta ndiqni rastin tim edhe në sallën e gjyqit, sepse nuk bëhet fjalë vetëm për krim të pretenduar, por edhe për mosrespektim të të drejtave të njeriut”, përfundon letra e Mitrevit.

Departamenti i Psikologjisë dhe Psikoterapisë në Klinikën tonë edhe këtë vit ka organizuar tradicionalisht ngjarje për qytetarët, ligjerata dhe seminare për vullnetarët e Kryqit të Kuq të Qytetit të Shkupit, kontrolle kardiologjike dhe pediatrike falas, për qytetarët, si dhe aktivitete në fundjavë për fëmijët e operuar nga defektet e lindura të zemrës. E gjithë kjo është brenda javës së luftës kundër sëmundjeve të enëve të gjakut të zemrës.
Ndajmë me ju një pjesë të atmosferës së ngjarjes së djeshme të organizuar për qytetarët tanë!

Ana mbrojtëse reagon ndaj deklaratës së fundit të shefit të Prokurorisë Themelore Publike, Gavril Bubevski, i cili flet për numra të rinj të të raportuarve për rastin në lidhje me Klinikën.
Prezumimi i pafajësisë në rastin e doktor Zhan Mitrev dhe Klinikës duhet të respektohet seriozisht nga prokuroria. Mënyra dhe lehtësia me të cilën Bubevski jep deklarata dhe intervista në media dhe podkaste, të cilat mund të jenë vetëm në sferën e supozimeve, dhe në asnjë mënyrë se është “i sigurt se ka më shumë raportime për dëme”, dëshmon përsëri se PTHP ka kontradikta dhe del nga kredencialet.

Në gjykatë do të duhet të provoni fajësinë që dhe ju vetë Z. prokuror e dini se nuk ekziston. Më mirë t’i tregoni publikut që tani se si materialet dhe informacionet nga prokuroria për rastin kundër Klinikës Zhan Mitrev janë publikuar nga Marjan Stamenkovski DokazM, edhe pse ju tashmë zyrtarisht keni njoftuar se hetues i juaji i ka dhënë Stamenkovskit informacione.

Prokuroria të gjithë procesin e bën me qëllimin për të dëmtuar, jo për të provuar fajësinë, sepse ata vetë e dinë që fajësi nuk ka.
Për të gjitha pretendimet në aktakuzë, ka një përgjigje të qartë nga Klinika që do t’i paraqitet Gjykatës. Dhe Prokurorisë do t’i duhet të provojë diçka që nuk ekziston, gjë që do të jetë një sfidë e vërtetë për ta. Mepadurim presim daljen e tij të parë në gjykatë.