Месец: м.г

Паравалвуларни расцепи – помеѓу кардиохирургијата и интервентната кардиологија

Паравалвуларнoтo (пропуштањe) leak (ПВЛ), е постоперативен расцеп кој настанува окoлу имплантираните залистоци (валвули) на срцето на митрална или аортната позиција. Нивното постоење е значајно по тоа што доведуваат до волуменско оптоварување на срцето и застој на циркулацијата во белите дробови (митралниот ПВЛ) или левата комора (аортниот паравалвуларен расцеп). Во суштината на етиологијата е дефект на ткивото околу протезата на срцето. Во минатото овие постоперативни наоди, се лекувале исклучително по хируршки пат, доколку предизвикувале клинички проблеми кај пациентите.

Слика бр. 1 Слика бр.2

Приказ на случај: пациентот А.Д е роден 1985 година и е опериран во 2012 година, со двоен механички валвуларен репласман. Редовно ехографски контролиран, при што во текот на последните неколку месеци се верифицира за прв пат поголем и хемодинамски значаен митрален ПВЛ (слика 1, 2Д) кој доведуваше до клиничко влошување (замор, гушење, кашлица) и волуменско оптоварување на срцето. Истиот тој ПВЛ одлично е прикажан на 3Д ТЕЕ ехо записот (слика 2, 3Д).

Слика бр. 3 Слика бр.4

Беше донесено решение за негово затварање по неоперативен пат, со помош на катетер. При затварање на ПВЛ со катетер, прв чекор е мерењето на ширината и дожината на расцепот (слика 3, ТЕЕ 2Д), како и одредување на неговата точна локализација (слика 4, 3Д). Следен чекор е пробивање на преградата на срцето со посебна игла и катетер, чиј врв треба да помине централно низ расцепот. Преку посебен систем, катетерот се заменува со поширок, низ кој потоа се вградува посебна жичана протеза чија задача е да обезбеди целосно затварање на расцепот (сликa 5, 3Д). Постинтервентната контрола покажа отсуство на било какво митрално пропуштање (слика 6, 2Д). Клиничките и ехографските контроли покажаа уредна хемодинамика на срцето.На овој начин настана комплетно излекување без повторна операција на срцето.Пациентот е отпуштен дома по 24 часа во добра општа состојба.

Слика бр. 5 Слика бр. 6

ИТНА ОПЕРАЦИЈА ЗА СПАСУВАЊЕ НА МОЗОК И ЛЕВА РАКА

Кај 54 годишен пациент се појавила нагла вртоглавица, ладна и нарушена функција на лева рака и загуба на свест, додека управувал со моторно возило. Пациентот бил пушач, со артериска хипертензија и хиперлипидемија.По приемот во Филип Втори направен е ехографски преглед на кој е верифицирано 100% запушување со флатирачки мек плак во левата заедничка каротидна артерија (ACC lat sin) и левата внатрешна каротидна артерија (ACI lat sin) како и отсуство на доплер сигнал на левата артерија субклавија и слаб опструктивен доплер сигнал на лева аксиларна артерија. Од направената 64 MSKT каротидографија и церебрална ангиографија потврден е наодот за 100% запушување на левата заедничка и внатрешна каротидна артерија како и левата подклучна артерија.

МСКТ СЛИКА ПРЕДОПЕРАТИВНО

Во консултација со кардиоваскуларен хирург индицирана е итна операција на крвните садови на вратот. Постоперативно пациентот е хемодинамски и ритмички стабилен без никаква невролошка симптоматологија, со топла и комплетно сочувана функција на левата рака. Направена е контролна постоперативна 64 MSKT каротидографија, церебрална ангиографија и визуелизација на горните екстремитети со наод за проодно каротидо-каротидно премостување од десно-кон лево со васкуларна протеза и каротидо-субклавио премостување лево со васкуларна протеза.

МСКТ СЛИКА ПОСТОПЕРАТИВНО

Првиот постоперативен ден пациентот е самостојно мобилизиран без никакви невролошки симптоми, и истиот ден е отпуштен дома.

ОДДРЖАН 14-тиот НАУЧЕН КЛУБ

На 10.07.2013 година во просториите на СБХБ Филип Втори се оддржа 14-тиот состанок на научниот клуб. Гости на клубот беа претставници од Hemofarm кои направија презентација на нивната палета на медикаменти.

Активно со предавања беа вклучени:д-р Драгица Вучкова со тема “Водич за менаџирање на пациенти со анемија и трансфузија на крв и крвни деривати кај критично болни возрасни пациенти” и Илија Дојчиновски – психолог, со тема “Антидепресивна терапија кај пациенти подвргнати на ACBP – MOTIV – CABG Trial”. На крајот беше направена анализа на целокупната научно истражувачка работа на СБХБ Филип Втори при што беа презентирани резултатите од тековните студии.

Филип Втори дел од мултицентричната интерационална студија IC-GLOSSARI

Филип Втори и одделот за интензивна нега влегоа во мултицентричната интернационална студија за тешки акутни респираторни инфекции во одделите за интензивна нега. Оваа студија под името Intensive Care Global Study on Severe Acute Respiratory Infection (IC-GLOSSARI) се спроведува од страна на Европското здружение за интензивна нега (ESCIM). На овој начин продолжува нашето континуирано залагање да придонесеме кон новите сознанија во функција на подобрување на квалитетот на здравјето.

Филип Втори влезе во Статистичкиот регистар на Европската асоцијација за кардио-торакална хирургија (EACTS)

Од оваа година СБХБ Филип Втори официјално влезе во Статистичкиот регистар на Европската асоцијација за кардио-торакална хирургија (The European Association for Cardio-Thoracic Surgery (EACTS) database). Целта на оваа интернационална датабаза е формирање на Европски регистер на податоци од областа на кардиохирургијата, проценка на степенот на развој на истата и компарација на добиените резултати по кардиохируршки центри и земјите на Европа. Ова претставува голема чест но и реална потврда за квалитетот на работата на кардиохируршкиот тим при СБХБ Филип Втори.

Basic Life Support – работилници за реанимација – пракса во секојдневието на Филип Втори каде секоја секунда се брои

Филип Втори неуморно се залага за обезбедување на најдобриот квалитет на услуги кои ги пружа на оние кои своето здравје го доверуваат токму на нас. Од тие причини вработените секојдневно поминуваат најразновидни обуки. Работилниците за кардиопулмонална реанимација се нераздвоив дел од континуираната едукација во Филип Втори и се изведуваат два пати во текот на годината под водство на анестезиолог и медицинска сестра. Овие работилници се спроведуваат според препораките од Европскиот совет за ресусцитација за Advanced Life Support. Целта е секој вработен кој е вклучен во работа со пациенти да се стекне со неопходното знаење за Basic Life Support и Advanced Life Support, да знае навремено да препознае критичен болен и да ги превземе соодветните мерки, според европските препораки. На овој начин успеваме секундите да ги ставиме во полза на оној на кој му се најпотребни.

15 – ти Европски Конгрес за Екстракорпорална Циркулација и Технологија

Во периодот од 12 – 15.06.2013 година, се одржа 15-от Европски Конгрес за Екстракорпорална Циркулација и Технологија во Толедо, Шпанија, на кој беа присутни елитни имиња од областа на кардиоперфузијата, анестезијата и кардиохирургијата.

СБХ “Филип Втори” за прв пат беше застапена со орална презентација на тема “Операција на акутна аортна дисекција тип А со умерена хипотермија и антеградна церебрална перфузија преку десна субклавикуларна артерија”. Носител на темата беше кардиоперфузионистот Александра Темелковска.

Хронична пострауматски мекоткивна болка и оток во предел на скочниот зглоб:Артроскопски наод и хируршки резултат

Пациентка на 36 годишна возраст се јавува на преглед поради болка,оток и ограничена подвижност на скочниот зглоб. Пациентката оперирана пред 2 години поради скршеница на скочниот зглоб задобиена при пад од мотор. По направените клинички и ртг иследувања се констатира предно надворешен импиџмент или појава на т.менискоидна лезија во предел на предно надворешен компартмент на скочниот зглоб.

Слика – РТГ профил

Направена артроскопија на скочен зглоб констатирани задебелување и пролиферација на синовијално ткиво, и задебелен дистален сноп од долен тибиофибуларен лигамент кое беа третирани со дебридман,синовектомија и адхезиолиза.

Слика 2,3–дебридман Слика 4 -после дебридман (чистење ) на зглобот

Постоперативно резултатите евалуирани со AAFS- скоринг системот (America foot and ankle score) od 66 бода достигнаа 92 бода ,следуваше брза физикална терапија, со сукцесивно подобрување на движењата (исправање и виткање ) и силата на скочниот зглоб.На 1 месец од операција пациентката без оток и болка во предел на афектираниот скочен зглоб при секојдневни активности.

Слика 4- 1 недела од операција

На 1 месец од операција пациентката без оток и болка во предел на афектираниот скочен зглоб при секојдневни активности .