Во организација на унијата на ЗМСТАС, предводена од здружението ,,За нас,, а под покровителство на нашата клиника, беше одржана првата интернационална конференција на медицински сестри која обедини над 200 учесници од Југоисточна Европа. Темата на оваа историска конференција беше – Патот на автономија на сестринството. Пред големиот број делегати и гости од регионот, се обратија организаторката и претседателот на Европската асоцијација на здруженија на медицинските сестри, а беа оджани и неколку панел дискусии. Доделени беа и почесни плакети на здравствени установи, тимови и поединци.
Д-р Анџелка Илиева – дерматолог во нашата клиника, зема активно учество на овогодишниот единаестти Светски конгрес за меланом и истовремено и 21 Конгрес на Европската Акдемија по Дермато-онкологија кој се одржа во Атина. На овој настан таа преку постер презентација ги претстави резултатите од своето истражување на тема рана детекција на кожен карцином. Истото беше спроведено заедно со одделот за генетика и персонализирана медицина при Клиниката Жан Митрев, а поддржано од Европската Академија за Дермато-онкологија. Покрај презентацијата, таа присуствуваше на предавањата од областа на дермоскопија и се зпозна со најновите протоколи за лекување и превенција на кожните карциноми меѓу кои меланомот. Д-р Илиева како национален координатор и претставник на Меѓународното Здружение за Дерматоскопија секоја година е дел од интернационалната кампања за превенција на рак на кожа.
Болката е сигнал дека нешто не е во ред со телото. По операција, нормално е да чувствувате болка, но со современите лекови, таа може ефикасно да се контролира со цел побрзо заздравување и закрепнување.
Начини на давање на лекови за болка:
По барање: Можете да побарате лек од медицинската сестра.
Во одредени интервали: Лекот се дава редовно за континуирана контрола на болката.
Пациент-контролирана аналгезија ПКА (PCA): Самостојно дозирање на лек преку интравенска пумпа.
Епидурална PCA (PCEA): Лекот се администрира во ‘рбетниот простор за континуирано олеснување на болката.
Како функционира ПКА (PCA)?
Лекар анестезиолог одредува дозирање, интервали и максимална количина на лекот за да се спречи предозирање. Лекот, најчесто опиоид, се администрира преку пумпа. Медицинскиот тим, го обучува пациентот како да ја користи пумпата и потоа ги следи ефектите.
Kaj кого да се примени?
Со правилна примена, ПКА (пациент контролираната аналгезија) може да се користи кај пациенти во болница за да им се олесни болката по операција, но и дома кај пациенти со континуирани, силни болки кои нема да престанат. Може да се користи за болни состојби како панкреатитис. Добро делува и кај луѓе кои не можат да земаат лекови преку уста. ПКА може да се користи и во домашни услови кај луѓе кои имаат умерена до силна болка предизвикана од карцином. Децата на возраст од 7 години можат да имаат корист ако ја разберат идејата и начинот на примена. Не се препорачува за луѓе кои се збунети, дезориентирани или не реагираат.
Предности на PCA:
Брзо и ефикасно ублажување на болката.
Намалена потреба за чекање медицински персонал.
Подобра контрола со помали дози.
Безбедносни мерки и ризици:
Често следење од медицинскиот персонал.
Можни несакани ефекти од опоидниот лек: алергиски реакции, гадење, низок крвен притисок, поспаност, запек, проблеми со мокрење и дишење.
Единствено пациентот треба да го притиска копчето за дозирање и само во случај кога е потребно обезболување.
За да се информирате подетално закажете консултација со анестезиолог. Нашиот тим ви стои на располагање.
Трдиционално и оваа година на крајот на март во Софија се одржа еднодневен курс за транскататерска замена на аортна валвула – ТАВИ процедура. Беа презентирани најновите достигнувања и искуства од оваа област преку неколку сесии предавања и презентации на два случаи во живо. Од нашата клиника, на покана на Meril, учество на овој курс зедоа д-р Вилма Ампова Соколов, интервентен кардиолог како панелист, сестра Соња Русевска – лиценцирана сестра за кремпирање на аортна валвула – Meril која учествуваше во случај во живо од сала како и сестра Сузана Костовска – интервентна ангиографска сестра, главна сестра на дијагностичкиот центар и ангиографската сала при Клиниката Жан Митрев. На овој курс беа споделени искуствата на предавачи од Европската стручна фела и беше презентирана најновата генерација на ТАВИ валвулата OctaPRO од Meril , а секако не изостана и дружбата.
На 03.04.2025г. е изведена еднодневна стручно-едукативна екскурзија со посета на Фармацевтскиот оддел при Клиника Жан Митрев – Скопје Со оваа еднодневна екскурзија, учениците имаа можност за првпат да ја посетат и да се запознаат со една од најдобро функционалните болнички аптеки во нашата држава. Тие имаа уникатна можност да се запознаат со начинот на работа на болничката аптека, системот на нејзиното функционирање, кадарот кој управува со активностите во неа, како и со тоа што ја прави различна од другите болнички аптеки. Учениците беа пречекани и едуцирани од страна на соодветен медицински кадар од болницата – медицинска сестра и фармацевтски техничар – кои одлично ја водеа дискусијата и го привлекоа нивното внимание. Исто така, учениците беа запознаени и со козметичкиот оддел на болницата, кој располага со сопствена палета на производи, достапни во сите подобро снабдени аптеки низ државата.
Д-р Зафировска:Најпрво да се заблагодарам за укажаната чест и внимание од ваша страна , како и за покажаниот интерес за подигнување на здравствената свест на оваа ранлива категорија на поединци во нашето опшество. Со задоволство ќе одговорам на вашите прашања кои се одлично избрани со фокус кон важните моменти во здравствената едукација на возрасната популација.
Петсетете ги нашите читатели што содржеше прегледот?
– Како што споменавте на почетокот во тек на заедничкиот проект се прегледани повеќе од 400 пензионери во Р.Македонија. Прегледот на секој поединец содржеше мерење на крвен притисок, електрокардиограм (ЕКГ) и комплетна ехографска проценка на срцевата морфологија и функција, колор доплер на крвните садови на вратот и долните екстремитети, ехо на тироидна жлезда и скрининг на стомачните органи (црн дроб, жолчно ќесе,бубрези, стомачна аорта). На секој пациент му беше одредена и потребна терапија во согласност со наодот од прегледот.
Кој беше ефектот од овие прегледи?
– Ефектот на овој проект беше на обострано задоволство, наше од една страна затоа што им ја приближивме на некој начин нашата болница и услугите што секојдневно ги извршуваме кај нас и од другата страна на задоволство на прегледаните пензионери кои добија врвна специјалистичка дијагностика и терапија од специјалистите во Жан Митрев Клиника.
При овие прегледи откривте ли болести кај луѓе кои дотогаш мислеле дека се „здрави“? Здрави ли се пензионерите во нашата земја?
– Возрасната популација во нашата земја исто како и во другите земји ги има истите хронични болести кои се специфични за поодминатата возраст и тоа, катаракта, остеопороза, спондилоартроза, дијабетес мелитус тип2, покачен артериски крвен притисок , деменција, намалена бубрежна функција, анемија. Во градовите каде има поголема достапност на секундарна здравствена заштита впечаток е дека има подобра контрола на здравствената состојба на пензионерите. Додека пензионерите кои живеат во селски и рурални подрачја се забележува дека имаат поголем процент на нелекувани заболувања.
Во областа со која се занимавате кои заболувања најчесто се среќаваат кај припадниците од третата животна доба?
– Кардиоваскуларното здравје или здравјето на срцето и староста си имаат специфичности во смисла на напредната атеросклероза (оцврснување на крвните садови), покачен крвен притисок, зголемено ниво на маснотии и шеќер во крвта, ослабната периферна циркулација, проширени (варикозни) вени на долните екстремитети, ангина пекторис , намалена бубрежна функција,анемија и сл.
Посочете ни кои тестирања треба да ги направат луѓето припадници на оваа популација за дијагностицирање на тие болести?
– Мојата препорака е барем еднаш годишно кај пензионерите кои немаат посериозни здравствени проблеми да се подложат на ваков комплетен преглед со цел следење на нивната здравствена состојба и евентуално корекција на терапијата. Кај пациентите со дијабет, ангина пекторис, срцева слабост, бубрежна инсуфициенција се препорачува два пати годишно (по потреба и почесто) контролен преглед и комплетна биохемиска анализа на крвта .
Во програмата на Сојузот на здруженијата на пензионерите на Македонија за 2025 година има предлог за вршење на систематски преглед на пензионерите еднаш годишно. Кои прегледи би ги препорачале да бидат содржани во овие прегледи кои би го одредиле нивноте целокупно здравје?
– Согласно погоре кажаново на возрасната популација би ги препорачала следните прегледи на годишно ниво и тоа кардиоваскуларни прегледи со комплетна биохемиска анализа на крвта, контрола на простата и туморски маркер за простата кај мажите и контрола за остеопороза и ехо на дојка кај жените.
Што им советувате на највозрасните за да можат што подолго да бидат здрави и пријатно да им биде стареењето?
– Моите совети за здраво стареење би било прифаќање на здравите животни навики и тоа -Физичка активност –пешачење, возење на точак , вкупно 150 минути во тек на неделата -Здрава исхрана која содржи многу зеленчук и овошје (Медитеранскиот тип на исхрана и исхрана со мало количество на сол е најпрепорачлива за оваа возраст) -Внес на витамини и минерали во вид на суплементи (калциум,магнезиум,селен, витамини од групата Б, Витамин Д3, витамин Ц , цинк ) -Редовен сон (6-8 часа) -Социјални активности и прошетки редовно -Грижа за менталното здравје -Престанок со пушење и конзумирање на големи количества на алкохол
На крај би сакала да ви се заблагодарам уште еднаш и да ви посакам на Вас и сите членови на Здружението на пензионери на Македонија, добро здравје и мирни пензионерски денови.
🌷 Пролетта е време кога се буди природата, затоа разбудете ја грижата за сопственото здравје. Подготвивме голем број прегледи со акциска цена 🎯 За да закажете јавете се во нашиот контакт центар ☎️ 02/3091-484
