Автор: zmc_piksel_dev

Најчесто сувата кожа на телото и особено на рацете е карактеристична за ладните периоди, но се случува овој проблем да се појави и во летните месеци.
Без разлика што вклучуваат вашите летни планови, да опатувате на егзотичен одмор или да останете да работите во канцеларија, сувата кожа може да ви направи проблем. Причините за сува кожа во текот на летото не се исти како во зима.
Да ги разгледаме четирите вообичаени виновници за сувата кожа во лето и како да се справиме со истите.

Климатизација

Нема подобра средина од климатизирана просторија на жежок летен ден. Но, дали некогаш сте забележале дека климатизираниот воздух може да биде сув? Климатизацијата може да го исуши воздухот исто колку и да вклучена греалка во зима. Уште полошо, може да ви ги предизвика истите проблеми со сув воздух кои ќе ви предизвикаат тешкотии како намалена концентрација, главоболки, сува кожа и иритирани очи.

Откако ќе поминете над 40 часа неделно во климатизирана канцеларија и ќе си одите дома во климатизиран дом, вашата кожа копнее за влага. Доколку температурите се континуирано високи, воздухот е веќе сув, така што климатизираниот воздух уште повеќе придонесува вашата кожа да изгуби влажност да дехидрира и да стане сува.

Решение: Користете навлажнувач на воздух. Но, внимавајте во изборот на апарат за навлажнување на воздухот. Одберете некој кој нема претерано да навлажнува испуштајќи неконтролирано топла пареа или ладна магла во просторијата. Навлажнувачот треба со својата работа да одржува идеална релативна влажност помеѓу 40-60%. Со помош на навлажнувач, вашиот воздух ќе абсорбира онолку влага влага колку што е потребно.

Дополнителен бонус: Без разлика кое време од годината е, спиењето во просторија со навлажнувач ќе ви ја даде подмладувачката хидратација и нега што и е потребна на вашата кожа.

Изгореници од сонце

Дури и кога не е особено сончево надвор, секогаш треба да нанесувате крема за сончање со цел да ја заштитите природната бариера на вашата кожа од моќните УВ зраци кои можат да дејствуваат како забрзувач на стареењето на кожата. Особено е важно кога сте на плажа при што поголем дел од вашата кожа е изложен на сонце задолжително е да нанесете заштитна крема за сончање. Кога вашата кожа навистина ќе изгори, таа се суши, се осиромашува со антиоксиданси и липидниот статус нарушува. Кога тоа ќе се случи, мртвите клетки на кожата и оштетените липиди не можат да функционираат правилно за да се создаде соодветен слој кој ја задржува влагата во кожата. Како резултат на тоа, вашата кожа губи огромна количина на влага и како што најверојатно сте доживеале претходно, таа се лупи.

Решение: Останете хидрирани и навлажнувајте редовно додека третирате изгореници од сонце. Пијте многу вода за да спречите дехидрација и изберете лосиони и хидратантни креми кои содржат смирувачки состојки како алое вера или овес. Факт е дека изгорениците од сонце се доста штетни за вашата кожа, користете „креми, лосиони и гелови за после сончање“.Кратката верзија за заздравување на сува кожа изгорена од сонце: хидрирајте, навлажнете и надополнете ги потребните витамини! Ние ви го препорачуваме егзовес гелот од Институт.
Препорака: Гелот со колоиден овес – ЕГЗОВЕС на Institute нуди ефикасно решение за навлажнување, смирување на црвенилото, надокнада на липиди, антиоксиданси и регенерација на вашата кожа по сончање. Воедно смирува чешање и придонесува за одржување на природната бариера на кожата.

Базени

Користењето на базен во лето е многу често како активност. Но хемикалиите во базенот како хлорот може да предизвикаат сува кожа или дури и осип на чувствителна кожа. Откако ќе уживате во убавото капење во базенот, бидете свесни дека сувоста и крутоста што ја чувствувате на вашата кожа е резултат на хлорот што ги отстранува природните масла од кожата. Ова заедно со изгорениците од сонце може да биде ,,совршениот рецепт,, за летен проблем.

Решение: Ако планирате да поминувате повеќе време од вообичаено на базен, можеби треба да нанесете лосион пред пливање кој е специјално формулиран да го блокира хлорот и да ја заштити вашата кожа. Најдоброто нешто што можете да го направите по пливањето во базен е да се истуширате и да ги измиете хемикалиите на хлор од вашата кожа со сапун и вода. Подобро е да направите краток и ладен туш. Доколку се туширате со топла вода, топлината повеќе ќе ви ги отвори порите, дозволувајќи му на хлорот да навлезе во вашата кожа. Општо земено, многу топлите тушеви предизвикуваат и сува кожа бидејќи интензитетот на топлина може да ја лиши вашата кожа од природни масла.
Доколку имате многу чувствителна кожа, побарајте производи направени специјално за после базен кои делуваат на неутрализирање на хлорот, отстранување на мирисот на хлор и навлажнување на кожата.

Престој во природа

Се подготвувате за кампување или пешачење во шума или на планина? Покрај бубачките кои можат да ве каснат оставајжи црвенило, отоци или чешање, треба да внимавате и на растенија кои се опасни за вашата кожа, како на пример отровниот бршлен. Мнозинството луѓе се алергични на маслото кое го содржи отровниот бршлен. При контакт со него ќе се создаде осип, подигнати испакнатини, чешање и лупење.

Решение: Репелентните спрејови и лосиони помагаат во заштитата на вашата кожа од каснувања од бубачки. Внимавајте некои можат да бидат иритирачки за чувствителните типови на кожа. Размислете за хемикалиите (како DEET) кој може да се најде во вашиот спреј против бубачки и одлучете се за природни алтернативи. Миењето на кожата од овие репеленти со сапун и вода и нанесување навлажнувачки крем ќе помогне да се врати вашата кожа на здраво хидрирано ниво.
При контакт со отровен бршлен, веднаш измијте се со сапун и вода ако е можно. Контактирајте лекар или фармацевт во ваша близина или како домашна аптека може да послужат производите на природа база наменети за вакви кожни иритации на база на камилица, алое вера, колоиден овес.

Хидрирајте од внатре

Сите овие летни лекови за сува кожа имаaт едно нешто заедничко, а тоа е дека кожата треба да се навлажнува и да остане хидрирана. И додека има многу специјални креми, серуми и гелови за заштита на вашата кожа ова лето, одржувањето на вашето тело постојано хидрирано е многу полесно да се постигне. Хидратацијата од внатре кон надвор, особено со внесување на доволна количина на вода, ќе направи значителна разлика во здравјето на вашето тело и кожа.

Вентрикуларната тахикардија е срцев ритам кој произлегува од срцевите комори и означува срцев ритам од најмалку 120 отчукувања во минута (нормалниот пулс е обично помеѓу 60 и 100 отчукувања во минута).

Истата најчесто се манифестира со палпитации (чувство на забрзана срцева работа), отежнато дишење, болка во градите и/или несвестица.
За да се постави дијагноза меѓу другите методи, задолжитено треба да биде направена електрокардиографија.

Третманот може да вклучува медикаментозна терапија, т.е давање лекови. А, може да се применат и процедури како срцева дефибрилација која вклучува синхронизиран електрошок кој има за цел враќање на срцевиот ритам во нормала.

Вентрикуларната тахикардија обично се појавува кога има структурно срцево заболување, како што е миокарден инфаркт, срцева слабост или кардиомиопатија. Почеста појава е кај постарите луѓе.
Иако ретко, сепак се јавува и кај млади индивидуи кои не страдаат од структурни срцеви заболувања. Овие млади луѓе може да имаат срцева болест наречена долг QT синдром, кој може да биде наследен или предизвикан од одредени лекови. Може да се должи и на други ретки наследни нарушувања, како што е синдромот Бругада (срцева каналопатија).

Симптоми на вентрикуларна тахикардија

Кај вентрикуларната тахикардија, отчукувањата на срцето (палпитации) речиси секогаш се чувствуваат и може да бидат придружени со слабост, вртоглавица и/или непријатност во градите.

Продолжената вентрикуларна тахикардија може да биде опасна бидејќи коморите не се полнат правилно или не пумпаат нормално крв. Крвниот притисок има тенденција да опаѓа при што се јавува срцева слабост. Понатаму, вентрикуларна тахикардија е исто така опасна бидејќи може да се влоши во вентрикуларна фибрилација (срцев арест). Вентрикуларната тахикардија понекогаш не предизвикува значителни симптоми. Дури и при брзина од 200 отчукувања во минута, може да не се чуствуваат тегоби. Затоа може да биде исклучително опасна.

Дијагноза на вентрикуларна тахикардија

Вентрикуларната тахикардија може да се дијагностицира преку електрокардиографски (ЕКГ) преглед. Со помош на оваa испитување кардиологот може да утврди дали и каков третман му е потребен на пациентот со цел да се постигне нормален ритам на срцето и превенција на последователни епизоди.

Потребен е итен третман доколку вентрикуларната тахикардија предизвикува симптоми или кога епизодите траат повеќе од 30 секунди дури и ако нема симптоми.

Доколку се присутни симптоми, особено ако крвниот притисок е премногу низок, неопходна е итна кардиоверзија (електричен шок што го враќа срцето во неговиот нормален ритам).
Доколку нема симптоми, но вентрикуларната тахикардија трае повеќе од 30 секунди, треба да се даде кардиоверзија или интравенски лекови.

Кардиоверзијата е болна, бара седација, но речиси секогаш е ефикасна и настрана од непријатноста, има малку несакани ефекти.

Во запирањето на абнормалниот срцев ритам (аритмии), примањето терапија со лекови е помалку непријатно, но не е толку ефикасно како кардиоверзијата, а лековите имаат поголема веројатност да предизвикаат несакани ефекти.

Она што е долгорочно потребно е не само да се запре абнормалниот ритам , туку да се избегне ненадејна смрт. При постоење на вентрикуларна тахикардија со основна срцева болест, особено ако срцето не пумпа адекватно, обично се вградува имплантиран кардиовертер-дефибрилатор (ICD, мал уред способен да открие аритмија и да испорача шок за да се поправи). Оваа постапка е слична на вградување на пејсмејкер.

Може да се користат и други процедури кои ја корегираат абнормалната површина во коморите. Овие техники вклучуваат катетерска аблација (испорака на енергија на одредена ниска температура или фреквенција преку катетер вметнат во срцето) и операција на отворено срце.

Во Клиничката болница Жан Митрев, тимот на кардиолози ви стои на располагање за дијагноза и соодветен третман за сите срцеви заболувања преку персонализиран пристап. Сите срцеви интервенции се реализираат со претходна конзилијарно разгледување на случајот во кое учествуваат кардиолози, интервентни кардиолози, кардиохирурзии, анестезиолозии, и медицински сестри.

Закажете го вашиот преглед на 02 3091 484

Отитис медиа е локализирана инфекција или воспаление на средното уво.
Околу 75% од децата имале барем една епизода на воспаление на средното уво до тригодишна возраст. Отитис медиа може да влијае и на возрасните, иако тоа главно е состојба која почесто се јавува кај децата.

Што предизвикува воспаление на средното уво?

Воспалението обично започнува кога инфекциите во грлото, настинките или други проблеми со дишните патишта ќе се прошират на средното уво.

Кои се симптомите на воспаление на средното уво?

Најчестите симптоми на воспаление на средното уво се наведени подолу. Сепак, секој поединец може симптомите да ги доживее различно.

Вообичаени симптоми на отитис медиа кај децата се:

• Раздразливост
• Тешкотии при заспивање или поспаност
• Треска, особено кај бебиња и мали деца
• Истекување на течност од увото, или ушите
• Губење на рамнотежа
• Проблеми со слухот.

Симптомите на воспаление на средното уво често може да личат и на други состојби или медицински проблеми и може да бидат погрешно протолкувани. Затоа е важно да биде направена соодветна дијагностика.

Покрај симптомите наведени погоре, нетретираниот отитис медиа може да ги предизвика и следниве проблеми:

• Инфекција на други делови од главата.
• Трајно губење на слухот.
• Проблеми со развојот на говорот.

Како се дијагностицира отитис медиа?

Покрај физичкиот преглед и земање комплетната медицинска историја, лекарот ќе го испита надворешното уво и тапанчето, во едното или двете уши, со помош на отоскоп. Отоскопот е инструмент со чија светлина му овозможува на лекарот да види внатре во увото. Со пневматски отоскоп се дува воздух во увото за да се анализира движењето на тапанчето.

Може да се изврши и тимпанометрија, тест кој овозможува воздухот и звукот да се насочат во средното уво.
Третман за воспаление на средното уво
Третманот ќе биде определен од страна на лекарот врз основа на комбинацијата од неколку фактори :

• Возраста на пациентот, општата здравствена состојба и медицинската историја
• Степенот на болеста (колку напредувала болеста)
• Очекувањата за текот на болеста
• Толеранцијата на пациентот на одредени лекови, процедури или терапии.

Третманот може да вклучува:

• Антибиотски лекови
• Лекови против болки
• Операција во која се вметнуваат туби за лекување на хронични инфекции на тапанчето.

Во Клиничката болница Жан Митрев, одделот за оториноларингологија ви стои на располагање за дијагностика и третман на сите проблеми поврзани со уво нос и грло.

Закажете го вашиот преглед на 02 3091 484

Алергијата на сонце е термин кој често се користи за опишување на голем број состојби во кои се појавува осип со чешање на кожата која била изложена на сончева светлина. Најчеста форма е полиморфната светлосна ерупција, попозната и како алергија на сонце.

Некои луѓе имаат наследен тип на алергија на сонце. Други развиваат знаци и симптоми само кога е присутен дополнителен фактор, како што е одреден лек или изложеност на кожата на одредени алергени.

Благите случаи на алергија на сонце може да исчезнат сами по себе без третман. Потешките случаи може да бараат третман со стероидни апчиња или креми. Луѓето кои имаат тешка алергија на сонце задолжително треба да преземат превентивни мерки и да носат облека што ги штити од сонце.

Симптоми

Изгледот на кожата со алергија на сонце може многу да варира во зависност од тоа што го предизвикува проблемот. Знаците и симптомите може да вклучуваат:

• Црвенило
• Чешање или болка
• Мали испакнатини
• Лупење, формирање на кора или крварење
• Плускавци или уртикарија

Знаците и симптомите обично се јавуваат само на деловите на кожата која била изложена на сонце и тоа во рок од неколку минути до неколку часа по изложувањето на сонце.

Кога треба да посетите лекар

Посетете го вашиот лекар доколку по изложување на сончева светлина сте забележале невообичаени, бурни реакции на кожата. За тешки или постојани симптоми, треба да посетите лекар кој е специјализиран за дијагностицирање и лекување на кожни заболувања односно дерматолог.

Причини

Некои лекови, хемикалии и болести можат да ја направат кожата почувствителна на сонце. Не е јасно зошто некои луѓе имаат алергија на сонце, а други не. Можеби некои наследни особини играат улога.

Кои се ризик фактори за појава на алергија на сонце?

Ризик факторите за појава на алергија на сонце вклучуваат:

• Раса – Било кој може да страда од алергии на сонце, но има одредени алергии на сонце кои се почести кај луѓето со светла кожа.
• Изложеност на одредени супстанции – Некои симптоми на алергија на кожата се активираат во комбинација кога кожата била изложена на супстанцијата, а потоа и на сончева светлина. Супстанциите кои често предизвикуваат ваков тип на реакции вклучуваат: парфеми, средства за дезинфекција, па дури и некои хемикалии кои се користат во кремите за сончање.
• Консумација на одредени лекови – Некои лекови може да го забрзаат процесот на појава на реакција на кожата – како што се тетрациклински антибиотици, сулфатни лекови и лекови против болки како што е кетопрофен.
• Присуство на друга болест на кожата – Дерматитисот го зголемува ризикот од алергија на сонце.
• Наследен фактор од алергија на сонце – Поголема е веројатноста да имате алергија на сонце ако имате родител, брат или сестра со алергија на сонце.

Превенција

Доколку имате зголемена чувствителност или алергија на сонце, можете да помогнете во спречување на појава на симптомите со следниве чекори:

• Избегнувајте сонце во време кога сонцето најсилно зраќи. Обидете се да не се изложувате на сонце помеѓу 10 и 17 часот.
• Носете очила за сонце и заштитна облека. Кошули со долги ракави и шапки /капи со широк обод можат да помогнат да се заштити вашата кожа од изложување на сонце.
• Избегнувајте ткаенини кои се тенки или имаат ретко ткаење, бидејќи УВ зраците можат да поминат низ нив.
• Користете крема за сончање која е со широк спектар на делување и со заштитен фактор од најмалку 30. Нанесете крема за сончање обилно и повторно нанесувајте на секои два часа, или почесто ако пливате или се потите.
• Избегнувајте познати алергени. Ако знаете дека одредена супстанца, лек или растение ви предизвикува реакција на вашата кожа, избегнувајте го тој предизвикувач.

Дијагноза

Во многу случаи, лекарите можат да дијагностицираат алергија на сонце само со обичен кожен преглед. Меѓутоа, доколку дијагнозата не е јасна, можеби ќе ви требаат дополнитени испитувања кои ќе ви помогнат да го откриете проблемот на вашата кожа.

Третман

Третманот зависи од типот на алергија на сонце што ја имате. За благи случаи, понекогаш доволно е неколку дневно избегнување на УВ зраците при што ќе исчезнат и самите симптоми.
Ако имате тешка форма на алергија на сонце, нашиот тим дерматолози е секогаш достапен за совети и третман на сите ваши проблеми со кожата настанати како резултат на изложување на сончева светлина.

Закажете го вашиот преглед на 02 3104-910 и консултирајте се со нашите дерматолози кои соодветно и преку персонализиран пристап ќе ви понудат решение за сите ваши проблеми со кожата.

Алергиите се имунолошкa реакција-oдговор на одредени супстанции внесени во организмот. Кога имунолошкиот систем препознава алерген, тој предизвикува хиперсензитивен одговор, при што се излачуват хемикалии како што е хистаминот, предизвикувајќи симптоми на алергија.

Доколку сте алергични, вашиот имунолошки систем неточно препознава безопасна супстанција сметајкија за штетен напаѓач и произведува антитела. Тие потоа предизвикуваат реакција која може да се манифестира на кожата, во синусите, респираторниот тракт или дигестивниот систем.
Сериозноста на алергиите може многу да варира во зависност од личноста и самиот алерген. Понекогаш реакцијата е блага иритација, но може да доведе и до сериозна состојба, како што е анафилакса.

Кои се причините?

Меѓу најчестите причини за алергии идентификувани се следниве:

• Алергени во воздухот: полен, првут од домашни миленици, грини од прашина и мувла.
• Храна: јаткасти плодови, пченица, соја, риба, школки, јајца и млеко. LTP (протеин за транспорт на липиди), протеин присутен во зеленчукот.
• Убод од хименоптера: пчели и оси.
• Лекови: антибиотици како што се пеницилин, антиинфламаторни лекови и сл.

Кои се симптомите?

Постојат неколку видови на симптоми на алергија кои можеме да ги поделиме според делот од телото на кој влијаат:

• Кожа: чешање, уртикарија и црвенило.
• Очи: конјунктивитис (чешање, солзење и фотосензитивност).
• Нос: ринитис, синузитис и крварење од носот.
• Респираторен систем: астма.
• Дигестивен систем: гадење, повраќање, дијареа и болки во стомакот.
• Хематолошки систем: анемија, леукопенија и тромбоцитопенија.

Бидејќи секој алерген обично предизвикува слични симптоми, може да се класифицираат и според типот на алергија:

• Поленска треска или алергиски ринитис: кивање, чешање на носот и очите, конјунктивитис, иритација и течење на носот.
• Алергии на храна: утикарија, пецкање во устата и отекување на усните, јазикот, лицето или грлото.
• Убод од хименоптеран: Едем (оток) на местото на убодот, чешање на целото тело, стегање во градите, кашлица, отежнато дишење.
• Алергии на лекови: утикарија, чешање на кожата, осип, оток на лицето и отежнато дишење.
• Атопичен дерматитис или егзема: чешање, црвенило и лупење на кожата.

Компликации

Кога алергиите се тешки, ризикот од здравствени проблеми се зголемува, па затоа е корисно да се знаат најчестите компликации кои би можеле да настанат:

• Анафилакса: Ова е тешка реакција предизвикана од алергија која може да биде опасна по живот. Најчести симптоми се губење на свеста, тешко отежнато дишење и пад на крвниот притисок. Главните предизвикувачи на алергени се храна, лекови и убоди од пчели, оси и други инсекти од групата химноптера.
• Астма: оваа реакција на имунолошкиот систем често се активира со изложување на алерген присутен во надворешната околина.
• Синузитис и инфекции на увото или белите дробови: астмата или поленската треска го зголемуваат ризикот од нивна појава.

Дијагноза и третман

Зголемената распространетост на проблемите од алергиско потекло кај голем процент на населението, има овозможено многу повеќе знаење за оваа област која брзо напредува во последните децении, а со тоа и ефикасноста на третманите.

Во нашата клиника, стручните лекари пулмоалерголози и дерматолози можат да дијагностицираат хиперсензитивност на која било храна или лек преку широк панел на кожни и лабораториски тестови. Така врз основа на овие резултати, пациентите ќе добиjат соодветен медикаментозен третман и стручни совети за превенција и намалување на алергиските проблеми.

Закажете го Вашиот преглед на 02 3091 484