Автор: zmc_piksel_dev

Сигурно барем еднаш во животот сте го слушнале терминот сколиоза и веројатно ве потсетува на деновите кога како деца/тинејџери сте оделе на систематски преглед. Но, да се потсетиме. Сколиозата претставува искривување на ‘рбетниот столб. Здрав ‘рбет гледан од напред или одзади е прав. При појава на сколиоза се забележува странично искривување на ‘рбетот на десно или на лево.
Освен визуелно т.е со голо око, конечната дијагноза се поставува со помош на направена РТГ снимка во консултација со лекар ортопед или физијатар.
Тој ќе го измери искривувањето на ‘рбетот во степени, како да е агол, познат како „аголот на Коб“.
За искривување – сколиоза се сметаат сите отстапувања кои се поголеми од 10 степени.

Какви видови на сколиоза постојат?

Адолесцентна идиопатска сколиоза:
Сколиозата може да се појави на која било возраст, но најчестиот тип, адолесцентната идиопатска сколиоза, се појавува по 10 годишна возраст, на тинејџерска возраст. Причините можат да бидат најразлични, но во најголем број случаи е од неправилно седење или држење на телото во нездрава позиција.

Детска сколиоза:
Инфантилната сколиоза се јавува кај деца под 3 годишна возраст. Таа може да биде резултат на пршлени со абнормална форма која е вродена, разни синдроми, невролошки нарушувања или непознати причини (идиопатска).
Јувенилната сколиоза е поредог вид и се јавува кај деца помеѓу 3 и 10 години.

Која е причината?

Во повеќето случаи на сколиоза, точната причина (идиопатска) не е позната. Сепак, сколиозата може да се појави кај луѓе во исто семејство. Кога тоа ќе се случи, веројатно постои генетска компонента како причина.

Кои се знаците и симптомите на сколиозата?

Сколиозата понекогаш е лесно да се забележи, бидејќи искривувањето на ‘рбетот може да предизвика телото на една индивидуа да се навали на десно или на лево. Кај некои деца со сколиоза едното рамо е повисоко од другото и едната плешка (рамената лопатка) е испакната повеќе од другата.

Како се дијагностицира сколиозата?

Прво, лекарот зема детална медицинска историја, вклучувајќи прашања за неодамнешниот раст на детето. Дополнително, може да се направи рендген, кој ќе ја потврди дијагнозата и ќе ја открие сериозноста на искривувањето на ‘рбетот.

Вашиот лекар ќе ве прегледа и може да ве упати кај ортопедски хирург кој е експерт за лекување на коски и мускули.

Рангирање на степенот на искривување

• Искривувањето се смета дека е мало кога е под 20 степени.
• Искривувањето е умерено кога е помеѓу 25 и 40 степени.
• Искривувањето е сериозно кога надминува 50 степени. Овој тип на искривување може да ги оштети белите дробови. Затоа ортопедските хирурзи и трауматолози често преземаат хируршки мерки пред ова да се случи, така што искривувањето не ја достигнува оваа последна точка.

Како се лекува сколиозата?

На повеќето деца со блага сколиоза не им е потребен третман, се препорачуваат корективни вежби и редовни прегледи за да се уверат дека деформацијата не прогресира.
Кога лекарот смета дека кривата од умерена преминува во тешка и дека може да се влоши или да предизвика проблеми, се препорачува употреба на ортопедски корсет додека детето не престане да расте.
Корсетот не се користи за корекција на претходно постоечка крива, но може да спречи таа крива да се влоши.
Децата со тешка сколиоза најверојатно ќе мора да бидат подложени на операција.

Доколку мислите дека вашето дете може да има сколиоза, закажете консултација со лекар ортопед за навремено откривање и третирање.

Бубрезите се едни од клучните органи во вашето тело. Тие прават многу за вас секој ден, почнувајќи од филтрирање на токсините, одржување на хемиската рамнотежа на крвта, се до производство на хормони.
Грижата за нив не е тешка, ниту компликувана. Она што треба да направите е да ги спроведете советите кои ќе ги најдете подолу. Тоа ќе ви помогне да ги одржите здрави вашите бубрези.

Кои се ризик факторите за појава на бубрежна болест?

• Хипертензија
• Дијабетес
• Семејна историја на бубрежна болест
• Дебелина
• Пушење
• Возраст над 50 години

Доколку имате еден или повеќе од овие ризик фактори, можноста за развој на бубрежна болест е поголема. За да ја намалите оваа можност, препорачуваме да воведете здрав начин на живот

Еве неколку совети како да се грижите за своите бубрези со цел да избегнете можна бубрежна болест:

Не пушете

Пушењето ја намалува циркулацијата на крвта и тоа може да резултира со недоволно снабдување на бубрезите со крв. Ако овие органи не добиваат доволно крв, тие не можат да функционираат правилно. Пушењето исто така ги зголемува шансите за развој на рак на бубрезите.
Вежбајте, практикувајте редовна физичка активност
Одржувањето на вашето тело во форма и физичката активност се важни за вашето целокупно здравје. Вежбањето може да помогне во подобувањето на телесната циркулација и намалување на крвниот притисок кој е главен ризик фактор за проблеми со бубрезите.

Одржувајте нормална телесна тежина

Бубрезите работат понапорно кај лицата со прекумерна тежина за да ја компензираат дополнителната телесна маса. Потребен е поголем напор за филтрирање на отпадот и управување со другите функции на телото кога има повеќе телесна маса за опслужување.

Избегнувајте сол

Намалувањето на внесот на сол, може значително да влијае на голем број ризик фактори кои се поврзни со проблемите со бубрезите. Избегнувајте преработена и конзервирана храна секогаш кога е можно, бидејќи истата содржи големи количини на сол и натриум.

Контролирајте го нивото на шеќер во крвта

Високото ниво на шеќер во крвта може да ги оштети крвните садови во бубрезите, предизвикувајќи нивно неправилно функционирање. За да ги заштитите овие органи, важно е да го одржувате шеќерот во крвта во границите на нормалата

Пијте вода

Да се биде хидриран, т.е да се внесува соодветно колочество на вода, помага на вашите бубрези да функционираат нормално, отстранувајќи ја солта и токсините од вашето тело. Не се препорачува да пиете прекумерни количини вода наеднаш, подобро е да пиете континуирано во текот на денот.

Дознајте ја вашата семејна историја

Некои бубрежни заболувања се наследни. Дијабетесот и високиот крвен притисок, исто така, имаат тенденција да имаат генетска компонента. Разговарајте со членовите на вашето семејство за сите овие состојби за да одредите дали сте изложени на висок ризик за проблеми со бубрезите како што се инфекции на бубрезите и бубрежни заболувања.

Проверете ги бубрезите

Постојат два вида тестови кои даваат точни информации за тоа дали вашите бубрези се здрави. Тоа се анализа на уриуна и анализа на крв. Анализата на урината ќе утврди кои типови на протеини и албумин се присутни во вашата урина. Различни видови може да укажуваат на бубрежна болест. Тестот на крвта ќе открие колку отпад има во вашата крв и исто така ќе утврди дали вашите бубрези ја вршат правилно својата функција.

Обрнете внимание на вашите лекови

Бубрезите се одговорни за отстранување /филтрирање на лековите од телото. Земањето премногу лекови против болки во тек на долг временски период, може да предизвика оштетување на бубрезите. Најштетни видови на лекови се нестероидните антиинфламаторни лекови. Оние кои земаат лекови за хронична болка, треба задолжително да се консултираат со својот лекар и за можна примена на други методи за ублажување на болката кои не се штетни на нивните бубрези.

• 

Ноември – месец на машкото здравје

Во ноември, се случува една од најважните кампањи која што во последните години изврши големо влијание од општествен аспект. Станува збор за месецот на машко здравје промовиран и етаблиран како Movember. Ова движење има цел да ја подигне свеста за важноста на машкото здравје.

Но, што е Movember?

Станува збор за доброволна кампања која има за цел да даде поголема видливост, свесност и во крајна линија да го подобри машкото здравје.
Оваа иницијатива започнува со растење на мустаќи. Целта на овој гест е да ги потсети мажите за важноста да се грижат за себе и да одат на редовни контроли за превенција и борба против болести како што се ракот на простата и ракот на тестисите.

Ракот на простата е најчест тумор кај машката популација. Од друга страна, ракот на тестисите е тумор кој главно ги погодува младите меѓу 20 и 35 години.
Раното откривање на двата вида на рак е од суштинско значење за да може да се започне со соодветниот третман што е можно поскоро и да се зголемат шансите за излекување.

Симптоми на рак на простата

Ракот на простата е еден од најчестите видови рак кој ги погодува мажите. Симптомите генерално се отсутни во раните фази. Меѓутоа, ако тие се појават, најчесто се:

• Зголемена фреквенција на мокрење
• Уринарна итност придружена со болка и пецкање
• Чувство на нецелосно празнење на мочниот меур
• Појава на крв во урината и спермата
• Болка или печење при мокрење
• Непријатност или болка при седење, предизвикани од зголемена простата.

Уринарните симптоми може да бидат и резултат на инфекција на мочниот меур или други состојби. Ако сте загрижени за какви било промени што сте ги доживеале, разговарајте со вашиот лекар.

Симптоми на рак на тестисите

Овој тип на рак исто така не покажува симптоми во почетната фаза. Но, препорачливо е да посетите лекар ако забележите некој од следниве предупредувачки знаци:

• Присуство на грутка во тестисот
• Промена на големината или обликот на тестисот
• Често чувство на полн мочен меур
• Присуство на крв при мокрење
• Појава на болка во долниот дел на стомакот или препоните

За да се намали ризикот од заболување од овој тип на рак, препорачуваме преземање мерки како што се водење здрав живот (консумирање здрава исхрана, вежбање /физичка активност, да не пушете, да избегнете конзумирање на алкохол и стресни ситуаци) и секако еднаш годишо посета на уролог со цел да се открие било каква болест во рана фаза уште пред појавата на првите симптоми.

Спинална хирургија преставува дел од хируршките гранки, во медицината, која се однесува на изведување на оперативни интервенции на рбетниот столб.
Рбетниот столб е комплексна единица која се состои од структурите на мускулно-скелетниот систем и нервниот систем кај човекот.

• Проблемите кои се појавуваат на рбетниот столб етиолошки(причински) може да се поделат на:
• Деформитети на рбетниот столб (вродени и стекнати)
• Сршеници на рбетниот столб(при пад или траума)
• Патолошки скршеници на рбетниот столб (остеопоротични скршеници, скршеници во склоп на малигни болести)
• Примарни тумори на рбетниот столб и секундарни метастатски депозити
• Инфективни промени на пршленско тело и дискус (специфични и неспецифични инфекции, како и во склоп на други инфективни болести)
• Дегенеративни болести на дискус
• Дегенеративни болести на рбетниот столб(спондилоза, спондилоартроза)

Спинални оперативни интервенции

• Задна инструментација (заден пристап)
• Предна инструментација (преден пристап)
• 360 степени(заден/преден комбиниран пристап)
• MISS (минимално инвазивни оперативни интервенции)
• Вертебропластика и кифопластика

Oвие процедури се користат за третман на компресивни фрактури на пршлените предизвикани од остеопороза.
И двете постапки вклучуваат инјектирање на коскен цемент сличен на лепак кој ја стврднува и ја зајакнува коската/пршленот.

Спинална ламинектомија/спинална декомпресија

Oва оперативна интервенција се изведува кај ‘рбетна стеноза, тоест состојби кои предизвикуваат стеснување на’ рбетниот канал што резултира со последователна компресија на рбетниот мозок и нервните корени, а се манифестира со болка, радикулопатија, вкочанетост или слабост.
Хирургот ги отстранува коскените ѕидови на пршлените и сите коскени шилци(остеофити), со цел да се отвори ‘рбетниот канал, се одстрани стенозата, а со тоа да се отстрани притисокот врз рбетниот мозок и нервните корени.

Дисектомија (парцијална или комплетна дисeктомија)

Оваа постапка се користи за отстранување на дискот кога има хернија и притиска на нервниот корен или на ‘рбетниот мозок.
Ламинектомијата и дисектомијата често се изведуваат заедно.

Фораминотомија

Во оваа процедура, хирургот ја зголемува коскената дупка каде нервниот корен излегува од ‘рбетниот канал за да спречи испакнати дискови или зглобови задебелени со возраста да не го притискаат нервот.

Нуклеопластика (исто така наречена декомпресија на плазма диск)

Оваа ласерска хирургија користи радиофреквентна енергија за лекување на луѓе со болки во долниот дел на грбот поврзани со блага хернија на дискот.

Хирургот вметнува игла во дискот. Плазма ласерски уред потоа се вметнува во иглата и врвот се загрева, создавајќи поле што го испарува ткивото во дискот, намалувајќи ја неговата големина и ослободувајќи го притисокот врз нервите.

Спинална фузија

Хирургот го отстранува ‘рбетниот диск помеѓу два или повеќе пршлени, а потоа ги спојува соседните пршлени со помош на коскени графтови или метални уреди обезбедени со завртки.
Спиналната фузија може да резултира со одредено губење на флексибилноста на’ рбетот и бара долг период на опоравување за да им се овозможи на коскените графтови да враснат и да ги спојат пршлените заедно.

Замена со вештачки диск

Ова се смета за алтернатива на спинална фузија за третман на луѓе со сериозно оштетени дискуси.
Постапката вклучува отстранување на дискот и негова замена со синтетички диск кој помага да се врати висината и движењето помеѓу пршлените.

Д-р Љупчо Николов
Специјалист по општа хирургија

• 

Здруженијата за радиологија секаде низ светот го одбележуваат овој датум и ги повикуваат сите да им се приклучат во негово одбележување.

Медицинското снимање е една од највозбудливите и најпрогресивните дисциплини во здравството. Но, додека рендгенските снимки, скеновите со МР, ултразвукот и другите технологии за медицински слики се познати на многу луѓе, нивната вредност и влијание врз грижата за пациентите не се широко разбрани. Затоа од 2012 година почна да се одбелажува овој ден со цел за да се изгради повисока свест за радиологијата и виталната улога што ја играат радиолозите во грижата за пациентите.

Благодарение на радиологијата, денес може да се дијагностицираат фрактури, да се постават и прилагодат протези, да се следи еволуцијата и развојот на фетусот и да се утврди состојбата на мозокот. И сето тоа, без да мора да се направи операција или други болни интервенции.

Малку од историјата на радиологијата

Датумот за одбележување на овој ден е всушност денот кога Вилхелм Конрад Рентген, ги открил рентген зраците. Тој на 8 ноември 1895 година спроведувајќи експеримент со катодни зраци и вакуумски стаклени ампули, забележал дека кога струјата минува низ ампулата, се произведува флуоресцентен ефект, нешто што се случувало и на фотографските плочи. Овој научник своето откритие го нарекол х-зраци и им открил на научниците и медицинските работници дека со помош на овие зраци може да се види внатрешноста на телото. Само 3 месеци од неговото откритие, рентген снимките се воведуваат во сите болници во големите градови.

Овој светски ден, исто така, се обидува да ги актуелизира и ризиците при работење во оваа професија, како и да поттикне потрага по нови технологии и нови методи за добивање снимки.

Сигурно некогаш во животот сте направиле една или повеќе рентген снимки кои ви помогнаа да ја надминете повредата или проблемот. На овој ден едноставно треба да размислиме за тоа колку треба да им бидеме благодарни на луѓето што го откриле и го развиле, како и на радиолозите кои секојдневно изложуваат дел од своето здравје за да добијат слика за внатрешноста на нашето тело која ни овозможува прецизна дијагноза проследена со соодветен третман.

Честит светски ден на радиологија!

Иако при споменување на зборот протеза првата асоцијација е поврзана со изгубен екстремитет или корекција на заби, сепак важно е да се знае дека постојат огромен број на различни видови протези. Една од нив е и тестикуларниот имплант.

Детали за тестикуларен имплант

Тестикуларна протеза е вештачки имплант кој се става во празен скротум. Имплантот може да се користи кај мажи кои се родени без тестис или оние кои изгубиле тестис поради повреда или болест. Целта на имплантот е да го подобри изгледот и да ги смири психолошките стравови. Оваа протеза не функционира како вистински тестис.

Најчесто барањата за протеза на тестисите доаѓаат од мажи кои се родени со тестис и подоцна го изгубиле.
Протезите на тестисите се во употреба од 1940-тите. Во минатото, тие биле направени од различни материјали. Сега, тие главно се направени од силиконска гума и се полни или со силиконски гел или со физиолошки раствор (солена вода). Тестикуларната протеза ќе има тежина, форма и чувство слично на нормалниот тестис. Достапна е и во различни големини за да може добро да се совпадне со постоечкиот тестис.

Кои состојби или настани може да резултираат со губење тестис?

Постојат неколку причини поради кои некому можеби му недостасува тестис.

• Тестисот е малформиран или исчезнат при раѓање.
• Отстранет хируршки поради повреда, како што е тешка торзија (извртување).
• Неуспешно спуштен во скротумот.
• Тестисот бил отстранет поради инфекција.
• Тестисот бил отстранет како дел од третман на рак на тестисите.
• Тестикуларната протеза може да биде и дел од операцијата за промена на полот од жена во маж.

Која е процедурата за имплантација на тестикуларна протеза?

Кога ќе одлучите да ја направите оваа процедура, важно е да биде изведена од хирург кој е специјализиран за имплантација на протеза на тестисите.
Клучно е да разговарајте со хирургот за сите ваши прашања и дознајте ги сите детали од процедурата претходно.

Општо земено, постапката за имплантација вклучува:

• Поставување на пациентот под општа (цело тело) или локална анестезија (лек за блокирање на болката) што ќе спречи чувство на болка во долниот дел од телото за време на процедурата.
• Правење засек во долниот дел на препоните или горниот скротум.
• Создавање торбичка за протезата.
• Шиење или на друг начин фиксирање на имплантот на место во правилна положба.
• Затворање на засекот со конци.

Оваа процедура обично се изведува како рутинска операција со еден ден болничко лекување. Истата во нашата клиника се изведува од стручен тим предводен од д-р Горан Јовиќ

Почнувајќи од 5 ноември заклучно 31.12.2021 година, нашиот најбаран преглед – кардиоваскуларниот пакет е со промотивна цена од -20%. Затоа, не одложувајте повеќе, доверете го вашето срце на нашите кардиолози и бидете сигурни дека е во вистинските раце.

Кардиоваскуларнот пакет опфаќа комплетен преглед на вашето срце и крвни садови и се состои од: ЕХО на срце, ЕКГ, доплер на каротидни артерии, доплер на периферни крвни садови и преглед на аорта.

На располагање се термини кај сите наши кардиолози: д-р Тања Анѓушева, д-р Вилама Ампова-Соколов, доц. д-р Планинка Зафировска, д-р Енвер Идоски, д-р Шпенд Идризи, проф. д-р Милка Клинчева, д-р Иван Милев, д-р Дашурие Незир, д-р Илија Нешковски, д-р Петар Угуров Закажете термин кој ви одговара на 02/3091-481

Постојат болести кои имаат тенденција да не се манифестираат со речиси никакви симптоми и затоа ретко се дијагностицираат навреме. Но и покрај ова, можно е нивно спречување.

Еве како да се погрижите за петте најчести болести кои се развиваат без посебна симптоматологија:

1. Дијабетес тип II

Дијабетесот тип II е хронична болест, при која телото развива отпорност на инсулин и како последица на тоа, го зголемува нивото на шеќер во крвта. Со текот на времето, ова зголемено ниво на шеќер во крвта може да има сериозни здравствени последици кои потоа можат да влијаат на виталните органи како што се бубрезите.

Има многу луѓе кои не знаат дека имаат дијабетес тип II бидејќи отсуството на симптоми може да трае многу години.

За оние со фактори на ризик како што се семејна историја на дијабетес, прекумерна тежина и / или висок крвен притисок, важно е да водат здрав живот и да прават редовни тестови со кои ќе се дојде до рано откривање на оваа болест.

2. Висок крвен притисок

Крвниот притисок е притисокот на крвта врз артериите која срцето ја пумпа, а тие ја спроведуваат до различните органи на телото. Високиот крвен притисок или хипертензијата е вообичаено пореметување во кое нивото на крвниот притисок постојано се зголемува.

За да се обидете да спречите хипертензија, важно е да се придржувате до здрав начин на живот: непушење, контролирана тежина, намалување на консумацијата на алкохол, вежбање и здрава исхрана погодна за срцето, како што е на пример намалување на внесот на сол.

3. Sleep apnea / Ноќна апнеа

Тоа е нарушување кое го прекинува дишењето за време на спиењето. Луѓето кои се изложени на најголем ризик да заболат од ноќна апнеа се најчесто мажи, сите со прекумерна тежина, лица со семејна историја на апнеа или пациентите со тесни дишни патишта.

Кога спиењето е прекинато во текот на ноќта, постои опасност да бидете поспани во текот на денот. Затоа, има повеќе шанси да доживеете сообраќајна несреќа, несреќа при работа или да се појави друг здравствен проблем.

Дијагнозата се заснова на преглед на вашата медицинска и семејна историја, физички преглед и резултатите од полисомнографското испитување кое се спрроведува со помош на апарат полисомнограф кој го носите при спиење.

4. Рак на белите дробови

Ракот на белите дробови, генерално, не дава никакви знаци или симптоми додека болеста не е во напредна фаза. Само понекогаш во раните фази, може да се појават вообичаени симптоми како кашлица, болка во градите и коските или замор и слабост.

Пушењето цигари е присутен како фактор во повеќето случаи, но во голем број случаи се појавува и кај непушачи.

Не постои точна формула за спречување на оваа болест, иако е можно да се намали ризикот од заболување од неа со избегнување на конзумирање тутун, вежбање и спроведување на здрава исхрана. Периодичните здравствени проверки можат рано да ја откријат појавата на ракот на бели дробови.

Од сето ова погоре наведено можеме да заклучиме дека потребно е да се прават редовни контоли и да се води сметка за животниот стил.

5. Глауком

Глаукомот е причина број 1 за слепило во светот. Тоа е дегенеративно заболување кое произлегува од зголемување на интраокуларниот притисок, кој полека и прогресивно ги зафаќа влакната на оптичкиот нерв.

Доколку не се открие навреме, глаукомот предизвикува неповратно губење на видот.

Бидејќи нема симптоми во почетните фази, неопходно е редовно да се вршат очни прегледи кои ќе придонесат за негово рано откривање, доколку се појави.

Најдобар начин да се спречи ова нарушување е да се практикуваат здрави животни навики кои вклучуваат редовно вежбање и урамнотежена исхрана.