Stomatologjia estetike është një degë e stomatologjisë që merret me përmirësimin e pamjes estetike zbukurimin e buzëqeshjes. Kjo degë fokusohet në korrigjimin e papërsosmërive dentare si ngjyra, forma, madhësia dhe drejtimi i dhëmbëve. Me trajtime të tilla si fasetat prej porcelani, zbardhja dhe rindërtimi i dhëmbëve, arrihen transformime estetike që rrisin vetëbesimin dhe personalizojnë bukurinë e buzëqeshjes në mënyrë cilësore dhe të përshtatshme. Nëse jeni të interesuar të përmirësoni pamjen e buzëqeshjes suaj, ju rekomandojmë që të rezervoni konsultën tuaj me stomatologët tanë në 072 267 064 ose 02 3091 484.
Çfarë trajtimesh mbulon stomatologjia estetike?
Stomatologjia estetike përfshin një sërë trajtimesh që synojnë të përmirësojnë estetikën e buzëqeshjes.
Zbardhja e dhëmbëve – ndikon në ngjyrën dhe eliminon njollat në dhëmbë, duke përmirësuar bardhësinë dhe shkëlqimin e dhëmbëve.
Rindërtimi i dhëmbëve – riparon dhe rikthen dhëmbët e dëmtuar apo të konsumuar, duke përmirësuar funksionalitetin dhe estetikën e tyre.
Laminatet dentare – këto janë shtresa të holla që ngjiten në sipërfaqen e përparme të dhëmbëve për të korrigjuar formën, ngjyrën dhe pozicionin e tyre.
Si kryhet?
Trajtimi estetik dentar fillon me një konsultë, ku vlerësohet gjendja e çdo individi/pacienti. Gjatë këtij konsultimi diskutohen problemet dhe qëllimet estetike të pacientit. Më pas, do të kryhet një ekzaminim i plotë dentar, i cili mund të përfshijë radiografi dhe skanime dixhitale, për të vlerësuar shëndetin oral dhe për të përcaktuar planin e duhur të trajtimit.
Pasi të përcaktohet plani i trajtimit, kryhen procedura specifike dentare kozmetike. Këto mund të përfshijnë zbardhjen e dhëmbëve, fasetat prej porcelani, implantet dentare ose trajtime të tjera të përshtatura për nevojat e pacientit.
Nëse jeni të interesuar të përmirësoni pamjen e buzëqeshjes suaj, ju rekomandojmë që të rezervoni konsultën tuaj stomatologjike në 072 267 064 ose 02 3091 484 dhe merrni zgjidhjen për të cilën keni pritur!
Implantologjia është pjesa e kirurgjisë orale që përfshin vendosjen e një implanti dentar. Është një procedurë që zëvendëson rrënjët e dhëmbëve tuaj, me metal titani që duken si vida, për të zëvendësuar dhëmbin e humbur ose të dëmtuar me një dhëmb artificial që duket dhe kryen të njëjtin funksion si dhëmbët e vërtetë. Procedura operative që do të përdoret për kryerjen e implantit varet nga lloji i implantit dhe gjendja e nofullës. Vendosja e implantit dentar është operacion që mund të përfshijë disa procedura. Përfitimi kryesor i implanteve është mbështetja e fortë për të gjithë dhëmbët e rinj. Ky proces kërkon integrimin e implantit në kockë. Meqënëse për shërimin e kockës kërkohet kohë, vetë procesi mund të zgjasë disa muaj (3-4 muaj).
Përse dhe kur bëhet implanti dentar?
Implantet dentare vendosen në mënyrë kirurgjikale në nofull, ku shërbejnë si rrënjë për dhëmbët e humbur/të hequr më parë. Implantet dentare mund të jenë të përshtatshme për ju nëse:
Ju mungojnë një ose më shumë dhëmbë
Nofulla është e shëndetshme dhe ka rritje të plotë
Keni kockë të mjaftueshme për të mbështetur implantet ose mund të bëni transplant të kockës
Keni inde të shëndetshme orale
Nuk keni sëmundje që do të ndikojnë në shërimin e kockave
Ju nuk mund ose nuk dëshironi të mbani protezë
Dëshironi të përmirësoni të folurit tuaj
Jeni gati t’i përkushtoheni procesit për disa muaj
Nuk jeni duhanpirës
Rreziqet e mundshme
Si çdo operacion, implanti dentar mbart disa rreziqe shëndetësore. Megjithatë, problemet ndodhin rrallë, dhe nëse ndodhin, ato zakonisht janë të vogla dhe trajtohen lehtësisht. Rreziqet përfshijnë:
Infeksion në vendin e implantit
Lëndim ose dëmtim të strukturave përreth, si dhëmbët e tjerë ose enët e gjakut
Lëndim nervor, i cili mund të shkaktojë dhimbje, mpirje ose ndjesi shpimi si me gjilpër të dhëmbëve tuaj natyralë, mishrave, buzëve ose mjekrës
Probleme me sinuset, kur nuk ka vëllim kockor të mjaftueshëm gjatë implantimit, mund të arrihet tek membrana e sinusit, gjë që mund të krijojë komunikim mes kavitetit oral dhe sinusit dhe kjo hap mundësinë e infektimit në këto hapësira. Në rast të përdorimit të forces së tepërt, implanti mund të shtyhet në zgavrën e sinusit.
Parandalimi i komplikimeve gjatë vendosjes së implantit
Nëse ndërhyrja implantologjike është e planifikuar mirë dhe ka përgatitje adekuate të pacientit, rreziku i komplikimeve reduktohet në minimum. Me masat e reja diagnostike moderne, të gjitha masat e rëndësishme anatomike të cilave duhet t’u kushtojmë vëmendje gjatë punës meren para kohe. Gjithashtu, imazhet CBCT të nofullës së sipërme dhe të poshtme na ofrojnë një plan të hershëm për pozicionin e saktë të implantit. Me ndihmën e stomatologjisë digjitale tashmë përcaktohet se ku do të vendoset implanti, gjatë së cilës krijohet një udhëzues implantologjik i individualizuar. Ky udhëzues synohet të fiksohet në nofullën e sipërme ose të poshtme, në varësi të vendit ku do të jetë vetë ndërhyrja dhe të ndihmojë në implantimin.
Për më shumë informacion rreth procedurës, rezervoni konsultën me një specialist të kirurgjisë orale në 02 3091 484, i cili do t’ju këshillojë për zgjidhjet e mundshme të problemit tuaj.
Kolonoskopia është një procedurë që përdoret për të ekzaminuar gjendjen e zorrës së trashë dhe fundin e zorrës së hollë. Arsyeja e indikimit të kësaj procedure është diagnostikimi i sëmundjeve të mundshme ose trajtimi i disa patologjive që mund të përcaktohen përmes të njëjtit ekzaminim, si hemorroide, polipe apo lloje të tjera anomalish.
Si kryhet?
Për të kryer kolonoskopinë përdoret një pajisje e quajtur kolonoskop, që përbëhet nga një tub fleksibël që futet në rektum përmes sfinkterit anal. Nëse qëllimi i procedurës është diagnostikues, gjatë procedurës do të përdoret një kamerë dhe dritë që do të lehtësojë shfaqjen/pamjen e zorrës së trashë në monitor. Nga ana tjetër, nëse kolonoskopia bëhet për trajtimin e një patologjie (për shembull, heqja e polipeve), shtohen edhe instrumente të tjera për të kryer ndërhyrjen.
Kur duhet bërë?
Kjo procedure bëhet për të përjashtuar mundësinë e kancerit të zorrës së trashë tek pacientët që shfaqin simptoma digjestive ose kanë një histori familjare (predispozita gjenetike). Nga ana tjetër, tek popullata e përgjithshme pa faktorë rreziku, rekomandohet që të bëhet kolonoskopia mbi moshën 50 vjeç dhe të përsëritet çdo pesë ose dhjetë vjet.
Kolonoskopia kryhet gjithashtu në rast se janë të pranishme simptomat e mëposhtme:
Diarre kronike
Dhimbje kronike të barkut
Gjakderdhje rektale kur shkoni në tualet ose në vetë përmbajtjen fekale.
Semundja Crohn
Koliti ulceroz
Anemi kronike me mungesë hekuri, e cila mund të shkaktohet nga gjakderdhja në zorrën e trashë.
Prania e polipeve ose historia familjare e polipozës
Gjatë humbjes së peshës në një kohë të shkurtër dhe pa arsye të dukshme si dieta, ushtrimet/aktiviteti fizik etj.
Në cilat raste nuk rekomandohet kolonoskopia?
Kushtet bazë në të cilat kolonoskopia është kundërindikuar janë: dështimi i rëndë i dekompensuar i frymëmarrjes ose i zemrës, infarkti i shpejt i miokardit, perforimi i zorrëve dhe çrregullimet serioze të koagulimit të gjakut.
Përgatitja e pacientit para kryerjes së procedurës
Para kësaj procedure, pacienti duhet të ndjekë një sërë udhëzimesh në mënyrë që të eliminojë mbetjet e mundshme të ushqimit nga sistemi tretës. Ditët para kryerjes së kolonoskopisë duhet të zbatohet një dietë e caktuar, rekomandohet konsumi i ushqimeve të lëngshme. Gjithashtu, pacienti duhet ta plotësojë këtë dietë me produkte laksative për të nxitur zbrazjen e zorrëve.
A ekziston ndonjë rrezik nga kryerja e procedurës?
Megjithëse kolonoskopia është një procedurë e sigurt, si çdo teknikë mjekësore invazive, ajo mund të ketë rreziqe të caktuara. Komplikimet serioze zakonisht ndodhin në 0.5% të rasteve dhe zakonisht zgjidhen gjatë së njëjtës procedurë.
A është kolonoskopia një procedurë e dhimbshme?
Në ditën e ndërhyrjes pacientit i jepet një dozë e caktuar sedativi, kështu që ai ose ajo nuk do të ndjej dhimbje apo shqetësim dhe mund të qëndrojë i qetë gjatë procedurës. Kohëzgjatja e procedurës mund të variojë nga 30 minuta në një orë në varësi të problemit dhe zonës së zorrës që do të ekzaminohet. Pas përfundimit të procedurës, pacienti duhet të qëndrojë në një pozicion të shtrirë derisa anestezia të kalojë. Rekomandohet që pacienti të jetë i shoqëruar sepse edhe disa orë pas vetë procedurës mund të vërehen efekte të lehta sedativit dhe nuk rekomandohet të ngasë automjet.
Edhe pse mund të duket si një procedure paksa e pakëndshme, kolonoskopia nuk përbën problem për shumicën e pacientëve, të cilët kthehen në aktivitetet e tyre të përditshme brenda 24 orëve. Ajo që mund të vini re është fryerja për shkak të presionit në zonën e barkut të shkaktuar nga vetë pajisja dhe gazi i përdorur për të zgjeruar muret e traktit digjestiv.
Nëse keni ndonjë nga simptomat e lartpërmendura, ju rekomandojmë që të mos e vononi vizitën tek mjeku specialist. Nëse ai e sheh të nevojshme, do të organizojë këtë lloj ekzaminimi për ju. Parandalimi është ilaçi më i mirë.
Rezervoni konsultën tuaj në numrin e telefonit 02 3091 484
Në fazat fillestare dhe të hershme të sëmundjes, zakonisht nuk ka simptoma. Ato manifestohen në fazën e avancuar lokalisht kur tumori është rritur mjaftueshëm duke zvogëluar kalueshmërinë e zorrës së trashë në atë pjesë, dhe duke shkaktuar pengim të pjesshëm ose të plotë ose gjakderdhje spontane. Rekomandimet e OBSH-së (Organizata Botërore e Shëndetësisë) janë që çdo person mbi 50 vjeç duhet të bëjë kolonoskopinë e parë. Nëse në rrethin më të ngushtë të familjes së personit ka tashmë një anëtar të diagnostikuar me kancer të zorrës së trashë, ai person duhet të bëjë kolonoskopinë e parë në moshën 40 vjeçare”, shpjegon Doc. Dr. Andrej Nikolovski, kirurg i përgjithshëm – subspecialist në kirurgjinë abdominale në spitalin klinik “Zhan Mitrev”.
Kanceri kolorektal është kanceri i tretë më i zakonshëm në botë, që përbën rreth 10% të të gjitha rasteve të kancerit dhe është shkaku i dytë kryesor i vdekjeve të lidhura me kancerin në mbarë botën (sipas OBSH). Sëmundja është e fshehtë dhe në fazën fillestare, të hershme nuk shfaq simptoma. “Faktorët e rrezikut që lidhen me rritjen e shfaqjes së kancerit të zorrës së trashë janë mosha, faktori trashëgues, prania e polipeve në zorrën e trashë që nuk janë mënjanuar në kohë, sëmundje të tjera të diagnostikuara më parë të zorrës së trashë, sëmundje malinje të mëparshme në zona të tjera”, shton Doc. Dr. Nikolovski.
Kanceri kolorektal është kanceri i tretë më i zakonshëm në botë, që përbën rreth 10% të të gjitha rasteve të kancerit dhe është shkaku i dytë kryesor i vdekjeve të lidhura me kancerin në mbarë botën (sipas OBSH). Çfarë është në të vërtetë kanceri i zorrës së trashë?
Doc. Dr. Nikolovski: Kanceri i zorrës së trashë është sëmundje malinje. Manifestohet me shfaqjen e rritjes së indeve me origjinë nga mukoza e tij që nuk i nënshtrohet kontrollit nga vetë organizmi dhe si e tillë ka rritje të pakontrolluar (lokale). Përveç rritjes lokale, shpesh përhapet përmes enëve limfatike dhe të gjakut në zonën e prekur, si rezultat i së cilës jep metastaza të largëta në organe të tjera (kryesisht në mëlçi).
Cilët janë faktorët e rrezikut që lidhen me shfaqjen e saj, duke qenë se ende po kërkohet shkaku specifik i sëmundjes?
Doc. Dr. Nikolovski: Faktorët e rrezikut që lidhen me rritjen e rrezikut të kancerit të zorrës së trashë janë mosha (mosha e vjetër do të thotë mundësi më e madhe për shfaqjen e kancerit), faktorët familjar (të trashëguar) (prindërit, vëllezërit e motrat, xhaxhallarët, hallat, dajët, tezet), prania e polipe në zorrën e trashë që nuk janë mënjanuar në kohë, sëmundje të tjera të zorrës së trashë të diagnostikuara më parë (sëmundja e Crohn, koliti ulceroz, polipoza adenomatoze familjare), sëmundje malinje të mëparshme në zona të tjera (kanceri i gjirit, vezores, pankreasit, mitrës, madje edhe kanceri në një pjesë tjetër të zorrës së trashë).
Cilat janë simptomat e kancerit të zorrës së trashë dhe kur fillojnë të shfaqen?
Doc. Dr. Nikolovski: Në fazën fillestare dhe të hershme të sëmundjes zakonisht nuk ka simptoma. Ato manifestohen në fazën e avancuar lokalisht kur tumori tashmë është rritur mjaftueshëm për të zvogëluar kalueshmërinë e zorrës së trashë në atë pjesë, duke shkaktuar pengim të pjesshëm ose të plotë ose gjakderdhje spontane. Simptomat e pengesave të natyrës obstruktive manifestohen me zbrazje të vështirë të zorrëve (kapsllëk dhe/ose jashtëqitje të lirshme), dhimbje barku në formë prerjeje, fryrje barku dhe pamundësi për të çliruar gazra. Nëse tumori rrjedh gjak, ai mund të manifestohet me shfaqjen e gjakut në jashtëqitje dhe/ose me anemi.
Si diagnostikohet kanceri i zorrës së trashë?
Doc. Dr. Nikolovski: Diagnoza përfundimtare e kancerit të zorrës së trashë bëhet duke marrë një pjesë të tumorit (biopsi) gjatë ekzaminimit kolonoskopik të zorrës së trashë dhe analizës mikroskopike të tij.
Ashtu si me sëmundjet e tjera, diagnoza e hershme është një nga parakushtet për trajtim të suksesshëm. Kur duhet të fillohet me skrining të kancerit të zorrës së trashë?
Doc. Dr. Nikolovski: Rekomandimet e OBSH-së (Organizata Botërore e Shëndetësisë) janë që çdo person mbi 50 vjeç të bëjë kolonoskopinë e parë. Nëse tashmë ka një person tjetër të diagnostikuar me kancer të zorrës së trashë në rrethin e ngushtë të familjes së personit, ai person duhet të bëjë kolonoskopinë e parë në moshën 40 vjeçare. Në periudhën e hershme postoperative, pacientët shpesh përjetojnë një numër të shtuar të jashtëqitjeve (disa herë në ditë), por kjo është e përkohshme. Pjesa e mbetur e zorrës së trashë merr plotësisht funksionin dhe numri i jashtëqitjeve ditore normalizohet në interval të zakonshëm.
Kanceri i zorrës së trashë trajtohet me operacion (kirurgji). Operacioni mund të kryhet i hapur (me një prerje të madhe në murin e përparmë të barkut) por mund të jetë dhe laparoskopik. Përparësitë e metodës laparoskopike kanë të bëjnë me dhimbjen e ulët postoperative, mobilizim më të shpejtë të pacientit, vendosje më të shpejtë të funksionit të zorrëve, qëndrim më të shkurtër në spital dhe efekt më të mirë estetik.
Cila është lidhja ndërmjet ushqimit dhe shfaqjes së kancerit të zorrës së trashë?
Doc. Dr. Nikolovski: Ka shumë studime që tregojnë se një lloj i caktuar ushqimi rrit rrezikun e kancerit të zorrës së trashë. Këto studime bazohen në analiza komplekse statistikore që përfshinin një numër të caktuar të anketuarish, si dhe një grup të caktuar të produkteve ushqimore. Është vërtetuar marrëdhënia ndërmjet përdorimit të ushqimeve të pasura me yndyrna të rënda (acidet yndyrore të ngopura), ushqimeve të skuqura, përdorimit të shpeshtë të mishit të derrit, viçit dhe mishit të pulës, vakteve më pak të shpeshta ditore (më pak se 3 vakte në ditë) dhe rritjes së rrezikut të kancerit të zorrës së trashë.
Cilat janë masat parandaluese që mund të zvogëlojnë shanset e zhvillimit të sëmundjes?
Doc. Dr. Nikolovski: Nuk mund të ndikojmë plotësisht në uljen e rrezikut nga kanceri i zorrës së trashë. Sigurisht, përdorimi i shumë frutave dhe perimeve, përdorimi i moderuar dhe jo i përditshëm i mishit si dhe vaktet më të shpeshta gjatë ditës mund të kenë një ndikim pozitiv.
Si trajtohet dhe cilat janë avantazhet e kirurgjisë laparoskopike të kancerit të zorrës së trashë?
Doc. Dr. Nikolovski: Në thelb kanceri i zorrës së trashë trajtohet me kirurgji. Operacioni mund të kryhet i hapur (me një prerje të madhe në murin e përparmë të barkut) dhe laparoskopik. Përparësitë e metodës laparoskopike i referohen dhimbjes postoperative më të ulët, mobilizimit më të shpejtë të pacientit, vendosjes më të shpejtë të funksionit të zorrëve, qëndrimit më të shkurtër në spital dhe efektit më të mirë estetik. Pjesa e hequr e zorrës së bashku me tumorin i nënshtrohet një analize mikroskopike që jep një përgjigje për llojin e tumorit si dhe për statusin e përhapjes së tij lokale. Në bazë të kësaj, përcaktohet faza e sëmundjes, e cila më tej dikton nëse trajtimi do të përfundojë këtu apo do të ketë nevojë për kimioterapi shtesë (adjuvante) sipas një protokolli të caktuar.
Cilat janë sfidat më të zakonshme me të cilat përballen pacientët pas trajtimit?
Doc. Dr. Nikolovski: Në periudhën e hershme postoperative, pacientët shpesh përballen me një numër të shtuar të jashtëqitjeve (disa herë në ditë), por kjo është vetëm e përkohshme. Pjesa e mbetur e zorrës së trashë merr plotësisht funksionin dhe numri i jashtëqitjeve ditore normalizohet brenda intervalit të zakonshëm. Pacientëve nuk duhet t’u jepet një dietë e veçantë pas operacionit dhe duhet të inkurajohen të hanë gjithçka për të përmirësuar gjendjen e tyre ushqyese, e cila u dëmtua në periudhën pas operacionit.
Në fillim të qershorit të këtij viti në Wroclaw të Polonisë, në një vend ku historia takohet me shkencën, u zhvillua kongresi i organizatës më të madhe ndërkombëtare të infermierëve dhe profesioneve të tjera të ndërlidhura me të në fushën e kardiologjisë (ACNAP), e cila përfaqëson interesat e anëtarëve të saj si në praktikën klinike ashtu edhe në kërkime/hulumtime.
Që në krijim ACNAP ka qenë një shoqatë dinamike e specializuar në parandalimin, rehabilitimin dhe menaxhimin e pacientëve me sëmundje kardiovaskulare. Tema e edicionit të këtij viti ishte “Perspektiva multidisiplinare e përqendruar te pacienti në kujdesin kardiovaskular”, duke pasqyruar karakteristikën thelbësore të kësaj shoqate që bashkon të gjithë anëtarët e ekipit profesional kardiovaskular rreth thelbit të praktikës sonë: pacientët.
Në këtë kongres u prezantuan një seri seancash multidisiplinore interaktive profesionale, leksione dhe seminare mbi kërkimin më të avancuar dhe zbatimin e shkencës nëpër specialitete thelbësore, duke përfshirë aritminë, kujdesin akut, kirurgjinë kardiake, rehabilitimin kardiak, dështimin e zemrës, kardiologjinë parandaluese, shëndetin digjital dhe shumë më tepër. Në kongres mori pjesë edhe infermierja Suzana Dimishkovska me prezantimin e saj me temë: “Epoka para dhe pas COVID-19: si ndikoi pandemia në numrin e ekzaminimeve kardiovaskulare”.
Qëllimi i përgjithshëm është sigurisht që të ofrojë njohuri dhe përparimet më të fundit shkencore që do të ndihmojnë infermierët dhe profesionistët e tjerë mjekësor të kryejnë procedurat klinike, të zbatojnë udhëzimet më të fundit dhe të ofrojnë kujdes klinik me cilësi të lartë.
Kontakti i drejtpërdrejtë mundëson lidhjen, shkëmbimin e informacionit dhe shkëmbimin e praktikave që synojnë të ofrojnë kujdesin më të mirë të mundshëm për personat e prekur nga (ose në rrezik) nga sëmundjet kardiovaskulare, familjet e tyre dhe komunitetet më të gjera, duke ofruar burime arsimore me cilësi të lartë.
Në kampin e hendbollit 40×20 të mbajtur në Ohër në periudhën 30.06 – 05.07.2024 ishin të pranishëm 100 fëmijë, të cilët morën mbështetjen e nevojshme mjekësore nga ekipi ynë në përputhje me memorandumin e nënshkruar për bashkëpunim. Klinika Zhan Mitrev me kënaqësi kujdeset për sportistët e rinj të cilët në të ardhmen pritet të jenë pjesë e skenës së suksesshme të hendbollit maqedonas.
Sot, klinika Zhan Mitrev në kuadër të memorandumit të nënshkruar me Komunën Qendër – Shkup / Општина Центар – Скопје , ndau 150 kupona për të sapolindurit nga kjo komunë.
Bëhet fjalë për një ekzaminim pediatrik që duhet të realizohet brenda tre muajve nga ndarja e kuponit. Mjekët tanë pediatër janë në pritje të prindërve për të rezervuar terminin për bebet e tyre në numrin e telefonit 02 / 3091- 484.
Përse, si dhe kur përdoret anestezia në praktikën stomatologjike, për kë synohet dhe çfarë mundëson, si përdoren mjetet moderne në stomatologji dhe çfarë do të kjo thotë për pacientët. Në Qendrën për Stomatologji në klinikën “Zhan Mitrev” do të aplikohet anestezia si praktikë e rregullt për të gjithë pacientët dhe stomatologjia precize digjitale, e cila është risi në vendin tonë dhe një modernizim i plotë i praktikës stomatologjike. Për këto risi bisedojmë me Dr. Emil Stoicovskin, specialist në anesteziologji dhe reanimacion dhe drejtor mjekësor në klinikën “Zhan Mitrev”.
Qendra e re stomatologjike në klinikën Zhan Mitrev është prezatuar si qendra stomatologjike më moderne. Çfarë do të thotë kjo për pacientët, cilat metoda moderne do të praktikohen?
– Është e rëndësishme që shërbimet shëndetësore të ndjekin dhe zbatojnë standardet dhe trendet moderne. Kjo do të thotë shërbim më cilësor dhe më i mirë për pacientët, dhe kjo është ajo për të cilën ne vazhdimisht përpiqemi. Ky zgjerim me qendrën stomatologjike në klinikën “Zhan Mitrev” është pikërisht në drejtim të krijimit të një departamenti me të gjitha shërbimet në fushën e stomatologjisë ku do të praktikohen trendet më moderne.
Qendra stomatologjike në kuadër të klinikës tonë është një departament krejtësisht i ri që do të jetë i dedikuar dhe i hapur për të gjithë pacientët që do të kenë nevojë për këtë lloj shërbimi, qoftë për nevoja shëndetësore apo estetike. Ortodoncia, protetika, stomatologjia estetike, kirurgjia orale dhe maksilofaciale, endodoncia dhe implantologjia janë vetëm disa nga shërbimet që do të ofrojë kjo qendër. Stomatologjia dixhitale precize është një nga qasjet e reja që do të aplikohet këtu dhe është një qasje moderne me teknologjinë më të lartë 3D që mundëson qasje të individualizuar, domethënë krijimin e një shërbimi specifik të nevojshëm për çdo pacient dhe sigurisht menaxhohet nga një ekip i specializuar dhe ekspert. Të gjitha këto praktika dhe teknologjitë e reja ofrojnë për pacientët marrjen e një shërbimi profesional, të shpejtë dhe të saktë.
Vizita tek stomatologu është një përvojë traumatike për shumë persona, gjë e cila na pengon në marrjen e një shërbimi të rregullt për dhëmbë të shëndetshëm. Si të mposhtet kjo frikë nga stomatologu, veçanërisht për fëmijët, por edhe për të rriturit, gjë që mund të çoj në problem serioz shëndetësor në të ardhmen?
– Aplikimi i anestezisë në stomatologji nuk është diçka e re në botë, dhe tani me Qendrën e re për Stomatologji në klinikën “Zhan Mitrev” do të aplikohet edhe këtu. Anestezia është pjesë e praktikës së rregullt dentare për shumë arsye. Para së gjithash, mundëson lehtësi në praktikimin e të gjitha ndërhyrjeve të mundshme dentare. Zbatohet si për operacione më të thjeshta ashtu edhe për ato më komplekse. Kështu, pacientët nuk kanë më frikë, shqetësim apo dhimbje. Dhe kjo nuk është e gjitha, tek disa pacientë, në gjendje specifike, çdo ekzaminim por edhe ndërhyrja më e vogël mund të shkaktojë një sulm të rëndë paniku. Çdo prind e di se sa e vështirë dhe problematike është të bindësh një fëmijë të vogël të jetë i qetë gjatë rregullimit të dhëmbëve dhe të mos krijojë një traumë të përjetshme. Këto doza janë të rregulluara dhe të përshtatshme për çdo pacient në mënyrë të veçantë dhe për çdo ndërhyrje. Bëhet fjalë për doza anestezike plotësisht të sigurta dhe të përshtatura. Kështu, vizita te stomatologu nuk do të jetë një shërbim shëndetësor aq traumatik dhe i padëshiruar, pasi ne ofrojmë mbështetje për të gjitha shërbimet stomatologjike me një ekip anesteziologjik që do të kontribuojë në theksimin e rehatisë dhe uljen e ndjenjës së frikës dhe dhimbjes tek pacienti.
Ju përmendët aplikimin e teknologjisë 3D, çfarë përfaqëson dhe cili është avantazhi në krahasim me qasjen e deritanishme në protetikë?
– Është një tjetër praktikë e re që do të aplikohet vetëm në departamentin stomatologjik të kësaj klinike. Kjo teknologji e re 3D shërben për të skanuar gjendjen e dhëmbëve dhe do të krijojë një plan individual për çdo pacient. Me anë të këtij skanimi 3D, do të merret një pamje më e mirë e gjendjes së dhëmbëve. Më tej, procedura vazhdon me krijimin e një modeli të plotë me një printer 3D të nevojshëm për pacientin, dhe më pas vijon qasja e individualizuar.
Çfarë i mungon shërbimit stomatologjik që praktikohet aktualisht në vend?
– Për momentin ajo që mungon në shërbimet stomatologjike dhe pikërisht këtë do të ofrojmë është mbulimi 24-orësh i nevojave dhe patologjive stomatologjike. Në çdo kohë, kur është e nevojshme, pacienti do të jetë në gjendje të telefonojë qendrën tonë në mënyrë që të sigurohet menjëherë diagnoza dhe trajtimi i duhur. Një qendër me staf, e pajisur, moderne që është vazhdimisht në dispozicion mund të ofrojë mbi të gjitha një cilësi shërbimi sipas të gjitha standardeve botërore që do të sigurojë një ndjenjë besimi dhe sigurie tek pacientët, veçanërisht tek fëmijët.
Qendra Stomatologjike e klinikës “Zhan Mitrev” është e hapur për bashkëpunim edhe me klinikat tjera stomatologjike. A do të thotë kjo se zyrat e tjera dentare do të mund të përdorin metodat dhe teknologjinë nga qendra juaj për pacientët e tyre?
– Klinika “Zhan Mitrev” është gjithmonë e hapur për bashkëpunim me specialistë nga të gjitha specialitetet, ndaj nuk do të bëjë përjashtim edhe kjo qendër stomatologjike. Hapësira dhe pajisjet do të jenë në dispozicion të profesionistëve të cilët dëshirojnë të përfitojnë nga mundësitë që kemi për pacientët që ata trajtojnë dhe ndjekin. Me këtë qendër dentare, ne po hapim një tjetër kapitull të ri të disiplinave të shumta, profesionalizmit, cilësisë, disponueshmërisë dhe besueshmërisë sonë, të synuar për të gjithë pacientët.
