Shtatë pacientë po marrin kujdes mjekësor në klinikën Zhan Mitrev, për pacientët në gjendje kritike pritet të pranohen dhe të organizohet transferimi jashtë vendit.
Në këto momente kritike, Klinika Zhan Mitrev është plotësisht e përkushtuar për ofrimin e kujdesit mjekësor urgjent dhe cilësor për të gjithë të prekurit nga aksidenti.
Aktualisht po kujdesemi për shtatë pacientë, tre prej të cilëve janë në gjendje të rëndë për jetën dhe janë të intubuar. Ekipi ynë mjekësor po bën të gjitha përpjekjet për stabilizimin e tyre dhe pritet që me transferim të organizuar në qendrat mjekësore të huaja për trajtim të mëtejshëm.
Ne i kemi mobilizuar të gjitha burimet në dispozicion dhe mbetemi të përkushtuar në luftën për shp Ne mobilizojmë të gjitha burimet në dispozicion dhe mbetemi të përkushtuar në luftën për çdo jetë. Mendimet dhe mbështetja jonë janë me pacientët, familjet e tyre dhe të gjithë të prekurit nga kjo tragjedi.timin e çdo jete. Mendimet dhe mbështetja jonë janë me pacientët, familjet e tyre dhe të gjithë të prekurit nga kjo tragjedi.
Autor: Nertila Ivanovski
Intervistë: Dr. Katerina Ignevska, specialiste mikrobiologe dhe drejtoreshë për kualitet dhe kontroll të infeksioneve intraspitalore në Klinikën Zhan Mitrev.
Dr. Ignevska, Klinika Zhan Mitrev: Përmes edukimit dhe praktikës, zero tolerancë ndaj infeksioneve spitalore
Dr. Katerina Ignevska është mikrobiologe në Klinikën Zhan Mitrev, e cila gjithashtu kryen një rol jashtëzakonisht të përgjegjshëm si drejtoreshë për kualitet dhe kontroll të Infeksioneve intraspitalore. Bisedojmë me të për standardet dhe rregulloret që mbrojnë nga infeksionet spitalore në klinikë, edukimin e stafit dhe mekanizmat e nevojshme që duhet të ketë çdo institucion shëndetësor për të mbrojtur shëndetin e qytetarëve.
A mund të na shpjegoni shkurt metodën dhe standardet me të cilat funksionon klinika, me qëllim mbrojtjen nga infeksionet intraspitalore?
Dr. Ignevska: Përgjegjësia e funksionimit të kontrollit të cilësisë dhe parandalimit të infeksioneve spitalore do të thotë kujdes shëndetësor i sigurt dhe efikas për çdo pacient. Dhe kur flasim për sigurinë e pacientit, më duhet të theksoj se është një proces jashtëzakonisht kompleks që përfshin elementë të shumtë të matshëm dhe fillon që nga hyrja e pacientit në spital, hapi i parë – identifikimi i saktë dhe të gjitha procedurat e mëvonshme mjekësore për diagnostikimin e saktë dhe trajtimin efektiv të pacientit.
Spitali ka të përcaktuara qartë udhëzime të brendshme dhe masa për parandalimin e shfaqjes dhe transmetimit të infeksioneve spitalore, të cilat janë krijuar sipas kërkesave më të larta të akreditimit prestigjioz të JCI, dhe janë përshtatur me kërkesat e rregullores kombëtare në Republikën e Maqedonisë.
Spitali ka mbështetur që në fillim konceptin e tolerancës zero ndaj infeksioneve spitalore, i cili realisht kërkon angazhim maksimal në krijimin e politikave dhe programeve, zbatimin e tyre, edukim të vazhdueshëm dhe ushtrime me të gjithë stafin. Sigurisht, në fund të fundit, monitorimi/kontrolli i të gjitha proceseve është ai që na jep konfirmimin e efektivitetit të masave të përcaktuara dhe të zbatuara.
A kryhet rregullisht edukimi i punonjësve, sa shpesh kryhen kontrollet sanitare dhe cilat janë protokollet për zbatimin e masave mbrojtëse nga infeksioni?
Dr. Ignevska: Parandalimi i infeksioneve spitalore varet proporcionalisht nga niveli i edukimit dhe përgatitjes së të gjithë stafit. Nuk ka të bëjë vetëm me mjekësinë, këtu përfshihet edhe rëndësia e stafit jo mjekësorë dhe njohurive të tyre për mënyrën e transmetimit të infeksioneve, rëndësia e higjienës së dhomave dhe ambienteve të tjera, përdorimi i duhur i dezinfektantëve, përdorimi i duhur i pajisjeve mbrojtëse personale, higjiena e duarve dhe përdorimi i dorezave, përdorimi i objekteve të mprehta, përzgjedhja e mbetjeve, etj. Çdo punonjës i ri merr udhëzime fillestare dhe më pas integrohet në konceptin edukativ që është krijuar dhe ofruar nga Komisioni për Parandalimin e Infeksioneve Spitalore.
Monitorimi dhe vlerësimi i vazhdueshëm i stafit është kyç për planifikimin e mëtejshëm të duhur strategjik dhe optimizimin e proceseve që do të arrijnë një kujdes shëndetësor cilësor.
Për sa i përket kontrolleve sanitare – ato janë në përputhje me rregulloret ligjore, por nga brenda, ekipi i kontrollit të infeksioneve spitalore kryen kontrolle të paparalajmëruara rutinë të stafit dhe ajrit në spital për të ruajtur një mjedis të sigurt për pacientët dhe punonjësit.
Cila është mënyra e izolimit të pacientëve me infeksione të izoluara, cilat janë procedurat në klinikë?
Dr. Ignevska: Parim themelor kur punohet me çdo pacient është respektimi i masave standarde mbrojtëse që janë të njohura dhe univerzale për ne. Një nga mjetet më të fuqishme në procesin e parandalimit të infeksioneve spitalore është izolimi i pacientëve dhe/ose grupimi i duhur i tyre. Në klinikën Zhan Mitrev, të gjithë pacientët me qëndrim në spital (hospitalizim) i nënshtrohen përpunimit mikrobiologjik, i cili pjesërisht ka rëndësi epidemiologjike por edhe diagnostike.
Deri në marrjen e rezultateve, pacientët trajtohen si të “izoluar” që do të thotë se ata janë fizikisht të ndarë nga pacientët e tjerë dhe përdoren pajisje mbrojtëse të rekomanduara në mënyrë të përshtatshme gjatë punës me ta. Për më tepër, siguria e pacientit rritet nga aftësia për të aktivizuar presionin negativ në dhomat ku ka pacient për të cilin rekomandohet izolimi aerogjenik. Kjo krijon një mjedis të sigurt për të gjithë pacientët në spital, vizitorët dhe stafin.
Cili është roli i laboratorit mikrobiologjik në kontrollin e infeksioneve intraspitalore?
Dr. Ignevska: Ekipi i laboratorit mikrobiologjik është në dispozicion të pacientëve në çdo kohë, me qëllim përpunimin e mostrave sa më shpejt të jetë e mundur, dhe detyrimisht, nevojitet raportimi i shpejt dhe në kohë tek mjekët klinik, me rekomandime për marrjen e masave të nevojshme për parandalimin e infeksionit. Qasja multidisiplinare na bën unik dhe jashtëzakonisht efikas në vendosjen e një diagnoze mikrobiologjike në përputhje me diagnozën klinike.
Cilat janë shkaqet e përhapjes së infeksioneve intraspitalore në institucionet shëndetësore dhe a është i nevojshëm adresimi i problemit në nivel kombëtar?
Dr. Ignevska: Infeksionet spitalore janë një sfidë e madhe që është e pamundur të zgjidhet vetëm në nivel institucional. Ne thjesht nuk mund t’i ndajmë pacientët, ata qarkullojnë nëpër institucione sipas nevojave dhe mundësive.
Lufta jonë si institucion do të ishte shumë më e lehtë nëse të gjitha spitalet do të kishin një qasje të unifikuar për ruajtjen e higjienës së ambienteve spitalore, zbatimin e masave të standardeve mbrojtëse, disponueshmërinë e shërbimeve laboratorike mikrobiologjike dhe izolimin në kohë të pacientëve, programet për përdorimin racional të antibiotikëve dhe të gjitha masat e tjera që përbëjnë cilësi dhe siguri në kujdesin shëndetësor.
Dr. Zhan Mitrev ju uron të gjitha grave festën e 8 Marsit
Në Klinikën Zhan Mitrev, mbi 300 punonjës janë gra në pozita drejtuese të motivuara nga ekspertiza, lidershipi dhe përkushtimi për kujdesin ndaj pacientëve.
Klinika Zhan Mitrev nuk është vetëm një emër kryesor në shëndetësi, por edhe një shembull i rrallë ku gratë dominojnë në pozita drejtuese. Me më shumë se 300 gra të punësuara, klinika është simbol i barazisë gjinore dhe profesionalizmit të lartë. Mbi 90% e pozitave drejtuese të klinikës drejtohen nga gra – një dëshmi e kompetencës, udhëheqjes dhe përkushtimit të tyre.
Gratë në Klinikën Zhan Mitrev nuk janë vetëm punonjëse, ato janë themeli i këtij institucioni. Pavarësisht nëse drejtojnë ekipe mjekësore, menaxhojnë departamente ose mbikëqyrin operacionet kritike, këto gra sjellin ekspertizë dhe efikasitet në çdo aspekt në funksionimin e klinikës.
Përkushtimi i këtyre grave shkon përtej përgjegjësive të tyre të punës. Vendosmëria e tyre e palëkundur për të ofruar standardin më të lartë në kujdesin shëndetësor e ka ndihmuar Klinikën Zhan Mitrev të ndërtojë një reputacion të përsosur. Duke u nisur nga mjekët dhe infermierët tek drejtuesit administrativë, ato punojnë pa u lodhur për të siguruar kujdesin më të mirë të mundshëm për pacientët.
Një nga karakteristikat më të spikatura të grave në Klinikën Zhan Mitrev është ndjenja e tyre e thellë e empatisë. Kujdesi shëndetësor nuk lidhet vetëm me trajtime dhe procedura, gjithashtu përfshin mirëkuptim, rehati dhe mbështetje për pacientët në momentet e tyre më të ndjeshme dhe kritike.
Kompetenca e tyre reflektohet në aftësinë e klinikës për t’u përshtatur me përparimet mjekësore, për të zbatuar trajtime inovative dhe për të mbajtur një qasje të fokusuar ndaj pacientit.
Ato janë vendimtare për funksionimin e klinikës. Shumë prej tyre balancojnë karriera kërkuese dhe përgjegjësi personale, duke bërë sakrifica për të siguruar që pacientët të marrin kujdesin që meritojnë.
Përkushtimi i Klinikës Zhan Mitrev për avancimin e grave në pozita udhëheqëse është shembull për institucionet tjera. Duke krijuar një mjedis në të cilin gratë mund të përparojnë profesionalisht, ,kështu klinika jo vetëm që përmirëson suksesin e saj, por gjithashtu kontribuon në ndryshime më të gjera shoqërore ku aftësitë, inteligjenca dhe puna e palodhur e grave njihen dhe vlerësohen.
Sikurse derimë tani, gratë në Klinikën Zhan Mitrev do të vazhdojnë të jenë pioniere në industrinë e shëndetësisë. Përkushtimi, ndjeshmëria, kompetenca dhe sakrifica e tyre do të mbeten forca shtytëse e përsosmërisë së vazhdueshme të klinikës, duke e bërë atë një institucion model për t’u ndjekur nga institucionet e tjera.
Klinika Zhan Mitrev – 25 vjet nga themelimi
Festojmë një çerek shekulli duke ofruar kujdes dhe përkushtim ndaj jush, pacientëve që na keni besuar dhe vazhdoni të na besoni shëndetin tuaj. Respekt për të gjithë ekipin për angazhimin e tyre të palodhur gjatë gjithë këtyre viteve. Ne vazhdojmë së bashku në rrugën drejt suksesit, duke krijuar me guxim përsosmërinë mjekësore.
Për 25-vjetorin e Klinikës Zhan Mitrev – 25 mijë pemë të reja: Nënshkruhet memorandumi për bashkëpunim me NP Pyjet Kombëtare
Me rastin e 25 vjetorit të themelimit të klinikës Zhan Mitrev, sot është nënshkruar Memorandum bashkëpunimi ndërmjet themeluesit të klinikës, Dr. Zhan Mitrev, dhe drejtorit të ndërmarrjes publike Pyjet Kombëtare, Prof. Dr. Zdravko Trajanov.
Si simbol i ekzistencës se klinikës tashmë një çerek shekulli, në periudhën e ardhshme do të mbillen në disa faza 25.000 pemë, dhe me këtë rast klinika Zhan Mitrev do të konfirmojë ambicien dhe misionin e saj – që historia e këtij institucioni shëndetësor të mos kufizohet vetëm në mjekësi, por edhe në përgjegjësi sociale, në një mjedis të shëndetshëm, përkushtim për të ardhmen dhe ruajtjen e shëndetit të qytetarëve.
Fillimisht do të fillojë pyllëzimi në zonat e djegura të rajonit të Shtipit. Themeluesi i klinikës, Dr. Zhan Mitrev, gjatë nënshkrimit të Memorandumit për bashkëpunim deklaroi se mbjellja e 25.000 pemëve nuk është vetëm një akt simbolik, por një hap konkret drejt përmirësimit të cilësisë së ajrit, krijimit të një mjedisi më të shëndetshëm dhe lënies së trashëgimisë për brezat e ardhshëm.
“Gjatë 25 viteve të fundit, klinika Zhan Mitrev ka vendosur standarde të larta në mjekësinë kardiovaskulare, por misioni ynë ka qenë gjithmonë më i gjerë – krijimi i kushteve më të mira për një jetë të shëndetshme”. “Mjedisi i shëndetshëm është një nga faktorët kyç për shëndetin kardiovaskular, pasi ajri i ndotur, mungesa e gjelbërimit dhe ndryshimet klimatike kanë ndikim të drejtpërdrejtë në sëmundjet kardiovaskulare”, tha doktor Zhan Mitrev.
Drejtori i ndërmarrjes publike Pyjet Kombëtare, Prof. Dr. Zdravko Trajanov, tha se mbjellja e 25.000 pemëve, në bashkëpunim me klinikën Zhan Mitrev, është jo vetëm një hap drejt rimëkëmbjes së pyjeve, por edhe investim direkt për ajër më të pastër, mjedis më të mirë dhe të ardhme më të shëndetshme për të gjithë qytetarët.
“Mënyra më e mirë për të investuar në të ardhmen e vendit tonë, ndër të tjera, është ripyllëzimi. Duke vepruar kështu, ne do të lëmë një trashëgimi për brezat e ardhshëm – ripyllëzimi ofron ajër më të pastër dhe, në një farë mënyre, paraqet një investim në kujdesin shëndetësor. “Për mua është kënaqësi e madhe që jam këtu dhe shpresoj në shumë bashkëpunime në të ardhmen”, tha Trajanov.
Klinika Zhan Mitrev në 25 vitet e fundit ka pasur 1.1 milionë vizita nga më shumë se 400 mijë pacientë nga Maqedonia, por edhe nga shumë vende të tjera të botës. Deri më sot, në këtë institucion prestigjioz shëndetësor janë kryer më shumë se 45,000 procedura kirurgjikale, falë një ekipi profesionistësh të lartë që aplikojnë metodat më moderne në mjekësi, falë aksesit në teknologjinë më moderne.
1 marsi i vitit 2000 është data kur filloi një histori e re në shëndetësinë maqedonase dhe një epokë e re në kirurgjinë kardiovaskulare – atëherë në klinikën Zhan Mitrev u krye operacioni i parë bypass. Dy vjet më vonë, operacioni i parë në zemër të hapur u krye tek një pacient i zgjuar. Në vitin 2019 vazhdon zhvillimi i kardiokirurgjisë pediatrike. Në vitin 2020, Dr. Zhan Mitrev, Dr. Tanja Angjusheva, Dr. Nikolla Hristov, së bashku me shumë mjekë të tjerë të shëndetit publik, kryen transplantin e parë të zemrës në vend, për të cilin morën çmimin prestigjioz “13 Nëntori”. Në vitin 2023, klinika Zhan Mitrev mori vulën e artë nga Joint Commission International (JCI) për herë të tretë, dhe ky riçertifikim konfirmon edhe një herë se institucioni shëndetësor posedon standardet më të larta sa i përket cilësisë së shërbimeve shëndetësore dhe kujdesit për sigurinë e pacientëve.
Sot, klinika Zhan Mitrev është një institucion shëndetësor privat lider në rajon, i njohur për ekspertizën e lartë, aplikimin e teknologjive moderne mjekësore dhe qasjen individuale ndaj pacientëve.
Diagnoza e shpejtë e embolisë pulmonare
Embolia pulmonare është një sëmundje e karakterizuar nga mpiksjа e gjakut që shkakton bllokim, duke ndaluar rrjedhjen e gjakut në arteriet pulmonare që furnizojnë mushkëritë. Në shumicën e rasteve, mpiksja e gjakut fillon në venë të thellë në këmbë dhe shkon në mushkëri, dhe në këtë rast flasim për tromboembolizëm venoz. Por ka një emboli të qelizave të bardha të gjakut që ndodh in situ, pa trombozë paraprake të venave të thella, dhe në këtë rast bëhet fjalë për çrregullim gjenetik në koagulimin e gjakut.
Për shkak se është e mundur që një ose më shumë mpiksje të bllokojnë rrjedhën e gjakut në mushkëri, embolia pulmonare mund të jetë kërcënuese për jetën. Megjithatë, diagnoza në kohë dhe trajtimi në kohë ul ndjeshëm rrezikun e vdekjes.
Si të kuptoni që keni emboli pulmonare?
Simptomat e embolisë pulmonare mund të ndryshojnë në varësi të sasisë së prekur të mushkërive tuaja, madhësisë së mpiksjes dhe nëse keni sëmundje të tjera të mushkërive ose të zemrës.
Simptomat e zakonshme përfshijnë:
- Problem me frymëmarrjen, gulçim – kjo simptomë zakonisht shfaqet papritur, është e pranishme edhe kur jeni duke pushuar dhe përkeqësohet gjatë aktivitetit fizik.
-Dhimbje gjoksi – mund të ndjeni sikur po përjetoni atak në zemër. Dhimbja është shpesh e mprehtë dhe përkeqësohet gjatë frymëmarrjes së thellë, duke ju penguar të merrni frymë thellë. Ju gjithashtu mund të ndjeni dhimbje kur kolliteni ose përkuleni.
-Të fikët – mund të përjetoni gjendje të fikti (humbje të vetëdijes) nëse pulsi ose presioni i gjakut bie papritur. Kjo gjendje quhet sinkopë.
Simptoma të tjera që mund të shfaqen gjatë embolisë pulmonare përfshijnë:
-Kollë që mund të përfshijë mukozë të shoqëruar me sekrecion të përgjakshëm
-Rrahje të shpejta ose të parregullta të zemrës
-Marramendje
-Djersitje e tepruar
-Ethe
-Dhimbje ose ënjtje në këmbë, ose të dyja, zakonisht në pjesën e pasme të pjesës së poshtme të këmbës
-Lëkurë e zbehtë ose blu në fytyrë, e quajtur cianozë.
Të gjitha këto simptoma gjenden edhe në sëmundje të tjera, veçanërisht në sëmundjet e zemrës, kjo është një nga arsyet përse ju mund të diagnostikoheni dhe trajtoheni në mënyrë të papërshtatshme. Dhe në fakt, kur bëhet fjalë për tromboembolinë venoze, trajtimi është specifik. Prandaj, duhet të përmendim se fillimi i shpejtë i terapisë adekuate, efektive antikoagulante mund të mundësojë shërimin e plotë të sëmundjes.
Kur duhet të paraqiteni tek mjeku?
Embolia pulmonare është një sëmundje kërcënuese për jetën. Kërkoni kujdes mjekësor urgjent nëse keni gulçim të pashpjegueshëm ose vështirësi në frymëmarrje, dhimbje gjoksi ose të fikët.
Cilët pacientë janë të prirur për të zhvilluar tromboembolizëm të qelizave të bardha të gjakut?
Të gjithë ata që kanë elementë të triadës së Virchow: stazë, hiperkoagulueshmëri dhe dëmtim të enëve të gjakut, janë të prirur për të zhvilluar tromboembolizëm venoz. Kjo gjendje mund të shfaqet edhe si një ndërlikim i sëmundjeve të ndryshme të trupit.
Të prirur janë personat e moshuar dhe në gjendje të dobët shëndetësore dhe gratë shtatzëna, pra të gjithë ata që janë të shtrirë në shtrat për arsye të tjera shëndetësore, të palëvizshëm, personat që punojnë për një kohë të gjatë në pozicion ulur (sedentare), obezët dhe pacientët me lloje të ndryshme kanceri që kanë hiperkoagulueshmëri të gjakut, si dhe personat me probleme gjenetike të koagulimit të gjakut.
Diagnostikimi
Zbulimi i embolisë pulmonare mund të jetë i vështirë, veçanërisht nëse keni sëmundje të tjera të mushkërive dhe zemrës. Por lajmi i mirë është se mjekët kardiolog me përvojë mund të bëjnë shpejt një diagnozë të saktë dhe të sigurojnë udhëzimet e duhura të trajtimit. Praktika e zakonshme në klinikën tonë është: marrja e historisë mjekësore, ekzaminimi i plotë me ultratinguj i zemrës dhe enëve të gjakut dhe analiza e gjakut me D-Dimer, të cilat përdoren për të përjashtuar VTE. Ndonjëherë nevojiten analiza dhe ekzaminime shtesë, të tilla si radiografia e mushkërive, skanimi i mushkërive me CT (tomografi të kompjuterizuar), angiografia pulmonare ose MRI e mushkërive. Në klinikën tonë, të gjitha këto lloj analizash janë të disponueshme menjëherë, dhe doktoresha jonë me përvojë Snezana Bongard, specialiste kardiologe, është e disponueshme për ekzaminime dhe konsulta në lidhje me embolinë pulmonare dhe të gjitha temat e tjera që kanë të bëjnë me sëmundjet e zemrës.
Specialiste në mjekesinë interne
Subspecialiste në kardiologji
Dr. Ambarkova Villarova nga Spitali klinik Zhan Mitrev: Gjithçka fillon dhe mbaron me përcaktimin kryesor që pacienti të jetë në qendër të vëmendjes sonë
Dr. Elena Ambarkova Villarova është specialiste e mjekësisë transfuzive, drejtoreshë e menaxhimit të proceseve dhe akreditimit dhe pjesë e ekipit të dixhitalizimit në Spitalin klinik “Zhan Mitrev”. Në këtë intervistë, ajo flet për të gjitha angazhimet e saj në klinikë, duke filluar nga arsyeja pse është i nevojshëm akreditimi dhe riakreditimi i institucioneve mjekësore për të ruajtur cilësinë në operacione, e deri tek rëndësia e futjes së dixhitalizimit në të gjitha proceset e punës.
Më parë keni qenë ne funksionin e drejtorit mjekësor, ndërsa vitin e kaluar jeni emëruar drejtor i menaxhimit të proceseve dhe akreditimit në Klinikën Zhan Mitrev. Çfarë do të thotë ky funksion?
Dr. Ambarkova Villarova: Gjithçka fillon dhe përfundon me përcaktimin tonë kryesor “Pacienti është në qendër të vëmendjes sonë” dhe të gjitha proceset janë vendosur, zhvilluar dhe optimizuar, së pari, për përmirësimin e cilësisë së shërbimeve të kujdesit shëndetësor dhe, së dyti, për të lehtësuar dhe përshpejtuar punën e punonjësve mjekësorë, për të shkurtuar “kohën e zbrazët” gjatë punës së tyre dhe për të optimizuar procesin e caktuar në burimet njerëzore dhe materiale. Ky është një angazhim i vazhdueshëm, kështu që në thelb vendosja e një procesi është relativisht pjesa më e lehtë, dhe kontrolli nëse ai zbatohet sipas protokollit të përcaktuar është pjesa më e vështirë dhe më e rëndësishme, sepse ndikon drejtpërdrejt në cilësinë e vazhdueshme të shërbimeve mjekësore, dhe rrjedhimisht në kënaqësinë e pacientit.
Çfarë do të thotë akreditimi për një spital?
Dr. Ambarkova Villarova: Spitali ynë është i akredituar dhe riakredituar me akreditimin prestigjioz JCI, por edhe me akreditimin maqedonas të institucioneve shëndetësore. Akreditim në fakt nënkupton vendosjen e rregullave dhe proceseve të pranuara ndërkombëtarisht në industrinë e kujdesit shëndetësor dhe zbatimin e tyre të vazhdueshëm nga i gjithë stafi, e gjitha kjo me qëllim të përmirësimit të cilësisë së shërbimeve mjekësore dhe sigurisë së pacientëve, si dhe sigurisë së stafit dhe spitalit. Kushdo mund të mendojë se është më i miri, por vetëm vlerësimi nga institucionet përkatëse mund ta vërtetojë këtë. Mendoj se të gjitha institucionet shëndetësore në Maqedoni duhet të akreditohen, akreditimi maqedonas është solid dhe pastaj të riakreditohet vazhdimisht. Për mendimin tim, ky proces është një pjesë e rëndësishme e përmirësimit të cilësisë së shërbimeve shëndetësore në Maqedoni, por edhe më e rëndësishme, sepse çdo 3 vjet bëhen riakreditime për ta ruajtur atë.
Klinika Zhan Mitrev është spitali i parë plotësisht i dixhitalizuar në rajon. Cili është roli juaj në ekipin e dixhitalizimit në spitalin klinik “Zhan Mitrev”?
Dr. Ambarkova Villarova: Po, ne jemi spitali i parë plotësisht i dixhitalizuar në rajon dhe unë jam mbështetja mjekësore në ekipin e dixhitalizimit. Ne kemi sistemin tonë të informacionit të spitalit mjekësor (HIS) që e kemi krijuar vetë sipas proceseve tona të punës. Përveç softuerëve mjekësorë, ne kemi edhe softuer për operacione materiale dhe kontabël, softuer për çështje juridike dhe burime njerëzore, softuer për punën në restorant, dhe të gjithë janë të integruar me HIS. Roli im është që, si të thuash, t’ua “shpjegoj” proceset inxhinierëve të sektorit të IT-së në mënyrë që ata t’i transformojnë ato nga analoge në dixhitale, t’i testojnë ato dhe të ofrojnë zgjidhje specifike për optimizimin e tyre. Në krijimin e HIS janë përfshirë të gjitha profilet mjekësore, të gjitha me synimin për të lehtësuar kalimin dhe pranimin e dixhitalizimit nga stafi, që në fakt është pjesa më e vështirë e procesit.
Si mjeke transfuziologe, cili është angazhimi juaj i përditshëm në spital?
Dr. Ambarkova Villarova: Aktiviteti parësor i specialistit të transfuzionit është sigurimi në kohë i gjakut dhe përbërësve të gjakut për çdo pacient. Gjaku është një burim i kufizuar me origjinë njerëzore që mund të shpëtojë jetë, por transfuzioni i tij mund të shkaktojë edhe një sërë efektesh anësore që mund të rrezikojnë seriozisht shëndetin e pacientit. Prandaj, përdorimi racional i gjakut ka qenë gjithmonë fokusi kryesor i spitalit. Angazhimi i përditshëm në klinikën ambulatore është edhe për diagnostikimin dhe trajtimin e sëmundjeve trombotike dhe hemorragjike, si dhe diagnostikimin e insuficiencës venoze (venat varikoze), të cilat më tej trajtohen nga kirurgët. Sëmundjet tromboembolike janë kushte potencialisht kërcënuese për jetën dhe mund të shkaktojnë komplikime serioze tek pacientët e operuar dhe të sëmurë rëndë. Prandaj, diagnostikimi dhe trajtimi në kohë, si dhe parandalimi i tromboembolizmit venoz, është shumë i rëndësishëm, aq më tepër që mjekësia e sotme me procedura dhe medikamente moderne diagnostike e bën të mundur këtë.
Pa frikë dhe pa dhimbje
Qendra stpmatologjike në Klinikën Zhan Mitrev ofron teknologjitë më të fundit dhe metoda inovative në fushën e endodoncisë, ortodoncisë, protetikës fikse dhe të lëvizshme, kirurgjisë orale dhe implantologjisë, si dhe një ekip shumë profesional që do të propozojë zgjidhjet më të mira.
Për të gjithë ata që kanë frikë ose kanë një gjendje që kërkon anestezi të përgjithshme, qofshin fëmijë apo të rritur, ne kemi një zgjidhje.
PA DHIMBJE
Teknologjia dhe trajtimet moderne stomatologjike janë shumë më pak invazive dhe shumë më të buta dhe më të rehatshme. Përveç kësaj, stomatologët tanë do të bëjnë gjithçka për ta bërë trajtimin tuaj pa dhimbje.
PA FRIKЁ
Qëllimi ynë është që çdo pacient të ndihet plotësisht i relaksuar, i qetë dhe komod. Duke pasur parasysh se një numër në rritje i njerëzve vuajnë nga ankthi dhe frika, ne i qasemi shumë seriozisht kësaj pjese të punës.
Rezervoni konsultën tuaj në 02/3091-484
