Во пресрет на Празникот Прочка, вреди да се потсетиме дека простувањето не е слабост, туку внатрешна сила. Од психијатриски аспект, простувањето претставува процес на ослободување од товарот на лутината, огорченоста и болката. Кога неопростуваме, ние постојано ја „оживуваме“ повредата – телото и умот остануваат во состојба на стрес, напнатост и внатрешен немир.
Современите психолошки и психијатриски сознанија покажуваат дека задржаната лутина е поврзана со: – хроничен стрес, анксиозност и депресивни симптоми, проблеми со спиењето, а истотака влијаат и на телесното здравје со зголемување на крвен притисок и телесна напнатост. Простувањето не значи дека го оправдуваме нанесеното зло, ниту дека забораваме што се случило. Простувањето значи дека не дозволуваме минатата болка да управува со нашата сегашност. Тоа е чин на грижа за сопственото ментално здравје.
Од религиозен аспект, простувањето е темелна духовна вредност. Во христијанската традиција, прошката не е само морална обврска, туку пат кон внатрешен мир и духовно исцелување. Во Светото Писмо, стои: „Проштевајте, за да ви биде простено.“ Овој повик не е насочен кон тоа да ги игнорираме сопствените граници или болки, туку да не дозволиме омразата и огорченоста да ни создадат внатрешен притисок. Религијата нè учи дека простувањето е ослободување – пред сè за оној што простува.
Кои се придобивките од простувањето за менталното здравје:
– поголем внатрешен мир, – намалување на анксиозност и стрес, – подобрување на расположението, – подобрени меѓучовечки односи, – чувство на лична слобода и раст.
Важно е да се каже: простувањето е процес. Не секогаш е моментална одлука – понекогаш е пат кој бара време, поддршка и работа со себе. И тоа е сосема во ред. Како психијатар, секојдневно гледам колку непростеното станува извор на внатрешни конфликти, психосоматски тегоби и емоционален замор. А исто така гледам колку олеснување носи моментот кога човек ќе си дозволи да ја отпушти неправдата, навредата – не заради другиот, туку заради себе. Нека овој Празник на простувањето ни биде потсетник дека простувањето не го менува минатото, но може длабоко да ја промени нашата иднина. Да си подариме себеси мир!
Постот кој е актуелна тема посебно за време на религиозните празници е комбинација од телесна дисциплина и внатрешна контрола што подразбира воздржување од одредени видови храна, најчесто од намирници од животинско потекло, но и свесно намалување на претераноста во секојдневието. Иако своите корени ги има во христијанската традиција, постот денес многумина го доживуваат и како период на ресетирање – време за самоконтрола, умереност и подобра грижа за сопственото тело и мисли. Во православната традиција постот не се сведува само на исхрана. Тој вклучува и воздржување од лоши навики, негативни мисли и постапки, поттикнувајќи повеќе трпение, смиреност и добрина во односот кон другите.
Велигденскиот пост, кој ни предстои, е најдолгиот и најстрогиот пост во текот на годината. Тој претставува подготовка за празникот Велигден и оваа година започнува на 23.02.2026.
Неговата строгост се должи на: • Подолгиот временски период • Поголемите ограничувања во исхраната • Поголемиот акцент на лична дисциплина и духовна подготовка
Без разлика дали го практикуваме од религиозни причини или како личен предизвик, постот може да биде период на свесност, балансирање и позитивна промена – време кога вниманието го насочуваме кон она што навистина е важно. Во текот на овој период традиционално се избегнуваат месо, млечни производи и јајца, а во одредени денови и масло. Од здравствен аспект, неделата пред почеток на постот има значајна улога – таа му овозможува на организмот постепено да се адаптира на промените во исхраната. Наместо нагло да се прекине внесот на сите намирници од животинско потекло, телото постепено го намалува внесот на протеини и масти од месо, што го намалува метаболниот и дигестивниот стрес.
Ова е особено важно бидејќи Велигденскиот пост започнува со денови на поголемо воздржување од храна, кај некои верници и со пост на вода или ограничен внес на храна. Наглата промена во исхраната може да предизвика замор, главоболка, пад на енергија или дигестивни потешкотии, па затоа постепената транзиција има заштитна улога. Овој период не е само духовна подготовка, туку и можност телото полесно да се приспособи на промените кои следуваат.
Дали постењето е корисно за нашето здравје?
Доколку се спроведува правилно, постот може да има позитивни ефекти врз здравјето бидејќи:
Се внесува полесна и нутритивно поквалитетна храна
Посната храна содржи помалку заситени масти
Исхраната е базирана на зеленчук, овошје и растителни влакна
Постот не претставува терапија, но може да биде поддршка на здрав начин на живот ако е правилно организиран. Преку посната храна внесуваме повеќе растителни влака, омега 3 масни киселини (доколку рибата е застапена за време на постот) а од друга страна намалуваме внес на повеќе заситени масти, процесирана храна и храна богата со прости јаглени хидрати.
Состојби каде може да се почувствуваат придобивки:
Метаболни нарушувања
Предијабетес (со лекарски надзор)
Покачени триглицериди
Покачен холестерол
Дигестивни проблеми
Телесна тежина
Кај кои категории не се препорачува постење?
Постењето не е соодветно за сите категории на луѓе. Потребна е претпазливост или консултација со лекар во следниве состојби:
Бремени и доилки
Деца и адолесценти
Лица со хронични заболувања
Лица со дијабетес
Лица со анемија
Пациенти во опоравување
Лица со потхранетост или нарушувања во исхраната
Клучни правила за исхрана за време на пост- што значи балансиран избор на храна во текот на постите
1. Фокус на вистинска храна: Зелен лиснат зеленчук, зеленчуци, мешунки, јаткасти плодови, семиња и целозрнести производи. Домашно подготвената храна е најдобар избор. Избегнувајте преработени „посни “производи како чипс, посни пецива, посни десерти со многу шеќер, посни кашкавали и индустриски вегански замени.
2. Доволен внес на протеини: Комбинирајте грав, леќа, киноа, тофу и семиња за да се задоволат дневните потреби.
3. Внес на здрави масти: Авокадо, ореви, ленено семе, ленено масло, масло од семки од тиква и маслиново масло обезбедуваат енергија и нутритивен баланс.
4. Хидратацијата е клучна: Пијте доволно вода, билни чаеви и домашни сокови без шеќер. Ограничете го кофеинот до околу 200 ml дневно (2 кафиња дневно).
5. Користете пробиотици: промената во исхраната во овој период може да предизвика дигестивен дисбаланс па поради тоа во почетокот на постот и кога постот ќе заврши пожелна е консумација на пробиотици кои ќе ни помогнат да ја одржиме цревната микрофлора во баланс и да не почуствуваме посебни дигестивни потешкотии.
6. Бидете креативни во кујната: Постот е можност за откривање нови рецепти и комбинации. Важно е да се запомни дека постот не е гладување – целта е умереност, а не исцрпеност. Доколку се појават слабост или вртоглавица, препорачливо е да се консумира лесен оброк, како овошје.
*Доколку ви е потребна стручна нутритивна поддршка или насоки за правилна и балансирана посна исхрана, закажете термин кај нашиот нутриционист.
Аурикулопластика (отопластика) претставува хируршка интервенција од областа на Пластична Реконструктивна и Естетска хирургија со која се врши корекција, ремоделирање на големината, формата и поставеноста на ушната школка (аурикула). Најчест естетски проблем во детската возраст се проминентни односно клемпави уши. Овој естетски проблем во раната возраст често пати поради исмевање од врсниците (булинг) понатаму води кон психолошки проблем кај децата.Од овие причини се препорачува корекција на ушите да се направи во предшколската возраст.
Аурикулопластиката може да се направи во било која возраст, се препорачува тоа да биде одкако ќе заврши растот на ушните школки, односно после 5-тата година. Оваа хируршка интервенција може да биде извршена во локална анестезија или во општа анестезија во зависнот од соработката со детето.
Постојат повеќе хируршки техники, како техники при кој се ремоделира рскавицата на ушната школка со сечење (Cartilage-cutting techniques), техники при кој со поставување на шавови се ремоделира рскавицата (Cartilage-sparing methods), комбинирани техники на ремоделирање на рскавицата со сечење и поставување на шавови (Modern otoplasty favors a graduated approach by combining suture techniques). Со индивидуален пристап на преглед се прави проценка која хируршка техника ќе даде најдобри естетски резултати а при тоа да не дојде до намалување на надворешниот ушен отвор со цел да не дојде до намалување на функцијата, слухот.
Пациентите постоперативно може веднаш да си одат дома или да останат една вечер во болница. Заздравување на раните вобичаено е комплетно по две недели, а за еден месец може да се види дефинитивниот резултат. Во првите две недели потребно е пациентот да доаѓа на контроли при што се прават редовни преврски на раните кои се скриени позади ушите. Воедно и лузните ќе бидат скриени позади ушите во природната бора што понатаму овозможува истите да не бидат видливи.
Редовната мамографија е еден од најважните чекори во грижата за здравјето на дојките. Таа овозможува рано откривање на промени, често пред да се појават симптоми, кога третманот е поефикасен и шансите за целосно закрепнување се значително поголеми.
Со навремена превенција, си подарувате сигурност, спокој и време, највредното нешто за вас и вашите најблиски.
Пациентката беше примена со прогресивна психомоторна забавеност, проблеми со меморијата и памтењето во изминатите 4 месеци, а во неколку наврати и проблем со рамнотежата и пад. По направените радиолошки иследувања со нуклерна магнетна резонанца, кај пациентката беше дијагностициран туморски процес во мозокот, по што следуваше индикација за оперативно лекување. Неврохируршкиот тим во состав: Проф. д-р Владимир Рендевски и д-р Михаил Таушанов, применувајќи микроневрохируршка техника, извршија успешно одстранување на овој комплексен тумор на мозокот, кој беше прилепен за базата на черепот, а во непосредна близина на витални мозочни крвни садови. Пациентката успешно се опоравува.
Вистинската љубов започнува и продолжува со грижа за себе и за оние што ги сакаме. Здравјето е најубавиот подарок што можеме да го негуваме секој ден. По повод денот на вљубените подготвивме специјални цени кои ќе важат од 1 февруари заклучно 14 февруари.
Кардиоваскуларна проценка: 4.500 ден.
Ласерски третман Frax на цело лице и врат + гратис третман со егзозоми: 21.500 ден.
Дермални филери – 9600 ден. и 12000 ден., во зависност од изборот на филер.
Дигитална дермоскопија со анализа на повеќе лезии со вештачка интелигенција (MoleAnalyzer PRO AI): 6.550 ден.
Третман за колагенска стимулација Ellansé: – S пакет: 13.000 ден. – M пакет: 15.500 ден.
Белење на заби со лампа + професионално чистење: 8.000 ден.
Центарот за менаџмент на обезност (дебелината) при Клиника Жан Митрев се стекна со престижниот статус EASO Collaborating Centre for Obesity Management (COM) и е официјално акредитиран од Европската асоцијација за проучување на обезноста (EASO) за периодот 2026–2028 година, со што станува признат како водечки центар за третман на обезност на европско ниво. Оваа акредитација претставува највисоко европско признание во областа на третманот на обезноста и се доделува исклучиво на центри кои ги исполнуваат најстрогите медицински, научни и организациски критериуми, во согласност со европските и академските клинички упатства. Процесот на акредитација вклучува темелна евалуација од страна на EASO COM Working Group, која ја потврдува клиничката извонредност, мултидисциплинарниот пристап и долгорочната грижа за пациентите.
Со ова признание, Клиника Жан Митрев станува прв и единствен EASO-COM акредитиран центар во рамки на приватна здравствена установа во целиот Балкански регион, позиционирајќи ја клиниката како регионален референтен центар за современ, интегриран и научно заснован третман на дебелина.
EASO COM акредитацијата е директна гаранција за пациентите дека третманот на обезност во Клиника Жан Митрев се спроведува според највисоки европски стандарди и носи конкретни придобивки: лекување и примена на валидирани клинички протоколи, структуриран пациентски пат и континуирано следење на резултатите. Овозможува пристап до најновите научни достигнувања и современи терапии преку вклученост во европски експертски мрежи, размена на знаења и имплементација на најнови терапевтски пристапи во третманот на обезноста, како и соработка со врвни европски медицински центри во EASO COM мрежата, во креирање европски консензус-насоки и заеднички стручни иницијативи.
Центарот за менаџмент на обезност е раководен од д-р Џулиана Михајловска, специјалист ендокринолог, чија стручност, посветеност и професионализам беа клучни во процесот на стекнување на ова високо европско признание. Третманот се спроведува преку мултидисциплинарен тим, составен од ендокринолог, генетичар, физиотерапевт, психолог, психијатар, нутриционист како и други медицински специјалности по потреба, што овозможува сеопфатен, персонализиран и долгорочен пристап кон обезноста како хронично и комплексно заболување.
Со оваа акредитација, Жан Митрев Клиника уште еднаш ја потврдува својата мисија да обезбеди европски стандарди, медицинска прецизност и врвна грижа за пациентите, поставувајќи нови стандарди во современото здравство.
Рано препознавање, навремен третман и значење за продолжување на животот
Карциномите на кожата се меѓу најчестите малигни заболувања кај човекот, а нивната зачестеност постојано расте. Иако во голем број случаи се лекуваат успешно, исходот во најголема мера зависи од раното препознавање и навремениот третман. Современата медицина нуди ефикасни хируршки решенија кои значително го намалуваат ризикот од ширење на болеста (метастази) и придонесуваат за подобра прогноза и продолжување на животот.
Рано препознавање – клучен фактор за успешно лекување
Раното откривање на карциномите на кожата е од суштинско значење. Промените на кожата често се видливи со голо око, но многу луѓе ги игнорираат или ги сметаат за безопасни. Посебно внимание треба да се обрне на:
• промени во големината, бојата или формата на постоечки бемки • појава на нови израстоци, рани што не заздравуваат • крварење, лупење, чешање или болка во одредена кожна промена • асиметрични промени со неправилни рабови и нееднаква пигментација
Редовните дерматолошки прегледи, особено кај лица со светол тен, зголемена изложеност на сонце или фамилијарна историја на карцином на кожа, овозможуваат навремено поставување на дијагноза, често уште во почетна фаза кога третманот е наједноставен и најуспешен.
Навремен оперативен третман
Хируршкото отстранување претставува основен и најефикасен метод за лекување на повеќето карциноми на кожата, вклучувајќи базоцелуларен карцином, спиноцелуларен карцином и одредени форми на меланом.
Целта на оперативниот третман е:
• целосно отстранување на туморот • зачувување на здравото околно ткиво • спречување на локално повторување на болеста
Интервенцијата се изведува според строго утврдени медицински принципи, со соодветни безбедносни маргини, а отстранетото ткиво задолжително се испраќа на хистопатолошка анализа, која ја потврдува дијагнозата и радикалноста на зафатот. Во раните стадиуми, хируршкиот третман често е дефинитивен, без потреба од дополнителна терапија, што значително го олеснува опоравувањето и го подобрува квалитетот на животот.
Намалување на ризикот од метастази
Една од најголемите опасности кај малигните заболувања е нивната способност да се шират во други делови од телото. Кај карциномите на кожата, ризикот од појава на метастази директно зависи од:
• времетраењето на болеста • длабочината и агресивноста на туморот • навременоста на третманот
Со рана и целосна хируршка ексцизија, значително се намалува можноста за продор на малигните клетки во лимфните јазли или оддалечени органи. Особено кај меланомот, раната операција може да биде пресудна за спречување на животозагрозувачки компликации.
Продолжување на животот и подобрување на прогнозата
Благодарение на современите хируршки техники и подобрената дијагностика, преживувањето кај пациентите со карцином на кожа денес е значително подобрено. Кога болеста се открива и третира навреме:
• шансите за целосно излекување се високи • се намалува потребата од агресивни дополнителни терапии • се продолжува животниот век • се зачувува функционалниот и естетскиот интегритет на кожата
Навремениот оперативен третман не е само медицинска интервенција, туку инвестиција во здравјето, квалитетот на животот и иднината на пациентот.
Заклучок
Карциномите на кожата се сериозни, но во голем број случаи излечиви заболувања, доколку се препознаат и третираат навреме. Редовните прегледи, зголемената свесност и современиот оперативен третман играат клучна улога во намалување на ризикот од метастази и во продолжување на животот.
Доколку забележите било каква сомнителна промена на кожата, не одложувајте – раното дејствување спасува живот.
