Автор: Nertila Ivanovski

Менопаузата не значи само прекин и отсуство на менструален циклус, туку значителна метаболна промена, каде естрогенот како главна хормонска контролна точка во организмот на женатта, се намалува, предизвикувајќи низа промени на целокупното здравје, вклучително и на коскениот систем. Во нормалната здрава коска наизменично работат два циклуси, процес на создавање (остеобласти) и процес на разградба на коскено ткиво (остеокласти). Естрогенот особено делува на ублажување на процесот на коскена разградба, влијаејќи на остеокластите, па додека е тој во доволна количина во организмот, така и коскената разградна е под контрола, доведувајќи до стабилизација на коскената маса.

Со почетокот на менопаузата, количеството на естроген во циркулацијата почнува постепено да се намалува и така неговото влијание врз клетките на коскена разградба (остеокластите) почнува да се намалува, па коската почнува повеќе да се разградува отколку создава. Ваквиот процес е најинтензивен во првите 5 до 7 години од почетокот на менопаузата каде може да се изгубат и до 20% од коскената маса.

Со влегување во менопауза, нивото на естроген значително опаѓа. Ова доведува до:

• Зголемување на крвниот притисок
• Покачување на холестеролот
• Поголема склоност кон развој на атеросклероза

Како резултат, ризикот од кардиоваскуларни заболувања кај жените по менопауза значително се зголемува и постепено се изедначува со оној кај мажите.

Како естрогенот влијае на срцето?

Естрогенот има заштитен ефект врз кардиоваскуларниот систем, особено кај жени во репродуктивниот период. Тој:

• Го подобрува квалитетот на крвните садови, правејќи ги поеластични
• Помага во регулирање на нивото на холестерол (го намалува „лошиот“ LDL, а го зголемува „добриот“ HDL)
• Го намалува воспалението во крвните садови
• Има поволен ефект врз крвниот притисок

Поради овие ефекти, жените пред менопауза имаат помал ризик од срцеви заболувања во споредба со мажите на иста возраст.

Намалувањето на коскеното ткиво на почетокот доведува до состојба која се нарекува остеопенија, доколку оваа состојба продолжи подолг временски период без соодветна дијагностика и суплементација, следува состојба на остеопороза која е напредна фаза на намалена коскена густина при што е зголеемн ризикот за фрактура на коските. Остеопорозата е безболна и често жените не се свесни дека нивните коски се ослабени, се додека не се случи некоја повреда и фрактура. Затоа дијагностиката на оваа болест мора да биде навремена.

Златниот стандард за дијагноза на остеопороза е Остеодензитометријата (ДЕКСА скен) кој ја одредува густината на коските, најчесто на колкот и рбетот. Се одредува преку изразување на Тскор кој е одреден со правење споредба на густината на коските на пациентот со онаа кај здравата популација. Со вредност од -1 до -2.5 е првата фаза или остеопенија, а над -2.5 е  критериум за остеопороза.

Како дополнување на остеодензитометријата, се применуваат и лабораториски анализи како што се остеокалцин, бета крос лапс, калциум, фосфор, витамин Д.

Препораките се дека секоја жена над 65 години треба да направи скрининг за остеопороза.

За жените кои се помлади од 65 години, се препорачува ваков скрининг само доколку има некаков дополнителен ризик фактор како многу мала телесна тежина (Индекс на телесна маса под 19 kg/m²), долготрајна употреба на кортикостероиди, рана менопауза (пред 45-та година) и слично.

Естрогенот е еден од главните женски полови хормони и има многу важни улоги во организмот – не само во репродуктивниот систем, туку и во одржување на здравјето на срцето и крвните садови.

Дали хормонската терапија помага?

Хормонската супституциона терапија (естрогенска терапија) може да има позитивни ефекти кај одредени жени, но не е препорачлива за сите. Таа може да:

• Ги ублажи симптомите на менопауза
• Делумно влијае на кардиоваскуларниот ризик

Сепак, може да носи и ризици (како тромбози или одредени видови карцином), па затоа одлуката за терапија секогаш треба да се донесе индивидуално, во консултација со лекар.

Што можете да направите за здраво срце?

Без оглед на нивото на естроген, здравиот начин на живот е клучен:

• Балансирана исхрана (богата со овошје, зеленчук и интегрални житарки)
• Редовна физичка активност
• Контрола на телесната тежина
• Редовно мерење на крвниот притисок,
• Редовно мерење на нивото на холестерол и гликоза во крвта
• Престанок со пушење

Естрогенот игра значајна заштитна улога за срцето, но со неговото намалување во менопауза, ризикот од кардиоваскуларни заболувања расте. Затоа е важно жените навреме да обрнат внимание на своето кардиоваскуларно здравје и редовно да се контролираат.

Во насока на заштита на женското  здравје во клиника Жан Митрев актуелни се промотивни цени и пакети за дел од услугите. Нудиме поволноси за сите жени кои сакаат да направат Менопауза хормонален панел, DEXA, консултација за менопауза како и кардиоваскуларна проценка.

Лицето е првото нешто што луѓето го забележуваат кај нас. На него се испишани годините, искуствата, радостите и предизвиците што сме ги поминале. Секоја насмевка и секој поглед оставаат своја трага.

Но, со текот на времето, природниот процес на стареење постепено ја менува структурата на лицето – кожата ја губи еластичноста, масното ткиво се поместува, а линијата на вилицата и вратот стануваат помалку изразени.

Многумина почнуваат да забележуваат лице во огледалото кое изгледа поуморно отколку што навистина се чувствуваат. Токму тука современата естетска хирургија нуди решение – фејслифтингот. Тоа е процедура која не го менува идентитетот, туку ја враќа природната свежина и хармонија на лицето.

Што претставува фејслифтинг?

Фејслифтингот е хируршка процедура чија цел е подигнување и затегнување на ткивата на лицето, отстранување на вишокот кожа и враќање на контурите во нивната природна позиција.

Наместо да создаде „ново лице“, оваа интервенција има за цел да создаде помлада, посвежа и одморена верзија од вас.

Зошто старее лицето?

Стареењето на лицето не е резултат само на опуштање на кожата. Со текот на годините се случуваат неколку важни промени:

• намалување на колагенот и еластичноста на кожата
• поместување и губење на масното ткиво
• слабеење на мускулите и фасцијалните структури
• влијание на сонцето, стресот и животниот стил

Како резултат на овие промени се појавуваат:

• опуштени образи
• изразени назолабијални бразди
• „џоули“ долж линијата на вилицата
• опуштена кожа на вратот

Современиот фејслифтинг не се фокусира само на кожата, туку и на подлабоките анатомски структури, што овозможува природни и долготрајни резултати.

Типови на фејслифтинг

Во зависност од потребите на пациентот и степенот на стареење, постојат неколку видови:

– Мини фејслифтинг

Помалку инвазивна процедура, наменета за пациенти со почетни знаци на стареење. Се фокусира на долниот дел од лицето и линијата на вилицата. Закрепнувањето е побрзо, а резултатите се суптилни и природни.

– Класичен фејслифтинг

Најчесто изведувана процедура која ги третира средниот и долниот дел од лицето, како и вратот. Се репозиционираат подлабоките ткива и се отстранува вишокот кожа, што доведува до значително подмладување.

– SMAS фејслифтинг

Техника која го третира подлабокиот слој на лицето (SMAS). Со негово затегнување се постигнуваат многу природни и долготрајни резултати.

– Deep plane фејслифтинг

Напредна техника која ги ослободува и репозиционира подлабоките структури без прекумерно затегнување на кожата. Особено е ефективна кај поизразени знаци на стареење.

– Фејслифтинг на врат (neck lift)

Често се комбинира со фејслифтинг за подобро контурирање на вратот и линијата на вилицата. Се отстранува вишокот кожа и се затегнуваат мускулите.

Како изгледа процедурата?

Фејслифтингот најчесто се изведува под општа анестезија или локална анестезија со седација. Интервенцијата трае од 2 до 4 часа, во зависност од обемот и евентуалните комбинирани процедури.

Засеците се поставуваат внимателно:

• долж линијата на косата
• околу ушите
• зад ушната школка

По заздравувањето, тие стануваат речиси незабележливи.

Во текот на операцијата:

• се репозиционираат подлабоките ткива
• се затегнува мускулно-фасцијалниот слој
• се отстранува вишокот кожа
• се дефинира линијата на вилицата и вратот

Целта е природен изглед без пренагласено затегнување.

Постоперативно закрепнување

По интервенцијата, пациентите остануваат кратко време под медицински надзор. Во првите денови е нормално да има оток и модринки.

Вообичаен тек на закрепнување:

• 2–3 дена одмор
• намалување на отокот и модринките во рок од 1–2 недели
• отстранување на конците по 7–10 дена
• враќање на секојдневни активности по околу 2 недели

Целосните резултати стануваат видливи постепено, по неколку недели, кога ткивата ќе се стабилизираат.

Важно е строго да се следат препораките на хирургот:

• избегнување физички напор
• заштита од сонце
• редовни контроли

Резултати – природна свежина и самодоверба

Најуспешниот фејслифтинг е оној кој не изгледа како операција. Околината можеби нема да знае што точно е променето, но ќе забележи дека изгледате поодморено, посвежо и поенергично.

Резултатите можат да траат со години. Лицето продолжува да старее природно, но од една „подмладена“ почетна точка.

Фејслифтингот не е обид да се запре времето – туку начин да се врати хармонијата помеѓу тоа како се чувствуваме и тоа што го гледаме во огледалото.

Понекогаш, најубавото чувство е повторно да го препознаете своето лице – со истата насмевка, но со нова свежина и самодоверба.

Планирате бременост? Сѐ што треба да знаете за проценката на репродуктивното здравје пред, за време и по бременоста

Вашето репродуктивно здравје е наш приоритет

Кога зборуваме за репродуктивно здравје, зборуваме за многу повеќе од медицински прегледи. Зборуваме за вашата целосна физичка, ментална и емоционална благосостојба во периодот кога размислувате за бременост, за време на бременоста и кога станувате мајка.

Тоа е период исполнет со радост, но и со многу прашања, дилеми и понекогаш грижи. Многу жени имаат прашања кои не секогаш се осмелуваат да ги постават за сопственото тело, за плодноста, за текот на бременоста или за здравјето на бебето.

Токму затоа, тимот на гинеколози во Клиника  Жан Митрев е тука да ве поддржи во секој чекор од овој важен животен период – од подготовка за бременост, преку следење на бременоста, па сè до безбедно породување и грижа за новороденчето.

---

Подготовка за бременост – важен прв чекор

Одлуката за бременост е еден од најзначајните моменти во животот на една жена. Кога ќе донесете таква одлука, важно е да знаете дека подготовката започнува уште неколку месеци пред зачнувањето.

Една од најважните препораки е започнување со фолна киселина. Овој витамин има важна улога во правилниот развој на нервниот систем на плодот и значително го намалува ризикот од одредени вродени аномалии.

Во идеален случај, бременоста се случува природно и без потешкотии. Но понекогаш патот до посакуваната бременост може да биде подолг или покомплексен. Доколку се обидувате подолг период без резултат, препорачливо е да се консултирате со гинеколог.

Во рамки на една сеопфатна проценка на репродуктивното здравје, лекарот може да препорача неколку дијагностички анализи и прегледи со цел да се добие целосна слика за репродуктивната функција.

Најчесто се прават следните испитувања:

Хормонални анализи
Со едноставен тест на крвта се проверува нивото на хормони кои го регулираат менструалниот циклус и овулацијата.

2D или 3D ултразвук на гениталните органи
Овој преглед овозможува детална проценка на матката и јајниците и може да открие состојби како цисти на јајниците, полипи или структурни промени во матката.

Проверка на проодност на јајцеводите (хистеросалпингографија – HSG)
Испитување со кое се проверува дали јајцеводите се проодни, што е важно за природно оплодување.

Хистероскопија
Минимално инвазивна процедура со која лекарот ја прегледува внатрешноста на матката и може да дијагностицира или третира одредени промени.

Лапароскопија
Процедура која во одредени случаи се користи за дијагностика и третман на состојби како ендометриоза или проблеми со јајцеводите.

Скрининг за генитални инфекции
Одредени инфекции можат да влијаат на плодноста, па затоа се прават лабораториски тестови за нивно откривање.

Спермограм кај партнерот
Анализа со која се проценува бројот, подвижноста и квалитетот на сперматозоидите.

Секој случај е индивидуален. Затоа пристапот кон дијагностика и третман се базира на персонализирана медицина, прилагодена на потребите на секоја пациентка.

---

Следење на бременоста

Честитки – бремени сте!

Бременоста е уникатен период во животот на секоја жена. Во текот на овие девет месеци, редовните гинеколошки прегледи имаат клучна улога во следењето на здравјето на мајката и правилниот развој на плодот.

Покрај редовните акушерски прегледи, постојат и три важни скрининзи кои се изведуваат во различни периоди од бременоста.

---

Прв скрининг – прв триместар

Првиот скрининг се прави во првиот триместар од бременоста.

Неговата цел е да процени дали постои ризик од одредени хромозомски состојби кај плодот.

Постојат две опции:

PRISCA тест
Комбинира анализа на одредени ултразвучни параметри и хормони од крвта на мајката и дава статистичка проценка на ризик за хромозомски аномалии.

Неинвазивен пренатален тест (NIPT)
Современ генетски тест кој преку анализа на крвта на мајката овозможува многу попрецизна генетска проценка на плодот.

---

Втор скрининг – морфолошки ултразвук

Се изведува помеѓу 18 и 20 гестациска недела.

Овој преглед претставува детална морфолошка анализа на органите на плодот и овозможува проценка на неговиот правилен развој.

При овој преглед се анализираат:

• структурата на органите на плодот
• срцето, мозокот и ‘рбетот
• протокот на крв во артериите кои ја снабдуваат матката

---

Трет скрининг – проценка на растот на плодот

Третиот скрининг се прави околу 32 гестациска недела.

Во овој период се следи:

• растот на плодот
• протокот на крв во крвните садови
• зрелоста и функцијата на постелката

Овие информации му помагаат на лекарот да процени како се развива бременоста и кога е најбезбедно да се планира породувањето.

---

Дополнителни анализи во бременоста

Покрај основните скрининзи, постојат и други важни тестови.

Инфективен скрининг
Се прави со цел да се откријат инфекции кои можат да доведат до компликации или предвремено породување.

Скрининг за гестациски дијабетес (oGTT)
Се прави околу 24 гестациска недела и овозможува навремено откривање на гестациски дијабет.

---

Породување – почеток на ново животно поглавје

По девет месеци грижа и следење, доаѓа моментот на породување.

Пред самиот чин на породувањето, заедно со пациентката се разговара за:

• начинот на породување
• видот на анестезија
• можноста за присуство на таткото во родилната сала

Целта е мајката да се чувствува смирена, сигурна и подготвена за овој посебен момент.

---

Грижа за новороденчето

Во Клиника Жан Митрев, веднаш по раѓањето, новороденчето е под грижа на педијатрискиот тим.

Од првите моменти од животот, бебето добива:

• неонатален преглед
• внимателна медицинска нега
• следење на растот и развојот

---

Ние сме тука за вас

Во Клиника  Жан Митрев, вие, вашето здравје, вашата бременост и новиот член на вашето семејство се приоритет за секој член од нашиот тим.

Доколку размислувате за бременост или сакате да направите проценка на вашето репродуктивно здравје, нашиот гинеколошки тим ви стои на располагање за консултација и преглед.

Менструалниот циклус е природен месечен процес низ кој поминува женското тело како подготовка за можна бременост. Тој е контролиран од комплексна интеракција на хормони кои се произведуваат во мозокот (хипоталамус и хипофиза) и во јајниците.

Американскиот колеџ на акушери и гинеколози (ACOG) го дефинира менструалниот циклус како период кој започнува на првиот ден од менструалното крварење и завршува на првиот ден од следното крварење.

Иако често се зборува за „стандардeн“ 28-дневен циклус, важно е да се знае дека менструалниот циклус не е ист за секоја жена и може природно да варира.

Што се смета за нормален менструален циклус?

Според медицинските критериуми, нормалниот менструален циклус обично ги има следните карактеристики:

Карактеристика	Што се смета за нормално
Должина на циклус	21 – 35 дена кај возрасни жени
Времетраење на крварење	2 – 7 дена
Просечна загуба на крв	30 – 40 ml

Крварењето може да се смета за обилно доколку е потребно менување на влошка или тампон на секои 1–2 часа или се користат повеќе од 8 хигиенски влошки дневно.

Во првите години по почетокот на менструацијата циклусите често се нередовни, но со текот на времето обично стануваат поредовни.

Фази на менструалниот циклус

Менструалниот циклус се состои од четири фази кои се регулирани од хормонални промени:

• Менструална фаза
  Започнува на првиот ден од циклусот и претставува исфрлање на слузницата на матката.
• Фоликуларна фаза
  Естрогенот расте и предизвикува задебелување на слузницата на матката и созревање на јајце-клетка.
• Овулација
  Се случува приближно во средината на циклусот кога јајникот ослободува зрела јајце-клетка.
• Лутеална фаза
  Прогестеронот ја подготвува матката за евентуална бременост. Ако не дојде до оплодување, циклусот започнува повторно.

Кога циклусот не е редовен?

Менструалниот циклус може да варира неколку дена секој месец и тоа сè уште да се смета за нормално.

Сепак, нередовен циклус може да вклучува:

• циклус пократок од 21 ден или подолг од 35 дена
• изостанување на менструација повеќе од 90 дена
• крварење помеѓу циклуси
• многу обилно крварење
• силни болки што го попречуваат секојдневниот живот.

Нередовниот циклус може да биде поврзан со:

• стрес или нагли промени во тежината
• интензивно вежбање
• синдром на полицистични јајници (PCOS)
• нарушувања на тироидната жлезда.

Обилно и слабо менструално крварење

Обилно менструално крварење (менорагија)

Се дефинира како:

• натопување на влошка или тампон на секој час
• крварење подолго од 7 дена
• присуство на големи крвни коагулуми
• замор или отежнато дишење поради загуба на крв.

Можни причини се:

• фиброиди или полипи
• хормонален дисбаланс
• бакарна спирала
• нарушувања на коагулацијата.

Слабо менструално крварење (хипоменореја)

Кратко или многу лесно крварење може да биде нормално во одредени ситуации.

Најчести причини:

• хормонска контрацепција
• бременост
• стрес или интензивно вежбање
• PCOS
• пубертет или приближување кон менопауза.

ПМС наспроти болка што бара медицинска проценка

Благите грчеви за време на менструацијата се чести, но силната болка може да укажува на медицински проблем.

Нормална болка	Болка што бара проценка
трае 2–3 дена	трае подолго од 3 дена
реагира на аналгетици	не реагира на лекови
не го попречува секојдневниот живот	значително ги отежнува дневните активности

Хормонални состојби што можат да влијаат на циклусот

PCOS (синдром на полицистични јајници)

PCOS е едно од најчестите хормонални нарушувања кај жените.

Симптомите може да вклучуваат:

• нередовни или отсутни менструации
• акни или мрсна кожа
• прекумерен раст на влакна
• опаѓање на косата
• проблеми со плодноста.

Нарушувања на тироидната жлезда

Проблемите со тироидната жлезда се значително почести кај жените и можат да предизвикаат:

• замор
• промени во тежината
• опаѓање на косата
• нередовни менструации.

Како може да помогне медицинската проценка?

Доколку забележувате промени во вашиот менструален циклус – како нередовни менструации, обилно крварење, силни болки или симптоми на хормонален дисбаланс – навремената медицинска проценка може да помогне да се открие причината и да се спречат понатамошни компликации.

Во Клиника  Жан Митрев, проценката на хормоналното и гинеколошкото здравје се базира на комбинација од клинички преглед, лабораториски анализи и современа дијагностика.

Клучни прегледи кои помагаат во проценка на менструалниот циклус

Преглед	Што овозможува
Гинеколошки преглед со ултразвук	Проценка на јајниците, матката и можни структурни промени
ПАП тест	Скрининг за рана детекција на промени на грлото на матката
Хормонални анализи	Детекција на хормонален дисбаланс, PCOS и нарушувања на тироидната жлезда

Хормоналните анализи се особено важни при проценка на:

• нередовен менструален циклус
• синдром на полицистични јајници (PCOS)
• нарушувања на тироидната жлезда
• проблеми со плодноста.

Превентивна грижа за женското здравје

Во рамки на кампањата „Здравје без стигма“, достапни се и специјално креирани пакети за сеопфатна проценка на женското здравје.

За Неа – Основа: 8.900 ден.
Пакет кој комбинира гинеколошки преглед, ПАП тест и основен хормонален панел со цел рана детекција на хормонални и гинеколошки промени.

За Неа – Баланс: 8.700 ден.
Наменет за жени кои се соочуваат со нередовен менструален циклус, замор, промени во телесната тежина или сомнеж за хормонален дисбаланс. Пакетот вклучува проширен хормонален панел, ехо на тироидна жлезда и нутритивна проценка.

На 12 март 2026 година, светот повторно се обединува во одбележувањето на Светскиот ден на бубрегот – ден посветен на подигнување на свеста за здравјето на бубрезите, бубрежните заболувања и значењето на превенцијата, раното откривање и поддршката за сите лица засегнати од овие болести.

Овогодинешната тема „Здравје на бубрезите за сите: Грижа за луѓето и за планетата“ нè потсетува дека грижата за бубрезите значи грижа за секој поединец, но и за одржливоста на здравствениот систем и на планетата на која живееме. Таа нè повикува да размислуваме пошироко – да се грижиме не само за пациентите, туку и за системот што ја овозможува нивната здравствена грижа. Заштитата на бубрежната функција оди рака под рака со одговорното користење на ресурсите кои ја овозможуваат современата медицина.

Тивки, но незаменливи

Бубрезите имаат клучна улога во одржувањето на здравјето. Тие ја филтрираат крвта, го регулираат крвниот притисок, го одржуваат балансот на течности и електролити, учествуваат во создавање на хормони, во регулацијата на коскениот метаболизам и во производството на црвени крвни клетки.

Кога нивната функција е нарушена, последиците можат да бидат сериозни и да влијаат врз целокупното здравје и квалитетот на животот.

Хроничната бубрежна болест – тивка епидемија

Хроничната бубрежна болест (ХББ) претставува тивка глобална епидемија. Во раните фази често поминува без симптоми, но доколку не се открие навреме може да доведе до сериозни здравствени компликации.

Се проценува дека околу 850 милиони луѓе во светот живеат со некаков степен на бубрежно оштетување – односно еден од десет возрасни има хронична бубрежна болест.

Најголем ризик имаат лицата со:

• артериска хипертензија
• дијабетес мелитус тип 2
• кардиоваскуларни заболувања
• срцева слабост
• позитивна фамилијарна анамнеза за бубрежна болест.

Според најновите податоци, околу 1,48 милиони луѓе годишно умираат како последица на хроничната бубрежна болест, што ја прави една од водечките причини за смртност во светот.

Интегрираниот пристап – рана дијагностика, мултидисциплинарна соработка и индивидуализиран третман – претставува клуч за подобри исходи.

Зошто е важна раната детекција?

Рутинските и едноставни лабораториски тестови овозможуваат рано откривање на бубрежната дисфункција, дури и кога пациентите немаат симптоми. Најчесто се користат:

• мерење на серумски креатинин за пресметување на eGFR,
• одредување на албумин/креатинин однос (UACR) во урина.
• Навременото откривање овозможува:
• забавување на прогресијата на болеста
• намалување на кардиоваскуларниот ризик
• подобра контрола на ризик-факторите
• подобрување на квалитетот и должината на животот.

„Здравје на бубрезите за сите“ подразбира еднаков пристап до рана дијагностика, современа терапија, мултидисциплинарна грижа и континуирана едукација на пациентите.

Превенцијата не е избор – таа е одговорност.

Грижа што гледа подалеку

Современата нефролошка грижа, особено дијализата, е поврзана со значителна потрошувачка на вода, енергија и медицински материјали.

Темата за 2026 година нè потсетува дека превенцијата и раната интервенција се клучни за намалување на товарот од терминалната бубрежна болест. Истовремено, одржливите здравствени практики треба да станат составен дел од современата медицина.

Рационалното користење на ресурсите претставува и професионална и општествена одговорност. Инвестирањето во превенцијата не само што спасува животи, туку придонесува и за намалување на еколошкиот отпечаток на здравствениот систем.

Нашата посветеност

Во Жан Митрев Клиниката, грижата за пациентите со бубрежни заболувања се спроведува преку современа дијагностика, индивидуализиран пристап и мултидисциплинарен тим од искусни специјалисти и супспецијалисти.

Нашата цел е рано откривање на болеста, навремено лекување и подобрување на квалитетот на животот на пациентите.

Како здравствена институција, веруваме дека вистинската медицина не лекува само болест – туку создава услови за одржливо здравје.

Грижата започнува денес

• Грижата за бубрезите е грижа за човекот.
• Грижата за превенцијата е грижа за иднината.
• Грижата за ресурсите е грижа за планетата.

Информирајте се за превентивните прегледи и консултирајте се со нашите специјалисти навреме на 02 3091 484