Autor: Nertila Ivanovski

Një anomali komplekse kongjenitale e zemrës u korrigjua me sukses tek një foshnjë e lindur para kohe, në javën e 36-të të shtatzënisë, foshnja e para nga shtatzënia me binjakë, e lindur në Prishtinë me peshë 2 kilogramë. U diagnostikua drenazh venoz pulmonar plotësisht anormal (TAPVR) dhe defekt septal atrial (ASD) – një kombinim jashtëzakonisht i rrallë, me një prevalencë të TAPVR prej vetëm 0.6–1.2 për 10,000 të porsalindur, ose 0.7–1.5% të të gjitha defekteve kongjenitale të zemrës.

Dy javë pas ardhjes në jetë, vogëlushja Oze Abazi u pranua në klinikë për shkak të gjendjes së saj urgjente. Pas ekzaminimeve të hollësishme dhe konsultimeve me ekipin e kardiokirurgjisë, u vendos që të realizohet korrigjimi kirurgjik në kohë. Ekipi i udhëhequr nga Dr. Zhan Mitrev e kreu me sukses ndërhyrjen, e cila përfshinte një devijim të plotë të venave pulmonare në atriumin e majtë, duke vendosur rrjedhjen normale të gjakut.

Pas operacionit, ekipi i neonatologjisë nga Qendra për nënën dhe foshnjën ofroi menaxhim intensiv hemodinamik dhe stabilizim të funksionit kardiovaskular – një proces delikat për shkak të moshës dhe peshës së vogël të foshnjës. Falë kujdesit të koordinuar, foshnja është shëruar me sukses.

Pa ndërhyrje kirurgjikale në kohë, kjo gjendje ka një shkallë vdekshmërie mbi 80% deri në fund të vitit të parë, ndërsa trajtimi bashkëkohorë e rrit shkallën e mbijetesës rreth 85%.

Pas ndërhyrjejes kirurgjikale dhe kujdesit postoperativ të suksesshëm, vogëlushja Oze tashmë është në gjendje të qëndrueshme dhe gati për të shkuar në shtëpi, me një prognozë të shkëlqyer për rritjen dhe zhvillimin e duhur të mëtejshëm.

Qasje moderne dhe klinikisht superiore në kirurgjinë kardiake: Kirurgji minimalisht invazive në zemër e kryer në Klinikën Zhan Mitrev pa prerje të sternumit

Në Klinikën Zhan Mitrev, ekipi i kirurgjisë kardiake i udhëhequr nga Dr. Mitrev kreu me sukses një kirurgji moderne minimalisht invazive në zemër, të njohur si MIDCAB (bypass minimalisht invaziv i drejtpërdrejtë i arteries koronare).

Operacioni kryhet nëpërmjet një prerjeje të vogël midis brinjëve, pa prerë sternumin dhe pa përdorimin e një pajisjeje qarkullimi ekstrakorporal. Kjo teknikë arrin revaskularizimin, domethënë përmirëson rrjedhën e gjakut në zemër, ndërsa ngushtimet e mbetura trajtohen duke vendosur stenta për efekt dhe siguri maksimale, duke lejuar kështu një trajtim të besueshëm të sëmundjes koronare.

Kjo qasje zvogëlon ndjeshëm invazivitetin dhe rrit nivelin e sigurisë, ndërkohë që ofron rezultate të shkëlqyera funksionale dhe klinike. Për pacientin, kjo lejon shërim më të shpejtë, më pak dhimbje dhe një qëndrim më të shkurtër në spital, si dhe një rrezik më të ulët për ndërlikime. Një avantazh shtesë është rezultati më i mirë estetik me plagë minimale dhe diskrete pas operacionit.

Kryerja e procedurave të tilla hibride që kombinojnë avantazhet e të dy ndërhyrjeve kërkon një ekip multidisiplinar të trajnuar në nivel të lartë, pajisje mjekësore të përparuara dhe monitorim të saktë intraoperativ. Me përzgjedhjen e duhur të pacientit, kjo lloj kirurgjie minimalisht invazive përfaqëson një zgjedhje të sigurt, moderne dhe klinikisht superiore në praktikën kardiokirurgjikale.

Duke aplikuar metodat dhe teknologjitë më moderne, Klinika vazhdon të vendosë standarde të larta në trajtimin e sëmundjeve të zemrës.

Kjo procedurë është në fakt aplikimi i hartëzimit të rrugëve koronare me qëllim vendosjen e stentit duke përdorur një sasi minimale të lëndës së kontrastit.

Konkretisht, pajisja angiografike e teknologjisë së fundit PHILIPS AZURION 7, me të cilën është pajisur klinika jonë, përfshin këtë opsion, i cili lejon që stentimi tek pacientët të kryhet me një sasi minimale të agjentit të kontrastit dhe rrezatimit. Avantazhi i kësaj metode është veçanërisht i dobishëm për pacientët me dështim kronik të veshkave, tek të cilët përdorimi i një sasie më të madhe të agjentit të kontrastit mund të çojë në një përkeqësim akut të dështimit të veshkave.

Me kombinimin e precizitetit/saktësisë, përdorimit të reduktuar të kontrastit dhe rrezatimit, këto sisteme vendosin standarde të reja për sigurinë dhe efikasitetin në laboratorët e kateterizimit.

Nëntori muaji i shëndetit të meshkujve. Mos prit shenja, kontrollohu në kohë!

Rezervo terminin në 02/3091-484.

• Kontroll urologjik 3000 denarë.
• Shënuesit e tumorit PSA (tumor marker) 600 denarë.
• Urinokulturë 450 denarë.
• Paketa për shëndetin e meshkujve 5000 denarë. (ekzaminim i plotë urologjik, tumor marker PSA, urinokulturë dhe sëmundje seksualisht të transmetueshme 3 mikroorganizma)
• MRI e prostatës 15 000 denarë.
• Osteodensitometri 1900 denarë.
• Paketa hormonale për osteoporozën (vitaminë D, Ca i jonizuar, parathormon) 2500 denarë.
• Ekzaminim neurokirurgjik 2000 denarë.
• Paketa kardio 4000 denarë.
• Stres test 4000 denarë.
• Ergospirometri 3500 denarë.
• Ekzaminim neurologjik 2500 denarë.
• Ekzaminim nefrologjik 2500 denarë.
• Ekzaminim pulmonologjik 2000 denarë.
• Ekzaminim ORL 2500 denarë.
• Ekzaminim dermatologjik 2000 denarë.
• Ekzaminim konsultativ me kirurg plastik 1800 denarë.
• Sëmundje seksualisht të transmetueshme – 14 mikroorganizma (nga urina e parë e mëngjesit me metodën PCR) 3500 denarë.
• Sëmundje seksualisht të transmetueshme (Chlamydia trachomatis, Trichomonas vaginalis dhe Neisseria gonorrhoeae) nga urina e parë e mëngjesit me metodën PCR 1800 denarë.

Obeziteti tek fëmijët është bërë një sfidë serioze shëndetësore. Ai prek një numër të madh fëmijësh dhe kërcënon jo vetëm shëndetin e tyre aktual, por edhe shëndetin e tyre në të ardhmen. Identifikimi dhe veprimi i hershëm janë çelësi për të parandaluar që obeziteti të bëhet një sëmundje kronike.

Shkaqet kryesore

Obeziteti tek fëmijët është një sëmundje kronike që shkaktohet nga shkaqe të shumta.  Një rol të rëndësishëm luajnë:

• Dieta: sheqerna të tepërta të shtuara, pije të përpunuara dhe ushqime të përpunuara industrialisht.
• Stili i jetesës sedentare/ulur: aktivitet fizik i reduktuar dhe shumë kohë e kaluar para ekranit (TV, telefon dhe pajisje të tjera).
• Sjellja familjare: zakonet shtëpiake, oraret e gjumit dhe modelet e përbashkëta të të ngrënit/ushqyerit.
• Faktorët biologjikë dhe gjenetikë: predispozita e trashëguar dhe çekuilibri hormonal.
• Kushtet sociale: akses i pabarabartë në një mjedis të shëndetshëm dhe objekte sportive.

Pasojat në rast se nuk ndërmeren hapat e nevojshëm

Obeziteti në fëmijëri mund të shkaktojë ndërlikime të hershme si diabeti i tipit 2, hipertensioni, dislipidemia dhe probleme me kyçet/nyjet. Psikologjikisht, shpesh ndodh që fëmijët të vuajnë nga mungesa e vetëvlerësimit, izolimi ose ngacmimi në shkollë. Për më tepër, gjasat për ruajtjen/vazhdimin e obezitetit në moshë madhore janë të larta, me pasoja afatgjata shëndetësore.

• Promovoni një dietë të ekuilibruar, të pasur me fruta, perime dhe fibra.

Çfarë mund të bëjnë prindërit për të parandaluar obezitetin tek fëmijët?

Ekzistojnë masa parandaluese efektive që varen nga stili i jetës së përditshme të familjes:

• Zvogëloni konsumin e pijeve me sheqer dhe ushqimeve të përpunuara industrialisht.
• Inkurajoni aktivitetin fizik të përditshëm.
• Rregulloni/kufizoni kohën para ekranit dhe inkurajoni pushimin e duhur.

Nëse këto masa nuk janë të mjaftueshme, ose pesha e fëmijës vazhdon të rritet me shpejtësi, rekomandohet konsultimi me një specialist.

Obeziteti tek fëmijët kërkon trajtim multidisiplinar. Për këtë është i nevojshëm një ekip të përbërë nga pediatër, nutricionist, kardiolog pediatrik dhe psikolog. Kjo mbështetje mjekësore nuk synon vetëm uljen e peshës, por edhe ndihmën për fëmijët dhe familjet e tyre në adaptimin e zakoneve të qëndrueshme që do të përmirësojnë shëndetin dhe mirëqenien e tyre.

Obeziteti tek fëmijët nuk është vetëm një problem kozmetik; është një gjendje shëndetësore që mund të ndikojë gjatë gjithë jetës së një personi. Identifikimi i hershëm dhe ndërmarja e hapave të duhur bëjnë një ndryshim të madh nëse sëmundja do të bëhet kronike apo fëmijët do të kenë një mundësi të rriten dhe të bëhen individë të shëndetshëm.  

Rezervoni terminit tuaj për kontroll dhe konsultim në 00389 2 3091 484