Ekipi i udhëhequr nga Dr. Ilina Gaxhevska Tomulevska, subspecialiste në kirurgjinë plastike dhe rindërtuese në Klinikën tonë, kreu një ndërhyrje kirurgjikale estetike – ngritje vetullash me teknikën Direct brow lift.
Direct Brow lift është një teknikë kirurgjikale inovative që lejon ngritjen e vetullave, duke na mundësuar kështu të rikthejmë një pamje të freskët dhe rinore. Kjo teknikë kirurgjikale po pranohet dhe po bëhet gjithnjë e më e përhapur për shkak të rikuperimit të shpejtë dhe rezultateve të dukshme menjëherë.
Me procesin e plakjes, vetullat bien, lëkura e tepërt mblidhet dhe varet, duke rënduar mbi qepallat e sipërme dhe mund të shkaktojë probleme jo vetëm estetike, por edhe funksionale. Problemet me shikimin dhe lodhja e shpejtë janë arsye të zakonshme që pacientët të kërkojnë këtë zgjidhje.
Faleminderojmë pacienten që na lejoi të ndajmë fotot. Vetëm pak ditë pas operacionit, pacientja ndihet shumë mirë dhe është e kënaqur me rezultatin.
Këtë fundjavë, qyteti Shtip ishte qendra e ngjarjes më të madhe muzikore në Maqedoni – koncertit spektakolar të yllit të muzikës ballkanike Dino Merlin. Ngjarja mblodhi mbi njëqind mijë vizitorë të cilët shijuan një mbrëmje të paharrueshme plot emocione, prodhim të nivelit botëror dhe një atmosferë të jashtëzakonshme.
Si pjesë e misionit të saj për të mbështetur ngjarjet kulturore dhe shoqërore që sjellin gëzim dhe bashkim, Klinika Zhan Mitrev me krenari qëndroi pas këtij spektakli të madh muzikor. Me nisma të tilla, klinika demonstron edhe një herë përkushtimin e saj jo vetëm ndaj shëndetit të njerëzve, por edhe ndaj mbështetjes së ngjarjeve që pasurojnë komunitetin tonë. Misioni ynë ka qenë gjithmonë kujdesi për njerëzit. Mbështetja e ngjarjeve që bashkojnë, frymëzojnë dhe sjellin gëzim në komunitet është pjesë e këtij misioni.
Shëndeti i zorrëve është thelbësor për mirëqenien e përgjithshme, pasi ndikon në tretjen e ushqimit, thithjen e lëndëve ushqyese dhe sistemin imunitar. Nga këtu, do të theksonim se probiotikët luajnë një rol themelor në ndihmën për të ruajtur një ekuilibër të duhur në mikrobiomën e zorrëve.
Çfarë janë probiotikët?
Probiotikët janë mikroorganizma të gjallë që, kur konsumohen në sasi të përshtatshme, ofrojnë një sërë përfitimesh shëndetësore. Ato gjenden në ushqime të fermentuara si kosi, kefiri, lakra turshi, si dhe në shtesa të caktuara dietike.
Përfitimet e probiotikëve për shëndetin e zorrëve
Konsumi i rregullt i probiotikëve mund të ndihmojë në:
Rivendosjen e ekuilibrit të mikrobiomës së zorrëve, veçanërisht pas përdorimit të antibiotikëve.
Përmirësimin e tretjes së ushqimit dhe thithjen e lëndëve ushqyese, si dhe mbështetjen e metabolizmit.
Forcimin e sistemit imunitar, duke zvogëluar rrezikun e infeksioneve të zorrëve.
Parandalimin dhe trajtimin e çrregullimeve të sistemit tretës, siç janë sindroma e zorrës së irrituar, diarreja dhe kapsllëku.
Zvogëlimin e inflamacionit të zorrëve, duke ndihmuar në gjendjet e tilla si koliti ulceroz dhe sëmundja e Crohn-it.
Probiotikët dhe ushqimi: Si t’i përfshini në dietën tuaj
Për të përfituar nga përfitimet e tyre, rekomandohet të përfshini ushqime të pasura me probiotikë në dietën tuaj, të tilla si:
Produkte qumështi të fermentuara: kos natyral, kefir dhe gjizë.
Perime të fermentuara: lakër turshi dhe turshi të tjera të fermentuara në mënyrë natyrale.
Pije të fermentuara: kombucha, uthull molle e fermentuar në mënyrë natyrale.
Këshilla dhe rekomandime mbi ushqimet e pasura me probiotikë apo cilin lloj probiotiku duhet të përdorni mund të merrni gjithashtu nga një nutricionist.
Rëndësia e këshillimit ushqimor
Nëse dëshironi të përmirësoni shëndetin e zorrëve dhe të mësoni më shumë rreth rolit të probiotikëve, rezervoni konsultën tuaj në departamentin tonë të gastroenterohepatologjisë ose konsultohuni me nutricionisten tonë MSc. Tatjana Pavllova, dhe do të merrni këshillat e personalizuara që ju nevojiten.
Spitali Klinik Zhan Mitrev me krenari mbështeti “International Football Tournament “Ilinden Cup” i cili u mbajt javën e kaluar në Shkup.
Si pjesë e përgjegjësisë tonë sociale dhe angazhimit tonë ndaj shëndetit të sportistëve më të vegjël, siguruam për ta dy autoambulanca së bashku me një ekip mjekësor të cilët ishin të pranishem në fushat e futbollit gjatë gjithë turneut, me qëllim ofrimin e mbështetjes mjekësore dhe profesionale në kohë. Misioni ynë është që fëmijët të shijojnë sportet me një ndjenjë sigurie, duke e ditur se shëndeti i tyre është gjithmonë në radhë të parë.
“Ilinden Cup” është një turne futbolli për fëmijë të moshës 8 deri në 13 vjeç, i cili u mbajt për herë të tretë këtë vit në Komunën e Ilindenit. Turneu u organizua nga shkolla e futbollit “Grozdanoski” dhe u mbajt në disa fusha, në Marino, Ilinden dhe Kadino, ku morën pjesë ekipe nga disa vende, dhe u mbajt nga data 12 deri më 14 shtator.
Është normale që mosha dhe plakja të shkaktojnë ndryshime dhe një rënje të funksionit të organeve, përfshirë edhe trurin. Megjithatë, ekziston një ndryshim i madh midis harresës normale dhe fillimit të demencës, prandaj nevojitet një profesionist për të bërë një diagnozë të saktë.
Forma më e zakonshme e demencës është sëmundja e Alzheimerit. Është një sëmundje komplekse neurodegjenerative që prek proceset e kujtesës, arsyetimin, sjelljen, emocionet dhe aftësinë për të
Kur fillojnë ndryshimet psikologjike tek njerëzit me demencë të Alzheimerit, familjet janë shpesh të parat që vënë re se diçka nuk është më siç ishte më parë. Njohja dhe diagnoza e hershme janë çelësi për t’i mundësuar çdo personi të përmirësojë cilësinë e jetës së tij dhe të planifikojë kujdesin.
Simptomat që familjet i vënë re më shpesh në jetën e përditshme:
Harresa e shpeshtë e ngjarjeve të fundit. Për shembull: të harruarit se ku i keni lënë syzet ose çelësat, ose përsëritja e të njëjtës pyetje disa herë.
Vështirësi në planifikim dhe organizim. Për shembull: vështirësi në gatim sipas recetave, në pagesën e faturave ose në mbajtjen nën kontroll të punëve të shtëpisë.
Humbja ose lënia e objekteve në vende të papërshtatshme. Për shembull: vendosja e një portofoli në frigorifer ose e këpucëve në sirtarin e kuzhinës.
Çorientim në kohë dhe hapësirë/ambient.
Pacienti mund të mos e dijë se çfarë dite është, të humbasë në një rrugë të njohur ose të mos njohë një vend të njohur më parë. Më vonë, ai mund të mos i njohë të dashurit e tij ose të mos jetë në gjendje t’i thërras në emër ata.
Ndryshime të personalitetit dhe humorit: Ankth, nervozizëm, tërheqje/mbyllje në vetvete, pasiguri ose trishtim pa ndonjë arsye të dukshme.
Probleme me të folurit dhe gjuhën: Vështirësi në gjetjen e fjalëve të duhura, fjalor i reduktuar, përzierje fjalësh ose përsëritje.
Aftësi të reduktuara në vendimmarrje dhe zgjidhjen e problemeve: Vështirësi në zgjedhjen e rrobave, menaxhimin e financave ose marrjen e vendimeve të përditshme.
Përse është e rëndësishme njohja e hershme e simptomave?
Për fillimin në kohë të trajtimit mjekësor për gjendjen,
Për planifikimin e kujdesit dhe sigurisë në shtëpi,
Për përshtatjen e aktiviteteve dhe rutinës së përditshme,
Për mbështetjen nga ana e familjes dhe përmirësimin e cilësisë së jetës së pacientit.
Nëse ju ose një anëtar i familjes përjetoni konfuzion, harresë ose vështirësi në funksionimin e përditshëm, me raste ose vazhdimisht, mund të rezervoni konsultën tuaj me Dr. Marija Kostadinovska, specialiste psikiatre, për të ndjekur rrjedhën e gjendjes dhe për të marrë tajtimin individual të mëtejshëm.
Këto ditë mirëpritëm tre motrat tona të lindura në javën e 31-të të shtatzënisë. Kanë kaluar rreth dy muaj e gjysmë që nga lindja e tyre. Trenjaket janë në gjendje të mirë të përgjithshme, rritja dhe zhvillimi i tyre korrespondojnë me moshën e tyre. Rritja dhe zhvillimi i tyre i shëndetshëm, së bashku me buzëqeshjet e prindërve të tyre, janë shpërblimi ynë më i madh.
Ne këshillojmë monitorim vigjilent të rritjes dhe progresit, kontrolle të rregullta mjekësore dhe zbatim të rekomandimeve të mjekëve – si të ushqehen siç duhet, si të stimulojnë zhvillimin e duhur dhe si të mbrohen nga infeksionet e mundshme. Theksojmë veçanërisht rëndësinë e vaksinimeve të rregullta dhe monitorimit të zhvillimit psikomotorik.
Në Qendrën tonë për nënën dhe foshnjën, çdo i porsalindur merr katër kontrolle falas gjatë muajit të parë të lindjes nga mjeku pediatër/neonatolog. Nëse është e nevojshme, ka koordinim me mjekë të tjerë për ekzaminime dhe konsulta shtesë, në mënyrë që të sigurohet kujdes i plotë për shëndetin dhe zhvillimin e fëmijës.
Gjatë këtij muaji, klinika jonë po zbaton trajnime mbi mbrojtjen dhe shpëtimin, të organizuara nga Drejtoria për mbrojtje dhe shpëtim. Trajnimet do të ndiqen nga të gjithë punonjësit e klinikës në përputhje me standardet dhe politikat e JCI. Me këtë aktivitet, Spitali Klinik Zhan Mitrev konfirmoi edhe një herë angazhimin e tij për sigurinë e pacientëve, vizitorëve dhe punonjësve, si dhe për pajtueshmërinë me standardet më të larta ndërkombëtare për cilësi dhe siguri.
,,Pini qumësht – ju nevojitet për të pasur kocka të forta,,- kjo ishte shpesh fraza që prindërit tanë përdornin për të shoqëruar çdo gotë qumështi në fëmijërinë tonë. Fakt është se qumështi përmban kalcium, i cili është një nga elementët kryesorë për kocka të forta. Indi kockor formohet në fëmijëri dhe adoleshencë, por ne kemi nevojë për shëndetin dhe forcimin e kockave gjatë gjithë jetës sonë, kështu që nga kjo mund të konkludojmë se duhet të vazhdojmë të kujdesemi për kockat tona gjatë gjithë jetës sonë.
Kockat tona mbështesin trupin tonë. Ato na lejojnë të lëvizim dhe të mbrojmë trurin, zemrën dhe organet e tjera nga dëmtimet. Ato gjithashtu ndryshojnë vazhdimisht gjatë gjithë jetës sonë, varësisht nga shëndeti dhe mosha jonë.
Trupi prodhon vazhdimisht masë kockore, e cila ruan forcën e kockave. Tek të rinjtë, masa kockore krijohet më shpejt se humbja e saj. Masa kulmore e kockave krijohet deri në moshën 30 vjeç, që do të thotë se në atë moshë kockat tona janë në dendësinë dhe forcën e tyre maksimale, ndërsa pas moshës 50 vjeç, ne fillojmë të humbasim forcën e kockave sepse trupi humbet masën kockore më shpejt sesa e rindërton atë.
Gratë në menopauzë (nën ndikimin e ndryshimeve hormonale) humbasin deri në 2% të masës së tyre kockore çdo vit. Prandaj, ushqimi i duhur që përfshin marrjen e mjaftueshme të kalciumit dhe vitaminës D mund të zvogëlojë gjithashtu rrezikun e osteoporozës, një gjendje në të cilën kockat bëhen të dobëta dhe të brishta, duke u thyer edhe gjatë stresit/traumës më të vogël.
Roli i ushqimit në ndërtimin dhe mirëmbajtjen e kockave të forta gjatë gjithë jetës është thelbësor. Vitamina D, magnezi dhe fosfori janë gjithashtu elementë që ndihmojnë në stabilizimin e kockave tona dhe i mbrojnë ato nga lëndimet dhe dëmtimet. Ju mund t’i merrni këto lëndë ushqyese përmes ushqimeve që hani çdo ditë, duke mbështetur shëndetin e kockave në çdo moshë. Për këtë arsye, në tekstin e mëposhtëm do t’ju informojmë se si mund ta ndihmoni veten dhe të mirëmbani një sistem skeletor të shëndetshëm.
Cilat ushqime mbështesin shëndetin e kockave?
Ushqimet që hani çdo ditë mund të kenë ndikim në forcën dhe strukturën e kockave tuaja. Ato gjithashtu mund të ndikojnë në aftësinë tuaj për të jetuar një jetë të plotë. Për të ruajtur shëndetin e kockave, rekomandohet një dietë e ekuilibruar që përfshin:
Produktet e qumështit: Qumështi, djathi dhe kosi janë burime të shkëlqyera të kalciumit. Shumë produkte të qumështit janë të pasura me vitaminë D, e cila ju ndihmon të përthithni kalciumin që ju nevojitet për të mbajtur kocka të forta. Qumështi përmban gjithashtu vitamina të tjera të tretshme në yndyrë që janë thelbësore për strukturën e shëndetshme të kockave, të tilla si vitaminat A dhe K.
Çokollata e zezë: Kërkoni justifikim për të ngrënë diçka të ëmbël? Çokollata e zezë është treguar është një burim magnezi, i cili, së bashku me fosforin, rregullon sasinë e kalciumit të përthithur në kocka. Shijoni çokollatën e zezë në mënyrë të moderuar, duke treguar kujdes dhe duke kufizuar marrjen e sasisë së tepruar të sheqerit.
Peshk i yndyrshëm: Konsumimi i peshkut të yndyrshëm është çelësi për të ruajtur kockat e forta, falë kombinimit të tij unik të lëndëve ushqyese. Peshku është kryesisht një burim i vitaminës D, e cila është thelbësore për thithjen e kalciumit. Peshqit e yndyrshëm (salmoni, skumbri, sardelet) janë ndër burimet më të mira natyrale. Ato përmbajnë acide yndyrore Omega-3 që zvogëlojnë inflamacionin dhe mbështesin dendësinë minerale të kockave. Ato përmbajnë kalcium dhe fosfor, të cilat kanë ndikim të drejtpërdrejt në formimin e kockave.
Ushqime të pasura me proteina: Ushqimet e pasura me proteina kanë përfitime të konsiderueshme për shëndetin e kockave duke përmirësuar dendësinë e kockave. Ekzistojnë studime që tregojnë se konsumimi i një diete të pasur me proteina të kombinuar me stërvitjen për forcë ndihmon në ruajtjen e masës kockore, duke zvogëluar rrezikun e osteoporozës dhe frakturave të kockave. Kjo është veçanërisht e rëndësishme për personat që kalojnë në menopauzë dhe ata që luftojnë me çrregullime të ushqimit dhe kequshqyerje/mosushqyerja.
Zarzavate me gjethe: Përfshini spinaqin, brokolin, lakrën jeshile dhe panxharin zviceran në dietën tuaj. Të gjitha këto perime përmbajnë kalcium dhe magnez për të mbështetur shëndetin e kockave. Fruta arrore dhe fara: Shtoni sipër sallatës bajame dhe fruta të tjera arrore, të cilat janë burime magnezi. Shtoni fara chia ose lulekuqe në recetat tuaja të preferuara për të shtuar edhe më shumë kalcium dhe acide yndyrore omega-3 në dietën tuaj.
Drithërat e plota: Përveçse ofrojnë fibra, buka dhe makaronat integrale, si dhe orizi integral, janë gjithashtu burime të magnezit dhe fosforit. Drithërat e plota jo vetëm që do t’ju ndihmojnë të menaxhoni peshën tuaj dhe të qëndroni të ngopur, por ato gjithashtu mbështesin shëndetin e kockave tuaja. Ekspozimi i moderuar në diell: Drita e diellit është një burim i mirë i vitaminës D.
Shtesat ushqimore
Ushqimi mund të jetë një burim ideal i të gjitha lëndëve ushqyese që na nevojiten për kocka të shëndetshme dhe të forta, por edhe shtesat e vitaminave mund të jenë të dobishme. Për shembull, shumë të rritur kanë mungesë të vitaminës D dhe mund të përfitojnë nga një shtesë për të mbështetur thithjen e kalciumit. Popullata/personat me çrregullime të ushqimit ose që marrin ilaçe të caktuara, të tilla si steroidet, gjithashtu mund të jenë në rrezik për humbjen e cilësisë së kockave. Konsultohuni me mjekun ose nutricionistin tuaj para se të merrni ndonjë shtesë ushqimore. Me kryerjen e analizës së gjakut mund të zbulohen nivelet e lëndëve ushqyese në trupin tuaj.
Mos harroni ushtrimet dhe zakonet e shëndetshme
Ushqimi është vetëm një komponent që mund të ndihmojë në mbajtjen e kockave tuaja të shëndetshme. Së bashku me dietën e shëndetshme, rekomandohet të bëni disa ndryshime në stilin e jetës për të ndihmuar në ruajtjen e forcës së kockave:
Përfshini ushtrime me pesha: Ecja, vrapimi dhe ushtrimet përmirësojnë shëndetin e kockave. Çdo formë e ushtrimeve me pesha mund t’ju ndihmojë të ruani dendësinë e kockave dhe të zvogëloni rrezikun e zhvillimit të osteoporozës.
Lëreni duhanin: Përveç rritjes së rrezikut të sëmundjeve si kanceri i mushkërive dhe sëmundjet e zemrës, nikotina mund të ngadalësojë prodhimin e qelizave ndërtuese të kockave në trupin tuaj. Pirja e duhanit gjithashtu mund të ndikojë negativisht në aftësinë e trupit tuaj për të thithur kalciumin, i cili është thelbësor për ruajtjen e kockave të forta.
Kufizoni alkoolin: Alkooli i tepërt mund të shkatërrojë qelizat që krijojnë masë kockore, duke ngadalësuar procesin e riparimit të kockave. Alkooli gjithashtu mund të rrisë hormonin paratiroid, i cili shkakton humbje të kalciumit dhe një ulje të masës dhe forcës së përgjithshme të kockave.
Edhe pse forca maksimale e kockave arrihet deri në moshën 30 vjeç, nuk është kurrë vonë për të ndërmarrë hapa për të forcuar kockat tuaja. Kombinoni një dietë të ekuilibruar me ushtrime dhe një stil jetese të shëndetshëm për të qëndruar aktivë gjatë gjithë jetës suaj.
