Месец: м.г

IV Годишен собир на експертите за третман на акутна бубрежна слабост

Во периодот од 18-21.04.2013 година во Валета, главниот град на Малта, се одржа IV годишен собир на експертите за третман на акутна бубрежна слабост. Главен организатор на оваа едукативна работилница беше Гамбро, чиј гостин од Република Македонија беше др. Тања Анѓушева.

На работилницата учествуваа лекари од 50 земји од Европа и Блискиот исток. Работилницата ја водеа експерти од светот како др. Вилијам Кларк, Вице Президент за Медицинска стратегија и Развој на терапија, Гамбро, УСА, проф. др. Џон Келум професор по Интензивна нега при Универзитетот во Питсбург, УСА, ко-директор на Механизам & Новел Терапии за ресусцитација & акутни заболувања МАНТРА, лаб. др. Кај Херенски Медицински Директор ЕМЕА, Гамбро болница ГМБХ, Германија, др Јозеф Торнер – медицински директор – хепатална нега, Гамбро, Шпанија, проф. Петар Кес, проф. по интерна медицина – Универзитетски болнички центар Загреб, Хрватска.На работилницата јасно се дефинираше проблемот на акутната бубрежна слабост во единиците за интензивна нега, потребата да истата се разграничи од хроничната бубрежна слабост. Беше потенцирана разликата во третманот на акутната бубрежна слабост и улогата на континуираната бубрежна заместителна терапија. Беа избрани предавачи за наредниот V – ти собир, меѓу предавачите беше предложена и др. Тања Анѓушева.

Доделено признание за општествена одговорност

Во организација на Министерството за економија на РМ и Координативното тело за општествена одговорност на претпријатијата, на 23.04.2013 година по шести пат беше доделена Националната награда за најдобри општествено одговорни практики на претпријатијата во Македонија за 2012 година.Специјалната болница по хируршки болести Филип Втори доби признание за успешно спроведена општествено одговорна практика за проектот „недела на борба против срцево садови заболувања “ во категоријата ВЛОЖУВАЊЕ ВО ЗАЕДНИЦАТА кај мали и средни претпријатија.Оваа награда ќе биде уште еден поттик за болницата да продолжи со ваков тип на активности.

Акад. Др Жан Митрев – говорник на Конференцијата за професионална ориентација на млади

На 13.04.2013 година во просториите на Меѓународното училиште НОВА во Скопје се одржа „Конференцијата за професионална ориентација на млади “ под мотото „ Зошто е толку важно да ја изберам вистинската професија за мене “. Меѓу неколкумината говорници , докажани професионалци во различни професионални сфери, кои ги пренесоа своите лични искуства во врска со изборот на својата професија и како може да се постане и остане успешен, своето искуство го пренесе и Акад. Др. Жан Митрев за својата професија како кардиохирург, што предизвика голем интерес кај слушателите.

Конференцијата беше организирана со цел преку пренесување на искуствата на успешни поединци на младите луѓе од 2-ра и 3- та година од средно образование да им се помогне правилно да ја изберат својата идна професија.

Конферецијата за клинички новости во кардиолошки МР и КТ прегледи

Во склоп на Конферецијата за клинички новости во кардиолошки МР и КТ прегледи која редовно се одржува во април месец во Кан , Франција за прв пат оваа година се понуди он лајн едукација организирана од страна на Општата болница Масачусетс , Бостон, САД од одделот за Радиологија кои се овластени за онлајн едукација. Курсот беше активен од 15.02 до 15.04 2013г .Одговорни за курсот беа : Qyunh Truong, MD MPH, Udo Hoffmann MD MPH, и Garry Choy MD (Harvard Medical School, Massachusetts General Hospital, Boston, USA) . http://cannes2013.medconvent.at/cta.htmlВо склоп на курсот имаше можност да се разгледаат и интерпретираат 50 комјутерски коронарографски прегледи односно случаи на коронарни заболувања со различна симптоматологија и наод.Со директно вклучување во работна станица на комјутеризирана томографија во гореспомената болница и претходно инсталирана апликација на наш комјутер имаше можност случаите да се анализираат и рапортираат во вистинско време.

На крајот на секој рапорт следеа коментари и сугестии од надлежните ментори како и споредување на резултатите на партиципантот и резултатите на експертите како и споредување со резултатите од инвазивна коронарографија преку видео презентација на истите случаи.По успешно завршување на курсот секој партиципант добива сертификат .