Автор: Nertila Ivanovski

Мај е месец на подигнување на свеста за превенција од меланом. Во текот на овој месец, многу здравствени организации и иницијативи ширум светот спроведуваат кампањи за едукација на јавноста за важноста од заштита од сонце, рана детекција и редовни дерматолошки прегледи. Здружението КИКИ со поддршка од нашата клиника, организираа едукативно предавање посветено на раната детекција на меланомот – најагресивниот тип рак на кожа. Навременото препознавање на симптомите може да спаси живот.

Предавачите д-р Анџелика Илиева специјалист по дерматовенерологија, д-р Александра Лазаревска специјалист по дерматовенерологија, д-р Живорад Коцевски специјалист по пластична, реконструктивна и естетска хирургија и д-р Милан Ристески специјалист по онкологија, на големиот број присутни им објаснија:

• Како изгледаат првите знаци на меланом
• Кои се ризичните фактори
• Совети за самопреглед и кога да се обратите на лекар
• Современи методи за дијагностика и третман

Утре како дел од активностите, ќе се вршат бесплатни дерматолошки прегледи за кои задолжително треба да закажете термин на 02/3091-484.

Кампањата Еуромеланома оваа година се фокусира на едукација на децата и родителите за важноста на правилната заштита од сонцето и солариумите под мотото: Заштитете ја детската кожа од штетните УВ зраци! Само една сончева изгореница во детството го зголемува двојно ризикот од рак на кожа понатаму во животот!
По повод одбележувањето на Еуромеланома 2025, а со цел подигнување на свеста на населението за превенција, рано откривање и лекување на меланомот и другите кожни карциноми, со задоволство Ве информираме дека нашите дерматолози д-р Анџелка Илиева и д-р Александра Лазаревска се приклучуваат со бесплатни прегледи. Истите ќе се одвиваат во нашата клиника на 29.05.2025 во периодот од 11 до 17 часот, согласно претходно закажани термини. За да закажете јавете се на 02/3091-484 или 02/3104-910

Млада пациентка со болки поради сериозна дискус хернија во вратната регија (ниво Ц4 и Ц5) беше успешно оперирана од нашиот тим неврохирурзи д-р Михаил Таушанов и д-р Благој Шунтов. Таа веднаш по операцијата се чуствуваше одлично, силните болки исчезнаа и е веќе замината дома.
Повеќе од видеото.

Многу луѓе страдаат од висок крвен притисок, без да се свесни за тоа. Како дел од активностите за подигање на свеста за опасностите од покачен крвен притисок-хипертензија, нашиот тим лекари и медицински сестри, минатиот викенд беше на терен во Скопје Сити Мол. Тие за два дена направија контролни мерења на над 200 граѓани. Исто така со нив споделија и совети за превенција и здрави животни навики.

Да не заборавиме:

• 🍎 Хранете се здраво
• 🏋️ Вежбајте редовно
• 🛌 Спијте доволно
• 🛑😟 Минимизирајте го стресот

Клиника „Жан Митрев“ ја презема водечката улога во унапредување на здравите навики во Македонија, преку промоција на спорт што станува сѐ попопуларен во светот – Walking Football, кај нас познат како Шутбал. Под покровителство на Фудбалската федерација на Хрватска, екипата на Клиниката зеде активно учество на меѓународен турнир на островот Вис, каде што ја претставуваше Македонија со спортски дух и огромна посветеност. Натпреварувајќи се со тимови од Хрватска, Австрија и Унгарија, нашиот тим остави силен впечаток со својата енергија, фер-плеј и професионалност, што резултираше со нови покани за учество на меѓународни турнири.

Шутбалот е повеќе од игра – тој е нова можност за луѓето од сите возрасти да останат физички активни, да се дружат и да се грижат за своето здравје. Се базира на правилата на традиционалниот фудбал, но со клучна разлика: нема трчање, се игра со одење, а акцентот е ставен на рекреација, тимска игра и социјализација. Ова го прави идеален спорт за повозрасни лица, пациенти во рехабилитација, хронично болни, дијабетичари, хендикепирани, постари над 80 години старост, мешани тимови мажи и жени, како и секој кој сака да води активен и здрав животен стил
Клиника „Жан Митрев“ е основоположник на Walking Football во Македонија и веќе ја најавува својата заложба за организирање домашни и меѓународни турнири.

Целта е да се направи спортот достапен за пошироката јавност и да се поттикне изградбата на заедница која го негува здравиот начин на живот. Спортот бележи експанзија на светско ниво и е препознаен од страна на ФИФА и УЕФА како здравствено-корисна, инклузивна и безбедна алтернатива на традиционалниот спорт.

Клиниката ја презема одговорноста да ја води иницијативата за официјално втемелување на овој спорт во нашата земја, со јасна визија – да се создаде движење што ќе го негува спортот, здравјето и активниот животен стил, без разлика на возраста.

Сите здравствени чинители, домашните и светски организации кои се борат за навремено откривање, превенција и лекување на болести на дојка, препорачуваат жените да започнат со годишен скрининг мамограф на возраст од 40 години.

Раното откривање на рак на дојка може да спаси животи и да помогне да се избегнат високоинвазивни третмани.

Во нашата клиника достапни се 2Д и 3Д мамографија со чија помош се забележуваат промените во ткивото на дојката доколку ги има. Нашиот искусен тим радиолози ве очекува.

• 2Д Мамографија 4000 ден.
• 3Д Мамографија 5000 ден.

За да закажете 02/3091-484.

На годинешниот конгрес во организација на студентите на факултетот за медицински науки при УГД кој се одржа во Штип од 15 до 17 мај, нашите доктори реализираа свои стручни презентации пред многубројните студенти. На заедничката тема Ургентни состојби во медицината секој од лекарите се осврна на својата област. д-р Александар Милосављевиќ предаваше за ургентните состојби во кардиологија, додека д-р Симона Деспотовска презентираше за ургентните состојби во анестезијата и интензивното лекување.

Ургентните состојби во васкуларна хирургија беше темата на која зборуваше д-р Ристе Зимоски, додека д-р Симона Грујевска се задржа на проблематиката – Ургентни состојби во кардиохирургија.
На ,,машките теми,, вниманието го привлече д-р Виктор Грујевски кој говореше за ургентните состојби во урологијата.

Д-р Елеонора Лазарова имаше свое излагање за ургентните состојби во неврологијата, додека д-р Михаил Таушанов се осврна на ургентните состојби во неврохирургијата. За ургентните состојби во гинекологијата и акушерството зборуваше д-р Јелена Голубиќ.
Исто така свои презентации имаа и проф. д-р Милка Клинчева и доц. д-р Оливер Бушлетиќ кои пред студентите ги доближија темите посветени на долгогодишната успешна соработката меѓу нашата клиника и универзитетот, како и за најновите начини на примена на транскатетер аортната валвуларна имплантација.

На овој меѓународен конгрес присуствуваа студенти, млади лекари, истражувачи и експерти од различни земји, кои разменија искуства и знаења од областа на медицината. Исто така овој настан беше одлична можност студентите да учествуваат во бројни работилници и да се поврзат со медицински професионалци од регионот и пошироко. На сите учесници и посетители на овој конгрес, студенти и лекари, им беа одблизу претставени капацитетите и услугите на клиниката и на регионалниот дијагностички центар Жан Митрев Дијагностик во Струмица и како можни опции за нивно вработување и професионален развој.

Нашата клиника традиционално го поддржува овој конгрес како дел од стратегијата за споделување знаење, искуства и унапредување на медицинската наука и меѓународната соработка.
Освен клиниката Жан Митрев, со свој штанд се претстави и сестринската фирма Фила Фарм која донираше на присутните витамински дози од светски познатиот ортомолекуларен бренд Ортомол.

Мај е месец на подигнување на свеста и превенција од меланом, познат и како Месец за свесност за меланом и рак на кожата. Во текот на овој месец, многу здравствени организации и иницијативи ширум светот спроведуваат кампањи за едукација на јавноста за важноста од заштита од сонце, рана детекција и редовни дерматолошки прегледи. Жан Митрев Клиника и Здружението КИКИ.
Придружете ни се на едукативно предавање посветено на раната детекција на меланомот – најагресивниот тип рак на кожа. Навременото препознавање на симптомите може да спаси живот.

Што ќе дознаете?

• Како изгледаат првите знаци на меланом
• Кои се ризичните фактори
• Совети за самопреглед и кога да се обратите на лекар
• Современи методи за дијагностика и третман

Кој ќе предава?

Нашите лекари со долгогодишно искуство во дијагноза и третман на меланом.

д-р Анџелка Илиева специјалист по дерматовенерологија
д-р Александра Лазаревска специјалист по дерматовенерологија
д-р Живорад Коцевски специјалист по пластична, реконструктивна и естетска хирургија
д-р Милан Ристески специјалист по онкологија