Имплантологија е дел од оралната хирургија кој вклучува поставување забен имплант. Тоа е процедура со која се прави замена на корените на вашите заби, изработени од титаниумски метал кои изгледаат како завртки со цел надоместување на исчезнатиот или оштетениот заб со вештачки заб кој изгледа исто и ја врши истата функција како вистинските заби. Оперативниот зафат кој ќе биде применет за имплантирање зависи од видот на имплантот и состојбата на вилицата. Поставувањето забен имплант е операција која може да опфати неколку процедури.
Главната придобивка од имплантите е солидна поддршка за сите нови заби. Овој процес бара интеграција на имплантот во коската. Бидејќи за ова заздравување е потребно време, самиот процес може да потрае неколку месеци (3-4 месеци).
Зошто и кога се прави имплантација на заб?
Забните импланти се поставуваат хируршки во вилицата, каде што служат како корени за изгубените/претходно извадените заби.
Забните импланти може да бидат соодветни за вас доколку:
Ви недостасува еден или повеќе заби
Вилицата е здрава и има целосен раст
Имате соодветни коски за поддршка на импланти или може да примите коскена трансплантација
Имате здрави орални ткива
Немате болести кои ќе влијаат на заздравувањето на коските
Не можете или не сакате да носите протези
Сакате да го подобрите говорот
Подготвени сте да се посветите на процесот неколку месеци
Не сте пушач
Можните ризици
Како и секоја операција, хирургијата за имплантација на заби носи одредени здравствени ризици. Меѓутоа, проблемите ретко се појавуваат, а доколку се појават, обично се мали и лесно се лекуваат. Ризиците вклучуваат:
Инфекција на местото на имплантот
Повреда или оштетување на околните структури, како што се други заби или крвни садови
Нервна повреда, која може да предизвика болка, вкочанетост или пецкање во вашите природни заби, непца, усни или брадата
Проблеми со синусите, кога нема доволно коскен волумен при имплантирање може да се пробие синусната мембрана, со што може да се направи комуникација помеѓу оралната и синусната празнина, а тоа да отвори можност за инфекција на овие простори. При употребена прекумерна сила имплантот може да се втурне во синусната празнина.
Превенција од компликации при поставување на импланти
Кога една имплантолошка интервенција е добро испланирана и има соодветна подготовка на пациентот ризикот за настанување на компликација е сведен на минимум. Со новите модерни дијагностички мерки пред време се одбележуваат сите битни анатомски содржини на кои треба да внимаваме во тек на работата. Исто така CBCT снимките од горната и долна вилица ни овозможуваат предвремен план за точната позиција на имплантот. Со помош на дигитална стоматологија е веќе одредено каде ќе биде поставен имплантот, при што се изработува индивидуализиран имплантолошки водач. Овој водач има за цел да се фиксира на горната или долната вилица, зависно од тоа каде ќе биде самата интервенција и да помогне при имплантирање.
За повеќе информации околу процедурата закажете консултација со специјалист по орална хирургија на 02 3091 484 кој ќе ве советува за можните решенија за вашиот проблем.
Колоноскопијата е процедура која се користи за испитување на состојбата на дебелото црево и завршниот дел од тенкото црево. Причината за индицирање на овој тест е со цел дијагностицирање на можни болести или лекување на одредени патологии кои можат да се утврдат преку истото испитување, како што се хемороиди, полипи или други видови аномалии.
Како се изведува?
За да се направи колоноскопија, се користи уред наречен колоноскоп, кој се состои од флексибилна цевка која се внесува во ректумот преку аналниот сфинктер. Доколку целта на процедурата е дијагностичка, процедурата ќе вклучува камера и светло кое ќе го олесни приказот на дебелото црево на мониторот. Од друга страна, доколку колоноскопијата се прави наменски со цел лекувате патологија (на пример отстранување полипи), се додаваат и инструменти со кои ќе се изврши интервенцијата.
Кога треба да се направи?
Овој тест се прави за да се исклучи можноста за постоење рак на дебелото црево кај пациенти кои покажуваат дигестивни симптоми или имаат семејна историја (генетски предиспозиции). Од друга страна, пак, генерално кај општата популација која е без ризик фактори се препорачува колоноскопија да се направи над 50 годишна возраст и истата да се повторува на секои пет или десет години.
Колоноскопија се спроведува и при постоење на следните симптоми:
Хронична дијареа
Хронична абдоминална болка
Ректално крварење при одење во тоалет или во самата столица.
Кронова болест
Улцеративен колитис
Хронична анемија со недостаток на железо, која може да биде предизвикана од крварење во дебелото црево.
Присуство на полипи или семејна историја на полипоза
При губење на многу килограми за кратко време и без очигледна причина како диета, вежбање и слично.
Во кои случаи не се прави колоноскопија?
Основни состојби при кои колоноскопијате е контраиндицирана се: тешка декомпензирана респираторна или срцева слабост, неодамнешен миокарден инфаркт, интестинална перфорација и сериозни нарушувања во коагулација на крвта.
Подготовка на пациентот пред процедурата
Пред оваа процедура потребно е пациентот да следи низа инструкции со цел да ги елиминира можните остатоци од храна од дигестивниот систем. Деновите пред самата колоноскопијата треба да се спроведе одредена диета, со консумирање препорачана течна храна. Исто така, пациентот мора да ја надополни оваа диета со лаксативни производи за да го провоцира празнењето на цревата.
Дали постој ризик од процедурата?
Иако колоноскопијата е безбедна процедура, како и секоја инвазивна медицинска техника, таа може да има одредени ризици. Сериозни компликации обично се јавуваат во 0,5% од случаите и најчесто се решаваат во склоп на истата процедура.
Дали е безболна?
На денот на интервенцијата, пациентот добива седација, на тој начин тој или таа не чувствува никаква болка или непријатност и може да остане смирен за време на процедурата. Времетраењето на колоноскопијата може да се движи помеѓу 30 минути и еден час во зависност од видот на областа што треба да се испитува. Откако ќе заврши процедурата, пациентот мора да остане во лежечка позиција додека не помине анестезијата. Се препорачува пациентот да има придружник бидејќи дури и неколку часа по самата процедура може да се забележат благи ефекти од седацијата и не е препорачливо да вози.
Иако може да изгледа како малку непријатен тест, колоноскопијата не им пречи на повеќето пациенти, кои се враќаат на секојдневните активности во рок од 24 часа. Она што можете да го забележите е одреден притисок во пределот на стомакот предизвикан од самиот уред и од гасот кој се користи за проширување на ѕидовите на дигестивниот тракт.
Доколку почувствувате некој од гореспоменатитеите симптоми, препорачуваме да не ја одложувате посетата на специјалист. Тој доколку процени дека е потребно ќе ви препорача ваков тип на испитување. Превенцијата е најдобриот лек.
Умниците се последните заби на крајот на вилицата кои се појавуваат најчесто на возраст од 17 до 25 години, во стадиумот на младоста кој е поврзан со стекнувањето на зрелоста.
Овие заби не предизвикуваат никакви проблеми кога се правилно порамнети, но најчесто не е тоа случај. Тие растат неправилно и предизвикуваат болка и повреди, станувајќи проблем за нашето орално здравје, што на крајот резултира со препорака за нивно отстранување. Имаме 4 умници кои се сместени зад катниците на горната и долната вилица. Но, кај некои луѓе тие може делумно да никнат или дури и никогаш да не излезат, што значи дека остануваат под ткивото на непцата.
Кога треба да се вадат умниците?
Најчеста причина да размислите за отстранување на умниците е ако тие не можат целосно да излезат поради недостаток на простор во вилицата. Ова може да се должи на состојбата на мандибуларниот раст или анатомски и наследни фактори. Кога овие заби остануваат делумно во непцата, тешко се гледаат и чистат, при што се акумулира храна, наслаги и нечистотија и можат да привлечат бактерии, зголемувајќи го ризикот од страдање од кариес или орални инфекции.
Во други случаи, умниците можат да растат со хоризонтална наклонетост, оштетувајќи ги блиските заби. Ова, исто така, го зголемува ризикот тие да заболат од кариес во области кои се тешко достапни за лекување. Понекогаш, насоката на никнување на умниците е коректна. Но, ако во вилицата немаат доволно простор да се сместат, тие може да не излезат и да останат импактирани. Ова може да доведе и до инфекции, како и до цисти кои можат да ги оштетат корените на другите заби или виличната коска.
Кои симптоми укажуваат на проблеми умниците?
Најчестите знаци кои укажуваат дека тие не се развиле правилно и/или дека предизвикуваат проблеми и инфекции се следните:
Болка во вилицата и оток околу забот
Воспаление и црвенило на непцата
Оток на образот
Крварење и чуствителност на забите во засегнатата област
Tреска
Халитоза
Болка во увото
Непријатност при јадење
Кога нема потреба да се вадат умници?
Иако неретко растењето на умниците предизвикува проблеми, не е секогаш потребно нивното вадење. Особено додека нивниот раст и развој и ризикот што го има нивното присуство за останатите заби е контролиран, тие не треба да се отстранат. Исто така доколку тие се здрави, целосно излегле, зазеле правилна положба и може лесно да се чистат секојдневно, нема потреба да се отстрануваат.
Кога треба да се оди на лекар?
Доколку сте искусиле некој од споменатите симптоми, со рутинска рендгенска снимка може да се открие состојбата на вашите умници за да се процени можноста за екстракција (отстранување) и навреме да се избегнат компликации.
Во новотворениот центар за стоматологија во клиниката Жан Митрев, тимот на стоматолози составен од орален хирург, специјалист по ортодонција, стоматолог, техничари и стоматолошки сестри ви стојат на располагање за сите ваши потреби од областа на здравјето на забите. Закажете бесплатна консултација до 31.08.2024г. на 072 267 064 или 02 3091 484
На почетокот на јуни годинава во Вроцлав-Полска, на место каде историјата се среќава со науката, се одржа конгрес на најголемата меѓународна организација за соработка на медицински сестри и сродни професии од доменот на кардиологијата (ACNAP), која ги застапува интересите на своите членови како во клиничката пракса така и во истражувањата. Од своето создавање, ACNAP е динамично здружение специјализирано за превенција, рехабилитација и управување со пациенти со кардиоваскуларни болести.
Темата на овогодишното издание на конгресот беше „Мултидисциплинарни перспективи насочени кон пациентот во кардиоваскуларната нега”, што ја одразува основната карактеристика на ова здружение кое ги обединува сите членови на кардиоваскуларниот стручен тим околу сржта на нашата пракса: пациентите. Конгресот содржеше низа стручни интерактивни мултидисциплинарни сесии, предавања и работилници за најсовремени истражувања и имплементација на науката низ основните специјалности, вклучувајќи аритмија, акутна нега, кардиохирургија, срцева рехабилитација, срцева слабост, превентивна кардиологија, дигитално здравје и многу повеќе. На конгресот со своја презентација на тема: ,, Пре и пост КОВИД ера: како пандемијата влијаеше на бројот на кардиоваскуларни прегледи,, учествуваше и сестра Сузана Димишковска.
Општата цел е секако да се обезбеди знаење и најнови научни достигнувања кои ќе им помогнат на медицинските сестри и на сродните професионалци да вршат клинички процедури, да ги имплементираат најновите упатства и да пружат висококвалитетна клиничка нега. Директниот контакт го носи најважнот: вмрежување, размена на информации и споделување на практики се со цел да се обезбеди најдобра можна грижа за луѓето погодени од (или изложени на ризик од) кардиоваскуларни болести, нивните семејства и пошироки заедници, преку обезбедување висококвалитетени образовени ресурси.
На ракометниот камп 40×20 кој се одржа во Охрид во периодот од 30.06 – 05.07.2024 година беа пристутни 100 деца на кои ја добија потребната медицинска поддршка од страна на нашиот тим согласно потпишаниот меморандум за соработка. Клиниката Жан Митрев со задоволство се грижи за најмладите спортисти кои во иднина се очекува да бидат дел од успешната македонска ракометна сцена.
Денеска клиниката Жан Митрев согласно меморандумот за соработка со Општина Центар и веќе традиционалната активност која се одвива секоја година, додели 150 ваучери на новороденчињата од оваа општина. Станува збор за педијатриски преглед кои треба да го искористат во наредните три месеци од доделувањето. Нашите педијатри ги очекуваат родителите да закажат преглед за своето бебе на телефонскиот број 02 3091 484.
Во почетна и рана фаза на болеста, најчесто нема симптоми. Тие се манифестираат во локално напреднатата фаза кога туморот веќе е доволно пораснат за да ја намали проодноста на дебелото црево во тој дел правејќи делумна или целосна опструкција или пак спонтано да прокрвави.
Препораките на СЗО (Светската здравствена организација) се дека секој човек на возраст од 50 години треба да ја направи својата прва колоноскопија. Доколку во поблиското семејство на личноста постои веќе друго лице со дијагностициран рак на дебело црево, тоа лице првата колоноскопија треба да ја направи на 40-годишна возраст“, објаснува доц. д-р Андреј Николовски, општ хирург – супспецијалист по абдоминална хирургија во клиничката болница „Жан Митрев“.
Колоректалниот карцином е трет најчест карцином во светот, со околу 10 % од сите случаи на рак и е втора водечка причина за смртни случаи поврзани со рак во светот (според СЗО). Болеста е подмолна и во почетната, рана фаза не дава симптоми. „Ризик фактори асоцирани со зголемен ризик од појава на рак на дебело црево се староста, фамилијарен (наследен) фактор, присуство на полипи во дебелото црево кои не се извадени, одредени претходно дијагностицирани болести на дебело црево, претходна малигна болест на друго место, додава доц. д-р Николовски.
Колоректалниот карцином е трет најчест карцином во светот, со околу 10 % од сите случаи на рак и е втора водечка причина за смртни случаи поврзани со рак во светот (според СЗО). Што всушност претставува ракот на дебелото црево?
Доц. д-р Николовски: Рак на дебело црево е малигна болест. Се манифестира со појава на раст на ткиво со потекло од неговата лигавицата кое не подлежи на контрола од страна на самиот организам и како такво има неконтролирачки раст (локално). Покрај локалниот раст, често се шири низ лимфните и крвните садови на засегнатата регија како последица на што дава далечни метастази во други органи (најчесто во црниот дроб).
Кои се ризик факторите поврзани со неговата појава, со оглед на фактот дека се уште се трага по конкретната причина за појава на болеста?
Доц. д-р Николовски: Ризик фактори асоцирани со зголемен ризик од појава на рак на дебело црево се староста (поголема возраст значи поголема шанса за појава на рак), фамилијарен (наследен) фактор (родители, браќа и сестри, чичковци, тетки, вујковци, вујни), присуство на полипи во дебелото црево кои не се извадени, одредени претходно дијагностицирани болести на дебело црево (Кронова болест, улцерозен колитис, фамилијарна аденоматозна полипоза), претходна малигна болест на друго место (рак на дојка, јајник, панкреас, матка, па дури и рак на друг дел на дебелото црево).
Кои се симптомите на карцином на дебелото црево и кога почнуваат да се манифестираат?
Доц. д-р Николовски: Во почетна и рана фаза на болеста, најчесто нема симптоми. Тие се манифестираат во локално напреднатата фаза кога туморот веќе е доволно пораснат за да ја намали проодноста на дебелото црево во тој дел правејќи делумна или целосна опструкција или пак спонтано да прокрвави. Симптоми од пречки од опструктивна природа се манифестираат преку отежнато празнење на цревата (запек и/или течни столици), болки во стомакот во вид на сечење, подуеност на стомакот и неможност за испуштање на гасови. Доколку туморот крвави, тоа може да се манифестира со појава на крв во столицата и/или слабеење на крвната слика (слабокрвност или анемија).
Ризик фактори асоцирани со зголемен ризик од појава на рак на дебело црево се староста (поголема возраст значи поголема шанса за појава на рак), фамилијарен (наследен) фактор (родители, браќа и сестри, чичковци, тетки, вујковци, вујни), присуство на полипи во дебелото црево кои не се извадени, одредени претходно дијагностицирани болести на дебело црево (Кронова болест, улцерозен колитис, фамилијарна аденоматозна полипоза), претходна малигна боест на друго место (рак на дојка, јајник, панкреас, матка, па дури и рак на друг дел на дебелото црево).
Како се дијагностицира ракот на дебелото црево?
Доц. д-р Николовски: Дефинитивна дијагноза на рак на дебело црево се поставува со земање на дел од туморот (биопсија) за време на колоноскопски преглед на дебелото црево и негова микроскопска анализа.
Како и кај другите болести, раната дијагноза е еден од предусловите за успешноста на лекувањето. Кога треба да се започне со скрининг за рак на дебелото црево?
Доц. д-р Николовски: Препораките на СЗО (Светската здравствена организација) се дека секој човек на возраст од 50 години треба да ја направи својата прва колоноскопија. Доколку во поблиското семејство на личноста постои веќе друго лице со дијагностициран рак на дебело црево, тоа лице првата колоноскопија треба да ја направи на 40-годишна возраст.
Во раниот постоперативен период пациентите често се соочуваат со зголемен број на столици (неколку на ден), но тоа е само привремено. Останатиот дел на дебелото црево ја презема комплетно функцијата и бројот на дневни столици се нормализира во рамки на вообичаените Карциномот на дебело црево се третира со операција (хируршки). Операцијата може да се изведе по отворен пат (со голем рез на предниот стомачен ѕид) и лапароскопски. Предностите на лапароскопскиот пристап се огледаат во помалата постоперативна болка, побрзо мобилизирање на пациентот, побрзо воспоставување на цревната функција, пократкиот болнички престој и подобриот естетски ефект.
Која е врската помеѓу храната и појавата на рак на дебелото црево?
Доц. д-р Николовски: Постојат многу студии кои укажуваат дека одреден тип на храна го зголемува ризикот од појава на рак на дебелото црево. Тие студии се базирани на комплексни статистички анализи во кои биле вклучени одреден број на испитаници, како и одредена група на прехранбени продукти. Докажана е врската помеѓу употреба на храна богата со тешки масти (заситени масни киселини), пржена храна, често користење на свинско, говедско и пилешко месо, поретки дневни оброци (помалку од 3 оброка на ден) и зголемениот ризик од појава на дебелоцревен рак.
Кои се превентивните мерки кои може да ги намалат шансите за развој на болеста?
Доц. д-р Николовски: Врз намалување на ризикот од појава на рак на дебело црево не можеме да влијаеме комплетно. Секако употребата на многу овошје, зеленчук, умереното и несекојдневно користење на месо како и почести оброци во тек на денот може да имаат позитивно влијание.
Како се третира и кои се предностите на лапароскопската операција на карцином на дебелото црево?
Доц. д-р Николовски: Во основа, карциномот на дебело црево се третира со операција (хируршки). Операцијата може да се изведе по отворен пат (со голем рез на предниот стомачен ѕид) и лапароскопски. Предности на лапароскопскиот пристап се огледаат во помалата постоперативна болка, побрзо мобилизирање на пациентот, побрзо воспоставување на цревната функција, пократкиот болнички престој и подобриот естетски ефект.
Отстранетиот дел на цревото заедно со туморот подлежи на микроскопска анализа која дава одговор за типот на туморот како и за статусот на неговото локорегионално ширење. Врз основа на тоа, се утврдува стадиумот на болеста кој пак понатаму диктира дали лекувањето тука ќе заврши или ќе има потреба од дополнителна (адјувантна) хемотерапија според одреден протокол.
Кои се најчестите предизвици со кои се соочуваат пациентите после третманот?
Доц. д-р Николовски: Во раниот постоперативен период пациентите често се соочуваат со зголемен број на столици (неколку на ден), но тоа е само привремено. Останатиот дел на дебелото црево ја презема комплетно функцијата и бројот на дневни столици се нормализира во рамки на вообичаените. На пациентите не треба да им се дава специјална постоперативна диета и треба да се охрабрат да јадат сé со цел да го подобрат својот нутритивен статус кој во постоперативниот период бил нарушен.
Зошто, како и кога анестезија во стоматолошката пракса, за кого е наменета и што овозможува, како современите средства се користат во стоматологијата и што значи тоа за пациентите. Во Центарот за стоматологија на клиниката „Жан Митрев“ ќе се применува анестезија како редовна пракса за сите пациенти и прецизна дигитална стоматологија, што е новина кај нас и целосно осовременување на стоматолошката пракса. За овие новини разговараме со Емил Стоицовски, специјалист по анестезиологија и реанимација и медицински директор во клиниката „Жан Митрев“.
Новиот центар за стоматологија во Клиника Жан Митрев е најавен како најсовремен стоматолошки центар. Што значи ова за пациентите, кои и какви современи методи ќе се практикуваат?
-Здравствените услуги најважно е да ги следат и да ги применуваат современите стандарди и модерните текови. Тоа значи подобра и поквалитетна услуга за пациентите и кон тоа се стремиме. Ова проширување со центарот за стоматологија на клиниката „Жан Митрев“ е токму во насока на создавање оддел со сите услуги од областа на стоматологијата каде ќе се практикуваат најсовремените трендови. Стоматолошкиот центар во склоп на нашата клиника е сосема нов оддел кој ќе биде наменет и отворен за сите пациенти на кои би им бил неопходен ваков тип на услуга, било да се работи за здравствена или естетска потреба. Ортодонцијата, протетиката, естетската стоматологија, оралната и максилофацијалната хирургија, ендодонцијата и имплантологијата се само дел од услугите кои овој центар ќе ги овозможува. Прецизна дигитална стоматологија е еден од новите пристапи што ќе се применува тука и станува збор за најсовремен пристап со врвна 3Д технологија со која што се овозможува за секој пациент одделно да се изработи специфична потребна услуга и со која раководи високо специјализиран и стручен тим. Сите овие практики, нови технологии им овозможуваат на пациентите професионалност, брзина и прецизност во работењето.
Посетата на стоматолог за многумина претставува трауматско искуство, што нѐ спречува за редовна посета. Како да се надмине овој страв од стоматолог посебно за децата, но и за возрасните што понатаму може да биде сериозен здравствен проблем?
-Примената на анестезијата во стоматологијата не е ништо ново во светот, а сега со новиот Центар за стоматологија во клиника „Жан Митрев“ почнува и кај нас. Анестезијата е дел од редовната стоматолошка пракса поради многу причини. Пред сѐ овозможува леснотија во практикување на сите можни стоматолошки интервенции. Се аплицира и за поедноставни зафати и за покомплексни. Така кај пациентите веќе нема страв, нема нелагодност, ни болка. И не е само тоа, кај некои пациенти, во специфична состојба секој преглед и најмалата интервенција може да предизвика сериозен напад на паника. Секој родител знае колку е тешко и проблематично да се убеди мало дете да биде мирно додека му се поправаат забите и тоа да не создаде животна траума. Овие дози се прилагодени и соодветни на секој пациент одделно и на секоја интервенција одделно. Зборуваме за целосно безбедни и адаптирани анестезиолошки дози. Вака, посетата на стоматолог нема да биде толку трауматична и непосакувана здравствена услуга со самото тоа што ние нудиме поддршка на сите стоматолошки услуги со анестезиолошки тим кој ќе придонесе за потенцирање на комфорноста и намалување на чувството на страв и болка кај пациентот.
Спомнувате примена на 3Д технологија, што претставува тоа и која е предноста во однос на досегашниот пристап во протетиката?
-Тоа е уште една од новите практики што ќе се применуваат единствено во стоматолошкиот оддел на оваа клиника. Оваа, нова 3Д технологија служи за скенирање на состојбата на забалото и ќе создава индивидуален план за секој пациент посебно. Според ваквиот 3Д мапинг, ќе се добие најдобар преглед на состојбата и увид во секој дел. Понатаму постапката продолжува со изработка на целосен модел со 3Д принтер потребен за пациентот, а потоа следи индивидуализиран пристап. Ова е уште една од редовните практики во современиот стоматолошки пристап. За секој здравствен проблем потребен е и може да се направи индивидуален пристап и план за лечење и третман. Со нашата 3Д технологија ќе може да се направи пристап за секој пациент одделно и најдоброто решение од сите достапни можности за конкретната проблематика со успешно решавање на истата.
Што недостига во стоматолошката услуга онака како што моментално се практикува во земјава?
-Во моментот она што недостасува во стоматолошките услуги, а токму тоа ние ќе го овозможиме е 24 часовна покриеност на стоматолошките потреби и патологии. Во кое било време, кога ќе биде потребно, пациентот ќе може да се јави во нашиот центар како би можело да му се пружи веднаш соодветна дијагностика и третман. Вака екипиран, опремен современ центар и постојано достапен, може да понуди пред сѐ квалитет на услуга по сите светски стандарди кој ќе обезбедува чувство на доверба и сигурност кај пациентите, особено децата.
Центарот за стоматологија на клиниката „Жан Митрев“ е отворен за соработка со другите стоматолошки клиники. Значи ли тоа дека другите стоматолошки ординации за своите пациенти ќе може да ги користат методите и технологијата од вашиот центар?
-Клиниката „Жан Митрев“ е секогаш отворена за соработка со специјалисти од сите специјалности, па така и овој стоматолошки центар нема да биде исклучок. Просторот и опремата ќе бидат достапни за професионални и стручни лица кои би сакале да ги искористат можностите кои ние ги имаме за пациентите кои тие ги лекуваат и следат. Со овој стоматолошки центар отвораме уште едно ново поглавје од нашата мултидисциплинарност, професионалност, квалитет, достапност и сигурност, наменето за сите пациенти.
