Автор: zmc_piksel_dev

Што е ТАВИ?

TAVI е кратенка за поставување на аортна валвула преку катетер (Transcatheter Aortic Valve Implantation) . Таа претставува минимално инвазивна процедура која помага да се замени оштетената аортна валвула на вашето срце.

Зошто ми е потребно да направам ТАВИ?

Вашиот лекар може да ви ја препорача оваа процедура доколку имате проблем со аортниот залисток и имате превисок ризик за да ви биде изведена операција на отворено срце.
Вашиот аортен залисток е еден од четирите главни вентили во вашето срце. Како што чука вашето срце, тој се отвора и затвора, дозволувајќи крвта да тече од вашето срце кон остатокот од вашето тело во една насока.
Како што стареете, на залистокот на срцето може да се акумулираат наслаги кои го прават потврд и подебел. Како резултат на тоа, вашиот аортен залисток не може да се отвора правилно, а тоа го принудува срцето да работи понапорно за да ја испумпа крв низ стеснетиот премин. Ова е состојба наречена аортна стеноза или стеснување.

Аортната стеноза може да доведе до губење на здивот, болка во градите, замор и вртоглавица, губиток на свест и животозагрозувачка аритмија.
Постапката TAVI всушност се спроведува за да се корегира вашата валвула/залисток.
За време на зафатот преку рез во делот на препоните се вметнува мрежичка која служи за да го одржува отворот на валвулата во оптимално потребна ширина. Може да се изведе со локална или општа анестезија.

Кои се ризиците од TAVI?

TAVI е минимално инвазивна процедура, што значи дека се изведува преку многу мали засеци – наместо еден голем. Минимално инвазивната хирургија обезбедува подобри шанси за побрзо закрепнување по вашата операција. Сепак, како и со секоја процедура, постојат можни ризици.

Тие може да вклучаат:

• Крварење или васкуларна повреда
• Абнормален срцев ритам (аритмии) – понекогаш е потребен пејсмејкер
• Блокирана коронарна артерија и следствен срцев удар
• Аортна регургитација- големо враќање на крвта према срцето
• Бубрежно оштетување
• Мозочен удар
• Смрт

Вашиот лекар детално ќе ви ги објасни ризиците пред да се согласите на операцијата. Имајте предвид дека за какви било прашања или грижи можете да разговарате со него. Од вас ќе биде побарано да потпишете формулар за согласност за да се согласите со постапката.

Како да се подготвам за ТАВИ?

Прашајте го вашиот лекар за земање на вашите вообичаени лекови – особено ако земате лекови за дијабетес или лекови за разредување на крвта. Ако земате лекови за дијабетес, ќе треба да се договорите со вашиот лекар пред операцијата.
Не јадете – најмалку шест часа пред да започне вашата процедура
Не пијте бистри течности четири часа претходно. Во бистрите течности и пијалоци спаѓаат вода и чај
Пред да започне вашата процедура, ќе биде побарано да го отстраните накитот и да носите болничка наметка.

Што се случува за време на TAVI?

Процедура TAVI се одвива во просторија која изгледа како операциона сала. Ќе ве одведат во просторијата за процедури на количка и ќе ве замолат да легнете на соодветна површина намената за овој зафат. Интервенцијата се прави воопшта анестезија а анестезиологот ке ја води истата ќе ви даде лекови кои ќе ви помогнат да се опуштите, заспиете и повторно разбудите.

За време на процедурата:

Областа е вкочанета и се дава или локален анестетик со седација или општа анестезија. Ова ќе биде дискутирано со вас пред процедурата.
Балон катетерот се вметнува во артерија во делот на препоните или под вашата клучна коска.
Балонскиот катетер се води во вашето срце и се поставува во отворот на аортната валвула.
Лекарот нежно го надувува балонот за да го отвори вентилот- ова се прави, како и целата процедура под рентген скопија.

Лекарот вградува нова аортна валвула со помош на метална мрежеста цевка која го одржува вентилот на место – новиот вентил или се шири сам по себе или се шири со помош на балонот, во зависност од видот на користениот вентил.
Новиот вентил е позициониран така што ја турка настрана вашата оштетена аортна валвула
Балонот се издува и лекарот го отстранува балон катетерот.

Што се случува по ТАВИ?

По вашата процедура TAVI, лекарот внимателно ќе ве следи и ќе ви каже колку време треба да останете во болница. Запомнете дека вашиот тим е посветен на обезбедување на најдобриот можен исход за вас, и тие ќе бидат тука за да го поддржат вашето закрепнување на секој чекор од патот.
Пред да одите дома, ќе ви бидат дадени детални инструкции за тоа како добро да се опоравите и да се вратите на добро здравје – и многу е важно да го следите овој совет. Ако продолжите да чувствувате какви било знаци или симптоми кои ве прават да се чувствувате загрижени, закажете консултација со вашиот лекар.

TAVI процедурите во Жан Митрев Клиник ги изведува искусен тим и истите се покриени од ФЗО.

Подолу можете да погледнете кратко видео како изгледа TAVI процедурата.

• 

Различни технологии, една цел: попрецизни резултати

Кои се разликите?

Студиите покажуваат дека рутинскиот скрининг за рак на дојка може да ја намали смртноста за една третина, а според најновите испитувања овој процент се зголемува и до 40-50%. Раното откривање на рак на дојка може да спаси животи и да помогне да се избегнат високоинвазивни третмани.

Додека здравствените власти често издаваат опсежни упатства, реалноста е дека не постои еден универзален пристап кој би се применил кај сите видови испитувања за рак на дојка. Затоа лекарите за да донесат одлука кој вид испитување за рак на дојка да применат, земаат во предвид низа фактори, како што се семејната и медицинската историја и секако густината на ткивото на градите.

,,Генералната препорака е секоја жена да направи проценка на ризикот за рак на дојка уште на 30-годишна возраст. Таа проценка ќе помогне да се одреди нивниот личен ризик и согласно тоа да се обмисли и препорача распоред за следни испитувања кои одговараат на конкретната жена,,- вели д-р Лидија Вељаноска-Кириџиевска.

Значи, без разлика дали правите рутински скрининг, сте нашле грутка, или чувствувате необјаснета болка, лекарите користат цела палета на опции кои комбинирани заедно помагаат за откривање на рак во најраните фази кога е најлесно за лекување.

Неколку од најдискутираните методи:

Мамографија Скрининг мамограм е тест кој вклучува снимање со ниски дози зрачење, кој им помага на лекарите да ги забележат промените во ткивото на дојката. За време на 10 минутната процедура, техничар ги поставува вашите гради – една по една – помеѓу две површини за снимање. Со примена на притисок врз плочите се добива подетална слика со помала доза на зрачење. Здравствените власти, вклучително сите домашни, но и светски организации кои се борат за навремено откривање, превенција и лекување на канцер на дојка, препорачуваат жените да започнат со годишен скрининг мамограф на возраст од 40 години.

Но, и во рамките на мамографијата, постојат опции:

2D мамографија: 2Д дигиталната мамографија прави две рендгенски снимки на дојката. Една во горен ракурс т.е одозгора и една од страна. Ова се дводимензионални слики, што значи дека ткивото што се преклопува може да скрие абнормалности што би можеле да бидат знаци на рак. „2D мамограмите се сè уште важни како методологија, особено за зголемување и карактеризирање на калцификациите кои вообичаено се појавуваат во ткивото на дојката“, вели д-р Магделена Поповска-Цветкова

3D мамографија или дигитална томосинтеза на дојка: Со 3Д мамографија, системот за снимање се движи во лак над градите, земајќи повеќе рендгенски слики од различни агли. Со помош на 3Д мамографија радиолозите добиваат 200 до 300 слики, во споредба со само четири со 2Д технологија.

,,Жените треба да размислат за 3Д мамографија, особено ако имаат гради со густо ткиво“, вели д-р Мимоза Толевска

3Д скрининг мамографијата може да ја зголеми стапката на откривање на рак во некои случаи, а студиите сугерираат дека исто така може да ги намали повторените прегледи на пациентите до 30%.

Ако имате опиплива грутка, локализирана болка во градите или сте забележале промени на кожата/брадавицата или исцедок од брадавиците, вашиот лекар може да наложи дијагностички мамографија. Со дијагностички мамограм, радиолог нарачува специјализирани 2D и/или 3D мамографски прегледи, како што се зголемување и компресија на место, и ги прегледува сликите во реално време. На тој начин, доколку е потребно дополнително снимање, тоа се случува во моментот на вашиот преглед.

Препорака: ако се вакцинирате против КОВИД-19 или грип, закажете ги вашите скрининг прегледи пред првото вакцинирање или четири до шест недели по втората доза на вакцина. Вакцинацијата може да предизвика привремено отекување на вашите лимфни јазли. Додека отечените лимфни јазли од вакцината укажуваат на силен имунолошки одговор, тие може да се појават на мамограмите и да биде потребно дополнително снимање и следење. Не одложувајте никаков дијагностички скрининг поради која било друга причина.

Ултразвук Ултразвукот користи звучни бранови за прегледување на градите. Ултразвукот може да биде особено корисен кај поединци кои имаат густи гради, но не треба да се користи како замена за мамограф. Лекарите обично ја користат оваа метода кај жени помлади од 40 години. Тие препорачуваат таргетиран дијагностички ултразвук кога наодот на мамографија бара дополнително истражување, или како дополнителен скрининг метод во комбинација со мамографија кога имате грутка, локализирана болка во градите, промени на кожата/брадавицата или исцедок од брадавиците.

Постои уште еден тип на преглед за дијагностика на дојките. Тоа е Магнетна резонанца (МР)

Технологијата на МРИ се потпира на магнетното поле и радиофреквентните бранови за да произведе слики. Со овој скрининг за рак на дојка, лекарите добиваат слики од градите пред и откако ќе примите интравенски контрастен раствор кој помага да се подобри изгледот на абнормално ткиво.

„МР на дојка е исклучително чувствителна метода за откривање на рак на дојка, поради што ја користиме како дополнителна алатка за скрининг за оние кои имаат генетски зголемен ризик од рак на дојка и оние кои имаат лична историја или силна семејна историја на рак на дојка. “, вели д-р Лидија Вељановска-Кириџиевска. Лекарите исто така може да нарачаат МР на дојка за да се разјаснат несигурните наоди од мамограм или ултразвук.

За жал, како самостојна алатка за скрининг, МР ги зголемува шансите радиолози да детектираат сомнително ткиво кое не е канцерогено, што може да бара дополнително тестирање.

Што ако скринингот открие сомнителен наод?

Без разлика дали вашиот скрининг вклучува мамографија, ултразвук или МР – или некоја комбинација од сите три – може да откријат сомнителен наод. Но не секогаш се работи за рак. Некогаш станува збор и за лажно позитивни наоди. Лажно позитивен наод е оној при кој пациентот бил повикан на понатамошно испитување за наод кој на крајот не потврдува рак.

„Шансите за лажно позитивен резултат се поголеми при направен само основен мамограм. Истражувањата покажуваат дека жените кои претходно направиле мамографија за споредба имаат помалку лажни позитивни резултати“, велат докторките. „Дополнителните мамографски испитувања не се невообичаени, но многу мал дел од бројот на случаи што ги доиспитуваме се покажува како рак“„

Овие лажни наоди се исто така почести кај пациенти кои:

• Се на возраст меѓу 40 и 49 години
• Имаат густи гради
• Имаат направено претходна бенигна биопсија
• Имаат семејна историја на рак на дојка
• Земаат заменски хормони  

Доколку се случи да ве повикаат повторно на подетални или повторени испитувања, ќе добиете дополнителна снимка за да бидете сигурни дека немате рак.

Сите се стремиме кон идеалот здрава, мазна кожа со рамномерен тен. Но, на кожата со текот на времето можат да се појават темни дамки. Тие се резултат на нарушената синтеза на кожниот пигмент – меланинот. Ова се случува главно од следните причини:

• Изложување на сонце
• Загадување
• Хормонален дисбаланс
• Возраст
• Генетски предиспозиции
• Лузни од акни
• Бременост

Хиперпигментацијата ги засега и жажите и жените без оглед на типот на кожа. Хиперпигментацијата може да се појави во различна форма и големина на опфатена провршина. Сепак, постојат 3 основни типа хиперпигментација:

• Мелазма
• Лентиго
• Пост-воспалителна хиперпигментација

Мелазмата е уште позната како ,,трудничка маска,, и најчесто се појавува кај жени во бременост. Но може да се појави и кај мажи и жени кои не се бремени. Предизвикана е од генетски промени, хормонален дисбаланс и сончево зрачење.

Како изгледа? Симетрични дамки крупни, со неправилни, но јасно дефинирани контури, се појавуваат на лицето и вратот изложени на сонце

Лентигото почесто познато како ,,дамки од сонце,, или ,,старечки пеги,, се појавуваат кај 90% од белата и азијатската популација. Резултат е на надворепните влијанија како загаден воздух, изгореници од сонце и прекумерно изложување на сонце.
Како изгледа? Ситни дамки по лицето, рацете, рамењата и останатите делови изложени на сонце. Број и големината на хиперпигментните дамки се зголемува со стареењето. Најчесто се појавуваат по 50 година од животот.

Пост-воспалителна хиперпигментација се појавува кај жени и мажи без оглед на возраста или типот на кожа. Најчесто кај луѓето со средно темна и темна кожа.
Како изгледа? Неправилни и нејасни контури кои се појавуваат по кожни иритации и лезии од состојби како рани, изгореници, убоди од инсекти, после правени есетски процедури. А можат да бидат и тесно поврзани со акните.

Во нашиот центар за естетска дерматологија на располагање ви се голем број третмани кои ќе ви помогнат да ја подобрите или излекувате хиперпигментацијата. Секако по преходна дијагностика и совети од нашите искусни дерматолози.

Закажете го својот термин на 02/3104-910

Лимфедема или лимфна обструкција е долгорочна состојба во која вишокот течност се собира во ткивата што предизвикува оток (едем). Предизвикана е од блокирање на лимфниот систем т.е лимфен застој. Најчесто влијае на една од рацете или нозете, во некои случаи двете раце и двете нозе. Некои пациенти може да доживеат оток во вратот и главата, гениталиите или градите.

Болеста поминува низ четири стадиуми:

• Во првиот стадиум отокот само се појавува.
• Во вториот стадиум, отокот се појавува но изчезнува.
• Во третоит стадиум едемот е траен
• Во четвртиот стадиум се зголемува и доаѓа до деформации на засегнатите екстремитети.

Лимфедемата е неизлечива, но со правилен и континуиран третман може да се контролира. Основен конзервативен метод во борба против лимфедемата е мануелната лимфна дренажа (MLD), комбинирана со компресивна терапија и нежни терапевтски вежби. Нејзината способност да го намали отокот во засегнатите делови од телото е многу добро докажана.

Причини

• Генетски предиспозиции
• Рак хирургија
• Терапија со радијација
• Инфекции
• Воспалителни состојби
• Повреда и траума

Мануелна лимфна дренажа

Лимфната дренажа е специјализирана техника на масажа, базирана на анатомијата на лимфниот систем која е дизајнирана да го намали отокот преку подобрување на лимфната дренажа.Таа овозмжува да се пренасочи течноста од областите каде што е присутен отокот, кон функционалните лимфни јазли. Во MLD се применува специфични движења на рацете на површината на кожата и се следат анатомските лимфни патишта на телото за да се промовира дренажа од погодениот екстремитет. Тоа вклучува нежно пумпање на кожата. Како резултат на тоа, лимфниот проток низ телото се зголемува, без зголемување на филтрацијата, со што се намалуваат лимфните стази и симптомите на лимфедем.

Мануелната лимфна дренажа се обидува да го охрабри природното движење на лимфата преку лимфниот систем со помош на неколку различни техники за движења на рацете. Овие движења се поделени во две главни фази:

• работна фаза или фаза на расчистување со примена на нежен притисок во областа и нејзино поттикнување на движење.
• фаза на одмор или реапсорпција.

Движењата се бавни и повторувачки во сесија која трае од 45мин до 90 мин, изведени од страна на професионални лиценцирани MLD терапевти. Тие ги определуваат бројот на сесии и нивното времетраење во зависност од тоа како телото реагира на масажата и колку бргу се реапсорбира течноста. Факт е дека периодот на опоравување е долг но за среќа третманот е безболен и делува пријатно и релаксирачки врз пациентот и се покажал како најдобар метод во контрола на лимфедемата.

Во комбинација со овој третман се препорачува бандажирање на засегнатата регија со специални сетови со еластични завои непосредно по изведувањето на мануелната лимфна дренажа за да се превенира можно враќање и повторно наталожување на течноста назад од местото од каде се акумулирала.
Исто важно е дневна рутина да бидат лесни актвни вежби за екстремитети кои се изведуваат спроти земјина гравитација со предходна обука за начинот на спроведување и дозирање од страна на вашиот терапевт.

Предности

Активирање на циркулација на течности, зголемување на контракцијата на лимфните садови, цедење на токсини, макромолекули, масти и стимулирање на имунолошкиот систем, намалување на мускулни грчеви, стимулирање на парасимпатичкиот систем, подобар квалитет на спиење и најважно намалување на едемата(отокот).

Несакани ефекти и мерки за претпазливост

Лимфната дренажа треба да се избегнува кај лица со конгестивна срцева слабост, акутни инфламаторни процеси, активни крвни згрутчувања (ДВТ) или длабока венска тромбоза,малигни тумори, кожни инфекции, висока фебрилност, бубрежна инсуфициенција. Во секој случај пред да почнете со терапија посоветувајте се со вашиот терапевт и дискутирајте за вашата медицинска историја и за било какви промени кои ќе се појават во периодот на лекувањето.