Д-р Синоличка Џамбазова, специјалист по ортопедија, на покана од Италијанската асоцијација за хирургија на рака и Научно-истражувачкиот центар ICLO во Верона, ја презентираше својата иновативна оперативна техника, која беше наградена со прво место на светско ниво.
Ова признание претставува голем успех не само за докторка Џамбазова, туку и за современата македонска хирургија која практично се применува во клиника Жан Митрев. Благодарение на иницијативата на проф. Franco Bassetto, воспоставена е нова рамка за соработка со Италијанската асоцијација за реконструктивна хирургија, со цел продлабочување на стручната и научната соработка, размена на знаења и искуства како и заедничко учество во сложени интервенции.
Ова партнерство отвора нови можности за развој на современи хируршки практики и унапредување на здравствените услуги на меѓународно ниво.
Нашата д-р Џамбазова – синоним за инспирација, иновација и посветеност за подобро здравје!
Овие два органи се во постојана комуникација и тоа не е само субјективна сензација. Науката докажа дека постои директна врска меѓу она што се случува во нашиот дигестивен систем и нашата емоционална, когнитивна, па дури и имунолошка состојба. Во прилог ви ја објаснуваме оваа фасцинантна врска и како таа влијае на вашето целокупно здравје.
Оската црева-мозок е информациски суперавтопат
Цревата и мозокот се поврзани и остваруваат двонасочна комуникација која ги вклучува централниот нервен систем, ентеричниот нервен систем и имунолошкиот систем. Оваа врска е исто така посредувана од цревниот микробиом-збирот на микроорганизми што ги населуваат нашите црева. Затоа, емоциите како што се стресот, вознемиреноста или тагата можат да го нарушат варењето на храната, а во исто време, цревната нерамнотежа може да влијае на нашето расположение или да предизвика ментален замор.
Микробиомот е невидливиот актер што менува сè
Цревната микробиота игра клучна улога во оваа врска. Иизбалансираниот микробиом може:
Да ја подобри меморијата и концентрацијата
Да ја намали анксиозноста и депресијата
Да го подобри сонот и целокупната благосостојба
Да го зајакне имунолошкиот систем.
Од друга страна, неврамнотежениот микробиом (дисбиоза) може да се поврзе со невропсихијатриски заболувања како што се оние од аутистичниот спектар на нарушувања, Паркинсонова болест или Алцхајмерова болест, како и дигестивните нарушувања како што е синдромот на иритабилни црева.
Како да се грижите за здравјето на цревата (и воедно, за здравјето на мозокот)?
Ви препорачуваме практикување на навики кои ја подржуваат оваа здрава врска:
Исхрана богата со растителни влакна и пробиотици, како што се јогурт, кефир, кисела зелка, банани или мешунки.
Намалување на стресот преку вежбање, техники на дишење или јога.
Добар сон, бидејќи одморот ја регулира и функцијата на мозокот и дигестивниот систем.
Избегнувајте непотребни антибиотици, кои го нарушуваат микробиомот.
Доколку чувствувате постојана дигестивна непријатност, необјасниви промени во расположението или продолжен замор, не двоумете се да се консултирате со медицинско лице. Во Клиника Жан Митрев, располагаме со специјалисти за дигестивни заболувања, неврологија и ментално здравје кои ќе ви помогнат да го пронајдете потеклото на проблемот и да го подобрите квалитетот на вашиот живот.
Здравјето на цревата не само што влијае на варење на храната: тоа влијае и на вашиот ум, вашите емоции и вашата целокупна благосостојба. Не заборавајте, доколку се грижите за здравјето на вашите црева, истовремено се грижите и за вашиот мозок.
Летото остава сериозни последици врз кожата – од пресушување и појава на темни дамки, до забрзано стареење и ризик од кожни заболувања.
Д-р Анџелка Илиева, дерматовенеролог од Жан Митрев Клиника, објаснува како да се препознаат и ублажат овие состојби и кои третмани се најефективни за нега по завршувањето на летото.
Во интервјуто, д-р Илиева се осврнува и на употребата на хијалуронски филери и колаген-стимулирачки третмани, кои денес се меѓу најбараните методи за подмладување и ревитализација на кожата.
Летото е време кога настануваат најголемите проблеми со кожата кога станува збор за дехидратација и штети од сончевото зрачење. Може ли прво да ни објасните на кој начин сончевите зраци ја оштетуваат кожата?
–Фотостареењето, наречено дерматохелиоза, настанува како резултат на хронично фото оштетување на кожата, од повторувачки соларни повреди во текот на годините и преголемо и кумулативно изложување на сончева светлина. Оштетувањето при дерматохелијозата ги опфаќа сите слоеви на кожата, започнувајки од површинскиот (епидермис ), потоа дермис и васкуларниот систем во подлабокиот слој. Основниот фактор кој учествува во процесот на фотостареењето се ултравиолетовите зраци. Се смета дека до 90 отсто од симптомите на предвремено стареење на кожата се предизвикани од УВ радијација. Еден од основните процеси кој води до загуба на волумен и еластичност на кожата е загубата на колаген и еластин, како и намалување на способноста на кожата да ја задржува својата влажност, а како резултат на ова настанува нејзино пресушување, збрчкување, може да има појава на телеангиектази и хиперпигментации познати како темни дамки или старечки флеки. Додека УВА зраците предизвикуваат индиректно уништување на клеточната ДНК преку нејзин оксидативен стрес, а со тоа и предвремено фотостареење, УВБ сончевите зраци предизвикуваат директно оштетување на клетките кои, покрај изгореници, можат да предизвикаат кожен карцином, вклучувајќи и меланом.
Како може да се намалат штетите од сончевото зрачење и да се заштити кожата?
–Најдобар начин да се заштити кожата од штетното влијание на УВ зраците е нејзиното изложување на сонце да биде сведено на минимум. Нашата улога во превенција на фотостареењето е важна, но и негата со која ќе ѝ овозможиме хидратација преку нанесување соодветни креми со висок заштитен фактор (SPF) најмалку 30+ или 50+, во зависност од фототипот на кожа. Секако, потребна е и физичка заштита со носење соодветна облека, темни наочари со УВ заштита, шапка и облека во светли бои. Кога наведените мерки не се доволни, потребно е спроведување на медицински козметолошки и ласерски третмани кои ќе ги избришат последиците од фотостареењето.
Честа е појавата на пигментации на кожата за време на летниот период. Како настануваат овие промени и кои методи за заштита ги препорачувате?
Токму пигментациите се едни од последиците од изложувањето на УВ зраците. Настануваат така што пигментот меланин кој нормално се лачи од клетките наречени меланоцити и се наоѓаат во базалниот слој на кожата, под дејство на УВ зраците се стимулираат да лачат повеќе меланин. Тој вишок меланин кожата го складира во вид на пигментации. Најсоодветна заштита е редовната апликација на креми со заштитен фактор и избегнување на изложување на сонце во одредени периоди од денот кога УВ индексот е висок.
Како треба да се третира кожата по завршетокот на летото, на што треба особено да се внимава?
–По завршувањето на летниот период, на кожата, освен третмани за отстранување или намалување на пигментации, ѝ требаат и доста третмани за хидратација со цел да ја надополни изгубената влажност. Кај масните кожи потребно е длабинско чистење со цел отстранување на комедоните кои се фаза на акните и кои понатаму може да прогресираат во гнојаници со оставање последици од типот на лузни.
Кои методи и третмани се применуваат во Клиника Жан Митрев за навремена заштита и обнова на кожата?
–На одделот за дерматологија при Клиника Жан Митрев ги имаме на располагање сите модерни методи и начини на третирање на гореспоменатите проблеми. Па така, започнувајќи од базични третмани за чистење и хидратација , преку Hydrafacial, безиглени и иглени третмани за мезотерапија и биоревитализација, до ласерски третмани со најсовремени ласерски платформи од типот на Candela Nordlys за отстранување пигментации, лузни, брчки и други неправилности на кожата.
Освен во овој сегмент, како се развива Одделот за дерматологија на Клиника Жан Митрев во однос на естетската дерматологија, дермалните филери и колагенскиот третман на кожата?
–На одделот за естетска дерматологија од самиот почеток се стремиме кон тоа да воведеме нешто што е ново на овие простори, а воедно веќе докажано на светски рамки. Хијалуронски филери како такви се работат долго време, но сепак новите технологии на прочистена хијалуронска киселина до максимум ветуваат најголема безбедност за пациентот. Кога станува збор за колаген стимулирачките третмани ова е веќе навистина големо откритие – да се пополнува кожата без притоа да има изглед на отечено и наполнето лице.
За кои регии се применуваат филерите а каде колагенската инјекција?
–Хијалуронските филери се сѐ уште водечки препарат за пополнување на несовршености и брчки на лицето, додека колаген стимулаторите се користат буквално на цело тело, секаде каде што има опуштање на кожата и потреба од безоперативно затегнување, односно освен за лице – и за врат, дланки, надлактици, натколеници, абдомен.
Како делуваат филерите на подмладувањето на кожата, а како колагенската инјекција?
–Хијалуронските филери се тие кои најуспешно го надополнуваат загубениот волумен и во истиот момент „ги бришат“ брчките, додека колаген-стимулирачките препарати ја стимулираат кожата да создава нов колаген и на тој начин буквално се подмладува и измазнува. Ефектот кај филерите пак, настапува веднаш и трае до една година, додека кај сите препарати за стимулација на колаген настапува најрано за 3-4 недели, период за кој е потребно да започне создавањето на новиот колаген, а со тоа и подмладувањето на кожата да стане видливо.
Употребата на филери станува сѐ попопуларно и се применува и надвор од здравствени инстанци. Што е важно да се знае пред аплицирање филери, кога, каде, како, колку?
–Ова прашање е најсензитивната тема за сите нас лекари специјалисти кои работиме во оваа област. Употребата на филери кои преставуваат дермални импланти регистрирани како класа медицински помагала во Агенцијата за лекови апсолутно не смее да биде надвор од медицински установи. Ова помагало може сериозно да загрози живот на пациентот, не само поради можноста од бурни алергиски реакции туку и компликации како длабоки инфекции, апсцеси и некроза на кожата поради апликација во несоодветни и нестерилни услови. Затоа додека не започне примената на законите и мерки на терен, апелираме пациентите да внимаваат каде и кому ќе го доверат своето здравје, бидејќи за жал желбата за разубавување не смее никогаш да прерасне во сериозна медицинска компликација со трајни последици.
Викендов Штип беше центарот на најголемото музичко случување во Македонија – спектакуларниот концерт на балканската музичка ѕвезда Дино Мерлин. Настанот собра над стотина илјади посетители кои уживаа во незаборавна вечер исполнета со емоции, светска продукција и извонредна атмосфера.
Како дел од својата мисија за поддршка на културни и општествени настани кои носат радост и заедништво, Клиника Жан Митрев со гордост застана зад овој голем музички спектакл.
Со ваквите иницијативи, клиниката уште еднаш ја покажува својата посветеност не само кон здравјето на луѓето, туку и кон поддршката на настани кои ја збогатуваат нашата заедница.
Нашата мисија отсекогаш е поврзана со грижата за луѓето. Поддршката на настани кои обединуваат, инспирираат и носат радост во заедницата е дел од таа мисија.
Здравјето на цревата е клучно за целокупната благосостојба, бидејќи влијае на дигестијата на храната, апсорпцијата на хранливи материи и имунолошкиот систем. Од тука би истакнале дека, пробиотиците играат фундаментална улога помагајќи во одржувањето на соодветна рамнотежа во цревниот микробиом.
Што се пробиотици?
Пробиотиците се живи микроорганизми кои, кога се консумираат во соодветни количини, ни обезбедуваат низа здравствени придобивки. Тие се наоѓаат во ферментирана храна како што се јогурт, кефир, кисела зелка како и во специфични додатоци во исхраната.
Придобивки од пробиотиците за здравјето на цревата
Редовното консумирање на пробиотици може да помогне во:
Враќање на рамнотежата на цревниот микробиом, особено по употреба на антибиотици.
Подобрување на дигестијата на храната и апсорпцијата на хранливи материи, и го подржуваат метаболизмот.
Зајакнување на имунолошкиот систем, намалување на ризикот од цревни инфекции.
Спречување и лекување на дигестивни нарушувања како што се синдром на иритабилни црева, дијареја и запек.
Намалување на воспалението на цревата, помагање кај состојби како што се улцерозен колитис и Кронова болест.
Пробиотици и исхрана: Како да ги вклучите во вашата исхрана
За да ги искористите нивните придобивки, се препорачува да вклучите храна богата со пробиотици во вашата исхрана, како што се:
Ферментирани млечни производи: природен јогурт, кефир и урда.
Ферментиран зеленчук: кисела зелка, и кисели краставички, природно ферментирана туршија.
Ферментирани пијалоци: комбуха, природно ферментиран јаболков оцет.
Совет и препорака за храна богата со пробиотици или кој вид на пробиотици е потребно да ги користите, можат да ви бидат препорачани и од нутриционист.
Важноста на нутриционистичкото советување
Доколку сакате да го подобрите здравјето на вашите црева и да дознаете повеќе за улогата на пробиотиците, закажете консултација во нашиот оддел за гастроентерохепатологија или со нашиот нутриционист м-р Татјана Павлова, и добијте ги потребните персонализирани совети.
Клиничката болница Жан Митрев со гордост го поддржувa International Football Tournament “Ilinden Cup”, кој се одржува во Скопје.
Како дел од нашата општествена одговорност и посветеност кон здравјето на најмладите спортисти, обезбедивме медицински тим со амбулантно возило кои ќе бидат на фудбалските терени за време на целиот турнир, а со цел навремена и професионална медицинска поддршка. Нашата мисија е децата да уживаат во спортот со чувство на сигурност, знаејќи дека нивното здравје е секогаш на прво место.
Илинден куп е фудбалски турнир за деца на возраст од 8 до 13 години кој годинава по трет пат се одржува во Општина Илинден. Турнирот е во организација на фудбалската школа „Грозданоски“ и се оддржува на четири терени, во Марино, Илинден и Кадино каде учествуваат екипи од повеќе држави и ќе се одржува од 12 до 14 септември.
Нормално е со возраста и стареењето да настапи промена и намалување функцијата на органите, меѓу кои и на мозокот. Но, меѓу нормалната заборавеност и појавата на деменција има голема разлика, затоа е потребно стручно лице да постави точна дијагноза.
Најчеста форма на деменција е Алцхајмеровата болест. Таа претставува комплексно невродегенеративно заболување кое влијае врз процесите на запамтување, расудувањето, однесувањето, емоциите и способноста за секојдневно квалитетно функционирање.
Кога започнуваат промените на психички план кај лицата со Алцхајмерова деменција, семејствата често се првите кои забележуваат дека нешто не е како порано. Навременото препознавање и дијагноза се клучни за на секој човек да му се овозможи подобрување на квалитетот на животот и планирање на грижата.
Симптоми кои семејствата најчесто ги забележуваат во секојдневниот живот:
– Често заборавање на неодамнешни случувања. На пример: заборавање каде се оставиле очилата или клучевите, или повторување на истото прашање неколку пати. – Потешкотии во планирање и организирање. На пример: потешкотии при готвење според рецепти, плаќање сметки или следење на задолженија. – Губење или оставање предмети на несоодветни места. На пример: ставање паричник во фрижидер или чевли во кујнскиот фиока. – Нарушување во ориентација за време и простор. – Пациентот може да не знае кој ден е, да се изгуби на познат пат или да не препознае добро познато место. Подоцна може да не ги препознава своите блиски или да не е во можност да ги именува. – Промени во личноста и расположението: Анксиозност, раздразливост, повлекување од друштво, несигурност или тага без очигледна причина. – Проблеми со говор и јазик: Тешкотии во наоѓање на вистински зборови, намалување на фонд на зборови, мешање зборови или повторување. – Намалена способност за донесување одлуки и решавање проблеми: Тешкотии при избор на облека, управување со финансии или донесување секојдневни одлуки.
Зошто е важно раното препознавање?
Отпочнување на медицински третман на состојбата,
Планирање на грижа и безбедност во домот,
Прилагодување на дневните активности и рутини,
Поддршка за семејството и подобрување на квалитетот на животот на пациентот.
Доколку се соочувате вие или ваш член од семејството со повремена или постојана збрканост, заборавеност, потешкотија во секојдневното функционирање, може да закажете психијатриски преглед со м-р д-р Марија Костадиновска-психијатар, по што ќе се даде насока за натамошен, индивидуален третман на состојбата.
Дигестивната ендоскопија е еден од највредните тестови за рано откривање на болести на дигестивниот систем, особено рак. Во прилог ви објаснуваме што претставува тоа, кога се препорачува и како може да се откријат промените , дури и кога нема симптоми.
Што е дигестивна ендоскопија?
Дигестивната ендоскопија е минимално инвазивна техника што овозможува директна визуелизација на внатрешноста на дигестивниот тракт со помош на ендоскоп, флексибилна цевка опремена со камера. Може да се изврши орално (гастроскопија) за испитување на хранопроводот, желудникот и дуоденумот или ректално (колоноскопија) за испитување на дебелото црево и ректумот. Благодарение на овој тест, специјалистите можат да детектираат промени како што се чиреви, полипи, воспаленија или тумори и да земат примероци (биопсии) за прецизна анализа.
Кога се препорачува?
Иако многу луѓе ја поврзуваат ендоскопијата со дигестивни симптоми како што се абдоминална болка, горушица или крварење, вистината е дека овој тест се користи и за превентивни цели, особено кај луѓе со висок ризик од рак на дигестивниот систем.
Се препорачува во следниве случаи:
Возраст од 50 години и постари (или помлади, доколку постои семејна историја) како дел од скринингот за колоректален карцином.
Семејна историја на рак на дигестивниот систем (дебело црево, желудник, хранопровод).
Лица со хронични воспалителни заболувања на цревата (улцерозен колитис, Кронова болест).
Во случај на претходно откриени полипи.
Кај пациенти со перзистентни симптоми, како што се необјаснета анемија, ненамерно губење на тежината или нарушувања на столицата.
Зошто е толку важно во превенцијата од рак?
Бидејќи овозможува преканцерозни лезии или тумори да се откријат во многу рани фази, кога третманот е многу поефикасен и помалку инвазивен.
На пример:
Полип на дебелото црево може да се отстрани за време на колоноскопија, со што се спречува негово напредување во рак.
Сомнителен чир на желудник може да се биопсира пред да се развие во карцином на желудник.
Ендоскопијата може да открие и инфекции како што е Helicobacter pylori, и други инфекции кои се поврзани со рак на желудник. Сето ова се прави превентивно, пред да се појават симптомите, кога болеста сè уште е тивка.
Дали е безбеден тест?
Да. Ендоскопијата е безбедна, брза техника со минимални компликации. Во повеќето случаи, се изведува под седација, така што пациентот е удобен и опуштен за време на постапката. Во Клиника Жан Митрев, располагаме со тим од стручни гастроентеролози и најсовремена технологија, што обезбедува точна дијагностичка, безбедност и соодветен индивидуален третман во секое време.
Заклучок: Вашето дигестивно здравје заслужува внимание, дури и ако се чувствувате добро Ракот на дигестивниот систем често се развива тивко, без симптоми сè до неговите напредни фази. Затоа, ендоскопијата не е само дијагностички тест, туку и фундаментална превентивна алатка. Запомнете: навремената дијагноза може да направи голема разлика. Консултирајте се со вашиот лекар за да видите кога е вистинското врема за оваа испитување.
