Автор: zmc_piksel_dev

Епидурална анестезија

Епидурална анестезија или епидурална аналгезија претставува администрација на лекови(локални анестетици и/или аналгетици) во епидуралниот простор. Епидуралниот простор е просторот помеѓу обвивките на ‘рбетниот мозок и ‘рбетниот мозок. Техниката на изведување подразбира пронаоѓање на епидуралниот простор со специјална игла помеѓу пршлените и пласирање на епидурален катетер преку кој се врши администрација на лекови. Лековите (локални анестетици и/или аналгетици) вршат само губиток на сензацијата, односно губиток на осетот за болка, за разлика од спиналната анестезија каде што имаме губиток и на сензација и на моторика. За разлика од спиналната анестезија која што се изведува само во лумбалниот дел(долниот дел) од ‘рбетниот столб, епидуралната анестезија може да се постави во по цела должина на ‘рбетниот столб(во пределот на вратот, градниот кош, долниот дел).Епидуралната анестезија може да се користи:

• Само за аналгезија, обезболување, каде што не е потребен хируршки зафат(породување, третман на болка од различно потекло)

• Во комбинација со општа или спинална анестезија(менување на колк, колено, абдоминални аневризми, абдоминални операции). Овој тип на анестезија може да ја намали потребата на пациентот за аналгетици, а со самото тоа да доведе и до побрзо будење од анестезијата.

• Постоперативна аналгезија. Епидуралната анагезија постоперативно има неколку предности: ефективна аналгезија без употреба на опиоиди(дилни аналгетици), намалена зачестеност на постоперативни респираторни проблеми и инфекции, намалена зачестеност на постоперативен миокарден инфаркт(срцев удар), стрес одговорот на организмот од хируршкиот зафат е намален, мотилитетот(подвижноста) на цревата е подобрен заради симпатичката блокада на нервниот систем.

Но, и покрај сите предности на епидуралната анестезија/аналгезија може да биде и високо ризична кај одредени индивидуи и кога се изведува неправилно.

Др. Тања ГрамослиДр. Марко Ѓоргон

„Да те оперира Жан Митрев тоа е исто како да ти режира Стивен Спилберг , или како да те тренира Жозе Мурињо“

По две успешни операции, на левата и на десната нога Игор Џамбазов денеска ја напушти Специјалната болница „Филип Втори“. Примен е на 21 јуни, по направените прегледи веднаш е опериран.

За неговата состојба зборува медицинскиот директор на болницата Д-р Тања Анѓушева:
„ Џамбазов дојде со јаки болки во левата нога, која му беше студена и модра. Се направи компјутерска томографија која покажа отсуство на периферна циркулација односно недоволно хранење на ногата со крв, во пределот од препоните надолу. Се донесе одлука за итно оперативно лекување . Со отстранување на ново настанатите акутни тромби и крвните садови се доби одлична циркулација. После оперативното имаше уреден проток на крвта. На компјутерт беше верифицирано дека има промени во циркулација на десната нога. Регистрирани се како хронични промени во висина на крвните садови на зглобот на коленото, поради што во втор акт се одлучи да се направи бај пас. На десната нога се употреби вена од истата страна и се направи премостување на запушениот дел. После оперативно циркулациски се доби одличен доплер наод, се направи контролен компјутер и на него се верифицира дека проодноста на крвните садови на долните екстремитети кај Игор е одлична.“
Престојот на Игор во нашата болница беше приказна која ќе се раскажува долго задари неговиот посебен дух. Му поставивме неколку прашаања а тој како и секогаш расположен за разговор онака непосреден ,започнавме од неговото доаѓање овде …
„ Тука ме донесе проблемот кој се таложел со години и години нездрав живот. Моите бурни 30-ти и 40-ти. Уште за време на пробите за големиот концерт во Борис Трајковски пред скоро 2 години, почнав да чувствувам трнење во нозете кое во наредните неколку денови полека прераснуваше во непријатна болка. Се залажував дека тоа ми е од незгодната поза во која седам на шанк-столчињата за време на концертите, иако знаев дека не е така. Во последните две години интензитетот на тие болки беше се посилен и посилен после секој настап. Конечно, пред две недели, во Гевгелија се разбудив со двете нозе потполно вкочанети и целосно побелени. Едноставно не ги чувствував. Како да не беа дел од мене.„
На прашањето зошто изборот за болница го направил да биде „Филип Втори“ , Игор одговара :
” Во целата таа паника, што ме фати, а која не ја покажував пред моите домаќини од студиото REWIND, сепак ги замолив да ме однесат на лекар. За десетина минути веќе бев кај д-р Хаџи Николов, во неговата ординација. Тој, само што ми ги виде нозете, ме погледна мошне сериозно и ми рече под итно да одам за Скопје, и тоа право кај д-р Жан Митрев. Така и направив. Многу сум му благодарен за тоа. За само два часа бев тука, а во наредните два веќе бев во операционата сала.Пред да велзе во операциона сала за што размислувал духот овде е пресуден, вели Игор….„Тоа е поврзано со личниот однос кон животот и смртта. Јас имав квалитетен живот, па со право очекувам таква да ми биде и смртта. Затоа, ниту имав страв, ниту ќе го покажев да го имав. Сето тоа го свртив на шега, иако ситуацијата беше алармантна.
Во тој стил ми продолжија и деновите што следуваа. Персоналот ме прифати таков каков што сум, особено д-р Танја Анѓушева, која комплетниот третман кон мене и мојот проблем, го изигра како најголем професионалец. А исчекувањето, неизвесноста и напнатоста ги почувствував особено пред втората операција, која беше многу покомпликувана и далеку поопасна. Но имав среќа за тоа да биде задолжен д-р Жан Митрев. Да те оперира тој, тоа ти е исто како да ти режира Стивен Спилберг, или како да те тренира Жозе Мурињо. Затоа бев потполно спокоен“

Дали после оваа добена битка ќе му се предаде на живтот примерно , дали сега е поинаку значењето на здравјето, после се . „Па јас тоа се обидувам да го правам во последните неколку години. Затоа и направив четиригодишна пауза со алкохолот, затоа и го одбрав моето Слепче за последна сериозна станица во животот. Но како што кажав и на почетокот, ова што ми се случи е резултат на еден сериозен минат труд. Тука научив една многу важна работа. Не тоа колку е важно да се чува здравјето, тоа го знам од дете. Тука научив колку МАЛКУ е потребно за да се зачува здравјето. Еве веќе две недели не пушам цигари, и тоа ми е најголемата пауза во последните 35 години. Ќе се обидам конечно да се откачам од нив. Можеби по некоја убава домашна ракиичка за дегустација и уште една за циркулација, ќе бидат сосема доволни. Персоналот беше посебна приказна. Колку што мене не ми беше мило што сум тука, толку тие уживаа во нашата дружба. Имаше многу смеење, фотографирање, вицови…Сигурен сум дека ќе останат убави спомени. И за нив, а и за мене. Спомен на мојата авантура во Филип Втори, кај Жан Митрев Први.И на самиот крај, големо БЛАГОДАРАМ на сите познати и непознати хомо-сапиенси кои дојдоа да ме видат, а и на сите оние кои ме подржуваа преку социјалните мрежи, а беа во огромен број. НЕ УДИРА ГРОМ ВО ВАКВА ДЕБЕЛА КОПРИВА!!! “

Современ хируршки третман на политрауматизиран пациент

Пациент на 22 годишна возраст донесен е во Специјална болница за хируршки болести “Филип Втори” од друга здравствена установа со возило на брза помош поради повреди задобиени на работно место.Повреден е кога машина тешка околу 350 килограми паднала врз него.Пациентот е примен со јаки болки ,отоци и неможност за движење на левата рака и нога.Двишењето е оневозможено поради постоење на тешки скршеници на левата потколеница и левата подлактица со рачниот зглоб и со придружни мекоткивни оштетувања и рани на кожата.После предоперативните иследувања пациентот е опериран во општа анестезија ,направени репозиции и остеосинтеза(спојување на коските) на раката и ногата со најсовремени импланти и обработка на раните на кожата . За време на престојот во болницата примаше антибиотска ,антикоагулантна терапија и аналгетика.Пациентот првиот ден започна со брза рехабилитација ,беше вертикализиран и со тимски пристап на медицинскиот персонал после 7 дена беше пуштен на домашно лекување.

Креативна работилница здрав дух во здраво тело – како да бидеме подобри спортисти

Последното предавање во кампот„Кирил Лазаров 7“ бешереализирано преку креативна работилница „Здрав дух во здраво тело како да бидеме подобри спортисти“.Во современото динамично живеење спортувањето е најдобриот начин на кој може да го зачуваме здравјето. Но едновремено спортот претставува и извор на стрес. Што значи да се биде тимски играч, како да се дојде до победа и како да бидеме најдобри во она што го правиме?

Како да го намалиме притисокот пред натпревар? Низ креативна работилница која ја водеше Фросина Ристовска психолог од Специјалната болница Филип Втори најмладите на кампот имаа можност да научат за тоа како самите функционираат во тим, да искусат што се случува кога меѓусебно не се координирани и да научат како најдобро да се подготват пред секој тренинг. Дополнително имаа можност да споделат како секој од нив се поддржува пред натпревар преку редовно спиење, здрава храна, посветеност на вежбањето и избегнување на стрес преку техники кои ги релаксираат. За да се биде добар спортист неопходно е оптимално психофизичко здравје, развиена рутина и максимална посветеност.

„Филип Втори“ го одржа првото предавање во кампот „Кирил Лазаров 7“

Што е здрава храна,колку оброци на ден треба да се внесуваат, во кој временски период и слично.Ова беа само дел од прашањата кои беа одговорени преку интеракција со децата од кампот „Кирил Лазаров 7“. Ова беше прво од предвидените три предавања кои „Филип Втори“ ќе ги одржи во рамки на кампот.Темата „Здрава исхрана“,ја подготви м-р Тина Коцова инженер по прехрамбена технологија во болницата.Таа со својот професионален пристап ги анимираше децата преку еден забавно-едукативен начин да дискутират за храната и она што тие секојдневно го имаат како оброци и ужинки во текот на 24 часа.Од страна на м-р Коцова акцентот беше ставен на правилната исхрана за деца кои имаат поголема физичка активност. Кои видови на храна и нутриенти се потребни и како треба да биде организирано дневното мени за млади спортисти. Кои витамини и минерали се неопходни, распоредот на оброци, внесот на течности.Иако постојат општи препораки сепак менито се прави на на индивидуална база.

Некои од општите карактеристики се следни:
Последниот оброк треба да биде три часа пред физичката активност. Да не е масен и да нема премногу дијатетски влакна.
На секој 15 до 20 минути во текот на физичката активност треба да се внесува по минимална количина вода(капка по капка)
максимум 300 мл на 20 минути.После физичката активност се зема литар и пол вода на килограм загубена телесна маса може и повеќе во зависност од тежината на тренингот.
Се препорачува да се зема и солена храна после тренингот заради задршка на течноста за подобра рехидратација(на пример супа)
Во текот на тренингот може да се земаат и спортски напитоци кои што содржат електролити и шеќери за надополнување на течностите.После тренингот се препорачува храна богата со јаглени хидрати и протеини. Добар избор тука се легуминозите(грав леќа,боранија).
Избалансираната храната овозможува правилен раст и развој на децата.Предавањето беше наменето за деца од 10-14 години.

Блаже Арсов физеотерапевт од Специјалната болница„Филип Втори“ одржа предавање на тема „Здрав и балансиран активен живот“

Преку интересни споредби, конкретни примери и анализи беше одржано предавање на тема „Здрав и балансиран активен живот“.

Физиотерапијата го следи спортот на сите спортски терени,таа е составен дел од него .Физиотерапевтите со специјални физиотерапевтски техники можат да им помогнат на спортистите (во нашиот случај ракометарите) полесно да го поминат периодот при повреда а воедно и да им помогнат при превенција од најчестите ракометни повреди(рачен зглоб,скочен зглоб,колено,рамен зглоб и повреди на прстите).Прва физиотерапевтска помош на сите спортски терени е R.I.C.E методот(мирување,мраз,компресија,и елевација).Во подоцнежниот третман на повредата можат да се применат и други мануелни техники или електротерапија.Во предавањето децата имаа можност да дознаат и на кој начин работи човековото срце и колку е голема важноста на кардиоваскуларниот систем особено за спортистите.Специјалната болница „Филип Втори“ како медицински партнер на кампот подготви 3 предавања во насока здрав живот.

Физеотерапевтот Арсов пред децата на возратс од 12-17 години од кампот „Кирил Лазаров 7“ зборуваше за балансирањето помеѓу основните здрави навики и секојдневните активности. Колку сериозно децата можат да го разберерат значењето на сопственото здравје и што се треба да направат за секојдневно одржување на организмот во добра психо-физичка состојба. Акцентот беше ставен на влијанието на нездравата исхрана врз кардиоваскуларниот систем и физичката подготвеност на децата.Според светските стандарди за физичка активност на деца на оваа возраст доволни се 60 минути умерено темпо физичката активност(пливање, трчање, пешачење, возење велосипед и некои групни игри).Спортските активности како што е ракометот треба да бидат присутни 3 пати седмично со поинтензивно темпо. Спортот е сериозна работа и секој кој одлучил да се бави професионално мора да инвестира во сопственото здравје за да ја постигне својата цел.Тие здрави навики се стекнуваат кога ги имаме годините на деца со постојано нивно применување.Насочувањето кон спортот не треба да значи запоставување на училишните обврски туку напротив преку физилката активност се подобрува концентрацијата и севкупниот успех во училиште.

Соработката со „Филип Втори“ голем придонес за кампот

Четврти ден од ракометниот камп „Кирил Лазаров 7“.Секој ден приказна за себе во која најмногу се раскажува за ракометот.Практичниот дел од овој атрактивен спорт овде во кампот се реализира два пати на ден. Преку утрински и попладневни тренинзи. Децата се поделени во 5 групи, според возраста. Тренирани од врвни имиња во ракометот. Лазаров дел од тренинзите на сите 150 деца.Организаторот на кампот,КМГ Спорт ја има осмислено секоја минута на децата. Изблансираноста помеѓу физичката активност и одморот прават деновите да поминуваат лесно и брзо. Покрај одличната организација кампот добива на атрактивност со присуството на нашите репрезентативци, Стоилов, Ристовски, Манасков, Ојлески,потоа вардаровецот Дибиров и гостинот од Србија, Дејан Периќ. Специјалната болница „Филип Втори“ е задолжена за медицинскиот надзор и помош на децата.Но и за добрата исхрана на идните ракометари, преку изработката на 7 дневното мени.Соработка која продолжува, во таа насока Лазров ни изјави:

„ Со организирање на кампот на овој начин мислам дека направивме една нова и огромна работа. Радува присуството на деца од цела Македонија.Идејата на овој камп е да се обидеме да ги „разбудиме“ сите делови од земјава каде што ракометот е замрен, повторно да ги оживееме преку нашето знаење и вложување во континуиран развој на ракометот.Бидејќи тоа е спорт за кој децата пројавуваат огромен интерес. А ние ќе направиме се за да го учат, научат и да напредуваат покрај нас. Да станат добри ракометари,а преку поединечниот учинок во колективната игра да го изградат и својот карактер.Огромно е значењето на Специјалната болница „Филип Втори“ како медицински партнер на кампот. Му благодрам на д-р Митрев за соработката и се надевам дека истата и во иднина ќе продолжи. Присуството на лекарскиот тим од „Филип Втори“ овозможува сите повреди кои се настанати во текот на овие денови да се санираат навремено и професионално. Нивниот третман кон повредите на децата, придонесува во максимално краток рок да се вратат на терен“.

Лекарскиот тим на „Филип Втори“ го предводи д-р Сузана Јанчевска специјалист ортопед.Еве го најкратко билтенот на повреди во изминативе денови:„Лекарскиот тим кој е овде здравствено ги згрижува децата од утро до вечер, имаме импровизирана амбуланта која се наоѓа веднаш до терените во кампот.Нашиот ангажман е 24 часовен здравствен мониторинг на сите присутни во кампот.Во изминативе 4 дена кај децата најчесто се работеше за истегнување на мускулатури, дистензии на одредени зглопчиња на прстите,на дланката и на скочниот зглоб. Неколку деца се пожалија и на дехидратација. Овде сакам да потсетам дека треба да земаат повеќе течности за да го надополнат она што го губат за време на тренингот.Се чуствува малку замор кај децата, има по некоја исеченица, набиеници и разни буички како резултат на притисок од носење на несоодветни обувки,патики.Постојано сме активни“.

Остануваат уште 2 предавања на теми од здравјето на децата кои ќе се случат утре и задутре. Во сабота кампот ќе го посети и медицинскиот директор на болницата д-р Тања Анѓушева, која како дел од тимот на „Филип Втори“ даде огромен придонес за успешноста на соработката со најдобриот македонски ракометар Кирил Лазаров.

Специјалната болница „Филип Втори“ подготвена за стартот на кампот „Кирил Лазаров7“

Сцпецијалната болница по хируршки болести „Филип Втори“ комплетно е подготвена за 150 -те деца кои се дел од кампот „Кирил Лазаров 7„ .Околу досегашните подготовки зборува медицинскиот директор на болницата д-р Тања Анѓушева:

„Филип Втори “ направи комплетна подготовка на целокупниот медицински материјал што е неопходен за обезбедување комплетна медицинска заштита на децата кои што ќе учествуваат на летниот камп„Кирил Лазаров 7“. Предходно е направен систематски преглед на вкупно 150 деца. Сите деца се добри и подготвени за редовни тренинзи. Исклучок се само две дечиња кај кои навреме беа откриена промени во работата на срцето и за жал неможат да бидат дел од кампот. Со прегледите се овозможи навремено откривање и навремен третман на некои промени на срцевите заболувања кај дечињата.Филип Втори како тим обезбеди медицинска екипа во состав на доктор Сузана Јанчевска специјалист ортопед која има долгогодишно искуство од областа на ортопедијата и трауматологијата, но и во работата на брза помош и интензивни лекување така што ќе биде комплетно способна да ги згрижи евентуално ново појавените здравствени проблеми кај дечињата. Потоа медицинската сестра Трајанка Стојановска-Дамевски , како и физиотерапевтот Блаже Арсов . Овој летен камп нема да биде замислен само во смисила на активно спортување, туку децата ќе имаат и адекватна едукација од областа на здравиот живот .За таа цел „Филип Втори“ како установа обезбеди кратка едукативена програма , од областа на здрава исхрана , децата ќе се запознаат со тоа што е здрава храна , што треба да преферираат во исхраната ,како да си го сочуваат своето здравје преку здравата храна , потоа имаме предавање од областа на здрав живот, тука комплетно се опфатени компонентите на здрава храна, здрав живот , физичка активност , ментално здравје кај децата. Кратко запознавање ќе имаме и за одговор на прашањата : Што е срце , што е кардио васкуларен систем,како срцето и кардиоваскуларниот систем заедно со органите за дишење се непоходни, за едно правилно спортување, правилен развој на детската возраст . Последниот едукативен дел ќе биде посветен на психологијата , колку е битно психичкото здравје кај децата и како истото да го обезбедат . Тоа нема да биде класично предавање , истото е замислно како дел од една интерактивна работилница каде што дечињата ќе ги потенцираат своите проблеми, истакнувајќи што е правилно, што неправилно во животот за да може низ игра и разговор да се откријат некои евентуални конфликтни ситуации во самите нив . Ова искуство од недела дена ќе даде голем плод за подобрување на здравиот живот кај младата популација. Оваа соработка со тимот на Кирил Лазаров ќе стане традиционална со што ќе допринесеме за идни здрави генерации во Македонија“.