Stafet e ardhshme mjekësore në praktikë në Spitalin Klinik “Zhan Mitrev”.

9 Mars, 2026

Spitali Klinik “Zhan Mitrev” dhe Shkolla e Mesme Mjekësore e Qytetit të Shkupit “Dr. Pançe Karagjozov” nënshkruan një memorandum bashkëpunimi me të cilin hapet mundësia që nxënësit e kësaj shkolle të realizojnë praktikën verore në një nga institucionet më bashkëkohore mjekësore në vend. Me nënshkrimin e memorandumit vendoset një partneritet që ka për qëllim t’u mundësojë nxënësve përvojë praktike në një mjedis real klinik, si plotësim i njohurive teorike të fituara gjatë procesit arsimor.

Në kuadër të këtij bashkëpunimi, nxënësit e shkollës mjekësore do të kenë mundësinë që gjatë periudhës së verës ta realizojnë praktikën e tyre verore në Spitalin Klinik “Zhan Mitrev”, ku do të njihen me procedurat bashkëkohore mjekësore, organizimin e punës spitalore dhe standardet më të reja në kujdesin shëndetësor. Përmes kësaj praktike, nxënësit do të kenë mundësi të ndjekin nga afër funksionimin e përditshëm të një institucioni mjekësor të nivelit të lartë, të punojnë nën mentorimin e stafit mjekësor me përvojë dhe të fitojnë njohuri të vlefshme praktike që do t’u ndihmojnë në arsimimin e mëtejshëm dhe zhvillimin profesional.

Nga të dy institucionet theksojnë se një bashkëpunim i tillë është i rëndësishëm për përmirësimin e cilësisë së arsimit mjekësor, pasi u mundëson të rinjve – punonjësve të ardhshëm shëndetësorë – që në kohë të njihen me sfidat dhe përgjegjësitë reale të profesionit mjekësor. Partneriteti ndërmjet Spitalit Klinik “Zhan Mitrev” dhe Shkollës së Mesme Mjekësore të Qytetit të Shkupit “Dr. Pançe Karagjozov” paraqet një hap të rëndësishëm drejt forcimit të lidhjes ndërmjet sistemit arsimor dhe sektorit shëndetësor, duke krijuar kushte më të mira për edukimin e gjeneratave të reja të kuadrit mjekësor.