Implantet dentare përfaqësojnë një zgjidhje moderne për zëvendësimin e dhëmbëve të humbur, duke shërbyer si zëvendësim i rrënjës natyrale të dhëmbit.

Ato vendosen tek pacientët me mungesë të pjesshme ose të plotë të dhëmbëve, ndërsa mbi implantet realizohen kurora, ura ose konstruksione të plota protetike.

• Zëvendësimi i një ose më shumë dhëmbëve
• Sistemet All-on-4 dhe All-on-6 për rehabilitim të plotë oral
• Guided implantology për planifikim digjital dhe vendosje precize të implanteve
• Materiale biokompatibile me stabilitet të lartë dhe qëndrueshmëri afatgjatë

Endodoncia merret me trajtimin e sëmundjeve dhe inflamacioneve të pulpës dentare dhe kanaleve të rrënjës, me qëllim ruajtjen e dhëmbit natyral.

Kur pulpa infektohet si pasojë e kariesit, traumës ose faktorëve të tjerë, trajtimi endodontik ndihmon në parandalimin e përhapjes së infeksionit dhe eliminon nevojën për heqjen e dhëmbit.

Procedura përfshin:

• Heqjen e pulpës së infektuar ose të inflamuar
• Pastrim dhe dezinfektim të detajuar të kanaleve të rrënjës
• Mbushje dhe mbyllje hermetike me materiale speciale

Teknologjia moderne mundëson trajtime më të shpejta, më precize dhe pa dhimbje.

Ortodoncia mundëson korrigjimin e dhëmbëve të pozicionuar në mënyrë të parregullt dhe të kafshimit, me qëllim përmirësimin e funksionit dhe estetikës.

Trajtimi është i rëndësishëm jo vetëm nga aspekti estetik, por edhe për përtypje të rregullt, të folur në mënyrë korrekte dhe mirëmbajtje të shëndetit oral.

Terapitë e disponueshme:

• Aparatet ortodontike fikse
• Braketa vetëlidhëse
• Alajnerë transparentë
• Aparate mobile për fëmijë

Stomatologjia pediatrike përfshin kujdesin për shëndetin oral që nga mosha më e hershme, me një qasje të përshtatur sipas nevojave të fëmijëve.

• Kontrolle dhe diagnostikim i hershëm
• Trajtimi i kariesit në dhëmbët e qumështit dhe të përhershëm
• Trajtime profilaktike (fluorizim, fisura)
• Ndjekja e rritjes dhe zhvillimit të nofullave
• Edukim për higjienë të rregullt dhe ushqyerje të shëndetshme

Qëllimi është krijimi i një eksperience pozitive dhe ndërtimi i zakoneve për shëndet oral afatgjatë.

Parandalimi është një pjesë kyçe e kujdesit stomatologjik.

Pastrimi profesional i rregullt mundëson:

• Heqjen e gurëzave dhe pllakës dentare
• Uljen e rrezikut nga kariesi dhe sëmundjet periodontale
• Zbulimin e hershëm të problemeve potenciale

Rekomandohet si praktikë e rregullt për mirëmbajtjen e shëndetit oral.

Kirurgjia orale përfshin një gamë të gjerë ndërhyrjesh që realizohen me precizitet dhe teknika moderne:

• Ekstraksione /heqje të dhëmbëve (përfshirë dhëmbët e impaktuar)
• Heqje kirurgjikale të lezioneve patologjike
• Kirurgji të indeve të buta dhe të kockës
• Përgatitje para-protetike
• Augmentim të kockës dhe indeve të buta
• Procedura sinus lift

Kirurgjia maksilofaciale është një disiplinë e avancuar kirurgjikale që përfshin trajtimin e sëmundjeve dhe deformimeve të fytyrës, nofullave dhe qafës.

Kjo fushë mundëson trajtimin e gjendjeve komplekse përmes ndërhyrjeve të planifikuara me precizitet dhe të mbështetura nga teknologjia moderne.

• Trajtimi i tumoreve beninje dhe malinje të kokës dhe qafës
• Kirurgjia e gjëndrave të pështymës
• Trajtimi i cistave dhe defekteve kockore
• Procedura rekonstruktive të fytyrës dhe nofullave
• Ndërhyrje kirurgjikale sinusale
• Implantologji e avancuar (implante zigomatike dhe pterigoide)

Proteza fikse mundëson zëvendësimin e përhershëm të dhëmbëve të humbur ose të dëmtuar me kurora dhe ura dentare.

• Modelim digjital dhe përgatitje laboratorike
• Përdorim i materialeve me estetikë të lartë
• Rikthim i funksionit dhe pamjes natyrale të dhëmbëve

Protezat janë zgjidhje protetike të lëvizshme për pacientët me mungesë të pjesshme ose të plotë të dhëmbëve.

• Proteza të pjesshme
• Proteza totale
• Proteza mbi implante

Ato mundësojnë funksionalitet, stabilitet dhe përmirësim të cilësisë së jetës.

Sëmundjet parodontale prekin strukturat mbështetëse të dhëmbëve dhe mund të çojnë në humbjen e tyre.

• Gjakderdhje dhe inflamacion i mishrave të dhëmbëve
• Lëvizshmëri e dhëmbëve
• Humbje e kockës

Trajtimi përfshin kontrollin e inflamacionit dhe mirëmbajtje afatgjatë të shëndetit oral.

Restaurimi dentar ka për qëllim rikthimin e dhëmbëve të dëmtuar dhe përmirësimin e funksionit dhe estetikës së tyre.

• Restaurime direkte (mbushje)
• Restaurime indirekte (kurora, faseta, inleje/onleje)
• Rezultate afatgjata dhe me pamje natyrale

Trajtim estetik profesional për ndriçimin e ngjyrës natyrale të dhëmbëve.

• Qasje individuale
• Rezultate të shpejta dhe të dukshme
• Metoda të sigurta me ndjeshmëri minimale

Metodat moderne radiologjike mundësojnë diagnostikim të saktë dhe planifikim të detajuar të trajtimeve:

• Imazhe panoramike
• Tomografi e kompjuterizuar 3D (CBCT)

Përdoren për:

• Zbulimin e kariesit dhe infeksioneve
• Analizën e kockës dhe anatomisë orale
• Planifikimin e implanteve dhe ndërhyrjeve kirurgjikale

Në Klinika Zhan Mitrev, për pacientët me frikë nga stomatologu ose për ndërhyrje komplekse, aplikohen metoda të avancuara të sedacionit dhe anestezisë:

• Sedacion me inhalacion (gaz “laughing gas”)
• Sedacion intravenoz
• Anestezi e përgjithshme

Këto metoda mundësojnë trajtim plotësisht pa dhimbje, të kontrolluar dhe me nivel të lartë komoditeti për pacientin.