Забните импланти претставуваат современо решение за надоместување на изгубени заби, при што служат како замена за природниот корен на забот.

Се поставуваат кај пациенти со парцијална или целосна беззабост, а врз нив се изработуваат коронки, мостови или целосни протетски конструкции.

• Замена на еден или повеќе заби
• All-on-4 и All-on-6 системи за целосна рехабилитација
• Guided implantology за дигитално планирање и прецизно поставување
• Биокомпатибилни материјали со висока стабилност и долготрајност

Ендодонцијата се занимава со третман на заболувања и воспаленија на пулпата и коренските канали, со цел зачувување на природниот заб.

Кога пулпата е инфицирана поради кариес, траума или други причини, ендодонтскиот третман спречува ширење на инфекцијата и елиминира потреба од вадење на забот.

Процедурата вклучува:

• Отстранување на инфицирана или воспалена пулпа
• Детално чистење и дезинфекција на каналите
• Полнење и херметичко затворање со специјални материјали

Современата технологија овозможува побрзи, попрецизни и безболни резултати.

Ортодонцијата овозможува корекција на неправилно поставени заби и загриз, со цел подобрување на функцијата и естетиката.

Третманот е важен не само од естетски аспект, туку и за правилно џвакање, говор и одржување на оралното здравје.

Достапни терапии:

• Фиксни ортодонтски апарати
• Самолигирачки брекети
• Транспарентни алајнери
• Мобилни апарати кај деца

Детската стоматологија опфаќа грижа за оралното здравје од најрана возраст, со пристап прилагоден на потребите на децата.

• Прегледи и рана дијагностика
• Третман на кариес на млечни и трајни заби
• Профилактички третмани (флуоризација, фисури)
• Следење на раст и развој на вилици
• Едукација за правилна хигиена и исхрана

Целта е создавање позитивно искуство и навики за долгорочно здравје.

Превенцијата е клучен дел од стоматолошката грижа.

Редовното професионално чистење овозможува:

• Отстранување на забен камен и наслаги
• Намалување на ризик од кариес и пародонтопатија
• Рано откривање на потенцијални проблеми

Се препорачува како редовна практика за одржување на оралното здравје.

Оралната хирургија опфаќа широк спектар на интервенции кои се изведуваат со прецизност и современи техники:

• Екстракции на заби (вклучително импактирани)
• Хируршко отстранување на патолошки лезии
• Мекоткивна и коскена хирургија
• Пред-протетска подготовка
• Аугментација на коска и меко ткиво
• Синус лифт процедури

Максилофацијалната хирургија претставува напредна хируршка дисциплина која ги опфаќа заболувањата и деформитетите на лицето, вилиците и вратот.

Оваа област овозможува третман на комплексни состојби преку прецизно планирани и технолошки поддржани интервенции.

• Третман на бенигни и малигни тумори на глава и врат
• Хирургија на плунковни жлезди
• Третман на цисти и коскени дефекти
• Реконструктивни процедури на лице и вилици
• Синусни хируршки интервенции
• Напредна имплантологија (зигоматични, птеригоидни импланти)

Фиксната протетика овозможува трајно надоместување на изгубени или оштетени заби со коронки и мостови.

• Дигитално моделирање и лабораториска изработка
• Високо естетски материјали
• Враќање на функцијата и природниот изглед

Отстранливи протетски решенија за пациенти со делумна или целосна беззабост.

• Делумни протези
• Тотални протези
• Протези на импланти

Овозможуваат функционалност, стабилност и подобрен квалитет на живот.

Пародонталните заболувања ги зафаќаат потпорните структури на забите и можат да доведат до нивно губење.

• Крварење и воспаление на непца
• Расклатување на заби
• Губење на коска

Третманот вклучува контрола на воспалението и долгорочно одржување.

Денталната реставрација има за цел обновување на оштетени заби и подобрување на нивната функција и естетика.

• Директни реставрации (пломби)
• Индиректни (коронки, фасети, инлеи/онлеи)
• Долготрајни и природни резултати

Професионален естетски третман за осветлување на природната боја на забите.

• Индивидуален пристап
• Брзи и видливи резултати
• Безбедни методи со минимална чувствителност

Современите радиолошки методи овозможуваат прецизна дијагностика и планирање:

• Панорамска снимка
• 3D компјутерска томографија (CBCT)

Се користат за:

• Детекција на кариес и инфекции
• Анализа на коска и анатомија
• Планирање на импланти и хируршки интервенции

За пациенти со страв или комплексни интервенции се применуваат:

• Инхалациона седација (laughing gas)
• Интравенска седација
• Општа анестезија

Овозможуваат целосно безболен, контролиран и комфорен третман.