Радиологија

РАДИОЛОГИЈА

Современи дијагностички технологии за прикажување на внатрешните структури на телото, со цел поставување точна дијагноза, следење на болести и планирање на третман.

Преглед на одделот

Радиологијата е медицинска гранка која користи современи дијагностички технологии за прикажување на внатрешните структури на телото, со цел поставување точна дијагноза, следење на болести и планирање на третман.

Во радиолошкиот оддел се применуваат различни методи како рендген, компјутерска томографија (КТ), магнетна резонанца (МР), ултразвук и интервентни процедури, кои овозможуваат брз, прецизен и сеопфатен увид во здравствената состојба на пациентот.

Сите испитувања се изведуваат според стандардизирани протоколи, со висок степен на безбедност и индивидуален пристап кон секој пациент.

Болести и состојби

Радиолошките методи се користат за дијагностика и следење на:

  • Тумори и онколошки заболувања
  • Повреди и трауми (фрактури, крварења)
  • Заболувања на мозок и нервен систем
  • Болести на бели дробови и срце
  • Абдоминални и урогенитални заболувања
  • Мускулоскелетни состојби (зглобови, рбет, мускули)
  • Васкуларни заболувања
  • Инфекции и воспалителни процеси

Дијагностички методи

Во одделот се изведуваат следните радиолошки испитувања:

Рендгенографија

Основна и широко достапна метода која користи рендгенски зраци за прикажување на коските, белите дробови и одредени органи.

Се користи за:

  • откривање на фрактури и дегенеративни промени
  • проценка на белите дробови (инфекции, изливи)
  • дијагностика на ‘рбет и зглобови
  • следење на хронични состојби

Прегледот е брз, трае неколку секунди и е безболен.

Компјутерска томографија (КТ)

Современа метода која користи рендгенски зраци и компјутерска обработка за создавање детални слоевити слики од телото.

Овозможува:

  • прецизна дијагноза на тумори, инфекции и воспаленија
  • детекција на повреди и крварења
  • анализа на органи (мозок, бели дробови, срце, абдомен, карлица)
  • следење на ефектот од терапија

Прегледот трае неколку минути и може да вклучи контраст за подобра визуелизација.

КТ користи контролирана доза на зрачење и се изведува само кога е медицински оправдан.

Магнетна резонанца (МР)

Напредна дијагностичка метода која користи магнетно поле и радио бранови, без јонизирачко зрачење.

Овозможува високопрецизна анализа на:

  • мозок и нервен систем (тумори, мозочен удар, крварења)
  • ‘рбетен столб (дискус хернии, стенози)
  • зглобови и меки ткива
  • абдоминални и карлични органи
  • васкуларни структури (МР ангиографија)

Напредни техники:

  • DWI (дифузија) – рана детекција на мозочен удар
  • Перфузија – проценка на ткиво во ризик
  • Спектроскопија – анализа на ткивен состав
  • Fiber tracking – визуелизација на нервни патишта

МР дава информации кои не се видливи со други методи.

Ултразвучна дијагностика

Метода која користи звучни бранови за визуелизација на органите во реално време.

Се користи за:

  • абдоминални органи
  • тироидна жлезда
  • урогенитален систем
  • меки ткива
  • дојка

Безбедна метода, без зрачење, погодна и за бремени пациенти.

Дијагностика на дојка

  • Ултразвук на дојка – детекција на цисти и промени
  • Дигитална мамографија (2D) – откривање микрокалцификати
  • 3D мамографија (томосинтеза) – појасна анализа и рана детекција на карцином
  • МР на дојка – детална проценка на тумори и распространетост
  • Биопсија под ултразвук (тенкоиглена и кор биопсија) – земање примерок за анализа

Интервентна радиологија

Епидурална и спинална аналгезија за безболно породување, како и анестезија при царски рез. Се овозможува континуирана поддршка и следење на мајката и бебето во текот на породувањето.

Остеодензитометрија (DEXA скен)

Златен стандард за мерење на коскена густина и проценка на ризик од фрактури.

Технологија и опрема

Одделот располага со современа дијагностичка опрема:

  • Дигитални рендген апарати
  • Мултислајс КТ системи
  • Магнетна резонанца со напредни секвенци кои го скратуваат времетраењето на прегледот
  • Ултразвучни апарати со висока резолуција
  • Ангиографска опрема за интервентни процедури

Овие технологии овозможуваат:

  • Висока прецизност
  • Рана детекција на заболувања
  • Минимално инвазивни пристапи
  • Подобра безбедност за пациентите

Специјалисти

Сите доктори

Патот на пациентот

  • Закажување
    Избор на термин.
  • Подготовка
    Упатства во зависност од методата.
  • Снимање
    Изведување на радиолошки преглед.
  • Анализа
    Интерпретација од радиолог.
  • Резултати
    Електронска дистрибуција на резултатите преку е-пошта и споделување линк до самиот преглед со пациентот или со матичниот лекар кој го упатил пациентот.

Подготовка и што да очекувате

  • За одредени прегледи може да биде потребно гладување
  • Да се отстранат метални предмети пред снимање
  • Да се информира персоналот за терапија или заболувања
  • При КТ и МР понекогаш се користи контрастно средство
  • За време на снимање потребно е мирување

Безбедност

  • КТ користи контролирана доза на зрачење и се применува само кога е неопходно
  • МР не користи зрачење и е безбедна метода
  • Контрастните средства се користат под медицински надзор
  • Секој преглед се изведува со максимална грижа за безбедноста на пациентот
Мими може да ви помогне во закажувањето на Вашиот термин