Основна проценка на видната острина, диоптријата, очниот притисок и состојбата на предниот сегмент на окото. Прегледот овозможува рано откривање на суво око, воспаленија, алергии, иритации, промени на рожницата и други чести очни состојби.

Детална анализа на предниот и задниот сегмент на окото, со преглед на очното дно и очниот нерв. Се препорачува кај пациенти со промени во видот, хронични заболувања на окото или сомнеж за ретинални и невролошки промени.

Проценка на развојот на видот, координацијата на очните движења, положбата на очите, акомодацијата, бинокуларниот, стерео и колорниот вид. Прегледот е особено важен за рано откривање на страбизам, скриена диоптрија и нарушувања во видниот развој.

Специјализиран преглед за анализа на ретината, макулата и очниот нерв, со примена на OCT. Се користи кај пациенти со дијабетес, макуларна дегенерација, дијабетична ретинопатија, макуларен едем и други заболувања на задниот сегмент на окото.

Сеопфатна проценка кај пациенти со комплексни симптоми или недијагностицирани промени, која вклучува рефракција, очен притисок, преглед на преден и заден сегмент, OCT и B-scan ултразвук.

Предоперативна проценка кај пациенти со катаракта, која вклучува мерење на видот, очниот притисок, преглед на ретината, биометрија, IOL master, OCT и топографија на корнеа, со цел избор на најсоодветна интраокуларна леќа.

Детална проценка на очниот притисок, аголот на предната комора, очниот нерв и видното поле. Вклучува тонометрија, пахиметрија, гониоскопија, OCT и тестирање на видно поле.

Проценка на очните капаци, периокуларната регија и солзните патишта кај пациенти со ектропиум, ентропиум, спуштени капаци или други промени.

Точно одредување на диоптријата и издавање препорака за очила или контактни леќи.

Детална визуелизација на очното дно, ретината и очниот нерв со специјална лупа, особено кај пациенти со ретинални заболувања.

Дијагностичка и терапевтска процедура кај пациенти со блокирани солзни патишта, прекумерно солзење, црвенило и секрет од окото.