Центар за мајка и бебе

ЦЕНТАР ЗА МАЈКА И БЕБЕ

Целосна грижа и посветеност за трудницата во текот на целата бременост, максимална безбедност и грижа во тек на породувањето, како и во постпородилниот период.

Преглед на одделот

Центарот за мајка и бебе обезбедува целосна грижа и посветеност за трудницата во текот на целата бременост, максимална безбедност и грижа во тек на породувањето, како и во постпородилниот период.

Нашиот пристап кон трудницата се базира на доверба, експертиза и внимателна комуникација со секоја бремена жена. Без разлика дали породувањето ќе биде по природен пат или оперативно со царски рез, сè се одвива со јасен план и континуирана поддршка. Центарот е дизајниран и организиран да обезбеди пријатно чувство и максимална безбедност на трудницата и родилката во секое време.

Во рамки на центарот се обезбедува и специјализирана неонатална грижа за новороденчињата, со rooming-in престој заедно со мајката и можност за постојано присуство и едукација на родителите. Кај новороденчиња кои имаат потреба од повисок степен на надзор, достапна е интензивна неонатална нега и специјализиран медицински транспорт.

Болести и состојби

Во одделот се следат и третираат:

  • Физиолошка (нормална) бременост
  • Патолошка бременост
  • Ризична и високоризична бременост
  • Предвремено породување
  • Мултипла бременост
  • Фетални малформации и хромозомски абнормалности
  • Неонатална жолтица
  • Прематуритет и екстремно предвремено родени бебиња
  • Белодробни, метаболни и инфективни состојби кај новороденчиња
  • Перинатална асфиксија и други компликации при породување

Дијагностика и третмани

Во Центарот за мајка и бебе се применуваат современи дијагностички методи и третмани кои овозможуваат безбедно следење на бременоста, навремено препознавање на ризици и соодветна грижа за мајката и новороденчето.

Акушерски и ултразвучен преглед на трудница

Редовна проценка на состојбата на мајката и плодот, со следење на растот, развојот и текот на бременоста.

4D ултразвук и колор-доплер

Детална визуелизација на плодот и проценка на крвотокот во папочната врвца, плацентата и феталните крвни садови.

Кардиотокографија (CTG)

Следење на срцевата работа на плодот и маточните контракции, особено во подоцнежна бременост и пред породување.

Скрининг во прв и втор триместар (PRISCA 1/2)

Биохемиски и ултразвучен скрининг за проценка на ризик од хромозомски абнормалности и одредени вродени состојби.

НИПТ и генетски испитувања

Неинвазивни и инвазивни методи за рана проценка на хромозомски абнормалности и генетски нарушувања кај плодот.

Амниоцентеза и хорион биопсија

Инвазивни дијагностички процедури кои се применуваат кога постои медицинска индикација за подетална генетска анализа.

Ехо скрининг за фетални малформации

Детален морфолошки преглед на плодот за рано откривање на структурни аномалии и развојни неправилности.

Лабораториски и микробиолошки анализи

Рутински и специфични испитувања за следење на здравствената состојба на трудницата и навремено откривање на инфекции, анемија, метаболни или други нарушувања.

Во рамки на акушерскиот третман се обезбедуваат:

Спонтано породување

Водење на вагинално породување со континуирано следење на мајката и плодот и поддршка во секоја фаза од породувањето.

Породување со царски рез

Оперативно завршување на бременоста кога постои медицинска индикација или кога тоа е најбезбедна опција за мајката и бебето.

Безболно породување со епидурална или спинална анестезија

Современ анестезиолошки пристап кој овозможува поголем комфор и контрола на болката за време на породувањето.

Водење на патолошка бременост

Следење и третман на ризични бремености со индивидуализиран план и почести контроли.

Серклаж и други акушерски интервенции

Процедури кои се применуваат при одредени состојби за продолжување на бременоста и намалување на ризикот од компликации.

Кај новороденчињата се обезбедуваат:

Континуирано следење на витални параметри

Mониторирање на телесна температура, срцева фреквенција, кислородна сатурација, дишење и општа состојба на новороденчето.

Лабораториски, радиолошки и ултразвучни испитувања

Дијагностички процедури за проценка на состојбата на новороденчето, особено кај ризични или предвремено родени бебиња.

Скрининг на слух и метаболопатии

Рана детекција на вродени нарушувања со цел навремено следење и третман.

Респираторна поддршка и неонатална интензивна нега

Третман на новороденчиња со потешкотии во адаптацијата, дишењето или други сериозни состојби.

Поддршка за доење и нега на новороденче

Практична и едукативна поддршка за мајката во воспоставување на доење и секојдневна грижа за бебето.

Технологија и опрема

Центарот за мајка и бебе располага со современа технологија и специјализирана опрема која овозможува безбедно следење на бременоста, сигурно породување и интензивна грижа за новороденчињата.

  • Модерна родилна сала со конфигурабилен родилен стол
    овозможува приспособување на положбата на трудницата и поголем комфор за време на породувањето, како и подобри услови за работа на медицинскиот тим.
  • Современа операциона сала
    целосно опремена за изведување на царски рез и други акушерски интервенции, со можност за брза реакција во итни состојби.
  • 4D ултразвучен апарат
    овозможува детална визуелизација на плодот, следење на неговиот развој и рано откривање на евентуални аномалии.
  • Колор-доплер систем
    се користи за проценка на крвотокот помеѓу мајката, плацентата и плодот, особено кај ризични бремености.
  • Кардиотокограф (CTG)
    апарат за континуирано следење на срцевата работа на плодот и маточните контракции, пред и за време на породувањето.
  • Хибридни болнички соби за мајка и бебе
    овозможуваат rooming-in престој, односно мајката и бебето да бидат заедно од првиот ден, во пријатна и безбедна средина.
  • Panda ресусцитатори и T-реаниматори
    специјализирана опрема за итна стабилизација и реанимација на новороденчиња веднаш по раѓањето.
  • Инкубатори и транспортен инкубатор
    обезбедуваат контролирана температура, влажност и услови за нега кај предвремено родени и ризични новороденчиња, како и безбеден транспорт кога е потребно.
  • Неонатални вентилатори за инвазивна и неинвазивна вентилација
    се користат кај новороденчиња со респираторни потешкотии и овозможуваат прецизна поддршка на дишењето.
  • Монитори за континуирано следење
    овозможуваат постојано следење на пулс, сатурација, крвен притисок, дишење и температура кај мајката и новороденчето.
  • Фотоламби и билиќебе
    се користат за третман на неонатална жолтица преку безбедна и контролирана фототерапија.
  • Апарат за скрининг на слух
    овозможува рано откривање на евентуални нарушувања на слухот уште во првите денови по раѓањето.
  • ЕХО апарат за новороденчиња
    се користи за проценка на срце, мозок и внатрешни органи кај новороденчиња со потреба од дополнителна дијагностика.
  • Сетови за централни умбиликални катетри
    овозможуваат сигурен венски пристап и примена на терапија кај критично болни или екстремно предвремено родени бебиња.

Специјалисти

Сите доктори

Патот на трудницата

  • Првичен преглед
    Aнамнеза, акушерски и ултразвучен преглед, проценка на бременоста и создавање индивидуален план за породување, со запознавање со тимот и родилната сала.
  • Следење на бременоста
    Редовни гинеколошки и ултразвучни контроли, кардиотокографија и дополнителни испитувања според потребите на бременоста.
  • Породување
    Спонтано или со царски рез, со можност за безболно породување и постојано присуство на акушерски, анестезиолошки и неонатолошки тим.
  • Постпородилна грижа
    Следење на мајката и новороденчето, поддршка за доење, едукација за нега и rooming-in престој.
  • Постнатални контроли
    Гинеколошки и педијатриски прегледи и следење на закрепнувањето и развојот на бебето.
Мими може да ви помогне во закажувањето на Вашиот термин