Интервентна радиологија

Интервентната радиологија претставува современа гранка на медицината која овозможува дијагностика и третман на различни заболувања со минимално инвазивни процедури, под контрола на КТ или ангиографија.

Со користење на прецизна радиолошка навигација, интервенциите се изведуваат без класична хирургија, со пократко време на опоравување, помал ризик и побрзо враќање на пациентот во секојдневните активности.

Во одделот се третираат:

Васкуларни заболувања

стеснувања, аневризми и васкуларни малформации
Онколошки состојби

тумори и метастази
Инфекции и апсцеси

потреба од дренажа
‘Рбетни заболувања

дискус хернија и болкови синдроми
Гастроинтестинални заболувања

полипи и туморски формации
Состојби со потреба од биопсија

дијагностичка потврда

Интервенциите се изведуваат под контрола на напредни радиолошки методи, кои овозможуваат прецизно насочување и безбедно изведување на процедурите.

Во одделот се применуваат минимално инвазивни техники со дијагностичка и терапевтска цел:

Неваскуларни интервентни процедури

Биопсија под контрола на КТ

Прецизно позиционирање на игла за земање ткиво од сомнителни лезии, со минимален ризик и висока дијагностичка точност.

Дренажа под контрола на КТ

Евакуација на апсцеси и патолошки колекции со поставување дрен, со истовремено добивање материјал за анализа.

Перирадикуларна терапија

Апликација на кортикостероид и анестетик во близина на нервен корен за намалување на болка и воспаление.

Интрадискална апликација

Апликација на терапија директно во интервертебрален диск кај дискус хернија, со цел намалување на притисок и симптоми.

Виртуелна колоноскопија

Напредна 3Д реконструкција на дебело црево со висока резолуција за рана детекција на полипи и тумори.

Васкуларни интервентни процедури

TACE

Трансартериелна хемоемболизација
Селективна емболизација на туморска васкуларизација со апликација на терапевтски агенси директно во лезијата.

Стентирање на периферни артерии

Поставување стент за проширување на стеснети артерии и подобрување на проток.

EVAR

Ендоваскуларна репарација на абдоминална аорта со имплантација на стент-графт.

TEVAR

Минимално инвазивен третман на аортни заболувања во торакален сегмент.

Балон дилатација на вени

Проширување на венски стеснувања со подобрување на венски проток.

Флебографија

Динамичка визуелизација на венски систем со контрастно средство.

Фистулографија

Прецизно прикажување на фистулозни канали и нивна комуникација со околни структури.

Одделот располага со напредна радиолошка и ангиографска опрема која овозможува висока прецизност, безбедност и минимална инвазивност на процедурите:

Компјутеризирана томографија (КТ)

високо резолуциска визуализација со можност за прецизно водење на интервенции во реално време.
Ангиографска сала

специјализирана средина за васкуларни процедури со флуороскопска контрола.
Флуороскопија

континуирана визуализација на крвни садови и катетри за време на интервенција.
Контрастни системи

подобрена визуелизација на васкуларни структури и органи.
Катетеризациски системи

микрокатетри, водичи и стентови за прецизна ендоваскуларна навигација.
Системи за 3Д реконструкција

напредна обработка на слики за подобро планирање и изведба на процедури.