Неинвазивна метода за детална проценка на бубрезите, мочниот меур, простатата и тестисите. Овозможува откривање на камења, цисти, тумори, зголемена простата, задршка на урина и други структурни промени.

Земање примерок од простатата под ултразвучна контрола, што овозможува прецизна дијагноза кај сомнеж за карцином на простата.

Функционален тест за мерење на протокот и брзината на уринирање, кој помага во проценка на опструкции, слабост на мочниот меур или зголемена простата.

Ендоскопски преглед на мочниот меур и уретрата, кој овозможува директна визуелизација на слузницата, откривање на тумори, камења, воспаленија, стеснувања и други промени.

Крв и урина за проценка на функцијата на бубрезите, присуство на инфекции, воспалителни параметри и тумор маркери како ПСА (простата-специфичен антиген).

Детална проценка на уринарниот тракт, откривање на тумори, камења, опструкции и метастази, особено кај сложени или напреднати состојби.

По потреба, за целосна проценка и планирање на хируршки или конзервативен третман.

• Нефректомија – делумно или целосно отстранување на бубрег, најчесто кај тумори или нефункционален орган.
• Адреналектомија – отстранување на надбубрежна жлезда кај тумори или хормонално активни состојби.
• Радикална простатектомија – целосно отстранување на простатата кај карцином, со цел онколошка контрола на болеста.
• Трансвезикална простатектомија – отворена хируршка процедура кај значително зголемена простата која предизвикува опструкција.
• Орхифуникулектомија – отстранување на тестис и семеновод кај тумори на тестис.

• Уретероцистонеостомија – реконструкција на спојот помеѓу уретер и мочен меур кај оштетувања или стеснувања.
• Хируршки третман на хипоспадија и еписпадија – реконструкција на уретрата кај вродени аномалии.
• Корекција на закривување на пенис – хируршки третман на деформации со цел подобрување на функцијата.
• Поставување тестикуларни протези – реконструктивна процедура по отстранување на тестис.

• Хируршки третман на стрес инконтиненција – оперативно решавање на неконтролирано испуштање на урина.
• Реконструкција на преден ѕид на вагина – корекција на пролапс и подобрување на поддршката на мочниот меур.
• Поставување на вештачки сфинктер – контрола на уринирањето кај пациенти со тешка инконтиненција.
• Ретропубична суспензија и поддржувачи на уретра – стабилизација на уретрата и подобрување на функцијата.
• Инјектирање на колаген – минимално инвазивен третман за подобрување на затворањето на уретрата.

• Ендоскопска операција на мочен меур (TUR) – отстранување на тумори без класичен рез.
• Ендоскопска операција на простата (TURP/HoLEP) – отстранување на зголемено простатично ткиво со минимално инвазивен пристап.
• Ласерска литотрипсија – разбивање на камења во бубрези, уретери и мочен меур со помош на ласер.
• Поставување и вадење на уретерални и двојни Ј сонди – овозможување нормален проток на урина кај опструкции.
• Бужирање на уретра – проширување на стеснет уретрален канал.
• Инстилација на лекови во мочен меур – локална терапија кај тумори или хронични воспаленија.

• Микрохируршка биопсија на тестис (micro-TESE) – добивање сперматозоиди кај пациенти со неплодност.
• Постоперативна и адјувантна терапија – следење, дополнителен третман и контрола на исходот од интервенцијата.