Рак на тестиси: Раната дијагноза носи огромни шанси за целосно излекување

ноември 7, 2025

Статистиката вели дека ракот на тестисите е најчеста форма на рак кај мажи во возрасната категорија од 15 до 45 години. Но, исто така статистички тој е од оние карциноми кои имаат висока стапка на излекување доколку се открие рано.

Тестисите се двете жлезди под пенисот, кои се одговорни за производство на сперматозоиди и тестостерон. Ракот се јавува кога малигни клетки почнуваат да растат неконтролирано во едниот (понекогаш двата) тестиси.

Симптоми на кои треба да се посвети внимание:

• -грутка без болки во тестисот,
• -чуство на тежина во скротумот,
• -оток,
• -тапа болка во препоните или долниот дел на стомакот,
• -чуство на непријатност,
• -промени во големината на тестисот.

Ризик фактори

Постојат неколку ризик фактори поради кои е потребно да не занемарувате било каков симптом и да посетите лекар.

Тоа се: неспуштен тестис (крипторхизам), семејна историја на постоење на болеста, генетски нарушувања и бела раса. Ракот на тестис може да се јави во било која возраст, но најчест е кај тинејџери и луѓе до 45 годишна возраст и предоминантен кај луѓе од белата раса.

Сепак да напоменеме, не секоја грутка или невообичаени сензации се рак. Едноставно, секоја нова промена треба да се провери од лекар кој потоа ќе постави соодветна дијагноза и ќе даде препораки за следни чекори.

Она за што треба да бидеме свесни е дека иако не постојат превентивни мерки кои спречуваат појава на овој вид рак, шансите за целосно излекување се многу високи и стапката за преживувањето е над 95 %.

Не чекајте знак, закажете преглед на 02/3091-484