Клиника Жан Митрев со учество на 65-иот меѓународен медицински конгрес по невронаука ,,Mind and Brain”

јуни 11, 2026

Воведно предавање на проф. д-р Владимир Рендевски, спец. неврохирург од Клиничката болница Жан Митрев, на 65-тиот меѓународен медицински конгрес по невронаука ,,Mind and Brain”, што оваа година се одржа од 21-24 мај во Пула, Хрватска.

Предавањето беше од областа на невроонкологијата, каде проф. Рендевски прикажа резултати од оперативниот третман на тумори на базата на черепот (во предел на сфеноидалниот гребен), со пред- и постоперативна евалуација на оперираните пациенти, со приказ и на обработени видео-материјали од интраоперативна микроскопија, користена при третман на овие комплексни случаи.

За нашата клиничка болница Жан Митрев е важно да споменеме дека на овој престижен конгрес е прикажан оперативниот тек и постооперативните резултати од пациентка што успешно беше оперирана пред околу 3 месеци со комплексен тумор на базата на черепот од страна на проф. Рендевски и д-р Михаил Таушанов, специјалисти во полето на неврохирургија.